Рет қаралды 3,822
حسينية الحوزة العلمية الزينبية في سوريا
فضلاً وليس أمراً دعم القناة بالأشتراك بها والايك
✨الحاج باسم الكربلائي
قصيدة : قبرك جمعنا
ليلة 19 صفر 1418
للشاعر : جابر الكاظمي
استشهاد ابي الفضل العباس (ع)
حسينية الحوزة العلمية الزينبية في سوريا
گبرك جمعنه .. وللطف رجعنه
نمشي اعله جمرة نار
يا خويه صحنه .. زوارك احنه
يالتكرم الزوار
لو عندك چفوفك
تستقبل ضيوفك
🍂🍂🍂🍂🍂
رجعنه والنهر ياخويه من شفناه
كل ماجرة اعليك ابكربله اذكرناه
وذكرنه اليمين الطاح من لواه
وسهم العين يا ابا الفضل ماننساه
والتنگطع منه يسرته ويمناه
بيا مسند يگوم لضيفه يتلگاه
ياخويه بامرك .. واجب نعذرك
يافاچد الجفين
طحت اعلة گبرك .. انحب واخبرك
يلي ارخصتلي العين
خلي اختك اتشوفك
تستقبل ضيوفك
🍂🍂🍂🍂🍂
مو گصدي اهيج بالعتب نارك
واجددلك گطع يمناك ويسارك
احنه وباليسر وصلنته اخبارك
دفنونك وطفت بالگبر انوارك
لاچن جينه هذا اليوم خطارك
وچنه عيلتك واصبحنه زوارك
ياخويه وينك .. نتمنى عينك
ترجع الك وتشوف
بلوعة جمرنه .. للطف حضرنه
نزور الگبر ونطوف
كعبة ومن نطوفك
تستقبل ضيوفك
🍂🍂🍂🍂🍂
چنت اسمع گبل تحچي وتگول الناس
لفراگ الاخو يشيب الگلب والراس
ولمن جربتها عرفت ياعباس
حزن فگد الاخو بكل حزن ماينقاس
يمن عايش بدمي وروحي والانفاس
بس مارحت راح الخدر والنوماس
نشدوني عنه ... ماچنت اظنه
فگد الأخو چتال
لمن عرفته .. وبعيني شفتخ
توضح الي هالحال
ونكتبت حروفك
تستقبل ضيوفك
🍂🍂🍂🍂🍂
بعيني شفت دمك عالنهر يجري
جرت وي دمعاتي بحجر صبري
مو بس انا حسيت بألم جمري
ومو بس انا وياك انفگد عمري
ومو بس انا حسيت بهضم كسري
حتة حسين ناداك انكسر ظهري
للشدة ردتك .. لاچن فگدتك
وكت الشدد ياحيف
لتظن نسيتك ... واليوم اجيتك
واحسبني عندك ضيف
ياروح التعوفك
تستقبل ضيوفك
🍂🍂🍂🍂🍂
كل ميت يحس ويشعر بگبره
منهو الي يزورة ومنهو اليحضره
اجت رملة اويه ليلى تسچب العبره
وسكنة اوي الرباب لگبرك تنظره
وانا ياگمر عدنان منتظره
تجي لگبرك ويانة تحضر الزهره
والزهرة أمي ... أتمنه يمي
تشاركني بالعبرات
وللطف تجيني ... وتسمع ونيني
بالوعة والآهات
متهمك احتوفك
تستقبل ضيوفك
🍂🍂🍂🍂🍂
يامن چنت اغلى واعز من عيناي
اخبرك ياضمد گلبي ذخر دنياي
هالأطفال يم گبرك اجت وياي
تگلك گوم ياعمنه شربنه الماي
وانا الي هضمني وسلب مني الراي
لطفالك اخذت الماي من اعداي
ناس الأجنته .. بالطف ولتنه
سفكو لهلنه دموم
منهم أخذنه .. الماي وشربنه
ونشعر شربنه هموم
شماتصعب ظروفك
تستقبل ضيوفك
🍂🍂🍂🍂🍂
اردود اتفرگت عالنحر اطفالك
ومنهو الي يردنه ويجمع عيالك
انچان النوم ياعباس يهنالك
انا الي ارد العايله بدالك
ولو اهل المدينة انشدو عن حالك
شجاوب يالغفيت بحجر اجالك
يظهر جوابي .. بلوعة مصابي
لوناشدوني الناس
بشهگة مصايب .. الهم اجاوب
راح الگمر عباس
منذر وبكسوفك
تستقبل اضيوفك
🍂🍂🍂🍂🍂
#اللهم_عجل_لوليك_الفرج
◇◈◇⇩..تابعونا..⇩◇◈◇
مازن فاضل الكاظمي