الإخوة كارامازوف - رواية، قصة مصورة، فيلم

[@alsheikhro6564]

متابعة جديدة لك. أستمتعت جداً بمراجعتك للرواية. أسلوبك جميل, سردك رائع, تقييمك منصف للرواية. شكراُ لك يا جميلة.💗

[@RoknYousra]

ده انتي اللي جميلة و نورتيني و يارب تفضل الفيديوهات عجباكي على طول 🤍🥰✨

[@labeba]

الرواية رائعة وفعلا شخصية ايفان شدتني خالص واكثر شخصية وجعت قلبي كان يستحق شي أفضل.. كان عندي شعور انه الطفل الأخير اللي التقاه الاخ الأصغر هو اللي سرد الرواية.

[@RoknYousra]

انا حبيتهم كلهم بس فعلا ايفان اكتر شخص حسيت اني فهماه و متفقة معاكي جد... تصدقي مجاش في بالي الفكرة دي! عندك حق خاصتا ان الراوي بيحب اليوشا جدا و متأثر بيه زي الطفل! برافو عليكي يا لبيبة 😄🤍

[@EsraaTahaReads]

المراجعة الوحيدة للرواية دي اللي شجعتني أقرأها، شكرا يا يسرا 📚

[@RoknYousra]

فرحتيني يا اسراء و هي حقيقي عمل ممتع اتمنى فعلا يعجبك لما تقرري تقريه 🤍🥰

[@marushka2018jr]

عمل حواراته عميقة خاصة اللي بين الاخوة: حوار ايفان والكسي، وايفان وديمتري.

[@RoknYousra]

فعلا حوارتهم ممتعة جدا تحسي انها حوار عفوي حقيقي و متشوقة تعرفي كل واحد هيرد ازاي

[@زهورالربيع-ن9ح]

فيديو جميل

[@RoknYousra]

شكرا :)

[@muneerabujibnh8964]

احلا اشتراك مع انه اول فيديو بحضرو 😅 لهذه العيون الجميلة

[@RoknYousra]

يارب يعجبك بقى 😄🤍

[@maryamsalamah2931]

المشهد بين المفتش الكبير والمسيح اعجبني جدا جدا

[@RoknYousra]

فعلا و عشان كدة غالبا بيصنف اهم فصل في الرواية :)

[@lovegood_7]

جميلة جدًا مراجعتك 🤍🤍🤍

[@RoknYousra]

شكرا جدا 🤍🤍

[@Naz-fg4mi]

الرواية جدا حلوة و خاصة كلامهم عن الأيمان و قتل الاب خلاني ابكي لأنه قال لاليوشا اذهب و ابحث عنهم عن الحقيقة و إذا وجدتها فاخبرها عني لاذهب للعالم الآخر مرتاح و لكن للأسف لم يعرف الجواب ( ممكن تأثرت لان فكر الاب و خوفه كان قريب مني )

[@RoknYousra]

فعلا رواية دسمة بس في نفس الوقت ممتعة و انا الاب كان شخصية انانية جدا بالنسبة لي بس متفهمة الجزء ده

[@imsafa5595]

السنة الجاية هقرأه 🤌

[@RoknYousra]

و ان شاء الله يبقى من مفضلات السنة 🤍

[@albatoolideas5779]

كل سنه وانت طيبه يا يسرا . بحثت عنك كثيرا سعيده بعودتك كثيرا فيديو جمييييبييل كالعاده❤

[@RoknYousra]

وانتي طيبة و بخير دايما و اهلا بيكي تاني مبسوطة انك رجعتي 🥰🤍

[@Aisha.alqayedi]

استمري دائما انتظر جديدك ..مبدعه😊

[@RoknYousra]

شكرا يا عائشة 🥰🤍

[@rami-sep]

واو شكراً حبيت السرد ❤❤ نسيتي تقولي اسم المترجم

[@RoknYousra]

اسمه Ignat Avsey اعتقد النسخة العربية بفت موجودة بترجمات جديدة كمان فبردو حاول تقارن طريقة كذا مترجم عشان تشوف اكتر اسلوب شدك :) و شكرا 🤍

[@hi-qp8cl]

هل يوجد حرق لأحداث الرواية ام يمكنني متابعة الفديو بطمئنان؟

[@RoknYousra]

لا مفيش حرق هي عمتا رواية صعب تتحرق لأنها مش قايمة على الأحداث هي فكرتها في الحوارات والأفكار و المشاعر اللي بنشوفها على لسان الأبطال فحتى لو حكتلك الأحداث كلها هتستمتعي بيها لأن الأحداث مش كبيرة و لا كتيرة. انا بتكلم عن شخصيات الرواية و بعض الأفكار المهمة فيها من غير الدخول في تفاصيل الأحداث بس لو انتي بتفضلي تكوني متعرفيش اي حاجة خالص عن الرواية قبل ما تقريها فممكن تأجلي الفيديو أعتقد :)

[@asmaasayed569]

عقبالنا😂

[@RoknYousra]

يلا بشجعك 😎

[@تاجالملوك-ق1ط]

اسم مترجم من فضلك❤❤

[@RoknYousra]

اسمه ignat avsey بس تقريبا نزل ترجمات جديدة بالعربي ممكن تقارن احسن و تشوف المناسب ليك.. كل الناس بتشكر في سامي الدروبي طبعا بس انا كانت مشكلتي انه مترجم عن الفرنسية مش الروسية

[@kairo1993]

بعيدا عن اني خايفة اقرأها عشان حجمها هو دوستوفيسكي نفسه مبحبوش حاولت أقرأ الليالي البيضاء مرة ورقي و مرة صوتي و في المرتين نمت من كتر الملل(ده بجد) و طبعا الجريمة و العقاب نفس الموضوع بس ممكن اديله فرصة اخيرة مع الرواية دي

[@Malakisbored]

نفس الموضوع قرأتله المقامر والاخر ومحستش انه يستحق محاوله تانيه

[@kairo1993]

@Malakisbored ثاااانك جااااد انا مش لوحدي! 😭غالبا الاخوة كارامازوف هتكون محاولتي الاخيرة مش عشان ميكونش في حجة

[@RoknYousra]

بصي عمتا انا مش من الناس اللي مقتنعة ان في ليست من الكتب لازم الكل يقراها و يحبها، لولا اختلاف الاذواق لبارت السلع 😄 انا كمان الليالي البيضاء اولها شدني و بعدها فصلت منها معرفش ليه و الجريمة و العقاب كانت حلوة و خضتني عشان كنت بشوف نفسي شوية في طريقة تفكير البطل بس انا فاكرة انها كانت بطيئة اوي مقارنة بكرامازوف•• كارامازوف رغم حجمها كانت اكتر عمل سلس و سهل و ممتع ليه بالنسبة لي بس هي رواية شخصيات ١٠٠٪؜ فلو انتي بتفضلي الاحداث السريعة غالبا مش هتعجبك بس جربي بردو و لو محبتيهاش تبقى مش ليكي عادي متضغطيش على نفسك اهم حاجة في القراءة الاستمتاع 😌🤍

[@kairo1993]

@RoknYousra عندي مرض اسمه اني بخاف حاجة تفوتني عشان كدة مش بسيب الكاتب غير و انا قرأله كل حاجاته المشهورة... الله يشفيني بجد😭انيواي انا مش فعلا مش هقرأها لحد ما احس اني في مود الرغي مش الاحداث بالذات اني بحب خناقة الملحدين و المؤمنين دي عايزة اقرأها على رواقة🤌😭😭

[@RoknYousra]

@@kairo1993 متفهماكي جدا انا كمان ببقى مش عايزة حاجة تفوتني بس لازم نتقبل ان مش هنلحق نقرأ كل الكتب اللي في العالم فبنضطر نختار اللي يشدنا بقى فعلا سيبيها لحد مايجي الوقت المناسب ليها

[@احمدحسن-غ1خ2ز]

ممكن حضرتك تقري روايتي و تقولي رأيك ‏‪

[@RoknYousra]

اولا مبروك عالرواية و ثانيا ممكن حضرتك تسبلي اسمها :)

[@احمدحسن-غ1خ2ز]

@RoknYousra الله يبارك في حضرتك عشق وعذاب الصقر للكاتبه احلام حسن

[@ayareads6918]

في شويه تشابهات مع succession يا بسبوسه الconflicts بين الولاد و ابوهم و الfamily dynamics فكروني بيه بس طبعا succession dark comedy

[@RoknYousra]

هعمل فشار و شاي و اشوفه 😌