Рет қаралды 4,892
李琳琳親解息影33年復出拍戲因由 坦言無邀老公姜大衞幫手對戲
李琳琳接受好友薛家燕嘅訪問,老友聚舊當然係話題不絕啦,琳琳姐都有分享佢息影33年再出山拍戲嘅原因,佢話新作劇種好特別、角色可遇不可求,而且題材探討咗好多現實社會嘅問題,可以帶一啲訊息畀觀眾,所以吸引佢再次拍返戲。雖然呢次琳琳姐回歸幕前演出,但佢就話無特別引發咩戲癮,只係咁啱遇到自己喜歡嘅劇種同角色,所以一切都隨遇而安。
老公姜大衞啱啱奪得金像獎最佳男配角,不過琳琳姐就話無刻意揾老公一齊對戲,因為各自都習慣靜靜睇劇本,反而佢話兒子姜卓文,因為中文程度差少少,所以就有幫佢對下戲。
琳琳姐接受訪問當日,咁啱掛起紅雨,老公John哥都有做「柴可夫」車琳琳姐,真係廿四孝好老公呀,而嚟緊母親節將至,琳琳姐就話自己每日都好似過節一樣,所以無需要特別慶祝,不過佢相信仔女們都會有安排呀。
#李琳琳 #薛家燕 #息影 #出山拍戲 #原因 #姜大衞 #對戲 #母親節 #從今以後
#TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0