الطلاق بعد ٢٠ سنة جواز 😡فين اللي قالو للستات اقعدي في البيت علشان الست جوهرة 😏

ازمة الطلاق بعد سنين طويلة جواز كارثية لان الست في الغالب لا عندها شغل ولا شقة لانها مش حاضنة
الحل ايه ؟

[@MM-qg5xh]

كل يوم الانسان بيتعلم انه لازم يكون اناني ويحط نفسه رقم واحد و يبطل هبل و تضحية لناس مبتقدرش

[@malaksayed8570]

✅ كلامك

[@زهرةاللوتس-ص1ب]

كلام سليم خصوصا للأسف الأبناء لما بيكبروا بيكون عندهم جحود لامهم

[@sanaaadl3599]

اسباب رمي المراة في الشارع هو عدم و جود قوانين لحمايتها

[@MM-qg5xh]

المشكلة ان الراجل اللي بيتحكم في مراته و بيمنعها ان يبقى ليها كيان وعلاقات مع الناس هو اكتر نوع بيرمي مراته في الاخر بعد ما عملته ووفرتله وطلع عينها معاه

[@شوكةوسكينةهندسليمان]

عندك حق والله انا شوفت نماذج من دي كتير

[@Mubarakaahshakirah]

لأنّه الفعل الأول فعل خسيس و دنيء و يعمله كل قليل مرؤة

[@nesmaismail6362]

مش عيب انها تكون ست. بيت بس العيب يضيق عليها عيشتها و هو اصلا أيده فرطه بره البيت...تقعد توفر له و يروح يشتري دهب لواحدة غيرها...الرجولة اخلاق

[@Mahmoud-f6n]

وايه رايك ال ساب مراته بعد ٤٢ عام بدوم اى اسباب

[@irinydemian4865]

فعلا الشغل و الاستقلال المادي اهم حاجه و الراجل بيحترم الست القويه اللي بتشتغل و مستقله و عيالها بيحترموها

[@ghadamoustafa5108]

الراجل بيحترم و بيحب الست اللى بتشتغل عشان يلهف مرتبها منها أو يخليها تصرف كل مرتبها على البيت و هو يحوش من دخله و يشترى العربيه الأخر موديل و يشترى شقق و أرض و طبعا يكتب كل ده بأسمه للأسف الشديد الرجاله الأيام دى بقوا رمم و أنطاع و عواطليه و بلطجيه و بيقبلوا على نفسهم أن الستات يصرفوا عليهم و بيقبلوا حاجات أقذر من كده كمان

[@irinydemian4865]

@@ghadamoustafa5108 الست الناصحه مرتبها ليها و لعيالها لم تحب تروشهم خروج فسح لبس مش تصرف علي راجل هو ملزوم ببيته علي قد فلوسه اكل شرب لكن تصرف و هويحوش تبقي هبله الست ذمه ماليه مستقله

[@emanhussein6702]

السند الاول هو ربنا وبعدين شغلك وجيبك وفلوسك غير كدا بلح

[@rashaahmed15]

صباح الخير عليكي يا دكتورة . فتحتي موضوع مهم جدا . يا ريت عندي اقتراح . ان الست بعد سنين جواز كتيرة لو اطلقت الدولة تعمل لها جزء من معاش طليقها لو هي مش بتاخد معاش والدها باعتبار انها كافحت معاه طول سنين حياته .

[@MM-qg5xh]

انا بعد سنين من عدم شغلي عشان خاطر بنتي، بنتي نفسها بقت متضايقة مني اني مبشتغلش زي امهات اصحابها

[@jollykim3290]

انتي عملتي يلي عليكي و مقصرتيش يا حبيبتي هي الخسارنة ام مضحية زيك كدا .

[@شوكةوسكينةهندسليمان]

الوظيفه والشغل حمايه وسلاح للست مش ضد الراجل ..لاء ضد الحياه ومصاعبها وتغيير النفوس

[@soaadzahran1359]

لا والله وضد الراجل

[@Man-vm5wi]

​@@soaadzahran1359 وطالما ضد الرجل اتركوا الرجل في حاله واقعدوا في بيوت اهاليكم اشتغلوا واكسبوا براحتكم تتزوجوا واحد انتم واخدينه عدو ليه؟؟؟

[@soaadzahran1359]

@@Man-vm5wi عمر الرجل ما كان عدو للست بس النفوس بتتغير واوقات تيجي وحده تانيه وتقلب حياته وحضرتك عارف الباقي

[@Man-vm5wi]

@@soaadzahran1359 ده كلامك انتي قلت ضد الرجل وطالما انت بتعملي شئ ضد احد فهو بمثابه العدو وانا بقول ليه تعيشي مع واحد عدو من البدايه ابعدي عنه ابعدي عن صنف الرجال كلهم طالما هم بمثابه الاعداء ويا تري الرجل يعمل حسابه علي كده؟ يعاملها علي اساس انها ممكن تكون عدو فيخفي عنها كل شئ ماله واسراره ؟؟؟

[@soaadzahran1359]

@@Man-vm5wi والله هو اختفي من زمان عند ربه بس انا شيفه ال حواليا

[@beautylady120]

بعد عشرين سنة زواج وتضحية بمستقبلي الوظيفي ومذاكرتي لولادي واهتمامي بالبيت والولاد وكمان صرفت جزء كبير من ميراثي عليه وعلي الولاد طردني بالهدوم اللي عليا من البيت وولادي وقفوا معاه ضدي ورجعت تاني افتح بيت اهلي بعد وفاتهم وانا مصدومه لوحدي .

[@GhadaElgendy-po3dz]

حاولي تقفي باي شغل ولا تيأسي لان لازم تحبي نفسك وأولادك ليه عملو كده اعوز بالله فين التقدير ديما لما بيكونو اولاد بيعملو كده في صف لاب انتي عملتي ايه

[@tokamohamed5433]

ربنا يجبر بخاطرك امين يارب ❤️ العالمين 🌹 ويسترك دنيا وآخره يارب العالمين 🌹

[@MM-qg5xh]

على رأي الشاعر " الكل عاش من غيري الكل سابني ومشي ... حتى اللي كل من خيري لا يخجل ولا يختشي " :)))

[@sanaaadl3599]

امي بعد زواج اكثر من ٤٠ تركها ابي و لم تاخد حتى حقوقها الشرعية

[@NiveenKhairy]

لازم يكون في اجراءات سريعه تحمي المراه من تقلب الرجل ١ تاخذ الزوجه نصف ما يملك الزوج في حاله الطلاق بعد سن ٢٠ فما اكثر ٢ / لايسمح بتزوجه الا بعد حضور الزوجه الاولي وسؤلها عن رغبتها بالبقاء او الطلاق وياخد القرار في الحال بطلاقها اذا رفضت البقاء معه وهو متزوج باخري ٣ / تاخد المراه كل حقوقها في حالة الطلاق ويوقع الزوج علي كل حقوق الزوجه متنتظرش لما تروح محاكم ،،تصرف منين؟؟؟ علي الاقل تشعر المراه بانها انسانه تراعي من قبل دولتها

[@يومياتماماسناء-ه1ح]

يااستاذة نهاد فين حق الزوجة للي تطلق بعد 42 سنة وتعدي الستين وتلاقي نفسها في الشارع لاسكن ولامعاش ولاحد يصرف عليها وانتي عارفة بعد الستين ضغط وسكر وامراض الشيخوخة بعد تعب الستين تترمي في الشارع

[@zainabgaafar9097]

ربنا يحفظك يا أستاذة أنا بقول لبنتي كده متسبيش الشغل بعد الجواز الرجالة ملهاش أمان

[@rainboow567]

حتى لو لهم أمان برضه متسيبش الشغل 👌👌

[@zainabgaafar9097]

معاك حق،🌼🌼

[@rehabelsokkary8759]

بعد ربنا شغل البنت سلاحها ف الدنيا دى الجمله اللى بقولها لبنتى ديماً فين نمازج الرجال اللى ممكن يكون قد المسؤوليه فى وقتنا الحالى ؟؟

[@ayamahmoud2085]

عند سن ال50 ممكن الزوجه تشتغل إيه؟

[@muribh]

انتاج من شغل البيت

[@شوكةوسكينةهندسليمان]

العشره بتبين الانسان علي اصله واللي ما يصونش العشره صعب نكمل حياتنا معاه 🌺🌺🌺🌺🌺🌺🌺🌺🌺🌺🌺

[@نوفاابوهاشم]

دة صحيح فعلا...كل يوم بشوف قصص اكتر من كدة فى المحاكم وقصص فظيعة احنانسيب المحاماه ونشتغل مؤلفين قصص من اللى بنشوفها ونسمعها فى محاكم الاسرة

[@inasm2227]

كلام حضرتك اكتر من رائع وصح لا الست جوهرة ولا حاجة دي اكتر كائن بيتمرمط في الحياة ورجاء تتكلمي يا استاذة نهاد عن ماساة المراة المعلقة اللي لا طايلة سما ولا ارض القانون فين من حالتها وشكرا

[@howydanasr5325]

وليه يبقو ستات بلا مأوي !! ليه الدوله ما تسنش قوانين جديده تهلي الست شريكه للرجل في نجاحاته الماليه ويبقي ليها جزء من ثروته وخاصة لو كان بادئ معاها من الصفر وهي قعدت في البيت تراعيه وتراعي ولاده وفي الآخر تطلع من المولد بلاحمص وهو ياخد كل حاجه وهي مصيرها للشارع .

[@dadeb9804]

ياريت ياريت القوانين تتغير والمجتمع الذكوري المريض يتغير ويكون مدروس من الواقع المؤلم لكتير من النساء... 😥

[@SuperNona1993]

وما بالك لو كانت بتراعي الاولاد وتشتغل وتصرف فلوسها كمان والزوج يحوش ويجيب عقارات وبزنس وفي الاخر يرميها في الشارع

[@Mubarakaahshakirah]

المشكلة مش بالدولة المشكلة بمروءة و اخلاق الرجال للأسف (اكيد ليش الكل) مش متخيلة حدا يعيش معي سنة و بس أقرر اتركه ما اتعرف عليه وارميه هيك!!!

[@منوعاتعفاف]

هو فعلا الحل اننا نعلم نهتم بتعليم بناتنا بشهاده او بحرفه ويشتغلو لان هو ده الامان للبنت في حياتها وكمان نعلمهم تربيه صحيحه وتكون الام اقرب ليهم واغلي من اي شئ

[@YoussefYoussef-i2h]

إيه رأي خضرتك في راجل يعايز يطلق مراته و يرميها بعد ستة و ثلاثين سنة جواز وعشرة وعيال جوزت الولد و البنت و صرفت كل ما تملك علي ولادها عشان يطلق حبيبته المتزوجة و أم لأربع بنات عشان يتجوزها و حارق دم زوجته ا كل يوم عشان تسيب البيت و يطلقها و حبيبته تتطلق و يكتب لها الشقة باسم العروسة و بشرط يجدد الشقة و يفرشها يعفش جديد و الشقة دي زوجته دافعة نص ثمنها و هي اللي شطبتها و فرشتها لأن مرتبها كان ضعف مرتب زوجها و آه لو شفتي اللي بيحبها لا تقارن أبدا بجمال و أناقة و ثقافة زوجته و هي إمرأة متزوجة زوجها يعمل في السعودية وهي بتخرج و تتفسح معاه أثناء سفر جوزها

[@شوكةوسكينةهندسليمان]

البخل اول طريق الطلاق

[@dalidaahmed9860]

الله عليكي بحب كلامك جدا ودي فعلا حقائق وعايزه اقولك ان انا كان ممكن اسيب شغلي في من الايام زوجي رجل كويس وحياتنا مستقره بس لولا أمي قالتلي إوعي وكل ماتشوفني تقوللي إوعي بس انا الحمدلله مسبتس شغلي وبرضه الحمدلله انا مع زوجي لغايه النهارده بس طبعا كده أضمن معظم الرجاله مجرد احساسه انك قويه وتقدري تعيشي من غيره يخليه مختلف وحذر جدا

[@nadiaahmed6769]

ياريت كنت سمعت الكلام ده من عشرين سنه قبل الجواز انا كنت قاعده في بيت اهل ماما لان بابا اتجوز وطردنا من شقتنا وبعد كام سنه من العيشه مع جدي مع مشكلة خاصه فيه لقيت نفسي بطرد بطريقة غير مباشره من بيت العيلة بتاعت ماما. اخذت امي وجبت شقة ٥٠ متر وكانت علي الطوب الاحمر. جهزتها وقعد فيها وكنت يشتغل ٢٠ ساعه كل يوم لمده ٣ سنوات لغايت لما سددت كل جنيه اخذته سلف من جارت اختي وكنت مرتاحه جدا ومبسوطه لاني مستقله انا وماما في مكان اخيرا ما فيش حد هيطردنا منه ولما المصاريف زادت عليه فكرت في السفر عشان افضل فاتحه البيت قادره علي علاج امي ومصارف اكل وشرب وايجار وخلافه وفعلا سافرت واول سنه قابلت واحد كويس وابن ناس اتجوزنا حملت بعد ٣ شهور من الجواز وطول فتره الحمل بفكر هعمل ايه في البيبي بعد ما يتولد انا في غربه ومافيش. وسيله في هذا المكان اسيب ابني فيه غير ان اجيب خدامة تقعد بيه وطبعا ده كان شيء مخيف جدا جدا لان كل الحوادث ال سمعتها بتحصل من الخدم مع الاطفال كانت ترعب اي ام علي طفلها قررت انا وجوزي اني اقدم استقاله يوم الولاده وفعلا. ولادي الان في الجامعه وانا وانا الان لا املك صحه للشغل ولا عملت فلوس اسند عليها لو احتجت وذي ما قولتي كده لابسه ماركة شنطه غاليه ولاكن فقيرة جدا يا مدام ولو اشتريت فنجان قهوة بكارت بنك جوزي هو بيعرف فين وامتي ومن اي محل وبتروح عنده الفاتورة في نفس اللحظه من رساله البنك انا لا امام لنفسي جنيه واحد ولا عندي عربيه ولا شقة ولا وظيفة تركت شغلي وبعت الشقه الصغيرة بعد وفاة امي لان جالي مشاكل منها عشان مقفوله وانا مسافره ولازم كل شويه اصرف عليها خلصت منها عشان مشاكلها ودي كانت غلطة كبيرة ذي ما تركت الشغل يعني كان زمان عندي شغل وشقة وصحه دلوقتي مافيش صحه ولا شغل ولا شقة ملكي عندي زوج وولاد وشقة حلوه كبيره وشيك بس بتاعت جوزي انا لا املك شيء

[@nouraahmed2635]

صباح الفل علشان كده لازم الست يبقى لها دخل خاص بيها لأن ماحدش له أمان⁦💜

[@شوكةوسكينةهندسليمان]

طبعا لازم يكونلها دخل فعلا والله حتي لو هتشتغل في البيت

[@شوكةوسكينةهندسليمان]

ممكن نختار صح ويكون باين عليه انو راجل ومتحمل المسئوليه ويتغير مع السنين والعمر البني ادم بيتعرض لظروف في الحياه بتغيروه غصب عنه

[@alamalelkaper8037]

@@Osamaneez2002 عندكح حق الوحش وحش وهيعرف يقرفك باي طريقة...ممعكيش هيزلك. معاكي هايستغلك..حلو مطلع اغنية ..هههه اصل انا من الصنف التاني ابو مرتب ...ههههه..بس صحيت قبل فوات الاوان.

[@alamalelkaper8037]

@@Osamaneez2002 عندكح حق الوحش وحش وهيعرف يقرفك باي طريقة...ممعكيش هيزلك. معاكي هايستغلك..حلو مطلع اغنية ..هههه اصل انا من الصنف التاني ابو مرتب ...ههههه..بس صحيت قبل فوات الاوان.

[@saramohamed7105]

@@alamalelkaper8037 طب عملتي ايه

[@MM-qg5xh]

بيحصل؟!! اه بيحصل وبيحصل و بيحصل ...على يدي

[@zainbelngar9529]

ازاى اقف على رجلى من تانى

[@princesssmsm5879]

المشكلة موجوده فعلا بس اختلاف الأسباب . ذي انا 25 سنه غير متفاهمين وعندي ثلاث اولاد وذات المشاكل بعد استقال من الشغل وبدأ يعمل في البيت عن طريق الكمبيوتر وتوتر في البيت يزيد وتدخل في كل شي والدخل غير منتظم لان من غير شركه وحسب كل عميل ممكن يقعد بشهور مفيش شغل وانا من الأول درست الجامعة وجوزت وتفرغت أولادي تربيه ومذاكرة ومشيت حياتي خناقات علي طول واقول اصبر عشان عيالي لغاية أمراض اكتئاب وضغط وفقرات وارجاع في المري فضلت صابره لغايه الكيل طفح وبعد 25 سنه قولت ابني الكبير اخر سنه وبنتي تانية جامعة والصغير ثالثه ثانوي قلت خلاص تعبت جدا صحياً اروح من البيت ده واروح عند اهلي ذي ما كنت اروح زمان يرجعوني عشان عيالي ويقولوا اصبري الراجل لما يكبر يهدأ ولكن للأسف الأمور تتوتر اكتر ولما قررت اطلق بعد 25 سنه لازم امضي اني اخدت كل حقوقي وكمان أولادي البنت والولد راحو عندي والزوج قال مش هصرف عليهم أقولهم ارجعوا البيت يرفضوا قولت اخد حقي بالمحكمة اخواتي وعيالي رافضوا وقالوا مش هتاخدي حاجه انتي مش حضنة وكمان المحكمه هتكتب مصاريف قليله لان قاعد في البيت ومش هنعرف نثبت اي حاجة في الدخل . وأطلقت وحاولت اخد من والدي جزء من المعاش عشان يروحوا الجامعة والدرس الثانوي وبعت ذهبي عشان يساعد في مصاريف عيالي وسنه عدت ومشاكل كتير وحرق دم في بيت والدي من الأخوات ومن أولادي ومهما أعمل مش عجبه اي حد كل الستات في العيله إحنا بستحمل واولادي يقول ماما هنا نكد وهناك نكد ما نرجع احسن وانا كبرت مش عارفه اشتغل وصحيا تعبانة ولما شوفت الذل ومش عارفه اخد راحتي انا واولادي رجعت البيت تآني واحساسي بالعجز وقلت افوض أمري إلى الله واقرأ قرآن واستغفر وقلت هي ده حياتي مش هتتغير وهي دي النهاية حاسه اني عايشه . الام دايما اللي بضحي عشان غيرها يعيش.

[@صفاءالروح-ج4ظ]

اوصيكى واوصى نفسى. كلامك ابكانى واحزنى. صدقينى مفيش افظع من احساس العجز والحزن هايجيب مرض انتى وولادك كبار دلوقتى اعتمدوا هلى نفسكم لازم يشاركوكى فى المسؤليه واعتبروا الاب مات واسندوا بعض ده الافضل.... والله المستعان

[@imanzayed2346]

نفس قصتي الجزء الاول لكن الحمد لله رجعت بيت ايوي وعايشه بكرامتي والكل بيساعدني لكن مش عايز يطلقني ومش عايزه اروح محاكم عشان البهدله والمرمطه لكن الحياه بعيدا عنه اجمل كتير

[@Jami399]

الاستغفار + لاحول ولا قوة الا بالله… طول الوقت ليل نهار .. حيكون الفرج اكيد اكيد .. الموضوع مجرد وقت وحتفرج.

[@snowwhite3605]

هي قالت حاجة مهمة في آخر الفديو .ستات بلا ماوي. ممكن يكون بداية خيط

[@nicerose2838]

الله يصبرك ويصبرنا جميعا ..نفس الظروف مررت بها وحاليا اعيش الطلاق الصامت مع اولادي احسن من اتبهدل في بيت العائلة

[@عسليهالوحيد]

والله عندك حق انا اطلقت بعد 23 سنة جواز والاولاد فضلوا مع ابوهم عشان مصاريف تعليمهم وانا اللى بقيت فى الشارع

[@halakamil7777]

ربنا يقويكي ويكرمك من فضله وعزه

[@sabdelhamid4352]

ربنا معاك وبجازيكي كل خير وحسبك الله ونعم الوكيل

[@sabdelhamid4352]

طلقني بعد ٣٤ سنه غيابي ولم يقل لي لفتره حتي يجمد باقي نقوده وهم ١٣ مليون .ايوه ١٣ مليون والله وانكر جزء من راتبه وسن قانون من دماغه حتي يحدد نفقه المتعه التي دفع جزء منها ولم يدفع الباقي الذي كان مبلغ مخجل . الحمدلله لي اجر عند الله ان شاء الله

[@dadeb9804]

@@sabdelhamid4352 حبيبتي قلبي عندك ربنا يعوضك من فضله ويسترنا وإياكي في الدنيا والاخره.. 😥😥ربنا ينتقم من كل ظالم 🙏🙏

[@شوكةوسكينةهندسليمان]

الطلاق ليس له سن معين.نفوسنا بتتغير مع مرور السنين 🌺🌺🌺🌺🌺🌺

[@ياسمينجعفر-د4ز]

فعلا المسلسل واقعي زي حضرتك ما بتقولي بس من أصعب الأمور الطلاق في هذا السن وكل شيء قسمه ونصيب

[@sumasoso5076]

مااسم المسلسل ؟

[@ياسمينجعفر-د4ز]

تقريبا مسلسل الا انا بطوله ميرفت امين واحمد خليل

[@زهرةاللوتس-ص1ب]

في بعض الرجال فعلا قتلهم حلاااااااااال

[@magdaazam6401]

أنا بحبك اقوى ومعجبه بكل ما بتقوليه

[@fawziehsuleiman1417]

الرب يقويكي على طرحك للمواضيع اللي نستفيد منها بالتوفيق دوما متابعه من امريكا

[@memeabdalziz5827]

لازم قانون للمطلقات بعد سن الحضانه يسمح الزوج بتوفير مسكن ونفقه لأنها بيكون سنها كبر

[@SuperNona1993]

صح لازم يكون فيه نظره للست في الحالات دي لان عن تجربه مرت بصديقه الست بعد ٢٧ سنه اترمت في الشارع وكانت غير قادره على العمل بعد ما كرثت كل دخلها وغربتها للاسره والزوج وفر من وراها وبنى عمارات وفلل باسمه ولا قانون ولا دين اعطاها سكن ولا نفقه لانها غير حاضنه

[@SuperNona1993]

الظلم وحش سواء على الراجل او الست مين يرضى ان اب يتحرم من ولاده برده الدوله لازم تنظر لهذه الامور بقوانين اكثر انصافا للاب وعدم حرمانه من اولاده .. ولكن المرأه اذا لم تؤمن بعد سن معين سوف تقضي عمرها كله تحاول ان تؤمن نفسها للمستقبل وتعمل حساب اليوم الي ممكن زوجها يسيبها فيه وده اكيد هيأثر على اداءها في بيتها ومراعتها لاولادها وكله لبس في صالح المجتمع

[@SuperNona1993]

الزوج الي اخد خيرها وهي شابه وكله باسمه وبعدين تركها بكلمه بارادته المنفرده ليها حق عليه والا ما كنش ربنا عملها نفقه متعه بعد الطلاق اكيد ممكن تسن قوانين تحدد نفقه المتعه حسب السنين الي عاشوها مع بعض فاذا كانت عشره طويله لابد تكون النفقه متوازيه ومتوازنه مع عدد سنين الزواج .. والا انشغلت الزواجات عن بيتهن واولادهن لتامين المستقبل .. وكله لصالح الاسره واستقرارها وردع الزوج عن انهاء العلاقه بكل سهوله

[@myahmad1884]

@@وجههنظرمختلفه نص بالنص كد وسعاية

[@Man-vm5wi]

@@myahmad1884 نص بالنص ده عند امها تجيب عقود تفيد انها كانت بتدفع معاه سواء بالنص او الربع غير كده تروح علي بيت اهلها كده ايه اللي بتخترعوه؟ بعد كده كل رجل يكتب املاكه باسم اهله لما يحب يطلق وبعدها مع السلامه

[@احمدمحمود-و3ث7ت]

للاسف مفيش قانون يحمى الست

[@nadiabahget4428]

الست نهاد انا بتبعك ومن اشد معجبين بكلامك وخبرتك اللى بتعلميها للمرأة انا بستسمحك حاله انسانيه فى مشكله وانا عارفه انك بتسعدى ناس كتير الموضوع ان واحده غلبانه بتربى اخواتها ةاولادها اللى من زوجين زوج انجبت منه ولد وطلقها وزوج التانى انجبت منه ولد ونصب عليها ودبسها فى قرض اخذه من بنك الاسكان والتعمير وللاسف هى ضمنته فى القرض وللاسف اختفا ولبسها كضمنه ومش عارفه تعمل ايه ومش مقدرتها تجيب محامى ظروفها صعب جدا انا اسفه للتطويل ارجو لها المساعده وشكرا لحضرتك

[@mostafahabib53]

استاذتى الفاضلة كم عدد حالات الطلاق وكم عدد حالات الزواج الى استمرت بعد هذا العدد من السنين؟ التركيز على الإستثناء لا يتماشى مع خلفية حضرتك فى خدمة العدالة سؤال اخر بعد إذنك الابتزاز الذى يؤدى الى الانتحار يتساوى امام القانون مع الابتزاز الذى يؤدى الى دفع مبلغ من المال؟؟؟ تقبلى تحياتى وتقديرى؟؟ مهندس مصطفى حبيب خبير التطوير الادارى بقطاع البترول سابقا

[@amanyhussein7327]

أشكرك استاذة نهاد بالفعل كنت عرضة للطلاق فى فترة من فترات حياتى وواجهت صدمة الأبناء وكان ابنى الكبير فى الثانوية العامة وبالرغم من انه يرانى على صواب إلا انه قال لى بوضوح هل بإمكانك دفع مصاريف المدرسة و مصاريف الجامعة الخاصة وحتى اشتراك النادى والألعاب الرياضية وعندما أخبرته ان مرتبى كله له هو مع أخوه الأصفر قال انه يدعم والده ويؤيده ولن يقيم معى او بخسره لانى غير قادرة على دعمه ماديا....هكذا بكل ثقة ووضوح وبدون اى حسابات عاطفية...وفعلا كانت صدمة عمرى

[@أكلتكإيه]

صباح الفل يا جميل والله لو تعرفي انتى بتدينا طاقه إيجابية اد ايه شكرا لحضرتك

[@wafaasaeed6812]

الموضوع ده اتناقش من اكتر من ٣٠ سنة فى فيلم اريد حلا فاتن حمامة

[@شريفأحمد-ق4م]

انا بحبك جدا جدا جدا الاستاذة الغاليه المسؤله الام الرائعه الحنونه جزاك الله كل الخير على توعيتك للسيدات والآنسات وتحذيرهم من غدر الآخرين انا متابعه جديده لحضرتك واتشرف بذلك من قلبى .سدد الله خطاك دائما وزادك علما وعزة😍

[@mayourahma9684]

لا من يتم الاستغناء عنها بعد ٢٠سنة او شهر حتى دي لا جوهرة ولا حاجة دي بلوة وخلصوا منها وماتساويش حاجة في سوق الستات. الجوهرة هي التي لا يمكن الاستغناء عنها ابدأ ابدأ أبدا. لية بتعمموا الكلام عمر صوابعنا لا كانت ولا هتكون زي بعضها. وعجبي 🤣🤣🤣

[@amalmohamed1230]

حديث الكد والسعايه حديث ضعيف والزوج عندما يطلق زوجته يدفع لها نفقه ومؤخر ويعتبر غريب عنها وغير مسؤول واهلها هم المسؤولون عنها ده في شرع ربنا ولو بتشتغل وكانت بتصرف في البيت وطلبت ممكن يتحسب لها مبلغ شهري يدفع لها من الزوج

[@modaealngaralngar8041]

استاذه نهاد انا لسه مشتركه جديده معك ولسه شايفه الحلقه سبحان الله الموضوع ده لسه حاصل من ايام وانا فعلا مش عارف اعمل اي وانا مش بشتغل واولادي كبره ولسه قدامي شهر علي اني اسير البيت ومش عارفه اعمل ايه وعمري 56

[@campshezar]

بس دلوقتى فيه موجة استخفاف بالجواز والكل بيطلق بسهولة ويجوز فى اى سن جواز بقى عادى يعنى موش حتلحق ٢٠ سنة ياريت بس كل بنت تفهم الحقيقية عشان ماتضيعش حياتها وعمرها على مفيش وشكرا

[@ommohamed4159]

اتجوزت وقال مفيش شغل وانا جامعيه قلت ماشي خلفت اول ولد وبعد ٣سنوات جبت الولد التاني وبعدها ترك الشغل وقعد وطبعا لازم استحمل علشان هاروح فين وكل ما اعترض يقولي انا مش ماسكك وفي الاخر اتطلقت واخدت معاش بابا ولولا معاش بابا كنت شحت في الشارع بس للاسف الفتره اللي عشتهامعاه دمرت نفسيتي

[@احبكربي-ف6م]

عاوزه تليفون حضرتك ضروري ضروري ضروري لمشكله عندي

[@shymaaarafat1342]

حأقولك على أعمال قديمة ناقشت موضوعات مشابهة: "القانون لايعرف عائشة" ليلى طاهر ومش فاكرة مين البطل كان مركز على فكرة إن مش من حقها الشقة طالما الأولاد تخطوا سن الحضانة، وكانت القصة إنها كبرت ووالدها ووالدتها متوفين والأبناء سافروا اشتغلوا فالخارج أظن ولا ماأنجبتش مش فاكرة -"إمرأة مطلقة" سميرة أحمد & ميرفت أمين نفس السياق الخناقة على الشقة . -"آسفة أرفض الطلاق" أكيد شفتيه مرفت أمين وحسين فهمي وسوسن بدر، كان مركز على الصدمة العاطفية واتشهرت جملة النهاية لما حاول يرجع لها "الي ضاع إحساسي بالأمان" . -آه ومين ينسى "لأعلى سعر" وأغنية نوال الزغبي"ملعون أبو الناس العزاز الي لما احتجنا ليهم طلعوا أندال بإمتياز"

[@imanzayed2346]

البطل كان ابو بكر عزت اتجوز عليها عشان حرق قديم بسيط في ضهرها

[@slamathbaeb4848]

حبيبتي لو حدث هذا الظلم هنا يأتي دور الدوله وتحقيق العداله الناجزة وتحكم عليه بتعويضها

[@hh9172]

100% true.. Also another terrible reality is when a mother becomes a widow when the kids are children and she has to be mama,baba etc. for a good sector of her life prioritizing them...then they grow up & leave just like that (abroad happens at age 18) Her work opportunities, her social life, her health (physical, emotional etc.) have been affected negatively & most likely missed out on career

[@hanasaleh6134]

النهاردة أحسنتِ في اطلاق الرصاصة في الهدف 🎯

[@Daisyflor-hh2uk]

كفانا الله الشر مين يجيب سيرة الطلاق ،الست اللى تقف جمب جوزھا تبقى سيدة القصر وست الستات وجوھرة العصر وتتشال على الراس وملھاش بديل . بس يا استاذة نفسى حد واحد يمسك المكريفون عشان أفھم لإن الشيطان دايمآ في النص

[@zeinababdelrahmankhalil231]

صباح الخير يا ست الكل انا فى غاية السعادة بهذا الصباح الذى يبداء بوجهك الصبوح ودرسك الواعى جزاك الله كل الخير على تنويرنا وتعلمنا اكثر الله من امثالك يا استاذة نهاد، بالمناسبة الكوليه جميل عليك انا ان شاء الله سوف اعمل واحد به اسم حبيبى الغالى المرحوم وابنى الكبير الغالى المرحوم فى الجنة ونعيمها باذن الله واسم ابنى الذى اعيش معه واسرته ، حيبقوا قريبين دايما على صدرى، احبك فى الله واحبك لما تقدميه لنا لا حرمنا الله منكم ابدا، مع تحياتى واحترامى والسلام

[@samiaabannan9327]

أهلاً بيكي يا استاذة نهاد عايزة اكلمك علي تليفونك ياريت مش عارفة ازاي ضروري اكلمك علي الخاص

[@DIANA.4X4]

ا. نهال بالله عليكى تتكلمى عن المرأة المطلقة المعيلة لاطفال صغار اللى جوزها سابها هى واولادها ومشي ولا تعرف عنه شىء وكانت تسكن فى قانون جديد ولا يوجد دخل لها ولا تسطيع العيشة فى قانون جديد أين تعيش والرئيس حتى مفكرش يعمل حاجة لهذا النوع من السيدات غير تكافل وكرامة 350ج وإذا توافق عليه بالله عليكى بيكفى مين وهى معاها 2من الاطفال الصغار فى عمر الرعاية بأشكالها ليه الرئيس ميوفرش لها سكن بدون مقابل ولو فى تعمل ايه وتروح فين بالله عليكى ياريت لا تتجاهلي رسالتي من فضلك

[@reem2892]

صباح الفل أستاذة نهاد احسنت ربنا يكرمك على الكلام الجميل ده

[@whiteheart8451]

تصدقى كلامك صح فعلا المره دى

[@waleedsoud1114]

طيب ما ده حق من حقوق المرآه الثانيه انها تتجوز واحد يقدر يعيشها حياه كريمه وتلقط الا هي عاوزه 🤔

[@hebaefat61]

امها ع سبيل ظل راجل ولاظل حيطه بلا شغل بلا بهدله جهل حاجه كده تخليك ترجع

[@nurahelmy3716]

اهانه الزوج لزوجته بعد ٤٥ سنه جواز وطلبها وحقوقها عند الطلاق

[@mahanoaman8029]

تسلمي نهاد ❤

[@شوكةوسكينةهندسليمان]

بارك الله فيك كلامك روووعه 🌺🌺🌺🌺🌺🌺🌺

[@نفوسراحله]

اقعدى فى البيت هههههه واتزلى ومدى ايدك للبيه ههههههه

[@zolfahassan2567]

برافو استاذه نهاد .. حلقه رائعه

[@نورالعين-ظ4ض]

عاوزه. رقم تليفونك للتواصل

[@raniaibrahim824]

احسنتى يا استاذة ممكن تعملى فيديو عن ازاى الواحد يتقبل عمره وما يفضل فى دايرة ان العمر جرى وانا كبرت والوااد شايفين انى قديمة انا عمرى ٤٦

[@nehadabolkomsan6581]

حاضر

[@raniaibrahim824]

@@nehadabolkomsan6581 شكرا يا استاذة

[@myahmad1884]

@@nehadabolkomsan6581 ارجوك انا محتاجة هذا الموضوع انا عندي شعور دائم اني عجوزة جدا .. واني خلاص ماليش مطامع في الدنيا عمري 43 سنة والحالة هذي عندي من 4 سنوات حاسة ان كل البنات في عمر 30 واقل بناتي واني اكبر من كل الرجالة وماعندي مانع يسموني خالة او طنط وبتعملوا معاي على هذا الأساس احيانا بحس كأني كريمة مختار ولا امينة رزق مع أنني كاتبة وألفت كتب في السياسة ومثقفة ولم اتوقف عن القراءة في حياتي والحمدلله بس حاسة إن حاجة داخلي ماتت . بحرينية

[@Asoo560]

اللهم صل وسلم وبارك على سيدنا محمد

[@روديمحمدرضا]

مدام نهاد عايزه للتواصل معاكى ورقم المكتب والعنوان لأن بنتى مطلقه من خمس سنين ولم تاخد اى حق لها ومعناها احكام ومش عارفين ننفذها ارجوكى ردى عليا

[@amiramomen7609]

طيب ينفع واحده تشتغل وهى عندها 45 سنه

[@nurahelmy3716]

ممكن عنوان المكتب

[@galalhassn4067]

حقيقى بيحصل ولاد ى اختارو ا ابوهم

[@howidahelmy3198]

هي دي انا

[@ouidad1981]

كلام في الصميم

[@sabdelhamid4352]

طلقت بعد ٣٤ عام وانا فوق السبعين

[@mrmrahmed706]

ياحببتى ربنا يعوض عليكى فى تعبك السنين مع واحد مقدرش العشره ربنا هوه ال هيجزيكى انشاء الله

[@sabdelhamid4352]

@@mrmrahmed706 جازاك الله هيرا لشعورك الطيب

[@sabdelhamid4352]

@@mrmrahmed706 تسلمي اللهم تقبل دعائك

[@nosaabdo1967]

صح كلامك أستاذة نهال، وانا اول ما ابتديتي تحكي افتكرت الفيديو تبع (انتي فقيرة اوي يامدام)

[@MM-qg5xh]

و العيال مبيقفوش مع الحق مهما كان واضح...بيفضلوا عالحياد

[@amlsaeed2433]

أنا امى حصل معاها كدا بضبط

[@mohndmohsentony6158]

ممكن وسيلة اتصال لحضرتك تكون خاص .. شكرا

[@silence1116]

العمل والاستقلال الاقتصادي للمرأة هو الحماية الحقيقية ..الزواج ليس حماية ولا أمن له وقد يحدث خلاف او عدم التفاهم بعد العشرة هنا الخاسر هي المرأة الجالسة والمعتمدة على الرجل يصرف عليها .. سلاح المرأة علمها وعملها وهذا يجب ان يكون شرط الزواج للرجل في العقد هو عملها

[@Man-vm5wi]

وليه متاخدوهاش من قصيرها وتقعدوا في بيت اهاليكم دون جواز؟ اتشتغلوا وحققوا الكارير بتاعكم وابعدوا عننا طالما الزوج مش امان ان شاء الله لا تشوفوا الزواج ولا تشوفوا ضفر رجل في حياتكم قولوا امين

[@silence1116]

@@Man-vm5wi حين نحب ان نتزوج سنختار من يحترم عملنا واحساسنا بشخصيتنا وطبعا لن يكون مثلك 🤷

[@Man-vm5wi]

@@silence1116 لا تتزوجوا ابدا طالما شايفين نفسكم حلوين قووي خليكم في بيوت اهاليكم بشخصيتكم بعملكم

[@silence1116]

@@Man-vm5wi مش انت الي حتقرر عننا.. والدنيا مليانة رجالة بصحيح الي مبتخافش من عمل المرأة ولا بتخاف من شخصيتها القوية بس الذكور الي عاوزين يتحكمو فيها اقتصاديا دول الي مش حانتجوزهوم ابدا🤷

[@Man-vm5wi]

@@silence1116 ولا انتم هتقرروا عننا وبعدين ده مش تقرير عنكم ده نصيحه علشان تبطلوا صياح وصراخ ليل نهار علي الفاضي والمليان ومين قالك ان المراه اللي بتشغل قويه والتي لا تتعمل ضعيفه؟؟ اتمني ان اي واحده شايفه ان شغلها اهم من زوجها واولادها تقعد في بيت اهلها علشان البلد تنضف من النواشز

[@mohamedfarouk4723]

صباح الفل يا ست الكل حضرتك من الناس المحترمين وانا بحبك جدا صباح الخير والورد والياسمين

[@انغامالسماء-ز8غ]

بعد اذنك عايزه احكيلك علي موضوع شخصي جداا وف تسجيل صوتي تسمعيه رجاء ابعتيلي أي حاجه اتواصل معاكي فيها انا مدمره نفسيا والله اتمني يارب تشوفي رسالتي

[@ibtissemmekhzoumi849]

و حنا ادبسنا فيك يا عسوووولة 😘😘

[@mahsenbadwy40]

دي ازمه مخالفه الراجل بيعملها حجه

[@magdaazat2414]

داءما من نجاح الى نجاح والله يوفقك لما فية خير يارب العالمين

[@hanasaleh6134]

الإنسان ( المرأة) يعطي و يمنح الآخرين بعد أن يكفل تكاليفه الشخصية و ما يستره ستر يليق بمكانته

[@إيمانيوسف-ع1و]

شوفى ڨيديو رشروشة

[@يومياتمطبخزوزو]

ياااريت تعملي لنا فيديو ازاي ارد على الراجل اللي لما اجيب سيرة الشغل يمسكني من ايدي اللي بتوجعني ويقولي الولد هيتبهدل ومتجيش عليه عشان ربنا رزقنا الخلفة بعد فترة ومعاناة

[@omwalid6697]

كانك بتتكلمي عليا بس الحمد لله مش كل العيال فيهم الحلو و فيهم اللي الله يوفقهم

[@نفوسراحله]

⛴ مركبه ورق

[@manaltawfeek6072]

كلامك صح جدااااااا خضوصا مع الاولاد حسابات حسابات و معادلات و طرف يمين و كرف شمال ازاي الاستفادة من كل الاطراف دي الحقيقة الا من رحم ربي

[@denamohy4076]

بالله عليكى شوفى الجزء الثانى من الا انا حكيتى مع الزمان للفنانه ميرفت امين دى مشكلتى انا حرفيا قولى اه رايك

[@rorofoffa]

طب ما تعيش معاه وكل سنة يكتبلها حاجة

[@claracherif3044]

دايما كلامك جميل شبه كده تمثيلية لاعبي سعر لنيلي كريم

[@monashedeed6837]

مساء الفل يا استاذه عندك حق دلوقتى ممكن الطلاق كمان بعد اكتر من ٣٠ سنه لسوء المعامله

[@sabdelhamid4352]

حصل معي بعد ٣٤ سنه

[@mrmrahmed706]

@@sabdelhamid4352 ربنا ينتقم لكى منه

[@haneenahmed6512]

​@@sabdelhamid4352ياريت تكليلي شلون كدرتي تحصلين على حريتج بعد المده الطويله وخصوصا اذا لم يكن لكي استقلال مادي

[@sabdelhamid4352]

@@haneenahmed6512 ان اطلب حريتي فقط طلبت منه ان يحترمني ويحترم شعور اولاده وانت يبتعد عن سيده لا سامحها الله سئيه

[@sabdelhamid4352]

اللهم عوضي برضاك وسترك

[@amalmohamed1230]

وليه ياجماعه الست تطلب الطلاق لو زوجها تزوج الأفضل أن تقعد في بيتها معززه مكرمه في وسط اولادها خاصه لو معندهاش راتب أو شقه خاصه بهاتحميها من المذله

[@hhhzzz8460]

صباح الجمال. كلامك سليم جداً. في أي قناة يُعرض والساعة كم ؟

[@bishou]

مساء الفل والياسمين على اجمل ست في الدنيا الست نهاد بمليون راجل

[@ahmednagdy6606]

شوفي المسلسل الهندي البنات زينة البيت🤔🌹

[@doaaelshayeb8522]

المشكلة الجديدة لمرفت امين ...