盧覓雪開騷壓力大現「蛇腰」談香港改變加移民潮感觸落淚

Рет қаралды 54,839

Күн бұрын

盧覓雪開騷壓力大現「蛇腰」談香港改變加移民潮感觸落淚
盧覓雪（雪雪）喺九龍灣國際展貿中心舉行、一連兩場《雪說笑da go bin ro 》噚晚完美落幕，笑中有淚。一身和風打扮配大紅花頭飾嘅佢，以香港小姐主題曲作為背景音樂出場，上台後即自爆為咗今次演出壓力爆煲，早前發現腰間「生蛇」，幸好情況不算嚴重。
雪雪喺「處女騷」由細個去上環大笪地打邊爐，講到入娛樂圈做記者，再走到幕前變成藝人，其間講到以前父母為仔女改名寄予厚望，例如「耀宗」同「月娥」最多人用，所謂月下嬌娥，雪雪提起 1980年有港姐冠軍戴月娥，但緊接就話：「但唔係個個叫月娥都係花容月貌㗎！」台下觀眾即刻拍爛手掌。
雪雪又話超過20年嘅記者生涯，見盡明星名媛百態，當年張敏啱啱出道，有次去探班採訪，張敏嘅老闆娘畀咗封大利是佢，佢當然唔敢要，正當兩人推來推去之際，對方忽然好認真咁講：「叫你要--就要啦！」雪雪話：「當時我忽然諗起佢老公姓乜，我就唔敢唔要嘞，最後封大利是，我攞咗番公司請同事食咗幾日下午茶。」之後，雪雪提起校長阿倫，但台下觀眾完全零反應，佢即刻話：「你哋唔鍾意人啫，但係都要識佢係邊個嘅…」搞到觀眾忍唔住大笑。
雖然，雪雪自認入行學識做人，身邊不少好朋友，但亦有恩怨情仇事件，2008年雪雪因為同鄒凱光（灘叔）主持商台節目發生爭拗，一怒之下「劈炮唔撈」，事隔多年原來兩人已經冰釋前嫌，噚晚灘叔仲嚟撐雪雪場，雪雪喺台上仲多謝灘叔捧場：「冇咗嘢好耐啦，佢拍《金雞sss》醒咗個「江門古天樂」畀我，仇人都變恩人啦！」
最後，話題去到移民潮，雪雪好大感觸：「一個城市嘅轉變，有人想改變，改變唔到選擇離開，亦有人留底，記住一家人一齊行，面對無助感會減低啲，我慶幸我留底有你哋喺我隔籬多謝你哋！」但說到這，雪雪終於忍唔住落淚。完騷前又叫大家一齊嗌「晴朗」，因為「油」已經唔「加」得！
雪雪完騷後受訪，講到「生蛇」情況，佢話仲有啲痛，仍然要去覆診。至於，佢喺騷內講做記者收利是、名牌手袋，甚至爸爸病危時，急call加拿大屋企人返嚟陪爸爸走最後一段路，雪雪話全部都係真人真事，但邊個名媛送佢手袋，佢就話唔講得，「梗係唔講得啦，佢送個手袋畀我係當我朋友，係我懶正直，你諗下吳君如請我食鮑魚我都咁糾結，叫佢唔好請我食，真係太貴，超越咗我所謂嘅饋贈，當時收都係因為要『做人』，如果唔收你就反艇，冇咗個人脈。」
至於，喺台上忍唔住落淚，雪雪話：「係對香港呢個地方感覺，如果冇咁大嘅一份情，根本唔會寫呢個題材，寫吃喝玩樂都得，但就係好想寫呢樣嘢，又要諗好唔好笑，賣唔賣到飛，乜都驚，咪搞到有壓力生蛇囉！」
===========================
更多《田木集作》嘅片，可以喺呢度睇到👇🏻👇🏻👇🏻
🛎️ YT： / 田木集作
🏃🏻 IG ： / touchwoodtv
❤️ FB： / touchwoodtv
===========================
#盧覓雪 #MichelleLo #雪說笑dagobinro #田木集作 #touchwoodTV #田木ENT #娛樂新聞報道 #網上新聞 #娛樂資訊 #動新聞 #網上平台 #網媒 #生活資訊 #潮流科技 #直播節目 #風水命理 #網上音樂會 #電視劇 #演唱會 #ViuTV #樂壇頒奬禮 #樂壇成績表 #最受歡迎男歌手 #最受歡迎女歌手 #最受歡迎組合 #商台 #881903 #RTHK #新城電台 #MIRROR #樂壇新人王 #全民造星IV #節目製作 #音樂節目 #睇電影 #電視劇 #煲劇 #韓迷 #日本遊
#壓力爆煲 #生蛇 #在晴朗的一天出發