حل مشكلة تسريب المياه من منتصف موتور مياه كالبيدا 1 حصان بالطريقة الصحيحة Pump Mechanical Seal#

[@tarek8558]

الله ينور عليك انا عندى الماتور بيسخن خلال 10 دقايق تشغيل ويفصل اوفر لود وقيست الملفات سليمه والاكس حركته سهله ممكن يكون من ايه

[@fixawy]

ممكن يكون البلى تالف ومش هيبان معاك إلا لما تفحص البلى كويس ولو لقيت البلى سليم يبقى فى رواسب ورا الساقية مباشرة هتفك الساقية وتنضف وراها وان شاء الله هتحل المشكلة

[@ahmedelmasrey2946]

الله ينور عليك يا هندسة

[@ابوسلمان-و5ح]

استمر ياهندسه.. ربنا يوفقك.

[@uheeal]

جزاكم الله خيرا ورزقكم الخير كله عاجله وآجله

[@fixawy]

بارك الله فيك

[@alaamansy]

بآرك الله فيك اخي الكريم ربنا يسعدك ويوفقك يارب 🌹

[@OmAhmed-zj9fk]

ربنا يحافظ عليك يا هندسة🎀🎀🎀🎇🎀🎀

[@fixawy]

تسلم ايدك يا امى

[@drshdrsh7584]

ربنا يجازيك خير سوال لو سمحت ينفع احط مايه في الطلبه بعد تغير الاولوسيل عشان اعرف هينقط ولا لا قبل التركيب ع المواسير

[@fixawy]

ايوه طبعا اختبر شغلك عن طريق ملئ الموتور بالكامل بالمياه وسد بأيدك فتحات الدخول والخروج وشغل الموتور

[@omaramr210]

لو سمحت انا عندي نفس الموتور الي في الفيديو و بيطرطش مياه من النص و لما كلمت الكهربائي قالي انه محتاج يتربط هل كلامه صحيح ولا محتاج اغير الاولسيه

[@MonaMohsenMohsen-eq9nx]

هل تسريب المياه من منتصف الماتور يحرقه

[@الحبةقبلالأخيرة]

هل عادي اشغلة وهو يهرب

[@وجيهمحمد-خ6غ]

لو سمحت الموتور بيشتغل بس بيقطع تحس انه هيفصل العيب هيكون في ايه شكرا

[@رُواق-د3ظ]

السلام عليكم معايا متور نص حصان الريشه اتاكلت ومش لاقي ريشه علي مقاسه هل في خطوره علي المتور لو قعد من غير ريشه واي الاضرار الي ممكن تعملها لو مش موجوده

[@fixawy]

لازم تركب ريشة جديدة ع تحافظ ع الموتور وهتلاقيها عند اى حد بيبيع قطع غيار أجهزة منزلية

[@majedalqahwaji6700]

انا غيرت القطعه نفسها وحط سليكوم ورجع يسرب ..ممكن لو استمر في التشغيل وهو بيسرب يحرق الماتور

[@عبداللهعبده-ك9ذ]

اشترى الاوسيل من عند محل تخصص اولسيهات عشان يبعلك اولسيل كويس لان منه فى السوق درجات جوده من الاوسيل وممكن تركب الاولسيل جديد ويسرب لان خامته وحشه ومتشتريش من محلات قطع غيار المواتير لان الانواع العدهم اوحش حاجه ورخيصه وحتركبه وحيسرب وعن تجربة شخصية ملحوظه الاوسيل النظيف سعره غالى من 50 جنيه و يمكن اكتر

[@emanmohamed2055]

انا عندي موتور لينزواحد حصان بقاله سنه واكتر من اربع مرات يجيب ميه والسلام يعمله ايه السبب

[@fixawy]

المشكلة انك بتشتغل الموتور والمياه مقطوعه

[@manonaabdelmotelb8335]

بيسرب عندنا ميه زي الحنفيه افصله ازاي

[@fixawy]

غير مانع التسريب وان شاء الله هيشتغل معاك تمام

[@moatazghonem1787]

السلام عليكم كان عندي سؤال الماتور عندي من ورا بيجيب مياه من ايه

[@fixawy]

كده يبقى الميكانيكا سيل ( الحشو ) تالف والميه دخلت عالملفات وخرجت من فتحه التصريف االى فى نهايه الموتور

[@elpashahoda]

لو سمحت ياهندسه انا غيرت الحشو والاولسيه بس لسه بيسرب بسيط ممكن اعرف ايه المشكله

[@fixawy]

شوف المكان اللى راكب فيه الاولسيه املس وسليم ولا فيه صدا ومتأكل

[@elpashahoda]

@@fixawy هو مكانو املس. بس هو التسريب مش زى الاول هو عباره عن رزاز ميه... بس الموتور مش بيفصل ممكن يكون سبب؟

[@fixawy]

لو التسريب مستمر سواء الموتور شغال او متوقف يبقى الحشو مش راكب كويس

[@fixawy]

ولو انتا مركب فلوماك مش بالونة وفى اى تسريب الموتور هيشتغل باستمرار

[@عمادعبدالحميد-ص5ش]

هو بينقط من الاخر مش من النص

[@fixawy]

يبقى مانع التسريب برضو بايظ

[@wagihnosshy7858]

ازاى نتجنب أن الاولسيه يسرب مياه

[@fixawy]

حافظ على الموتور بحيث لما المياه تكون قاطعه متشغلوش

[@hossamabdelnaby7771]

بكام اولسيه

[@fixawy]

من ٢٠ ل ٥٠ جنيه حسب نوعه

[@goldsgym6041]

ممكن رقم الهاتف او العنوان

[@fixawy]

01010112065

[@EL3RABYCHANNEL]

عندي مشكله بعد اذنك في موتور مياه كالبيدا إيطالي عند تشغيل الموتور الميه بتشتغل لمدة دقيقه وتقطع تاني لمدة دقيقه وهكذا تشتغل وتقطع اختبرت الموتور بدون البالونه والاوتوماتيك لقيت فيه نفس المشكله لاحظت ان الموتور بيسخن قوي من فوق شغال على خط واحد 4 شقق وعندهم نفس المشكله مع العلم اني عامل محبس للتحويل بين المياه الجوفيه ومياه البلديه ايه الحل من فضلك؟

[@fixawy]

كده فى محبس فى خط السحب مش مقفول كويس

[@amrhechary6000]

باشمهندس ممكن رقم تليفونك للتواصل معك

[@mohamedali6535]

عندي موتور كالبيدا حصان إلا ربع كان بيسرب ميه كتير. جيبت سباك من اربع ايام فكه و اخده عنده المحل غيرله اولسيه وبلي و قالي كان مصدى و مكانش عارف يفك المسامير. في الاخر اخد مني 700 جنيه بالفك و التركيب بعد ما نزلت المبلغ من 850 جنيه كمان. دلوقتي رجع ينقط كدا مع الشغل بس. هل ارجعله تاني علشان المبلغ الكبير اللي انا دفعته و لا مش هتفرق و النقط البسيطة دى مش مهمة و هل المبلغ اللي اخده دا مبالغ فيه اوى و لا ايه؟؟؟

[@fixawy]

النقط الموجودة حاليا كتيرة ولا حاجات بسيطه وهل مكانها من منتصف الموتور ولا من المواسير ؟

[@mohamedali6535]

@@fixawy النقط الموجودة دلوقتي بتنزل من نص الموتور نقطة واحدة كل ثانية لما الموتور بيشتغل بس و لما بيفصل مش بينقط

[@fixawy]

بعد أيام لو منع تنقيط خلاص لكن لو استمر التنقيط لازم تستدعى حد يشوفه

[@mohamedali6535]

@@fixawy التنقيط فعلا مستمر بقاله ايام و بيزيد. بالنسبة للفلوس هل 700 جنيه بالفك و التركيب كتير علي تغيير اولسيه و بلي؟

[@fixawy]

اه بصراحه كتيره احنا عنا فالصعيد بنعمل الشغاله دى بمصنعيتها ب ٢٥٠ او ٣٠٠ بالكتير