لطمية نزل بالطف باهاليه مكتوبة/ملا حسن العامري /محرم ليلة 4 1444هج /مسجد الموسوي الكبير

بسم الله الرحمن الرحيم
الكلمات :
نزل بالطف باهاليه وعاين حرمة محنية
صاحت يمة رشيت المصارع ماي
خافن تنچوون بيوم ماكو فياي
يبني هلا بهالجية يبني هلا بهالجية
----------------------------------------------------
بعد ما طر الفيافي والطفوف حسين طبها
شاف حرمة تشيل جربة تبجي وترش التربها
من نشدها ياهي انتي ما حچت لزمت گلبها
گلها يالزهرة عرفتج جيتچ اعرف سببها
لان تدرين هالغبرة
بيها انذبح يا زهرة
ريت يصح واردكم يبني هسه وياي
خافن تنجوون بيوم ماكو فياي
يبني هلا بهالجية يبني هلا بهالجية
--------------------------------------------------------
جفني لاجلك عاف نومه واختلط ليله ويه صبحه
انت يالمهدك شفاعة لفطرس و داويته جرحه
يمه جبته وياي فطرس گتله ابني هنا ذبحه
وانا وصيته على جثتك لو هوت كون على جنحه
وصلصائيل نجيته
وانا عليك وصيته
يغطي هالشمس عن الاراضي هاي
خافن تنجوون بيوم ماكو فياي
يبني هلا بهالجية يبني هلا بهالجية
---------------------------------------------------
عادت الام لولدها هي التحضّر مچانه
وانا يحسين الزجية تعرف بگلبي وحنانه
يمه ارض الغاضرية أمنتها شلون امانة
جيت اوصيها عليكم هيج روحي وياكم انا
ويفت گلبي وي ترتبتها
الگاع تصون امانتها
يحضنك گلبي من تطيح يا ضنواي
خافن تنجوون بيوم ماكو فياي
يبني هلا بهالجية يبني هلا بهالجية
--------------------------------------------
يمه يالزهرة اطلبچ دامچ بأرضي نزلتي
من يجي عاشر اريدچ لا تصدين على جثتي
والسهم خايف يلوعچ يمه وتلوعچ جبهتي
ولو صعد شمر على صدري غمّضي العين بذبحتي
جثتي هنانه خليها
وامشي وي الميسريها
روحي وي المشت ما ظل الها حماي
خافن تنچوون بيوم ماكو فياي
يبني هلا بهالجية يبني هلا بهالجية
----------------------------------------------
يمه يحسين المصارع كلها يولدي فرشتها
كل ثنية بيها مذبح روحي يمه قسّمتها
مذبحك ذبح الهواشم بالخيال تصورتها
ما خطر عبدالله ذبحه لا ابد ما حسبتها
بصدرك ضمه يا عطشان
لان ما حضرتله مچان
لون يصح لخليه بوسط عيناي
خافن تنجون بيوم ماكو فياي
يبني هلا بهالجية يبني هلا بالجية
------------------------------------------------
كل ضعن محتاج كافل ياهو يتكفل بناتي
ومنهو اليروّي عطشهن گلي ماريدن احاتي
صاح ابوفاضل يزهرة انا متكفل خواتي
وكل بنات حسين عندي تروى لو ابذل حياتي
صاحت والنعم منك
ما يحتار الي أمنك
جبتلك جربة وانطيتك لقب سقاي
خافن تنجوون بيوم ماكو فياي
يبني هلا بهالجية يبني هلا بهالجية
----------------------------------------------------
#لطميات_مكتوبة
#لطمية