Рет қаралды 50,255
يادمعة رقيه البجت الكون
طفله الكوم من عدهه شيريدون
************************ ديوان الدموع الزينبيه/ج٢٤
طفله شرايدين الكوم من عدهه
تبجي والدموع انرسمت بخدهه
شافت بالمنام حسين والدهه
كعدت صارخه وتهل العيون/
كعدت صارخه وتصيح ياعمه
أريد حسين جان اكبالي ابو اليمه
جابو منحره وامخضب بدمه
خلهه اتشوف واليهه يكولون/
جابو بالطشت راس السبط ليهه
رقيه شافته شيضل بعد بيه
تنحب شبكته والعين تجريهه
تشكيله الجره وتكشفله ابمتون/
تكشفله المتن وتسيل دمعتهه
وأثار العصي الومت ركبتهه
تكله اعداك ماتنراد رفكتهه
كل يوم البلد بينه يروحون/
سبايه اميسرات الكوم ودونه
نطيح امن الهزل بويه ويسحكونه
تقبل بالخرابه اليوم خلونه
عالجلسات بعيالك يمرون/
طبينه المجالس والشماته اكعود
ضرب راسك يزيد وعذباه بالعود
كطعت صوتهه ومنهه الكلب ممرود
وعلي السجاد ضل ينوح محزون/
الله يساعده من شاف حال أخته
حركهه العليل وكالهن ميته
بعد ياهو اليشيل النعش ويزته
وين أهل المحنه خل يحضرون/
وين أهل المحنه خل يحضروهه
من ضيم العدو ماتت يشوفوهه
يالعدكم كلافه بس اندبوهه
رقيه امجربه وتنطي اليطلبون/
**********************
الفزاعيه
نتعازه الرقيه اليوم مانحمل مصيبتهه
بيهه انعازي الزهره
مصيبتهه شكثر مره
كعدت تصرخ بعبره
وفجعت كلب عمتهه/
كعدت تهمل الدمعه
اتريد الكسروا ضلعه
زينب صوتهه اتسمعه
عمه شبيج نشدتهه/
عمه شبيج حاجيني
تونين ومردتيني
ثاري من عمت عيني
ابوهه حسين رادتهه/
ثاري اتريد ابو سكينه
ياعمه نخت وينه
طالت غيبته اعلينه
ومابطلت ونتهه/
يوم السمعوا العدوان
جابو منحر العطشان
صاحت والكلب خلصان
بنتك شوف ذلتهه/
تشكي فوك راس حسين
مهضومه وخطفهه البين
وين مكطع الجفين
خل يحضر بزتتهه/
مايدرون ولياهه
ماتت والقدر جاهه
وي زينب لفركاهه
تلطم دوم شيعتهه/