الصناعه الصينيه من وجهة نظر شخص درس وعمل في المانيا في مجال السيارات بودكاست شارع الخليج

[@HasanAli-hj2ft]

حلقه مميزة ...عن تجربه الجيتور T2 لمدة سنه ..سياره ثابته ومواصفات عاليه واداء ممتاز ....من احسن السيارات راحه و اداء .. التنوع ووجود الصيني غير معادلة السيارات

[@t3bqlby]

نصيحه اخويه اتمنى من الاخ الزهراني انه يدير محاوره ويختاره بعنايه قبل الخوض في النقاش ... الزهراني يرمي اي فكره براسه ويخرب تسلسل الحوار مع الضيف او مع زملائه بطريقه ماله اي تفسير ..نظام حشو الكلام والاستفهامات الكثير الغير منطقيه تخلي المشاهد والمستمع يتهرب من مواصلة النقاش ....فالله يرضى عليك يالزهراني كن مستمع جيد قبل ان تكن محاور وتعلم من زملائك في طريقة طرح الاسئله و المواضيع بطريقه ذكيه " ارحمنا من العشوائيات "

[@mmmha149]

وانت ارحمنا الكمال لله وحده والاخ الزهراني يعمل بمجال الطب ولا يمتلك خبره قويه بالسيارات لذلك هو فعلا يسأل ليعرف.. وانت قبل ما تكتب تعليق التمس لاخوك عذر

[@t3bqlby]

@@mmmha149 يعمل في مجال الطب في مجال الزراعه في مجال الصناعه ليس بعذر ان يتخبط في ادارة الحوار فكما قلت سابقا يجب عليه تعلم الاستماع الجيد وطريقة ادارة الحوار مع زملائه السابقين .... نصيحه له اتبع هذه القاعده الثلاث وستكون محاور متمكن وعظيم: تعلم متى تسأل وكيف تسأل ولمن تسأل.

[@mmmha149]

@@t3bqlby كلامك ذهب👍

[@gouki99]

الحلقة حلوة يعطيكم العافية بس في شي انا مزعجي ان ما يقولون اسامي سيارات ثانية حتى لو يحاولون يمدحونها مو بس بهذي الحلقة حتى بالحلقات الثانية

[@Abdul09277]

مشكورين على الطرح الجميل ولكن بديهيا كل بائع يمدح سلعته ، وتبقى الحقيقة عند الملاك و اصحاب السيارات، علاوه على ذلك فيه بعض المحاور التي تهمني انا كشخص أفكر في اقتناء سيارة، إلا وهي ( سبب ارتفاع اسعار قطع الغيار الغير متناسقة مع سعر السياره و كذلك عدم توفرها و الانتظار لفترات طويلة كي تتوفر) بالختام يعطيكم العافيه على الحلقة

[@rose1995R]

😂😂😂😂 أنا لو في قسم المبيعات الصينية بأقول السيارات الصينيه هي أفضل السيارات في العالم لأني لو بقول غير هذا الكلام بتهزأ اليوم الثاني من المعزب😂 حتى وان كنت غير مقتنع ( المخرج عاوز كده ) 🤷‍♂️ 😅

[@abdualmlk8]

كلامك صحيح اذا بس جالس يمدح وبس ولكن الرجال يعطيك اسباب وشخص فاهم وشايف بعيونه

[@mansour2935]

تسويق فقط لا غير الزمان واراء الملاك اهي اللي راح تحكم

[@mr_ahmadq8]

بارك الله فيكم مبدعين والى الافضل يارب

[@CARTOMIZE]

🌹🌹🌹

[@AnwarAlsaleh-qs9xx]

الضيف جدا مميز

[@mysteriousgamer7736]

حلقة رائعه ، أنا جربت الجايكو j7 كانت وايد حلوه انا كنت من الناس الي تقول الصيني بيفشل لكن الصراحه شي عجيب وغيرت نظرتي للسيارات الصينية ، و واضح مستقبل السيارات راح يكون في منافسة جداً قوية

[@Ditecod]

الصراحه الحلقة غيرت وجّهت نظري عن السيارات الصينية ، الصيني صار يثبت نفسه في الأداء و الموصفات ، وبالمستقبل القريب اعتقد بتشوف سياره الصينيه في كل مكان

[@hoithoot4035]

الله يعطيكم العافية حوار جميل والاخ عبدالرحمن ممتاز ومنطقي. بس لي طلبين اذا امكن ١)نبي عن البراندات الثانية اللي منتشرة بالكويت والخليج ٢) سؤال محير جدا.. ليش كثير من السيارات الصينية يعطيك كل المواصفات والفخامة بالسيارة ويجي عند شي تافه ويبي يوفر فيه مثلا المراية اللي بالنص مو تعتيم تلقائي او كاميرا . الدبة او (الشنطة 😊 ) يدوية.. الكبوت مايتبطل هيدوليك .. الخ ... ليييش ؟؟؟؟🤔

[@darb2034]

ترا للمعلومية سياراة جيتور تبع شيري وأمودا واكسيد واي كار كلهم تبع شيري .. وهي تصنع سيارات رنج روفر وجاقور في الصين واغلب محركاتها من موستبيشي، ولكن 50‎%‎ من ملاكها شركة اسرائ..لية.. يعني اللي يشتريها يكون داعم 😂

[@ابوخالد-ق7خ1ي]

انا اتوقع مستقبل قوي للشركات الصينية مثل مابدت اليابان وبعدها كوريا، بس تمنيت لو سألتموه ليش أغلب سياراتهم تكون هايبرد و اذا كانت بدون هايبرد تكون ٤ سلندر مع ثقل وزن السيارة ووزنها، غير انهم مركزين على السحب الأمامي في أغلب سياراتهم

[@omarbouyafar]

بارك الله فيكم وجزاكم خيرا

[@CARTOMIZE]

🌹🌹🌹

[@Hajed-z5r]

ليتكم طرحتو عليه سؤال في بالي ،: ليش السيارات الصينيه اغلبها تيربو ومكينه 2:0 وليش ماعندهم تنوع بالمحركات وفيه موضوع ثاني بما انه ذكر تشيري ، فيه مشكله خطيره في احد سيارات شيري وهي انتشار الصدا بعد الغسيل ليش ماتكلم عنها بعيد عن التسويق للصيني

[@abdualmlk8]

السبب بنسبه للمكائن كثير تكلمو عنها و السبب الحكومه الصينيه تاخذ ضرائب كثيره على سيارات المكينه الكبيره مثل 8V و 6V ولو سووها تصير السيارة غاليه جداً و اذا كلامك مكينه ٢.٠ صغيره سيارات المانيه و اربيه كبيره ماكينها ٢.٠ مثلاً فولكس واجن والخ

[@zxhgkj8613]

صلو على النبيﷺ❤

[@mibrahim9654]

انا شخص متحمس للسيارات الصينية بس الحلقة موضوعها برعاية صينية، فكل ما يقال هنا شهادة مجروحة بديت الحلقة بس ما بواصل و اكلمها

[@ahmedal-watar7106]

الله يوفقكم

[@عليالشهراني-س2و]

اكبر مشكله فى السيارات الصينيه قطع الغيار غير متوفره لازم تطلبها وايضا الجوده وايضا الاسعار غاليه

[@Lwih1]

فيه نقطه ما تكلمتو فيها بشكل كافي الا وهي كيف الصيانه؟؟ كيف بعد البيع ، صح المميزات روعه وكل شي تمام بس اذا اختربت بعدين مين يصلحها و كم يصلحها وكم تحتاج مده ايش الاشياء الاستهالكيه كيف اشتريها من وين اشتريها ، لان لسى كل شي جديد من الشركات ف موضوع الصيانه دايم تكتفون باجابه ان فيه ضمان عدد من السنوات ، مجبور الوكيل انه يوفر قطع غيار وبس

[@fahmiadnan8244]

السيارات الصينية ممتازة جدا بالنسبه إلي، السعر ممتاز و الجودة ممتازة

[@1212aaaaa]

علي فكرة بعدة عمالقة شركات السيارات الصينية بعدة مانزل الخليج يمكن في الإمارات

[@AriPes-y1v]

نريد تجربة explorer st

[@VORTEX-mg5ut]

محتوى ممتاز 🫡🔥🔥🔥

[@CARTOMIZE]

🌹🌹🌹

[@حسامعبدالله-ط7س]

نبي مراجعه تاهو٢٥ يسوى والله

[@roockesz5870]

اعتقد الكلام غالبه مرفه احس لو جبتو احد مختص بصيانه الصيني وياخذ راحته لان احس انه مرتب كلامه ومحدود بالكلام واغلب كلامه دبلوماسي

[@ahmedhishamdr8485]

(ما احد يقول على زيتوا عكر)… أكيد الضيف بيمدح الصيني يعني إيش نتوقع

[@modbusd119]

صراحة ما أعرف كيف تريدونا نصدق الكلام اللي تقولوه والحلقة برعاية شركة سيارات صينية

[@CARTOMIZE]

محد غاصب احد يصدق احنا فاتحين نقاش عام ممكن تطلع منه بفايده ممكن تطلع منه في تسليه ممكن تقتنع ممكن ما تقتنع لا احنا مجبورين نقتنع ولا مجبورين نقنعكم ولا انت لازم تقتنع 🌹🌹🌹

[@Lwih1]

حشرو الرجال وهو في في محله ومكانه وزعلان ليه برعايته 😂😂😂 صج ما يملي عينك الا التراب

[@dreamlife1186]

انا والله بانسبه لي ما اشك في نزاهتهم والله انهم افضل من خوينا ذاك الي يقول والله الموتر سكبه 😂😂😂 والله انه اطخم

[@وليدالعباسي-ف4ر]

كلام غير مقنع من الاخ عبدالرحمن ... يقول ماركات السيارات ينزلوا في الاسعار لمنافسة الصيني وهذا ليس له علاقة بالواقع الاسعار تزيد بشكل غير معقول حتى الكوري صارت اسعاره اغلى من الياباني والامريكي ....وكنت اتمنى يعطي مثال واحد لن يجد ... في مثل ما يمدح في السوق الا من ربح فيه .... ياريت تجيبون شخص محايد وعنده خبره بالسيارات واعطالها مثل عبدالحق لأن عبدالرحمن يعمل في شركه صينية فمستحيل يذم الشركه

[@AboAbdullah1400]

أخي الكريم لولا الله ثم الصيني كان شفت الأسعار فوق الموجود الآن .. كما أن الشركات أضافت سيارات جديدة بأسعار معقولة لتواكب السيارات الصينية.

[@waleedalharbi9644]

الي يشوف وضع علي وعمر بيعرف أنهم ساكتين ومتحملين .. الشخص هذا مع احترامي له أعتبره أكبر غلطة صارت للبودكاست ومداخلاته تفسد الحوارات بشكل يرفع الضغط فعليا ومقاطعته الي مالها سنع ولا يضيف لك شي مهم تستفيد منه ولا أدري ليش ما يوقف عن الظهور ياخي خلاص موب لازم تكمل معاهم ولا تطق مشوار من الرياض للكويت عشان تحضر معاهم ارتاح فالرياض وريحنا منك يخوي تكفى كفاية ما ابي افتن بينكم بس صدق وضعك غير مقبول فالبودكاست الفايدة منك بالماينس يليت مافي فايدة وبس لاء جالس تخرب الحوارات بمداخلات جانبية ما تنقال الا برى البودكاست .. وشو الي "هذولا بيذبحوني " مثلا وش حنا نستفيد من جملة زي كذا في حوار مع ضيف ماله دخل فيكم ياخي أطلع تكفى لا تكمل منت ملزوم تجي أبد تعذر بأي شي وأستريح فالرياض يرحم لي من جابوك تكفى طالبينك يخوي 🤣.. علي وعمر .. حاس بوضعكم وكان الله في عونكم والله انكم تعانون صدق 💔

[@waleedalharbi9644]

أنا اقترح عليكم لا جيتوا تسجلون بودكاست لا تعلمونه قولوله نسينا نقولك أي شي المهم لا يدري أنكم تسجلون حلقة صدقوني راح يفهمها من نفسه معليكم الا اذا عنّد هذا شي ثاني 🤣

[@عبداللهالعمر-ز6ث]

احمد الزهراني يشتت المشاهد عن الموضوع بشكل غريب.

[@ahmadmohamed6269]

حلقة فقط للتطبيل لو الأخ فياض موجود كان قال الكلام الصح

[@MuhammedJabir-j3k]

دعايه ممتازة السيارات الصينية 😂😂😂😂

[@mohamedabdullah9331]

خلصت الحلقة والحمدلله مااقتنعت

[@tmh4481]

اعتقد مقدمين البرودكاست غير مقتنعين بالمنتج والسيارات الصينيه والضيف كاعد يقنعهم قبل الزبون . بالمنتج الصيني. ليش مستظيفينه .

[@WahaSd-i7i]

شباب السلام عليكم ورحمة الله هل قناة بودكاست شارع الخليج لها محتوى مختلف عن هذه القناة او لا .. وليش قناتين تنزل نفس المحتوى هل لانه بيكون في شي غير بالمستقبل ؟ وشكرا لكم

[@CARTOMIZE]

وعليكم السلام من الموسم الياي من البرنامج راح ينتقل بالكامل لقناة شارع الخليج الحين ننزل هني وهناك لان عدد المتابعين هناك قليل القناة جديده قاعدين نكبرها وعلشان نتأكد ان الكل عارف عن قناة شارع الخليج

[@WahaSd-i7i]

@ شكرا للتوضيح ويعطيكم العافية ❤️

[@sd_6]

والله ما أشتري صيني يلا روح 👋🏻

[@ForzaMilan18]

من سابع المستحيلات تقتنع بكلام موظف تسويق من اي شركة كانت او دولة من الاخر السيارات الصينية صحيح جميلة كشكل ومليانه مواصفات ولكن من اسوء المواد واقلها جودة السيارات الصينية ماتصلح تكون سيارة أساسية لك ممكن تاخذ جيتور t2 او تانك 300 تستانس فيها وهي من افضل الصناعات الصينية ، ولكن تكون هي سيارتك الوحيده ماتصلح + اللي دخله محدود ومايقدر لو خذا سيارة صينية ب10 الاف دينار واحتاج قطع غيار ممكن ينتظر شهرين ثلاث على ماتوصل وهذي ازمه بحد ذاتها + او يستعملها سنة او سنتين ويعرضها السوق ماتجيب له شيء عكس الصناعة اليابانية ممكن لو احتجاج واضطريت تبيع بتخسرك شيء بسيط وممكن تبيعها بوقت قصير

[@engineer_daner]

غياب فياض ملحوظ

[@ahmhaa20111]

مع احترامي لاشخاصكم الكريمه بس حسابكم صاير مستفز - تحطون فيديوات قديمه ومكرره من حسابات ثانيه -ينزل فيديو بس مانقدر نشوفه الا بعد فتره - الفيديوات القصيره المقصوصه من الفيديوات الكامله الهدف منها زياده المشاهدات من غير متابعينكم ولكن متابعينكم ما يستفيدون منها باي شي..

[@majedtube90]

الشركات الصينيه بإختصار شراكات مع شركات عالميه ف شوف الشركة الصينيه مع مين متشاركة مع شركة عالميه وتفهم توجهها مثال شيري وجاكوار لاندروفر - جيلي ڤولڤو - شانجان فورد الخ

[@q8geog]

ماكو تركيز بالموضوع ضعت وما خذينا شي من الضيف

[@bignono4656]

انا جربت سيارتين وفعلا سيارات سيئه كيف تبون تقنعوني وانا مجرب

[@ahmedhishamdr8485]

كفالة وضمان على كيفك ولكن وقت الجد ماحد عندك

[@mfahadg19]

حلقة تسويقية للاسف 👎🏻 كان يميزكم عن باقي صناع المحتوى المنطقية وسقف الحرية العالي، بس للاسف الحلقة هذي خرجتم عن اللي عودتونا عليه.

[@mohamedabdullah9331]

السيارة اسم وعلامة وأرث ، لازال أمام السيارات الصينية طريق طويل لكتابة اسمها وتخليد علاماتها وإثبات جدارتها من ناحية التوسع والانتشار والجودة وخدمات مابعد البيع

[@AboAbdullah1400]

فيه شركات صينية عمرها 100 سنة.

[@-abdulla6319]

ذبحنا صاحبكم انا مش ضد السيارات الصينية ولكن مش مقتنع

[@HasanAli-hj2ft]

الله يعطيكم العافيه ...السياره اللي خلف الاستاذ علي ولونها اسود جميله ..نبغي نعرف اسمها

[@CARTOMIZE]

الله يعافيك لونها اخضر غامج حيل بالتصوير طالعه سوده هذي j6

[@HasanAli-hj2ft]

شكرا جزيلا

[@CARTOMIZE]

@ 🌹🌹

[@كلاشاوفكلانس-ح7ي]

الكرسي باين مو مريح لشباب، غيروه

[@MubarakSultan]

الكويتي و المصري ما لهم في السيارات 😂