ألحان نجد2 ،،، ٥ ،،،،🌹 الأطــــلال 🌹 سفرالدغيلبي🪀خالد آل بريك

[@ALQUSEAR]

وش جابني لرسوم الاطلال ياسعود واوجاع نبش الذكريات الحزينه سويت في نفسي خطا غير مقصود كني غشيمً باصبعه سد عينه عزالله إن الخط واسع وممدود والهزعه من الخط ماهيب زينه لاباغيً حاجه ولانيب محدود مير اللقافه تاليتها غبينه طبيت جو ٍكن ماطبه الرود مهجور رغم ان العرب نازلينه يشرف عليه من العفاريت نمرود حاميه كنه حاميً له خزينه دارستن آثاره قبل عدة عقود من داج به تحرم عليه السكينه مافيه مَعلم غير سافيه مرجود بينه وبين الريح رفقه متينه قوع السلم والطلح يرعابها الدود كن الخشب ضاربته الغرغرينه تقول مرشوشً على الارض بارود أشهب ومسحوقه دقاقً طحينه وقفت مستوحش وهو يوحش بزود والمنظر المطبوع فالفكر وينه ؟ هذا مراح البل وذا مسجد العود باقي من أحجاره على الارض عينه له مع ملايكته مزكين وشهود مضارب كفوفه وسجدة جبينه وهذا مكان اللي بالاطناب مشدود بارك على العمدان كنه سفينه خياله آشوفه وباقيه مفقود شبه الضباب يحول بيني وبينه جلست فيه اخطط الأرض بالعود كني من القيعان طلاب دينه ضاق انسمي بالحيل واحترت النود غيبوبتي معها جروحن دفينه نفسية ،، ومزن ٍ بلا برق ورعود على شليل الثوب حوّل غشينه ثم وصلت الرحلة ليا درب مسدود وفارقت هاك الجو زينه وشينه لايمكن ارجع له ولايمكن آعود لو تصبح أحجاره كنوزن ثمينه أفلح براس المال يامدور الفود مايقبل الرجال شي ٍ يهينه سفر الدغيلبي"

[@npoomanful]

ياسلام عليك الله يبيض وجهك

[@متعبالعتيبي-ل2خ]

ول الله يسمحك ي ابوسعد عزالله انك نبشت علنا ذكرتيني 👌

[@متعبالعتيبي-ل2خ]

هذا مراح البل وذا مسجد العود

[@abasal-rogi4698]

الله يسامحك يا سفر 😭😭😭

[@بليهانالضيغمي]

بالله ابي انسخها كتابة القصيدة لاهنت كيف ؟

[@عبدالرحمن-ض7ح9ب]

مات أبوه وماتت أمه ودفنها طفلاً بيديه عاش يتيمًا ثم مات جده ومات عمه وزوجته، عاداه قومه وآذوه ومن بلده طردوه كان مبتلى وكان دائمًا يقول أفلا أكون عبدًا شكورًا؟ اللهم صلِّ وسلم على نبينا محمد

[@n_s1132]

الله يجزاك خير

[@بدرالحربي-ذ7ي]

اللهم صلى على نبينا وحبيبنا محمد

[@سلطآننالعتيبيء]

‫اللهم صل وسلم على محمد وعلى آل محمد كما صليت على ابراهيم وال ابرهيم انك حميد مجيد وبارك على محمد وعلى آل محمد كما باركت على ابرهيم وآل ابراهيم انك حميد مجيد ‬

[@عبدالرحمنالقحطاني-ص2ع]

كلام جميل اللهم صل وسلم على محمد واله

[@KHALLAD_]

اللهم صلِّ وسلم على محمد وعلى اله وصحبه اجمعين 😭🤍🤍🤍🤍

[@سلططانالسلططان]

شاعر العرب وقل للمستشعرين يريحون / قحطاني واتمنى ان ابو سعد بن عمي والله انه فخر لعتيبه خاصه وللعرب عامه / متنبي العصر الجديد 👍

[@لاالهالاالله-ه7و]

من أول حرف الي أخر حرف شئ عظيم يابو سعد تركت الشعار على الجره وخالد ترك المنشدين على الجره مليون خلال شهر بإذن الله او اقل من معي؟

[@اذكرربكإذانسيت-ل6ج]

الله الله

[@Mhmoud123Kalid]

ابدااااااااع مابعده ابدااااااااع

[@لاالهالاالله-ه7و]

هذا مراح البل وذا مسجد العود باقي من آثاره على الارض عينة

[@mut.ot.3391]

هذا مراح البل وذا مسجد العود باقي من احجاره على الارض عينه! اللي عاش في البر لما كان صغير، ويزور اماكنهم القديمة يعرف المشهد، اذا جيت اماكننا وشفت مسجد جدي الله يرحمه الذاكرة ترجع وراء 30 سنة، وتعيش احادث تلك الايام والبساطة. الله يرحم من مات و يطيل عمر الحي ع الطاعة

[@BinShadad]

صدقت حتى كانوا قديماً يرسمون مكان الصلاه بتحديده بالحجر ورسم المحراب كأني ارى هذا المشهد

[@بدرالعتيبي-ظ8ص7ت]

اي والله صادق المساجد بالحجر الله يرحمك يابوي وجدي

[@سعدالرويس-و8ز]

الى شعار السنابات الله يغثكم كيف لكم وجه تقولون قصيد بعد سفر سفر يعيشك القصيده وكأنك تسمع لروايه وقعت شكرا يافضل شاعر مر في جزيرة العرب

[@صلِّعلىمحمد-ز8ر]

ياعزتي للامريكان والاجناب ماعندهم مثل سفر .. خذوها ولا خلوها .. بدر الشهراني

[@hunterhunter5511]

من جمال قصايد سفر انك لايمكن تستمع لها مره واحده فقط بل عدة مرات فلا يمكن ان تمر عليها مرور الكرام

[@user-wo5pz9yd9q]

انت تقوله جميله جدا

[@Ah9m4ed]

خيالي

[@وائلالعتيبي-خ9ب]

لاباغي حاجة ولانيب بمحدود مير اللقافة تاليتها غبينة طبيت جوُ كن ماطبه الرود مهجور رغم أن العرب نازلينه ..............................الخ ويستمر أبو سعد شاعر الوصف العظيم الدقيق ولايشاركه في الوقت الحالي احداً ابدا يذكرني بوصف عنترة بن شداد العبسي

[@1982eid]

نفسيه ومزن" بلا برق ورعود على شليل الثوب حوّل غشينه شف شلون وصف نزول الدموع لله درك يامتنبي الشعر النبطي جمااال الابيات مع الصوت مع اللحن الحزين

[@الشامخالغامدي]

‏جلست فيه أخطط الأرض بالعود كني من القيعان طلاب دينه ‏خيال واسع شكرا للشاعر سفر على هذا الإبداع والتصوير

[@mohammedm9137]

الله على التصوير ياشامخ الغامدي

[@معاليالوزير-و5خ]

ديِنه هل الشاعر يقصد الفلوس أو يقصد الدْين؟ ارجو التفسير اذا احد يعرف

[@نوافالسلمي-ب8ش]

‏. ‏﴿إن الله وملائكته يصلون على النبي ‏يا أيها الذين آمنو صلو عليه وسلموا تسليما﴾ ‏اللهم صل وسلم على نبينا محمد ﷺ

[@سلطآننالعتيبيء]

‫اللهم صل وسلم على محمد وعلى آل محمد كما صليت على ابراهيم وال ابرهيم انك حميد مجيد وبارك على محمد وعلى آل محمد كما باركت على ابرهيم وآل ابراهيم انك حميد مجيد ‬

[@azozazooz8773]

هذا مراح البل وذا مسجد العود صورة كاملة لحياة الأجداد ❤❤

[@rether7982]

سفر وشيلته ذي لاسمعتها جاتني قشعريره الرجال ذا مو طبيعي اظاهر معه احد من وادي عبقر

[@سموالعتيبي-ك9ل]

هذا مراح البل وذا مسجد العود باقي من أحجاره عع الأرض عينه 😭💔

[@طارقالروقي-ك5ف]

انشهد انه لعب في جوي ذالبيت الله يسامحه وش جابني لك ي سفر

[@مشاريالعتيبي-ط4خ]

ليه يا سفر بس 💔 ذكرتني بأبوي جعله ابوي فالجنة وابوك ومن يقرأ واخواننا المسلمين أجمعين

[@ابوزيدالهلالي-د3م]

الله يرحمه ويسكنه فسيح جناته ويرحم اموتنا واموات المسلمين

[@ابنشوية]

الله يرحمه ويسكنه الجنه واموات المسلمين ❤️

[@malek8195]

امين

[@stbstvstg521]

اللهم امين

[@سلطآننالعتيبيء]

امين

[@محمدالزهراني-ع3ي9م]

حرام عليك اللي تسويه فينا يا سفر والله حرام عليك يا خي انت منجم شعري غريب مستحيل احد يجيب مثله..... من النهاية .... انت متنبي عصرك...

[@AL-OTaibi-511]

3:19 هذا مراح البل وذا مسجد العود ... ابداع غير مستغرب يابو سعد

[@حامدالسفياني-ت2ن]

سفر متربع هذه الفترة على عرش النظم لله درره من شاعر

[@aymanhegazy1915]

ومازال الإبداع مستمر . أعظم تحية من مصر لأعظم شاعر بالمملكة

[@aymanhegazy1915]

الله يسلمك. وائل العتيبي

[@lb511dl]

ترى سفر نزل شيلة جديدة البارح اسمها المنظومه 🦌

[@vib999]

الله اكبر بكيت لين صفاء راسي آخر مكالمة مع عمي سعود ليلة العيد والصباح توفى هو عقيد ربعة يوم مات كن العائلة كلها ميتة الله المستعان

[@MrKahilan]

الله يرحمه ويتجاوز عنه.

[@فيصل-ص9ز9ع]

الله يرحمه ويغفر له ويعوضه بجنه الفردوس الأعلى اخير من الدنيا وما فيها

[@عبداللهالعتيبي-خ7خ8ع]

الله يرحمه

[@Ly2y]

له مع ملايكته مزكين وشهود مضارب كفوفه وسجدة جبينه تذكرت مسجد ابوي الله يرحمه وبكيت ياسفر

[@محمدالعتيبي-س4ش3ه]

قسماً بالله جيت بأكتب بيت أو بيتين شدتني كأي قصيدة ، ولقيت القصيدة من أولها الي أخرها شئ عظيم يحرك المشاعر ويذكر بماضي الانسان حتى ولو كان قريب اذكروا الله على شاعرنا أبو سعد وعلى خالد ال بريك (💙ماشاء الله لاقوة إلا بالله💙)

[@محمدعلي-د4ك5د]

مشا الله شعر وقصيد من ابو سعد ولحن جميل من خالد البريك

[@سعود-ظ9ض]

الشيلة هاذي حزينه ل ابعد درجه💔

[@ال11-ي1ز]

التسلسل فالوصف شيء عجيب ابوسعد يسولف شعر

[@لاالهالاالله-ه7و]

صلوا على خير البرية ، اللهم صل وسلم على حبيبي رسول الله💙

[@بدونعنوان-س7ب]

أي جمال وأي وصف للمكان وأي وصف للحال وأي درر هذه ينثرها هذا الشاعر المتمكن.. أنا أقف حائرا للشاعر سفر ولا أستطيع أمام هذا الجمال من هذه الأبيات سوى أن آقول له شكرا من الأعماق كما لا يسعني إلا أن أقول للمنشد خالد أنت خامة صوتيه مخملية نادرة.. شكرا لكما

[@abosebaalggg5347]

سفر قصه رجل مكافح

[@ابنعاصمالبرقاوي]

سفر الدغيلبي شاعر استطاع في وقت وجيز بعد ان اسخى الجهد فالنظم ان يكتسح الساحه ويتربع على عرش الشعراء بل أنا بدينا نقارنه في بندر ابن سرور وسعد ابن جدلان لأن للاسف لانرى شاعر بالساحه في حجم سفر الدغيلبي الله يمده بالصحه والعافيه شاعر عتيبه ابي اعطيكم من قصايده لحون نجد👇🏻👇🏻👇🏻 عليك السلام ورحمة الله ياهاك البيت احييك والك العذر لو ماتحييني ياليتك بعد شدو هلك مع هلك شديت على شان ماتقعد بقربي. موازيني سفر الدغيلبي تبارك الله والله. احسن الخالقين يامرحبا بالجمال الحوري اليوسفي الا ان قال من ذواق العشق لابده يعاود بحين الحب. ولعه ونار. الحب. ماتنطفي سفر الدغيلبي عقب اتساعة خاطري صرت حساس حتى الرفيق. الكفو ماقبل منه شي اخفقت واجد.في التعامل مع الناس مدري البلا فالناس والا "البلا في سفر الدغيلبي ياجارنا الي نزلت ديارنا شرق عرق النفود جيرتك.ماهيب.قشرى مير ماجت على حينها بعد دعيناك للواجب ومسفوطنا للفهود حقً علينا. من الله والكرامه. مسوينها دعيتنا دعوتن. في ليلةً. جعلها ماتعود والصدفه الي جرت في غيبتك ويني ووينها سفر الدغيلبي ياشبه من توقا في الزوالي عن الحفا من خيول الامير خزام والا. العقايله الا ان قال اتعزم على. الحفلات والفكر. ماصفا اتحرى اتصاله واتحرى. رسايله سفر الدغيلبي ان شاء الله وفقت في طرح شي بسيط من مايسعني حفظه🌹

[@النايف-ت2ر]

كان معطي وقته ل شعر المحاوره التفت ل النظم شاف نفسه مقصر ضرب الساحه بشعر نظم صح وكثر يازينه ماشاءالله عليه شاعر كبير

[@SaraQurashi-gz3bx]

الله الله فتحت علينا جروح💔💔رحم الله من فقدناهم وجمعنا بهم في جنات الخلد

[@Sultan_alhwity]

اللي جاي من مقاطع غازي الشراري بالتيك يصف جنبي😂

[@haus4638]

انا

[@تركيالشراري-ث4ز]

ههههههههههههههههههههههههههههههههههههههههههههههههههههههههههههههههههههههههههههههههههههههههههههههہَ .

[@abdulmajedmm4322]

نعرفها قبل مايعرفها غازي

[@سالمالقحطاني-ه4س]

سجل واحد نفر زياده 😂😂😂

[@حاكمالوليد]

انا😂

[@سلمانالجذع-د7ت]

جلست فيه اخطط الارض ب العود كنيي من القيعان طلاّب دييينه ...:-) جعلك تبطي في الوجود يابو سعد❤️

[@ab-od5ti]

بيت مجنون وربي

[@محمدالعتيبي-س4ش3ه]

شئ عظيم شئ فخم من الآخر فلا غرابة كلمات أبو سعد ياحبيب عتيبة💙 وخالد ال بريك الفخم العذب ....الخ (ماشاء الله لاقوة إلا بالله)

[@ll9_]

افلح براس المال يامدور الفود مـا يقبل الـرجال شيء ٍ يهينه . 👏🏻

[@Sai7Tube]

وش جابني لك يبو سعد .. الاكيد ان سفر والبريك ثنائي يقدم شي جديد وساحق بقوه .. الله يوفقهم 🤲🏻

[@tamialaklabi8543]

انت والله المميز ❤️

[@faisalalharbi386]

عز الله يا السبيعي

[@oommmm6980]

انا اشهد ايوالله

[@_15u49]

ارححححححححب مليون يا ولد سبيع

[@العتيبيالهوازني-س1ظ]

الله يبيض وجهك بياض الثلج ياسفيرنا يابن الوطن البار💙

[@فيصلالروقي-ل8ه]

كلمة الهزعة جميلة جدًا واختيارها في هذا السياق معبّر وتدل على معاني كثيرة جدًا. لله درك يا سفر

[@عبداللهالشهراني-د7ج]

لهجه جنوبيه

[@عبداللهالشهراني-د7ج]

هزع من الخط اهزع من الخط

[@شامانالغامدي-ق9ز]

عزالله ان اللي ما يتابع سفر وخالد ولا يتحرا جديدهم انه ما يععرف شي 🤎👌🏻

[@ALQUSEAR]

‏هَل من مُستغفر ؟ أستغفر الله العظيم 🤍

[@المالكي1]

استغفرالله

[@ابوسلمان-ص7ت]

ياسلاااام من أجمل القصيد اللي سمعناه وتحاكي الواقع لأغلب الناس اللي عاشو الفتره اللي مر فيها سفر

[@سبحاناللهوبحمده-ح3ع]

ممكن تقول لي عن ايش تتكلم هالقصيده

[@llo.p]

@@سبحاناللهوبحمده-ح3ع يقصد انه راح لديرته وتذكر ذكريات ويوصف شعوره ويوصف حال الديره

[@عبدالعزيزالتميمي-ظ5خ]

شعر نجد العذيه دايماً فارق ❤️، صح الله لسان سفر الدغيلبي، ونعم في عتيبه ذباحه الحايل لطامه العايل

[@ksa5035]

ماعليك زود يابعدي

[@Sdsd-jj8jg]

معليك زود

[@Fdasdhxhjkvfhnftjjvf]

الله يعافيك يا سفر

[@A.S.A-p2j]

ماعليكم زود يابني تميم انتم اهل العلوم الطيبه كلها

[@crazyspeed222]

والله ونعم بعتيبه ماعرفناكم الا وعرفنا العلم الغانم منكم ارفع سلامي لكم من وايله نجران

[@salemsaeed5033]

سبحان الله عشت بالرياض في حي المرقب وبجنبة حي العود والديرة والبطحا ومدرستنا الابتدائية مدرسة التدكارية ثم نقلنا للخبر عام ١٤١٥ هجري وعشت بها الى عام ١٤٤٣ هجري والحين اسمع الشيلة وانا في وادي حضرموت بإذن الله ارجع و بمر على كل مكان عشت فيه❤❤❤❤❤ بالسعودية ❤❤❤❤❤❤❤❤❤❤❤❤❤❤❤❤دعواتكم لي

[@m_s71]

سفر الدغيلبي و خالد البريك .. ثنائية عظيمة ♥️

[@Mariam_Alqrni]

بكيت الله يرحمك يا جدي ويجمعني بك في جنة عرضها السماوات والارض 😔😔

[@الحجوري-ل5ح]

الله يرحمه ويرحم جميع اموات المسلمين

[@سراجالحارثي-ل5ذ]

اللهم امين يارب

[@ameralshihri5673]

سفر الدغيلبي، خالد آل بريك ، ثنائيه اجتمعت فيها قوة الكلمة، وجمال اللحن ، سفر الدغيلبي انت شاعر فوق العاده ، اتمنى تبتعد عن شعر القلطه ليس لشيئ ، لكن إن تفرغت لشعر النظم فأراهن انك ستاتي بمعجزات شعريه يسير بها الركبان، ويخلدها التاريخ ، كل التوفيق لك أيها الظاهره الشعريه .

[@معيبدالديحاني]

الله درك يا سفر سفر اذا بيسوي قصيده فهو ياخذ عزبته كامله وكل شطر بيت ياخذ من ديره لذالك تطلع القصيده تعزف على وتر كل متذوق والغير متذوق مهما كتبنا فيه لن نوفيه حقه سفر ملك للحميع ماهو بس للقبيلته فقط

[@فيصل-ص9ز9ع]

سفر دايم جزل ومبدع ماشاءالله ليته كل شهر يسوي قصيده ولا هي غريبه ع قبيله عتيبه الإبداع والشعر 👍

[@سعودالحمادي-ب1ث]

وانتم مبدعين وطيبين يامطير

[@المطنوخً-ن7د]

سفر فالنظم اسس له مدرسة خاصة فيه اثبت شاعريته واطلق عليه لقب خليفة النابغة الذبياني

[@ابوفهد-ض7ي8ص]

والله والمحاورة له بصمه

[@TR-ud9sq]

من كان مثلي ينتظر هذا العمل

[@أحمدالعتيبي-د4د]

لنا سنه ننتظره 😂

[@نوادرالابل-س7ي]

انا

[@وائلالعتيبي-خ9ب]

عز الله أن الخط واسع ومدود والهزعة من الخط ماهي بزينة

[@عبداللهالعطوي-ب8ط]

وصف رائع جدا صحيح نشوف باقي مساجدهم في ديارهم ومكان بيت الشعر وكل شي ابداع

[@Alshar.]

الله عليك يابو سعد قصيده تحكي معاناة مرت على عيوننا كلنا وواقع مشهود . مايجي من سفر غير الجزل الله يطول عمره . ولاهان المنشد المبدع بصوته . لحن الشيلة من ابداعات أسطورة الفن الشعبي عيسى الاحسائي رحمه الله في اغنية الحلم يجمعني بكم كل ليله

[@saadalthani3885]

صح الله لسانك يشاعر قصيده جزله فن وأداء راقي وجميل مشاءالله عليكم ياسلام

[@عابرسبيل-ش9ب1ج]

يا حظك ياسعود اللي جاء اسمك بشيلات سفر وخالد🏃🏻‍♀️

[@ابومحياء-ث7ك]

اخوه سعود

[@محمدالعنزي-ع4ع8ج]

قبايل نجد هم أهل الشعر الحقيقي وخاصةعنزةوعتيبة

[@بدرالبدر-ز3ف]

ههههههههه

[@abonaif628]

*ثقافة سفر الدغيلبي تعجز وأنت تحاول أن تضعها في فن واحد* ^ *هو جامع من كل فن ومن كل عِلم إن صحّ القول* ^ *ما شاء الله تبارك الله* ^ *تابعتُ قصائده في النظم منذ البداية فلا أجد أفضل منه في الوصف والابتهال وخاصةً في توحيد الله والثناء على الله سبحانه جل وعلا* ^ *ثم تجده يتطرق لأمورٍ تخصنا نحن من الوجدانيات والذكرى بأسلوبٍ قلّ أن نقرأ مثيله* ^ *لله درُّكَ يا سفر* ^ *ولا تسَل عن العاطفة وعن التاريخ وعن الجغرافيا وعن شتى العلوم أنت باختصار أمام عقلٍ قد منحهُ الله ذكاء وفطنة مع عِلمٍ ودراية ما شاء الله* ^^ *الله يحفظك يا شاعرنا العملاق* ^^

[@حبيبييارسولالله-ث1ج]

والله يابونايف لو تابعت المدح انه مصيبه بعد

[@khaledotb3005]

صدقت ورب الكعبه ،،عندما تستمع لما يقول سفر كانك تتذوق اجود انواع العسل ،وهو الشهد ، واحاسيسك وعاطفتك وعقلك تختلط لا تعلم ايهما يستمتع اكثر ،،ولكن نستغرب انه لم يكرم من دولته حتى الآن بعد هذا العطاء المتميز شعرياً (البعض يهمس في الخفاء انها العنصريه ضد ابناء البلد الاصليين) والله اعلم ،،،،

[@adibadid5962]

خيالة آشوفه وباقيه مفقود شبه الضباب يحول بيني وبينه ياسلام👍🏻👍🏻

[@abosebaalggg5347]

سفر لازم يشرح قصايده في كتاب يجمعها كلها

[@قناةحمدبنصالح]

سفر مبدع مبدع في جميع الوان الشعر لاكن عندماء يطرق قصيده مبنيه على قصه هينا شي ثاني 💔💔💔💔💔💔💔💔💔💔

[@abdullah8109]

الى يعجبني في سفر ان قصيده صعب والمفردات جديدة وتوضيفها ابداع صح لسانك وال بريك مبدع

[@777-r6t]

فعلا أفكاره غير مسبوقة الله لايضره

[@amlkh8808]

إبداع لاينتهي نبع يتجدد باجمل المفردات🌹🌹🌹

[@user-om7tz7se2i]

هذا مراح البل و هذا مسجد العود باقي من احجاره على الأرض عينه يا ناس سفر كل قصيدة قوي و يكلم القلب على طول يعني اذا سمعته اما انك بتضحك و لا بتبكي و لا و لا .

[@jzilotibi6571]

له مع ملايكته مزكين وشهود مضارب كفوفه وسجدة جبينه 👏🏼👏🏼👏🏼👏🏼👏🏼👏🏼

[@فيييصل-ي6ز]

ماشاءالله شاعر كل تركيباته عجيبه و رهيبه فعلا موهبه قويه انشهد انه اسطوره فالنظم والمحاور ه

[@Azoz_rare]

مضارب كفوفة وسجدة جبينه 💔 يالله العفو والعافيه تصوير ماينوصف من جماله

[@ابوعبدالرحمن-ن1ي]

هذا مراح البل وذا مسجد العود باقي من احجارة على الارض عيينة له مع ملايكتة مزكين وشهود مضارب كفوفة وسجدة جبينة الله يرحمة ويرحم اموات المسلمين

[@Aaa-sn1lr]

التعمق ف الوصف الدقيق صفه نادره وابوسعد ابدع في هالصفه

[@فيصلالهذلي-ن9ي]

إبداع غير مستغرب من العملاق ومتنبي هالعصر سفر الدغيلبي ، هالشاعر في كل قصيدة جديدة يبحر في الصور الجمالية والجزالة الشعرية ، زاد هالإبداع ثنائيته الرائعة مع المنشد المبدع خالد آل بريك 👍 لله درك يا أبو سعد

[@777aaah]

الله يسامحكم ياثنين منشد وشاعر مبدعين لكن اوجوعتونا رحمة الله عليك يابوي الله يرحم امواتنا واموات المسلمين

[@adelalotaibi8667]

اجرم فينا الدغيلبي ؟ امنعوه ياحكومتنا الرشيده لايكتب

[@فهدالسلمي-ر1ك]

اتوقع سفر هو الشاعر الوحيد الي يخليك تنسى ابداع المنشد من يتفق معي 😅.

[@ابنعاصمالبرقاوي]

صدقة👍🏻

[@az907149]

عزالله انك جبتها

[@MS-ik3gn]

اتفق معك. وانا اسمع القصيدة أعيش في خيال وعالم آخر إلى آخر بيت

[@حبيبييارسولالله-ث1ج]

نعم اتفق معك وبقوة بعد

[@فهدالبراك-ر1ش]

كل بيت من ابياته مليي بالشعر ووصف صعب جداً وفي مكانه🥺♥️♥️😴♡

[@صالحبنغلاّب-ض5ت]

أعمال سفر والبريك تستحي حياء إنك تشوف جزء منها ولاتكملها (فإذا سألوك عن العمل اللي يفرض نفسه بلا إعلانات ولا تسليك قلهم تابعوا أعمال سفر والبريك) شي فااااااااااااااااااخر من الاخير 👌❤️

[@النايففهد2]

انشهد

[@العتببي-خ8ض]

ياله من ابداع ويا لهذا الشاعر العلم العملاق ، لايمكن ان تمل الاستماع عندما يكون الشعر عذباً متماسكاً والمنشد ثقه.

[@طارقالحربي-ل3ز]

نعم كلامك صحيح وابو سعد شاعر ماهو بسيط شاعر نظم ومحاوره كلاهما قوي فيهن ومبدع وبالنظري انا انه الان هو افضل شاعر نظم

[@منيفهالرويلي-ض3م]

ابكتني كلمات القصيده كلماتها من الصميم وأوجعت الجميع💔💔

[@العتيبي-ظ2ي]

سفر كل قصيده ابداع ومفردات جديده ممكن اول مره تسمعها وتوظيفها جداً ممتاز هذا الابداع بعينه

[@abosebaalggg5347]

سلام عليكم ياعتيبه الهيلا اشهد بللله ان شعركم يشرح البال وسفر علم وقصايده خزنات ذهب

[@وائلالعتيبي-خ9ب]

أبداع وفخامة وجمال أبو سعد وخالد ال بريك 💙 سلمت يابو سعد ياسنايد عتيبة 💙 (ماشاء الله لاقوة إلا بالله)

[@mm-ob7mf]

على قوله محمد ال جميح الله يعز الكفو لو كلامه ترجمه وأبو سعد كفو وخالد كفو وانتو يا عتيبه كفو

[@hizamhizam1784]

اللهم صل وسلم وبارك على سيدنا محمد وعلى آله وصحبه أجمعين سبحان الله وبحمده سبحان الله العظيم اللهم اني استغفرك واتوب اليك أستغفر الله الذي لا إله إلا هو الحي القيوم وأتوب إليه

[@وائلالعتيبي-خ9ب]

سويت في نفسي خطاء غير مقصود كأني غشيم بأصبعة سد عينة 💔👌🏻 وصف عظيم

[@لاالهالاالله-ه7و]

كلمات يعجز عنها الوصف يابو سعد بُوركت وسلم لسانك ياشاعر عتيبة ، الله يسعدك سعادة الدارين أنت وخالد ومن يقرأ كلامي💙 وصوت فخم هادئ وجميل وفصيح ينطق الكلمات كما كُتبت من شاعرها وبلهجة قبيلته ليس مثل بعض المنشدين الي يحوسون القصيدة نعم هو خالد ال بريك الدوسري لله دره💙

[@arfr-x3b]

هذا الوصف الدقييق والتمكن ماينطقها الا شخص يعاني وعاش الوصف انشهد انك شاعر طنطق الالم نفسه.

[@ALOTAIBI_]

لحون وطواريق وبحور شعر جديدة يا شيخ شكراً لك انت خدمت الشعر ♥️

[@ابوعزّااام]

تراها مسحوب

[@zeyadhk709]

نعم مسحوب، اشهر بحور النبط

[@ndq_505]

والله انهم مبدعين كلّهم لا سفر ولا خالد لكن المسحوب اعتقد انّه اكثر استخادمًا في القصائد النبطيه وهذي على المسحوب

[@سلطآننالعتيبيء]

(وذكر فإن الذكرى تنفع المؤمنين ) - سبحان الله .. - الحمد لله - لا إله إلا الله .. .. - الله أكبر .. - أستغفر الله .. - لا حول ولا قوة إلا بالله .. - سبحان الله وبحمده . - سبحان الله العظيم .. - اللهم صل وسلم على نبينا محمد ..

[@user-ds7uz5lz1j]

هذا مراحح البل وهذا مسجد العود🥺♥️.

[@خزامالمرشدي-ت8ج]

اللهم صلي وسلم وبارك على نبينا محمد وعلى آله وصحبه أجمعين لايك🤙🙂

[@محمدالشهراني-غ7د1ف]

في السنين الاخيرة تفجر سفر ( شعرًا )

[@نيوزنيوز-ذ9ط]

جلست فيه اخطط الارض بالعود.... كني طلاب دينه ..ابداع وتصوير فوووق الخيال ...

[@تركيالعتيبي-ز4ه]

بارك على الارض كنه سفينه وصف بيت الشعر فعلاً فيه من السفينه

[@carloszh3789]

قابلته سفر قبل يومين في جده قمه التواضع والهيبه الله يوفقه ويطول عمره

[@جنوبالسلطنه-ث3ي]

سفر من اي مكان . على بالي ازوره

[@محمدناصر-ج8س6ث]

هذا الشعر الحقيقي يسلم بوح الشاعر الكبير سفر الدغيلبي أشهد بالله

[@hhlk6479]

سفر قصيده كفو وخالد ال بريك ابدع فيها👌💔

[@لاالهالاالله-ه7و]

ولد روق صدق ياسلام يابو سعد ياسلام يارمزنا ماشاء الله لاقوة إلا بالله عليك أنت وخالد المبدع الفخم💙

[@abokhaled9657]

الإبداع لا يستغرب من اهل الإبداع وابو سعد مبدع في النظم أو في المحاورة وكذلك المنشد خالد البريك

[@looka511]

اللهم صل على محمد وعلى اله وصحبه اجمعين يارب

[@العميد-ب9م]

هذا العملاق والهرم الشعري سفر الدغيلبي استحل الساحتين النظم والمحاوره وسيصبح اسم منحوت من الذهب في التاريخ الشعري

[@mm-ob7mf]

اترقب لي وقت لمثل هذا العمل شعر ولحن وابداع من سفر وخالد اطال الله بعمارهم وعماركم

[@muaidm4329]

صلّو على نبينا محمد عليه افضل الصلاة والسلام 🌹

[@user-bi8km4tf2c]

خلص الكلام فيك يابو سعد اسطورة النظم الاول حاليا

[@aboodi507]

الله أكبر عليك يابو سعد تلامس كل قلب ومقرب الله يسعدك سعاده الدارين اقسم ب الله ابدااع وزاد الابداع خالد ال بريك

[@برؤكالمطيري-ظ6ظ]

الله الله ياسفر قمة فوق القمه نذر 😌👏🏻.

[@الروقي-ظ2ت]

الله الله وش هلابداع🏅🐪🏅🏅🏅🏅🏅🏅🏅🏅🏅🏅🏅🏅🏅🏅🏅🏅🏅🏅🏅🏅🏅🏅❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️