الانصرافي عندما يبدع في شرح اغنية (بخاف اسأل عليك الناس)

بخاف أسأل عليك الناس وسر الريدة بينا يزيع
بخاف أكثر كمان ياغالي من إيدي إنت تضيع
وأعيش بعدك حياتي جفاف
بخاف يا إنت لو جيتك
ألملم في خطاوي الشوق وأزور بيتك
بيقولوا علي حبيتك
أخاف لو برضي غبته عليك
تقول ناسيك وجافيتك
بهم لو صدفة لاقيتك
درب حلتنا جابك يوم
تشيل ياروحي ترمي اللوم
علي وتزيد همومي هموم
تقول جافيك وأنا نسيتك
ياريت .. ياريت ..ياريت إنت تعرف حنيني إليك ياريتك
كمان تعرف آه تعرف لحدت وين بعزك
وفي أعماقي حسيتك
آه ... آه ... ياريت إنت تعرف حنيني إليك ياريتك
كمان تعرف آه وتعرف لحدت وين بعزك
وفي أعماقي حسيتك
بس خايف إذا جيتك حكاية الريد تمشي تزيع
ومن إيدي إنت تضيع
وأعيش بعد حياتي جفاف مواسم بينا مافي ربيع

[@user-dz8sl2px5z]

ما حصل بكيت في اغنيه إلا اليوم اتزكرت زوجتي الاوله والله

[@user-hv7fi5yf9i]

ده فاعلية التفكير المظلة بشمل كل جوانب الهواجس وفوبيا خوف مستعد لدفع لثمنه عمري مصداقية الفكرة والتفكير لتتويج غاية الروعة والجمال في قصة حب بين يديه يقلبها ويدرسها قبل ما انجذب حبيبك الماعارف مشاعره هو ناحيتك وخاف هو علي شمعته عشان تقيد شمعتك حبها تقيد حبها لوعتك وهو ما يسمي جزوة العشق السامي والمحترم.ياصرفنة ياشفذ مابراك الشفذ في الكون.

[@sudany2258]

ياصرفه لولا حبي ليك وظروف الحرب حا افتح بلاغ فيك الاغنيه دي ما اديتها حقها عليك الله عيد شرحه من الاول وبيت بيت من الاول

[@badreldinabdelgadir8931]

. واشتهرت الأغنية عندما فازت بالمركز الأول في مهرجان دمشق للأغنية العربية في عام 1976 ويقول مطلعها: بخاف أسال عليك الناس. وسر الريدة بينا يذيع.

[@masszain4401]

انت الابداع زاااااتو.... والله السمع ليك متعة وشرف..... سياسة... شعر... مداعبة.... ياخ قطع الزلط عندك ابداع وقلة الادب عندك قمة الادب.....

[@abdallashadad7256]

متعه يا صرفة والزول يسمعها ويتابع اخبار جبل موية و سنار

[@badreldinabdelgadir8931]

الأغنية دي فازت في مهرجان الأغنية العربية احسن نص

[@havalfriendship6119]

صرفه الرومانسيى

[@user-rj2oj4nb1c]

واقسم بالله نفس قصة الراجوج❤❤

[@user-yt2jd9ou7b]

ي صرفه اخوك كاتب من جبل أولياء في التك تك الاسم مواطن زمان

[@abdallashadad7256]

يا صرفة بلد فيها ناس زى ديل يحكموها الجنجويد والقحاطة والخونة والمرتزقة

[@user-sx1co3uq1y]

انا ما بعرف الانصرافي شخصيا ،، ،لكني اعرفه فكرا و عقيدة و اعرف انو ثابت على مبدأ و يكرة الخيانه و الظلم و الجهل و الجهوية و العنصريه و عارف انو ممكن يقرأ كلامي هذا ،،،و اقول ليك يا صرفه ،،، انتي شخصيه عظيمه و مستحيل الشعب ينساك ،،و اذا نسوك كلهم انا متكفل انشر مناشير باسمك تخليدا لذكراك يا صرفه ،،، انحنا محتاجين شباب زيك في سودانا عشان ينصلح ،،،و محتاجين اللي يسمع منك عشان يستفيد من العندك و أسأل المولى يلمني بيك يا صرفه عشان اوريك مقدارك عندي .

[@user-kv4zr4fy1o]

صرفه مدرسه بكل م تحمل الكلمه من معنى ...سياسه...دين ..شعر ...فلسفه

[@user-ry6th4nm9m]

قال عثمان بن عفان رضي الله عنه

[@FatimaFatimaAbedelrahman]

والله المبدع هو البشوف وبكتشف الابداع في اي شي..❤.

[@user-gx2xz4er7e]

😭😭😭😭😭😭

[@user-lg3vp5rd8r]

غايتو يا صرفه. بتذكرني رقم صفر . الشياطين ال١٣ . ههههههه انا من جيل السبعينات غايتو . اتشبعنا بما تبقي من ثقافة السبقونا .ابوعركي دا من مبدعين مدني . ولدنا يعني .

[@suhairbabiker8155]

ي سلام علي الكلمات والإبداع والمعاني كل التحية والاحترام ليك ي صرفة

[@AlSudani797]

أول حالة (خوف) واجهتنا - وجدتنا في حالة صراع (وجداني) عنيف مع (السؤال).

[@user-yl2bp4jz2z]

صرفه.. ربنا يحفظك ويقويك ماشاءالله عليك إنت بصمة لن تزول