藍奕邦如何成為今天的藍奕邦｜小五移民加拿大 中三回流返港讀喇沙｜出道幾乎「難產」 唱片公司伸出援手入樂壇｜廿年前偶像當道 做新人自覺格格不入：覺得好似唔係好配去做呢啲嘢！｜見人爆粗即時「破冰」？

大約兩個月前，亦即2024年11月7日下午二時，我來到尖沙嘴商廈The ONE的16樓空中花園與藍奕邦談了超過一小時，旨在宣傳他原定於今晚（1月3日）至周日（1月5日）在西九文化區自由空間大盒舉行、慶祝出道20周年的《藍奕邦要不要人見人愛音樂會》。奈何世事難料，2024年11月27日，即距離開騷前大約個多月，主辦單位昭映製作（Sunchase Productions）突然收到西九文化區書面通知，須取消音樂會的場地預訂。
說是意外也不完全意外，比較之下更準確的感受是可惜和遺憾，因為不知何時才真正有機會見到「邦邦」站在台上獻唱「藍氏金曲」，二來這個專訪變得「出師無名」，準備「撳出街」之前不得不將首播煞停。正費神應該如何將訪問內容重新剪接安排上架的時候，曙光出現了 -- 演藝生涯曾經歷過不少高低起跌的「邦邦」未有因為演唱會遭取消而氣餒，他在12月19日透過個人社交平台宣布，會在1月4日及1月5日在中環開設「二十周年Pop-up Store」，並將以店長身份亮相，好比他之前所寫的帖文所言：「我會如常繼續創作，繼續唱歌，繼續表演」，一如既往我有我態度 ── 所以這個專訪亦會按照原有內容「一刀不剪」的足本送上。
說起態度，「邦邦」2003年憑一曲《快樂王子》出道以來，從來都是一位很有態度的歌手，甚至他存在本身就已令人聯想到這個詞彙，那種感覺或許有部份是渾然天成，但更大程度是日積月累得來。由大公司唱作新人蛻變成獨立歌手的過程中，那些曾經面對過的種種挑戰和難關，統統塑造了今時今日的藍奕邦。在這個原本為了宣傳「出道20周年演唱會」的專訪裏，「邦邦」將入行前的成長經歷，以至過去廿多年來的音樂創作路，還有那些造就自己的一切，一一向觀眾娓娓道來。
自小喜歡音樂的「邦邦」，未正式入行成為歌手之前已經是一名兼職作曲及填詞人，不但為張學友、劉德華、林憶蓮等巨星寫歌，更在一些大型商場以表演者身份自彈自唱。去到跟SonyBMG簽約後，便推出了首張個人包辦所有歌曲的曲詞編監的大碟《不要人見人愛》。不過他好快就發現，自身性格、想法、外形甚至談吐，都與這個多姿多采、看重門面的行業有點格格不入：「你要我去做一啲好主流、好明星嘅嘢，其實我唔係好識，因為冇人教，甚至覺得自己好似唔係好配去做呢啲嘢」。
與主流相比之下，就連幽默感也顯得有點偏差，「邦邦」苦笑，說當時的自己走得太前，他以「最攞命」和「唔係好家庭觀眾friendly嘅人」形容之：「（林）家謙同Serrini佢哋嗰隻sense of humour呢，而家係容許㗎嘛，而家大家覺得好抵死、好正、好真啊，但係我以前做同一樣嘢嘅時候呢，嘩，真係⋯⋯」
時為2005年，他記得當時剛剛推出歌曲《六月》，被安排出席香港電台一個戶外廣播活動（OB Show）：「我唔開名邊個啦，女士嚟，出咗名好嗲，走埋嚟嗲我，台上呀吓，『藍奕邦，我真係好鍾意你隻《六月》呀，我二月生日，你幾時寫隻《二月》畀我』，我唔知點解忽然間鬼拍後尾枕上咗身，mean精上身就話，『吓，《二月》？而家就嚟農曆七月喎，我作隻《七月》畀你啦！』嗱，你同我覺得好笑啦，但佢真係嬲㗎，係嚴重到同宣傳人員投訴我，之後我要返公司又係（出席）嗰啲照肺大會，即係以前實在好多因為我呢個好黑色幽默嘅sense of humour，就搞到好多人憎咗我囉。」
除了初入行的跌跌碰碰，阿邦亦有在專訪裡面分享他轉型成為獨立歌手的體會，以及身體出現問題需要暫別樂壇的經過。復出時的感受有幾深刻？又如何被一些歌迷打動？想知他小時候在一個怎樣的環境下長大？想知他其他不為人知的一面？就要留意這個片長一小時、讓大家從頭認識藍奕邦的詳盡專訪了。
拍片：何駿軒
剪接：蔣震萬
攝影：nickyjai
藍奕邦化妝：勺珈
藍奕邦髮型：Sam Pang @ 30menu.hair
游大東化妝：Kyo Lee
場地提供：The AIR @ The ONE
（03012025）
#藍奕邦 #藍奕邦要不要人見人愛音樂會 #廣東歌 #尖沙咀 #香港電台 #SONYMUSIC #西九文化區 #自由空間 #FREESPACE #王貽興 #車淑梅 #周國賢 #叱咤 #叱咤樂壇流行榜頒獎典禮 #serrini #林家謙 #MIRROR #莫文蔚 #九展 #盧巧音 #游思行 #游大東 #游大東專訪 ‪@PongNan‬
記得訂閱「游大東影視筆記」KZbin頻道： @yautaitung
▇ 游大東facebook專頁： / yautaitung
▇ instagram： / yautaitung
▇ Linktree：linktr.ee/yaut...
▇ Telegram：t.me/yautaitung
▇ Patreon： / yautaitung

[@fannywong7967]

欣賞他一直以來用好正面態度去面對任何困難

[@flyingzone356]

我好鍾意藍奕邦。

[@bobolau4720]

游大東加油🎉加油🎉加油🎉

[@dorisho8128]

好好睇既訪問，好詳細，好多仔細內容係之前既其他訪問都無聽過（不過依家又有幾多記者會去訪問藍奕邦呀）。希望佢盡快可以開番演唱會。

[@BobWilliams852]

藍奕邦用心良苦在微博留言：「小妹妹，既然你覺得香港的頒獎禮比以往少了意義，你又何必勞師動眾為你覺得沒有意義的東西拍一條如此good quality的短片呢？口說不在意，難道心底還在意？G.E.M.，你很幸福，有很多歌迷，也很有才華，若你的音樂真夠good quality，自然會超越制度吧！用花來拍片的時間寫多一首歌吧！還有，切記兩字：謙虛。」 並提醒G.E.M.要懂得飲水思源！「還有，藍uncle等了八年才得到他們的第一隻冠軍歌…噢！你記得人家08年給過你生力軍獎嗎？記住：感恩！飲水思源！」

[@rayyeung254]

好正訪問

[@yautaitung]

好你嘅多謝支持，歡迎訂閱！❤️🙏🏻

[@fungjoanna8550]

Long time no see.❤

[@fannywong7967]

港台DJ比我感覺冇商台DJ咁玩得😅

[@slee1325]

😍👍

[@puipuiwong6772]

香港sony而家唔識宣傳其下歌手😅😅😅

[@plloghj]

G lo

[@yautaitung]

2025年喇，唔該唔好用1925年嘅思維去睇人喇，每個人都有選擇自己鍾意咩性別唔鍾意咩性別，2025年喇，唔好再活喺井底。