Рет қаралды 38,792
Dəyəri təkcə görünüşündə deyil. Həm qədim tariximizi əks etdirir, həm də keyfiyyəti yüksəkdir. Söhbət əntiq əşyalardan gedir. Bu gün əntiq əşyalara maraq necədir? Ümumiyyətlə hansı əşyalar əntiq hesab olunur.? Bu barədə əməkdaşımız Pərvanə Əliyevanın Lənkəranın əntiq əşyalar dükanından hazırladığı videomaterialdan biləcəksiz
Qədim samovarlar, kasalar, ütülər, şamdanlar, kuzələr, mis qablar, kəfkirlər. Lənkəran sakini Murtuza Talışlının dükanında nə az, nə çox düz 5 minə yaxın irili-xırdalı bu cür əntiq əşya var. Buranı muzey də adlandırmaq olar. Çünki bir çox əşyalar artıq mağazanın daimi eksponatına çevrilib
Müxbir Pərvanə Əliyeva:“ Mağazadakı əşyaların tarixi müxtəlif dövrlərə gedib çıxır. Məsələn, bu nizənin tarixi ta tunc dövrünə aiddir.Yəni nə az, nə çox 2000 ildən artıq yaşı var.”
Əntiq əşya dükanının sahibi Murtuza Talışlı:“Satan çoxdur, alıcı indi yoxdur. Gələnlər təmiz qədimi antik qılınclar istəyirlər, az-az gəlir o. Köhnə şeylər şox istəyirlər. Lənk tarix muzeyi ilə hələ alverimiz olmayıb… Özləri gəlib baxırlar. Amma hələ pul verən yoxdur.”
Mağazaya alış-veriş üçün üz tutanlar isə əsasən qədim pullar, medallar toplayan kolleksiyaçılar, bir də turizm obyektlərindən olur. Bir əsrə yaxın yaşı olan kömür ütüləri isə köhnə dərzilər alır.
Əntiq əşya dükanının sahibi Murtuza Talışlı:“80-100 il qabaq bunun içinə kömür tökürmüşlər, oddayırmışlar belə .Sonra bağlayırmışılar .Əlləri ilə tərpədirmişlər belə hava onu xoddayırmış elə bil yanırmış . 10 dəqiqə qızır sonra soyumur isti qalır”
Müxbir Pərvanə Əliyeva:“Bu qədim samovar isə 19-cu əsrin sonlarına, yəni Nikolay dövrünə aiddir. Həmin dövrdə keçirilən müsabiqədə samovarların içərisində bu samovar suyu daha tez qaynatdığına və uzun müddət isti saxladığına görə yer tutub. Bunu üzərində o dövrün şahlarının şəkillərinin əks olunduğu möhürlər də bir daha təsdiq edir.”
Əntiq əşya dükanının sahibi Murtuza Talışlı:
“Sual:Olurmu heç kimsə qızına cehiz vermək üçün gəlib qədim əşyalar alsın.?
Cavab:Hə elə müştərilərimiz var, evində təmiz təbii köhnə mallardan istəyir. Bir dənə də təzə şey saxlamır.
Sual :Nəyə görə?
Cavab:Keyfiyyətinə baxanda keyfiyyəti yaxşıdır köhnə malın, günəşin altında qoyursan nə xarab olur,nə bir şey.Şaxtaya hər nəyə dözümlüdür”
Bəs qədim görünüşlü hər bir əşya əntiq ola bilərmi? Mütəxəssilər bildirir ki, tarixi əhəmiyyət kəsb edən, dövlətin və muzeylərin marağında olan əşyalar əntiq hesab olunur
AMEA-nın Lənkəran Regional Elmi Mərkəzinin şöbə müdiri Mais Cəfərov:“ Tarixilik çox böyük önəm daşıyır.Antik əşyaları müəyyən etmək üçün xüsusi laboratoriyalar, xüsusi qurumlar var. Həmin qurumlarda komissiya təşkil olunur. Bu komissiyalar əşyanın antik və ya saxta olduğunu sübut edən dəlillər ortaya qoyur və təsdiq edir.”