Рет қаралды 617,111
بمناسبة الجدل اللي داير عن فيلم أصحاب ولا اندر ، وبعيدا عن مناقشة أفكاره ، لأن اللي اولى بمناقشته هو الفيلم الاجنبي اللي نحتوه بالحرف ومصروه عافية كده ..فخرج الهجين الملزق ده اللي كأنك بتغمس النوتيلا بالطعمية.. بعيدا عن كل ده عايز افكرك عزيزي المواطن ، اللي تقريبا بيتهزق دلوقتي بسبب رد فعلك من فناني مصر وقوتها المايعة.. إن من فترة صغيرة كان فيه فيلم إسمه ريش ، اللي عرض نماذج من العشوائيات والفقر اللي موجودة فعلا ..وجاب شريحة من المجتمع موجودة وبتعاني معاناة حقيقية ، وعرض حياتها على الشاشة..فهاج وماج ونط وفط صفوة الفنانين وانسحبوا منه ، وطلعوا كلهم شلقوله على الفضائيات..ومنهم اللي طالب بحبس المخرج ، ومنهم اللي قال إنه شوه بس ومعرضش حلول..على أساس إن أصحاب ولا اندر ده عرض اي حل لأي مشكلة..ده بالعكس هو رسالته اساسا قبول فرض كل النماذج المنيلة دي ، وجذب التعاطف معاهم كمان.. دلوقتي بقى لما أتعرض الفيلم ، واللي المفروض حسب كلامهم بيعرض أسلوب حياة شريحة من المجتمع..اتعكست الأدوار والمواطن هو اللي هاجم، فقامت ثورة الفن والإبداع المصري..اللي قربوا ينظموا وقفة احتجاجية قدام النقابة ضد الشعب بالأندر ورور.. وقالوا نفس الكلام اللي كان بيقوله المدافعين عن فيلم ريش ..فئة من المجتمع يا جماعة وايه يعني لما نعرضها مجراش حاجة..مع ان بنفس منطقهم فيلم ريش اللي هاجموه عمل كده .. فأنا من منبري هذا ، وحقنا للدماء ..رسالتي للفنانين بما انكم نسيتوا إن الفن بيتقدم لبني ادمين ، بتفكر وتوافق أو ترفض.. والمفترض دلوقتي انكم بتقدموه لبهايم في زريبة بتنهق لكم عمال على بطال.. فأنا بقترح طالما مش من حق الجمهور يعترض ، انكم تصوروا الفيلم وتتلموا كلكم مع اللي بيطبل لكم جوه الزريبة وتتفرجوا لوحدكم..وسيبكم من البني ادمين العاديين اللي بيناقشوا ويحللوا وينتقدوا دول .. بسيطة اوي ... وعلى صعيد آخر ، السيسي تقريبا غير للمرة العاشرة اللي بيكتب له الخطابات.. وهنى المصريين بذكرى ثورة يناير.. عشان كالعادة يمارس هوايته في عمل خرم في دماغ أهالينا ..هي ثورة عظيمة ، ولا أحداث خربت البلد ، وخلت مصر لامؤاخذة كشفت ضهرها وعرت كتفها ،او عملت زي منى زكي.. بس احنا هنطلع أنصح منك بقى ..احنا هنقولك هابي ٢٥ يناير ياريس، بس ونسيبها عايمة كده على حسب اللي ماسك الشيفت..
للدعم على Patreon :
/ ahmedbehiry
اشترك في القناة الرسمية على تليجرام:
t.me/ABehiry
الصفحة الرسمية لاحمد بحيري علي الفيسبوك
/ ghasilmokh
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ