Рет қаралды 551,983
الشهادة لله الاسبوع ده ومع استضافة مصر لمؤتمر المناخ ، نظام السيسي اثبت للعالم إن مصر غير ..دولة فعلا ملهاش كتالوج ، ونظام لو حط حاجة في دماغه هيعملها وهتكون مختلفة ومميزة ، وقادرة تبهر الكوكب كله الصراحة ..يعني انت متخيل يا مؤمن إن مؤتمر اتعمل 26 مرة قبل كده ..ولا حس ولا خبر ، شوية اجتماعات باردة كده ومواضيع مملة ، وكل واحد يقول الكلمتين ويروح بلده من غير إثارة وتشويق ولا كأن حاجة حصلت ..إنما ييجي برجليه عند ام الدنيا ؟ وسع ياعم الحاج..عايز اكشن ومطاردات ودونت تاتش مي هتلاقي ..عايز ردح حواري.. الحاجة أم قمصان قايمة بالواجب ، عايز اكروبات وقفز حواجز ، ماسورة صرف صحي هتضرب والضيوف هترص قوالب طوب وهتنط فوقيها بكل بهججة .. بصوا من الآخر من حقك كمصري أن تفخرا ..انا بكلمك بأمانة يعني ..احنا كفاءة نحول مؤتمر عالمي ممل وكئيب كده ، لـ“مسرح مصر“ ونقلبها مراجيح وصريخ ضحك ..احنا محدش يتوقعنا..
لكن بالرغم من كل ده.. المؤتمر نجح نجاح مذهل.. ”في وش كل.. حقود“..
و خلينا العالم كله يستلهم التجربة المصرية الناجحة في محاربة الانبعاثات الفكرية والقضاء على التغيرات التي تهدد استقرار المناخ السياسي في البلاد.
و ازاي الدولة سخرت كل طاقتها عشان تحافظ على استقرار حرارة الشعب عند المعدلات الحكومية المعتمدة لمنع اختلال النظام البيئي الحاكم.
وعلى جانب آخر..انا عندي عتاب رقيق كده للشعب المصري.. ينفع يعني المقلب اللي عملتوه في الداخلية يوم 11/11 ده ؟ تسيبوهم كده ينزلوا الشوارع وتقعدوا انتوا في البيت تضربوا محشي ؟ عموما حصل خير وياريت الداخلية تفتح شوية مع السادة المخبرين سلاح الفاكهة وخصوصا بتوع الموز ..فيه ناس اشتكت أنهم بيبيعوا الكيلو أزيد من تمنه بعشرة جنيه وبيعملوا مصلحة من وراكو ..
للدعم على Patreon :
/ ahmedbehiry
اشترك في القناة الرسمية على تليجرام:
t.me/ABehiry
الصفحة الرسمية لاحمد بحيري علي الفيسبوك
/ أحمد-بحيري-ahmed-behir...
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ
المصادر:
- أعلم أهل الأرض
www.قooقle.com