لاتغارب ضحكتي كلمات: سويلم الخراص اداء: هزاع المهلكي تصميم: شيلات العتيبي

Рет қаралды 68,293

Күн бұрын

لاتغارب ضحكتي
كلمات: سويلم الخراص
اداء: هزاع المهلكي
تصميم: شيلات العتيبي
المواجع ماتخل الجرح ينشف من نزيفه
والمبادي طيّبه حسبي عليها من مبادي
نختلف فالحنبلي والشافعي وابا حنيفه
ونتفق فااعرفنا واللي يشذ نقول غادي
علم اللي حزنه موقت على فرقى وليفه
لايحزّن بكره الفرحه تحضنه بالايادي
صدري اله سنين ليلي كن شيخ الحزن ضيفه
ما يودع عنه لين يشوف نور الصبح بادي
ودي انه مايمون وودي يغادر مضيفه
وودي انه لانفض بشته مايلقا له منادي
يارضّي الوجه لاتسكت ترى الصدمه عنيفه
خلني فالمجتمع ماودي اصير انحيادي
تلني من عالم التشتيت بالكف الرهيفه
حتى لو حلمي بقربك صايرن لونه رمادي
الغرام يخلي اشجع رجل مايحتاج سيفه
لو يموت من الغلا ماقال هاتولي جوادي
لاتغارب ضحكتي وتشوفها حاجه كليفه
عادي اضحك بس صدري كيف عاد يصير عادي
الغريب ان مرت الاجوا المناخيه لطيفه
وقمت اردد يانسيم الجو لاتاخذ فوادي
ياكثر ماولعو نار الهواء واوجست خيفه
وانا والله لارسول ولاجليل ولا قيادي
انا من خده على عينه شكا الدمع وذريفه
قدم الشكوى ولكن لاحياة لمن تنادي
وانا من في ناظره صيفه تساوا مع خريفه
وان سمع سمعه حروف اسمك يلخبط لا ارادي
كل درب يوصلك درب الصدود اكسر رصيفه
لاتمادا معه لو اوضاعنا تطلب تمادي
انتبه للشامتين اللي على وادي حنيفه
لايضايقها ذهبك لياصدح بالصوت شادي
ولايلامسها حرير ولاتلامسها قطيفه
ماهي بحاجة حرير ولا بحاجة عطر هادي
وانتبهلي من جفاً تبصر به العين الكفيفه
فاد دون الوصل لو الوصل مايبغى مفادي
صاحبك وشلون يصبر لاتحسب انه بكيفه
الصبر ماهوب موتة متجتمع موت انفرادي
خل تأنيب الضمير وقدر النفس العفيفه
رحمة الله فالحياه ورحمة الله فالنفادي
البشر يخطون جعل ذنوبنا دايم خفيفه
زالنا حيين ونعرف البياض من السوادي