Рет қаралды 1,882
Əl tutmağ Əlidən qalıb əl tutmağı öyrən
Düzgün yaşa,düzgün yolu gəl tutmağı öyrən...
Məzluma dayaq ol, yetimin duz çörəyin ver
Qaç yanlış əməldən, düz əməl tutmağı öyrən
Ol səndə səxavətlilərin cərgəsi içrə
Qəlbində qızıldan baha ləl tutmağı öyrən
Fürsətdi ömür müddəti hər yaxşılıq üçün
Əldən çıxar, hər şeydən əzəl tutmağı öyrən
Bir gün edərəm söyləmə bir gün bu gün olsun
Yoxdur güman, ağlında əcəl tutmağı öyrən
Hər saniyənin qədrini bil, ömrə vəfa yox
Allah verən hər anı özəl tutmağı öyrən
Bir ildə mübarək bir ayın hörməti üçün
Allahdan orucdursa gözəl,tutmağı öyrən
İnsanların ən yaxşısı təqvalı olandır
Ağlında bu cür zərbi-məsəl tutmağı öyrən
Ruhani? Emin? Hər dəfə yazmağla deyil ki,
Əvvəlcə gedib bəhri-qəzəl tutmağı öyrən....
KANALA ABUNƏ OLUN RƏY BİLDİRİN BƏYƏNİN DƏSTƏK OLUN..
#2022
@EMİN_ATESH
@RUHANİ_CEFERLİ