إصلاح وصيانة مروحة فريش واختبار وتغيير المكثف

في هذا الفيديو أشرح طريقة تغيير مكثف بداية التشغيل للمروحة والمكثف هو المسؤول عن تخزين الطاقة اللازمة لبداية دوران موتور المروحة، وأوضح أيضًا كيفية اختبار المكثف بطريقة سهلة للتأكد من كفائته، مع عمل صيانة شاملة للمروحة قدر الامكان وتزييت الجلب وعلاج مشكلة تأرجح رأس المروحه وعدم ثباتها ، نفس الطريقة تصلح للمروحه الاستاند الفريش والتوشيبا والمروحه الصيني
هذه الصيانة تعالج الحالات أو الأعطال التالية: موتور المروحة لا يعمل - المروحة لا تدور مع سماع صوت طنين - المروحه مش بتلف - المروحه بتلف ببطء شديد في بداية الحركه - المروحة لازم تلفها بإيدك عشان تلف
:: صيانة مروحة المكتب - صيانة مروحة فريش - اعطال المراوح - تغيير مكثف مروحة - تغيير مكثف المروحة - كيفية توصيل مكثف مروحة - فائدة المكثف في المروحة - طريقة فحص المكثف - صيانة مروحة مكتب - صيانة مروحه منزلية - أصلح المروحه بنفسك

[@meroremo1648]

متعة انك تصلح حاجتك بإيدك ومتعة انك تلاقي حد محترم يعرفك الطريقة العلمية الصح . كل الشكر استاذ هشام . وعلي فكرة احد شعب الايمان نشر العلم . تحياتي . 👍👍👍👍

[@HeshamNassar]

كلامك صحيح أخي الحبيب ، ربنا يديم المعروف والاحترام وده بعض ما عندكم وأشكرك على كلامك الطيب في حق العبد لله وربنا ينفع بينا جميعا

[@استاذحامدمحيسن]

Face book ممكن تبادل اشتراك ومردودة

[@الحاجأبومحمد-ر2ل]

شرح وافي وواضح اشكرك عليه وأن كنت أود ان تشير إلى انه لو وجدنا طرف سرعه لايعلم مع الآفة هل ممكن تشغيلها بسرعه واحده وخلاص ام لا. . . وشكرا

[@ahmkary1]

شكرا على الشرح البسيط السهل . وانا عندي مشكلة في مروحة فريش حائط بالريموت كنترول، والمشكلة هي عندما اضغط على مفتاح دوران المروحة اثناء التشغيل تتوقف عن العمل وبعد ما اغلق مفتاح الدوران ترجع المروحة للعمل عادي . وسؤالي هو اين توجد المشكلة وكيفية حلها ؟ وشكرا

[@sasoamin3673]

تسلم ايدك لو سمحت عندي مروحه فريش استاد جديده من سنه بدأ انها تفصل لوحدها ولما بشغلها تاني يدوب بتلف شويه صغيرين وتفصل برضو ولما فصلتها فتره ساعتين تلاته اشتغلت وقعدت فتره شغاله ورجعت عملت كده تاني هي كده فيها ايه وجزاك الله كل خير

[@MeedoElsheemy]

عندى مروحه موتور نحاس المشكله ان المروحه لما بدور اول سرعه بتكون بطيئ وبعد شويه بتقف وجسم الموتور نحاس بيكهرب يترى يكون ايه والف شكر على المعلومات الجميله دى فهل ممكن يكون عيب مكثف ولا الموتور

[@memehassan6393]

المروحه عندى الموتور شغال وبتلف بس المروحه واقفه مش شغاله السبب ايه

[@ابوهارونوايه-ن5ص]

السلامه عليكم سؤال اخي الفاضل لو المكثف عالي رقمين بعني المكثف القديم واحد ونص والجديد ٣ ينفع

[@HeshamNassar]

وعليكم السلام أخي الفاضل لا أنصح بذلك لأنه سيؤثر على العمر الافتراضيي للموتور على المدى الطويل، يوصى دائمًا باستخدام مكثف من نفس قيمة المكثف المستخدم من قبل، واستخدم مكثف ذو نوعية وجوده عاليه قدر الامكان ... بالتوفيق

[@alaaalaa8665]

لو المروحه مابتشغلش هل من الماتور والكشف على الماتور ازاى

[@aatteeff6040]

جزء الماتور بيكهرب .. الحل .. جزاك الله خيرا

[@mohamedadel3866]

الله ينور يا باشا استفسار لما المروحة باجي اشغلها بلف السرعات مبتشتغلش فكيت الريشة لما بلف الاكس باديا الماتور بيلف غير كدا مبيلفش لو حطيت الريشة

[@muhammadsayed59]

اختبار المكثف اللى ف الفيديو مينفعش لانه ممكن يكون عامل شورت

[@ramzyhosny482]

ممكن المكثف يكون هوه السبب إن الماتور ما يشتغلش أصلا...... يعنى أوصل كهرباء الماتور ميتحركش اصلا؟. شكرا لحضرتك.

[@HeshamNassar]

أيوه ممكن جدًا

[@ahmedarafat6268]

تسلم يا كبير الفيديو ده خلانى اصلح المروحة ولا استغلال الكهربائى

[@HeshamNassar]

بالتوفيق ان شاء الله

[@الاسدالاسد-ش9ن]

عندي زي المروحة مش تمشي خالص

[@الزهرةالبيضاء-ك6ب]

مروحة مكتب فريش الماتور قافش وبيزن ايه الحل ارجوالرد ضروري ضروري الركم ده هونفس سلك المكرونة

[@HeshamNassar]

بالنسبة لمشكلة زنة الموتور يرجى مشاهدة الفيديو التالي لمعرفة الحلول: kzbin.info/www/bejne/jZ69oZpugLqUpsU المكرونة الحراري مختلف عن الريكم .. الريكم ده هو الهيت شرينك بينكمش بالتسخين اسمه heat shrink وفي منه أقطار حسب سمك السلك

[@alisaadi1571]

جزائك الله كل الخير معلم علي من الجزائر

[@HeshamNassar]

يا أهلا بيك أخي الفاضل وجزاك الله بالمثل وأكثر

[@طلعتالجعافرةالجعافرة-ب7ل]

لو سمحت ياأستاذ هشام بيك إسمه ايه اللى حضرتك لحمت بيه السلك ده وبنجيبه منين ارجو الافاده وشكرا لحضرتك ❤

[@HeshamNassar]

لو تقصد اللي في الدقيقة 7:23 فده إسمه ريكم أو هيت شرينك .. أو شرينك حراري .. في منه أقطار حسب سمك السلك بيتباع عند محلات المكونات الإلكترونية والأوردينيو .. انا جبته من شارع نجيب الريحاني قرب العتبه وممكن تلاقيه في باب اللوق في وسط البلد

[@rabierashwan7852]

السلام عليكم عندي استفسار انا اختبرت المكثف شغال كويس لكن المروحة بتشتغل ضعيفة لازم احركها ولو شغلتها سرعة تلاتة بتقف خالص

[@HeshamNassar]

وعليكم السلام .. محتمل يكون المشكلة بسبب الجلب بتاعت الموتور خصوصا لو بيزن مع التشغيل جرب شغل المروحه ولفها بايدك لو كملت لف واخدت سرعتها يبقى المكثف فيه مشكلة، والافضل تغيره بواحد تاني للتأكد من سبب المشكلة هل العيب منه وللا من حاجه تانيه هو مش غالي بحوالي 10ج

[@Tamer_Ashraf56]

بعد اذنك عندي نفس المروحه مش شغاله خالص والاكس نفسه بحط عليه مفك التيست لقيته بينور

[@HeshamNassar]

على ما يبدو ان في قفلة او حاجه ملمسة أطراف في التوصيلات .. لو تقدر اختبر الموتور بالافوميتر هو وتوصيلاته

[@totallyzone200]

بعد اذنك ممكن اعرف الجزء البلاستيك اللي موصل مناول التدوير يمين وشمال بالجزء المسؤول عن الدوران او الميكانيزم انا حقيقي مش عارفة اوصل سوال بس هو حد حرك الرقبة بشدة اثناء شد زرار السقاط و كانت في وضع عدم التدوير ودورها يدوي بعنف فاتكسر الجزء البلاستيك اللي في المناول ممكن اعرف طريقة تغيير الجزء ده ولا بيتغير مكان اكبر منه

[@HeshamNassar]

هو للأسف طالما اتكسر يبقى لازم تغيير .. هو ممكن يتلحم ويمشي الدنيا بس بيرجع يتكسر مع الوقت لو قصدك على الجزء اللي بربط فيه الدراع في الدقيقة 12:40 فده بيبقى في مسمار وصامولة بالعرض كده، هتفك الصامولة وتزق المسمار عشان تحرر الجزء ده، بس خد بالك في موديلات بيكون فيها زي بليه وراه عشان تحدد المدى بتاع راس المروحه لفوق أو تحت لو قصدك على الجزء البلاستك الابيض اللي بفكه في الدقيقة 10:13 فده بيتفك بمسمار موجوده في التجويف بتاعه

[@wegdaneltayb2210]

لو قريب من التجمع ارجو التليفون

[@hassanelmasry1454]

عندى مروحه جاك الصينى فكتها علشان اشحمها وبعدين ركبتها بس لقيتها بتشفط هوا مش بتخرجه ممكن المشكله ديه يكون ايه سببها

[@HeshamNassar]

حصلت معايا واكتشفت اني ركبت بوبينه الموتور بالمقلوب، راجع التركيب غالبا هتحتاج تعكس اتجاهه

[@Mohamed19758]

تسلم واشكرك على المعلومه كل عام وانت بخير

[@HeshamNassar]

الشكر لله أخي الفاضل .. سلمت وكل عام وانتم بخير

[@mahmoudali4894]

لوسمحت سبب ارتفاع حرارة المروحه الاستاند جزاك الله خير

[@HeshamNassar]

وجزاك خيرا أخي ... طبيعي مع كثرة التشغيل وارتفاع درجات الحراره في الصيف ترتفع درجة حرارة موتور المروحة وبرضو نوعية المروحة وجودتها والموتور ليها عامل في ارتفاع سخونه الموتور

[@mohabsherif7954]

شكر لحضرتك بس عندي سؤال هو انا عندي الشافت بيلف بس بطيئ قوي ده عيب مكثف ولا موتور نفسه

[@HeshamNassar]

غالبا عيب موتور أو ملف السرعه دي فيه مشكلة .. لكن برضو يستحسن تغير المكثف قبل تغيير الموتور

[@راضىعبدالوهاب-ش8د]

الله ينور يااخي شرح ممتاز بث اخي المراوح من النوعده الامنيو لمتغير الجلبالامنيو يبيتكسر كول منطلع جلبة الامنيو يتكسر ارجو الشرح وللايفدة معلشكر ولتقدير فنتتزار الرد

[@HeshamNassar]

وينور عليك أخي الفاضل .. الحقيقة مش فاهم قصدك .. هل تقصد جسم الموتور وللا التيله بتاعت الجلبة ؟ .. عموما الفك بحذر وببطء بدوق طرق على جسم الموتور هو افضل طريقة لخلع الجلبه

[@samahriad1514]

من فضلك ضروريعايزة اعرف المكثف بيركب في انهي مسمار من الماتور لان الجزء اللي بيتركب فيهواتكير وغيرته ومش فاكرة فين مكان المكثف

[@HeshamNassar]

شوفي الدقيقة 9:33 أو الدقيقة 3:51 ... بيكون في مسمار بيتركب مكانه المهم يكون محكوم ... لو الجزء مكسور ممكن يتثبت بأفيز بلاستيك في جسم الموتور

[@MohamedxxHassan]

جاي من ٢٠٢٠ وبشكرك جدا وتم التطبيق عملي . تغير كابستور

[@HeshamNassar]

أحسنت ... الله ينور عليك أخي الفاضل ويصلح حالك

[@salahelhadidy6621]

وفيه عيب تاني عمود المروح بيطلع صوت صفاره وبزيتها لكن يرجع الصوت تاني بعد فتره بسيطه

[@HeshamNassar]

حاول تستخدم زيت محركات سيارات أو زيت ماكينت خياطة مثلا، ممكن تلقي نظرة على الفيديو ده لمعرفة طريقة التزييت: kzbin.info/www/bejne/iaanioCZnqycbMk

[@ماجدأحمد-س9ل]

انت معلم واحنا منك نتعلم اخوك من السعودية

[@MohamedAtefMtv]

جايلك من ٢٠٢٤ وبقولك شكرا جزيلاً

[@HeshamNassar]

لله الشكر والفضل .. كل التحية ❤️💐

[@wagdyahmed1433]

مش عارف افك غطا الماتور. مروحه تيفال. جربت اللي عملته الزرار مش عاوز يطلع.

[@HeshamNassar]

في بعض المراوح بيكون الزرار مربوط بمسمار .. اتاكد ان الزرار مش مربوط بمسمار

[@salahelhadidy6621]

عندي مروحه فريش مكتب المفتاح الاول والتاني لا يعمل واذا ضغط عليه يعمل لكن لا يثبت ويفصل تاني

[@HeshamNassar]

في كذا سبب للمشكلة التحليل النظري صعب فهي محتاجه فحص عملي لمعرفة السبب، ولكن حسب الوصف ممكن يكون في مشكلة في سوستة الزرار أو في لوحة الأزرار .. أو ممكن يكون نتيجة بعض الترسبات للكربون أو الأتربة وبالتنظيف بشوية بنزين أو منظف الكترونيات المشكلة تتحل

[@ahmedramadan9878]

ماشاء الله شرح ممتاذ ربنا يجعله في ميزان حسناتك

[@hemainsider]

لو سمحت المروحة عندي مروحة مكتب بتتهز علي السرعة الاولي و الثانية لازم السرعة الثالثة

[@HeshamNassar]

غالبا العيب في الريشه يا اما مش متثبتة كويس أو مش مظبوطة .. لو بلاستيك ممكن تكون فيها شرخ أو مفوته، ولو حديد ممكن تكون في ريشه متنيه أو ملويه شوية

[@mohammedsulaiman172]

شكرا جزيلاً.

[@هانىعلى-ر1خ]

الله ينور عليك

[@mahmoudsalama1265]

لوسمحت يوجد فيبراشن أثناء تشغيل المروحة فما هي الخطوات لتخليص منه لأن الصوت على بعض الشيء

[@HeshamNassar]

في الغالب سبب الرعشة او الرجه بيكون من الريشه .. فعلى حسب نوع المروحة لو الريش بتاعتها بلاستيك ممكن يكون في شرخ في طرف الريشة او في تبويش في الجزء اللي بيركب في أكس الموتور وبالتالي الدوران غير منتظم ... لو الريشه معدن فغالبا ممكن تكون محتاجه تتوزن لأن هتلاقي ريشه او اكتر مش على مستوى واحد راجع الاسباب دي الاول .. بإذن الله قريب ممكن اعمل فيديو يتناول الموضوع ده ازاي تعالجه

[@mahmoudsalama1265]

الريشة بلاستيك اكسرت أثناء الدوران وضائرت في الكفرالامان من الداخل وتم تغيير الريشة ومن بعده حدث موضوع الفيبراشان

[@amanyabdel-hamid9321]

ايه فائدة المسمار0 الجزء الاسطواني الصغير9 اللي حضرتك ركبته اخر حاجه ، الجزء ده لما جينا نركب المروحه اول مره راكب سايب مافيش حاجه بيدخل جواها ولما بنشيله مافيش فرق المروحه بتلف برده هل احنا مركبينه غلط هو نفس الشكل اللي حضرتك مصوره في الفيديو ، وضغط عليه كذا مره عشان يدخل في حاجه مافيش ،المروحه فريش ستاند الشبح

[@HeshamNassar]

المفروض المسمار ده بيفصل الترس الوسيط اللي بينقل الحركة من مجموعة الميكانيزم والموتور وبيتخلي المروحة تلف يمين وشمال، المفروض الجزء الاسطواي ده بيتركب في الصباع الأبيض اللي موجود في الدقيقة 14:05 ع اليمين في ضهر المروحة، حتى هتلاقيه بيلف طول ما هو في وضع تعشيق مع التروس التانيه ، وبيقف لما تسحبه لفوق لأنه بيفصل الحركة .. اتأكد انه مش مقطوم او مكسور

[@amanyabdel-hamid9321]

@@HeshamNassar هو انا دخلته كويس في مكانه ومبقاش سايب زي الاول وهو فعلا بلف في مكانه بس لما برفعه عن وضعه ما بيخليش المروحه توقف اللف وبتفضل تلف برده ، هومش مكسور ولا حاجه هو كله جديد

[@alimansour8156]

بارك الله فيك وتسلم إيديك لو سمحت عندي موتور مروحه فريش المسامير كلها قافشه جامد جداً وديتها لفني وللأسف لم يتمكن من فكها لأني عايز أغير الجلب مع العلم بأني غيرت المكثف ولكن السرعات بطيئه جداً حتى بعد تغيير المكثف. برجاء الإفادة وشكراً جزيلاً لحضرتك. أنا منتظر رد حضرتك ضروري وشكراً جزيلاً لو سمحت عنوان حضرتك فين

[@HeshamNassar]

وبارك فيك أخي الفاصل .. في البداية حاول رش خفيف سبراي تليين صواميل المسامير مثل كيو 20 أو دبليو دي 40 وحاول فكها .. اذا استمرت المشكلة حاول التسخين على الصواميل بولاعه سخان وحاول مره أخرى .. إذا لم يفلح لابد من قص رأس المسمار بمنشار أو بمبرد حديد .. ثم استبدلها بعد التصليح بمسامير وصواميل جديده بنفس المقاس .. بالتوفيق

[@alimansour8156]

@@HeshamNassar شكراً جزيلاً لحضرتك لسرعة الرد والمعلومه وهذا ما توقعته من حضرتك. لو سمحت عنوان حضرتك فين

[@HeshamNassar]

@@alimansour8156 لا شكر على واجب .. الحقيقة معنديش ورشة للإصلاح لذكر عنوانها

[@helmysheta4645]

الله ينور عليك

[@CarlosPrinting]

لو ركبت الكبستول التنين الضعيفين وشتغلت يحصل حاجة

[@HeshamNassar]

هو إجراء مش مضمون .. أنسب حاجه تركب مكثف سليم بنفس القيمة وتخلي نفسك في الأمان

[@meftahmeftah1044]

سلام عليكم لدي نصيحة لك لو مقبس متعدد يحتوي على زر إطفاء وتشغيل لو وضعت اسلاك مكثف أولا وبعد قم بتشغيل افضل وشكرا

[@HeshamNassar]

وعليكم السلام .. فكره جيده وأكثر أمان .. أشكرك

[@shamshafez7863]

@@HeshamNassarمن فضلك ياباشمهندس لو عندي مروحة فريش حائطي الريموت لايوقف المروحة ويضطر أشد السلك من الفيشة ،

[@nourmohamed876]

حبيبيانع

[@MohamedKhaled-zx7vx]

السلام عليكم ورحمة الله وبركاته،أنا من السويس، ممكن تليفونك لأعرض على حضرتك مشكلة فى مروحة فريش عمود لم أجد مثلها فى الفيديوهات على اليوتيوب،

[@رامزمحمود-ذ9ي]

لوسمحت كيف يتم تركيب مكثف لمروحة 3 سرعات محركها بدون ملف تقويم وليس بها مكثف سابق استطاعة محركها 60 واط وشكرا

[@HeshamNassar]

يوجد طرفين مخصصين لتوصيل المكثف ضمن أطراف الاسلاك الخارجه من الموتور

[@رامزمحمود-ذ9ي]

@@HeshamNassar موتور قديم لمروحة لم تستعمل الا نادرا وليس به ملف تقويم والمكثف حينها 30 سنة لم يكن معتمدا شكرا لكم هل يناسب ان يتم وصل المكثف 1.5 على احد فرعي فيش المروحة

[@ismailibrahim2354]

تسلم ولو ميكانزم الدوران مفتاح !؟ المروحة موش بتلف يمين وشمال ؟

[@HeshamNassar]

الله يسلم حالك أخي ... في الغالب ممكن يكون الواير يا اما مقطوع أو فاصل من مكانه، أو ان الجزء اللي بيلقط الحركه من الواير مكسور أو مخلوع أو فيه مشكلة ده في حالة لو الواير سليم محتاجه تفتح المروحه وتبص على السبب

[@اصيلدينار-م9ح]

سلام عليكم عدي ريش مروحه معوجات ازاي اصلحهن

[@HeshamNassar]

بإذن الله قريب هيكون في فيديو لشرح طريقة ظبط الريش

[@mervatibrahim2286]

طب لو انا وديتها تتصلح تفتكر هياخد اد ايه علي عيب المكثف ده

[@HeshamNassar]

هو المكثف سعره حوالي 5-20ج بالكتير أوي حسب سعته ونوع المروحه برضو .. المصنعية مقدرش احددها بصراحه بتختلف من مكان للتاني ومن فني للتاني

[@hosamahmed2019]

طيب المروحه الموتور بيسخن وتوقف وبعدين لم يبرد تشتغل تاني يسخن توقف اعمل ايه اغير المكثف

[@samraz1974]

بارك الله فيك . احلي لايك وسبسكرايب . هي دي الناس اللي تستحق الدعم

[@HeshamNassar]

ربنا يبارك فيك، كلك ذوق والله

[@shabanhosny122]

بس علي فكره يا باش مهندس المتور اللي راكب ده اصلا مش بتاع مروحه فرش

[@asaadhafeth8199]

بارك الله بكم \ معلومات قيمه

[@HeshamNassar]

وبارك فيكم وعليكم .. ربنا ينفعنا وينفع بينا جميعًأ

[@ابوهند-ش2ك]

لسه جايب مروحة عمود جديدة تشتغل ربع ساعة وتشمل ريحة شياط والموتور بيسخن

[@HeshamNassar]

هو طبيعي الموتور يسخن خصوصا في الصيف ومع التشغيل المستمر .. الروائح المشابهه احيانا بيكون بسبب رداءة نوع الورنيش المستخدم في تغليف ملف موتور المروحه او ان البلاستك الجديد مع السخونه بيطلع ريحه شبه ريحة الشياط او الاحتراق .. لو في مشكلة في المروحة أو آدائها خذ الفاتورة وارجع لصاحب المحل لارجاعها او استبدالها .. ليك حق ارجاع المنتج خلال 14 يوم

[@ابوهند-ش2ك]

@@HeshamNassar تسلم ربنا يباركلك

[@درازدراز-ت1ل]

والله تسلم ايدك لو سمحت عندى صاروخ جديد بس سرعته ضعيفه اعمل ايه فيه وشكرا

[@mahmoudalemam9713]

ياتر توصيل المكثف اي طرفين مع اي طرفين وشكر

[@HeshamNassar]

اه عادي وصل الطرفين المكثف مع الطرف المقابل ليه في الموتور بدل القديم .. زي الفيديو مفيش سالب وموجب فيه

[@secret3193]

شكرا لشرح حضرتك بس انا ركبت مكثف وكمان مشتغلتش تبقى المشكلة فين

[@ahmedfouad998]

لو سمحت سعره كام المكثف ١.٥ وهل ممكن اركب ٢ ولا لا

[@HeshamNassar]

حسب آخر مره كان سعرة 5ج ممكن في انواع افضل وأقوى سعرة حوالي 15ج وده بيكون مكثف اسطواني .. ومن الأفضل والموصى به تركيب مكثف بنفس قيمة المكثف الحالي تجنبًأ للتحميل الزائد على ملفات الموتور

[@yahiaalanwar243]

السلام عليكم ...لو الأكس قفش مرة واحدة وبيسخن يكون علاجه ايه؟

[@عليعلي-ح6غ4س]

يسلم ايدك يا معلم والمروحة دي مديل اديم القديم دايما رائع

[@HeshamNassar]

تسلم أخي الفاضل صحيح القديم لا يعوض

[@agc771]

طب قراءتة اية المكثف الجديد

[@HeshamNassar]

حسب نوع المروحة .. المكثف اللي فيها ده 1.5مكرو فراد

[@محمدمحمد-ش4ف3ر]

السلام عليكم ورحمة الله وبركاته تسلم ايدك انت راجل محترم لو سمحت انا عندي مروحة اخت اللي في الفيديو اول ما بشغلها بتلف شمال و يمين لفة او لفتين وبعدين بتبطل تلف شمال و يمين خالص و ممكن ادوس على المفتاح اللي بيخليها تلف ممكن تلف كمان لفة او لفتين و بس على كدا إنما كمروحة شغالة عادي و شكرا لحضرتك

[@HeshamNassar]

وعليكم السلام ورحمة الله وبركاته ... على ما يبدو من وصفك ان المشكلة في ميكانزم توصيل وفصل الحركة يمين وشمال اللي متصل بالدراع في الدقيقة 10:10 وغلبا تروس متآكله أو سايبه أو خلافه، واللي مرتبط فيه صباع افصل وتوصيل الحركة اللي في الدقيقة 17:46 .. الحقيقة انا معملتلوش شرح على المروحة دي قبل كده لكن في فيديو تاني عملته متعلق بنفس المشكلة بس لمروحة ناشونال أتمنى انه يساعدك هتلاقيه هنا kzbin.info/www/bejne/fHmbh6d6jrubrNk ... لو لقيت الموضوع صعب عليك وديها لحد يصلحها ممكن جرب خطوه خطوه الاول لحد ما توصل لسبب المشكلة

[@محمدمحمد-ش4ف3ر]

@@HeshamNassar انا متشكر لحضرتك انت راجل محترم بمساعدتك انا صلحت المروحة انا استفدت كتير منك شكرا

[@AhmedDizel]

الف شكر لحضرتك على الشرح انا عندى مروحة بوكس فريش ومشكلتها بتشتغل شوية وتسخن جامد وتروح واقفة تانى وهكذا دى مشكلة ايه واعلاجها ازاى ؟

[@apdoalgazarapdo5470]

طب حضرتك لو الاكس في بوش وعامل صوت عالي ايه الحل

[@HeshamNassar]

هتحتاج تغير الجلب

[@رامزمحمود-ذ9ي]

لو سمحت ...هل يمكن تركيب مكثف لمتور مروحة عادية بيتية اولمتور شفاط اسبراتور منزلي... له خطين وليس ثلاث خطوط اي انه غير مصنع ليستقبل المكثف...وكيف وشكرا لكم

[@mohamedhesham1350]

حضرتك أنا عندي مروحة اخت دي بس من غير طيمر و سرعات بس عبها بتطلع ريحة حريق بس حيف تكون فيها مشكلة ممكن تفهمني ده من إه لو سمحت

[@essamfayez1566]

انت انسان محترم شرحك جميل

[@HeshamNassar]

ربنا يبارك فيك أخي الفاضل ده من ذوقك

[@hdodoosa3ed437]

السلام عليكم لو سمحت مروحه حائط توشيبا وقعت القاعده اللي ماسكه الجزئين ببعض اتكسرت وجبت قطعه الغيار بتعتها ممكن اعرف طيفيه التركيب

[@mohamedkhedr2236]

لو سمحت انا عندي مروحة سقف فريش 5 ريشة واعلى سرعة فيها بطيئة جدا رغم انها قبل كده كانت سريع جدا و قوية ، ممكن اعرف ايه السبب

[@جيلالثوره]

انا قطعت سلك المكثف من ناحيه الموتور و كان سلك نحاس اصفر و مش عارف اطلعه اعمل و جزاك الله خيرا

[@shabanhosny122]

الله ينو ر

[@HeshamNassar]

وعليك اخي الفاضل

[@منوعاتفىمنوعات-و1ع]

كم سعر المكثف لو سمحت

[@renchykokiyoto1378]

سلام مكثف مروحتي يعمل جيدا لكن المروحة مازالت لا تدور ليس هناك اي اثر للحق او ماشابه ماذا سيكون مشكل المروحة في نظرك ؟ و شكرا

[@HeshamNassar]

وعليكم السلام ... هناك أكثر من سبب قد تكون المشكلة في توصيلات الكهرباء المسؤولة عن توصيل الطاقة لموتور المروحة، أو المشكلة أن الأسلاك النحاسية لملف الموتور أحدها به قطع، أو أن أكس الموتور غير مثبت في مكانه أو يوجد شيئ يعوق حركته، وقد يكون لسبب آخر لن يعرف إلا بالفحص، فهذه كلها اجتهادات .. بالتوفيق

[@ضياءالاسمر-غ5ك]

السلام عليكم كيف أصلح مبخره كهربائية

[@ابومسلمعرابى]

السلام عليكم ورحمه الله وبركاته حضرتك مسكت المكثف

[@omremam5754]

هندسه المروحه عندى مش بتجيب هوا خالص بعد ما وقعت بنقل دولاب في الاوضه. ممكن اعرف ايه المشكله

[@طهصالح-ص2ب]

هل ممكن يكون المكثف تالف ختى و لو اعطاني القيمة المكتوبة عليه (بالافو). و شكرا لك

[@mahmoudzahran7617]

انا عندي واحد مش بيشتغل خالص ، لكن 2 و 3 شغالين ٫ ايه السبب

[@منوعاتفىمنوعات-و1ع]

كم سعر المكثف لو سمحت

[@HeshamNassar]

حسب نوعه وسعته .. بيبدأ من 5 -10 ج وممكن 20ج حسب المكان احسن نوع لقيته في باب اللوق عند البير، وموجود برضو في كلوت بك - العتبه

[@محسناحمد-ج6ث]

أنا عندي كانت بتبقي بطيئه في بداية الشغل وبعدين بطلت تدور اصلا هل نفس مشكله المكثف؟ ولا ممكن حاجه تاني ؟

[@HeshamNassar]

ممكن يكون مكثف .. جرب تلفها بإيدك وشوف هتشتغل وتكمل دوران وللا لأ .. وأيضًأ تأكد ان الموتور بيلف بسلاسة مش قافش لمعرفة طريقة التزييت الصحيحة تابع الفيديو التالي: kzbin.info/www/bejne/iaanioCZnqycbMk

[@محسناحمد-ج6ث]

@@HeshamNassar أنا فكيت وحغير مكثف بس تقريبا صح لاني عملت زي حضرتك المكثف مداش حتي شراره شكله قاطع خالص صح ؟

[@محسناحمد-ج6ث]

@@HeshamNassar عملت زي حضرتك يعني حطيت المكثف في الكهرباء

[@HeshamNassar]

@@محسناحمد-ج6ث تمام .. طالما مفيش شرارة او شرز يبقى تالف

[@CarlosPrinting]

لو ركبت مكثفين يحصل ايه

[@amifib]

ربنا يباركلك بس انا عندى مشكله غير دية ان توصيل الملف مع السلوك الكهرباء المتوصله له انفصلت عن بعض

[@haithamshawky1459]

انا عندي توشيبا ستاند القلاووز اللي علي الريش فوت ومش عارف افكه الحل ايه

[@ahmedhameda5392]

كثره تقفيل المكثف يؤدى لتلفه

[@لمارومحمدعمروابوزيد]

لو عندى مروحه ستاند ووقفت مره وحده اه العيب

[@ahmedelmasry8193]

جزاك الله خيرا

[@HeshamNassar]

وجزاك خيرا أخي الفاضل

[@hossamswify1600]

الله ينور عليك

[@HeshamNassar]

وينور عليك أخي الفاضل

[@sohairrabo]

تسلم ايدك ياهندسة عندي مروحة أستاند العمود ابذي تركل عليه الريش متربس ولايتحرك غيرنا المكثف وشحمنا هل الموتور انحرق

[@HeshamNassar]

جرب الاول تخلي ودنك جنب الموتور واسمع في أي صوت زنة او ونه تدل على وجود تيار وللا لأ، في كذا سبب للقفشة أو التربسه غالبا المشكلة في التركيب ومحتاج يتفتح ويتقفل مظبوط من أول وجديد شوف الفيديو ده فيه طريقة فتح وتقفيل الموتور : kzbin.info/www/bejne/r2jFeJKGa72tiJY

[@MohamedKamal-qz2wh]

استاذنك عند المروحة متشتغلش غير بالتايمر ود عمل مشكلة لانها بتفصل في عز نومي

[@HeshamNassar]

هو التايمر عندك إلكتروني وللا تايمر يدوي ببكره ؟؟ لو التايمر العادي فجرب لف بكرة التايمر في اتجاه عكس ظبط التايمر ع الآخر، المفروض ده وضع التشغيل المستمر .. لو مش شغاله على الوضع ده يبقى غالبا يا اما العيب في التايمر نفسه أو في توصيلات الاسلاك بتاعته

[@Kareem.Makkah.Mohamad]

لو المروحه العمود فريش بتعمل صوت عالى ايه الحل

[@omerabass5681]

لو سمحت... المروحة زيها بالضبط... وقفت فجأة وفكتها المتور مش محروق.. وفي كهربا وصلة للمروحة.. عرفت من الإضاءة.. اعمل اية.. ؟؟؟؟؟؟شكرااا ارجو الإجابة.

[@HeshamNassar]

أولا راجع التوصيلات الكهربائية المتصلة بمفاتيح السرعات والأسلاك الواصلة للموتور وتأكد من سلامتها وبعد كده خلي ودنك مع الموتور وامسك عامود الدوران واسمع هل في أي صوت أو زنه أو أي دلاله على ان الموتور يعمل أم لا ؟ وهل الثلاث سرعات مش شغالين وللا سرعه واحده بس ؟

[@mezo5306]

لو سمحت , انا المروحة عندي مش بتشتغل على 1 لكن شغالة على 2 و 3 عادي . كانت بتدور على 1 لمدة ثواني و تقف و بعدين بطلت تشتغل خالص على 1 , لما انقل السرعة من 2 او 3 الى 1 كاني طفيتها . زيتنا الموتور و تاكدنا من الجلود وانها كلها سليمة , فين العيب هنا , هل في المفتاح (السويتش ) ولا في المكثف ؟

[@HeshamNassar]

غالبا العيب في مفتاح السرعات وعلى حسب نوعها لو مفاتيح السرعات هل هي يدوية أم الكترونية ممكن شوية تنظيف يظبط الدنيا وممكن لأ، فالمفروض تتفتح المروحة ويتراجع على التوصيلات وتختبر المكثف للتأكد ان مفيش سبب تاني للمشكلة

[@mezo5306]

@@HeshamNassar فعلا فتحت المروحة و فكيت المكثف و لقيته بيعمل شرارة جامدة , ركبته تاني و فكيت المفتاح و نفخته بالاسبراي , فضل برضوا يشغل على 2 و 3 و لكن 1 مش شغال , قفلتها يومين , اليوم الثالث شغلت على 1 لقيته اشتغل لكن مرة يشاغل و مرة لا , ولما يشتغل على 1 و وش المروحة يلف بيجي عند زاوية معينة و ريش المروحة تبطأ و بعدين يرجع لسرعته لما وش المروحة يغير الزاوية و يكمل لف , العيب غريب جدا

[@HeshamNassar]

معنى ان المروحة بتقطع في اثناء يعني السلك اللي بيوصل الكهرباء للموتور بتاع السرعة الاولى زي اللي في الدقيقة 10:50 ممكن يكون مقطوع أو على شعرة، فمثلا لما المروحه بتلف اقصى اليمين بيفصل ولما تلف شمال يرجع يلمس فبيشتغل، المشكلة دي كانت ده سببها في مروحة مصانع بس كانت بتفصل على كل السرعات .. حاول تراجع على الأسلاك اللي داخلة على الموتور كويس وتشوف حالتها احتمال يكون ده السبب

[@mezo5306]

@@HeshamNassar انا فعلا لقيت انه شغال لما اثبتها اقصى اليمين على كل السرعات من ضمنها 1 ,لما اثبتها شمال تفصل 2 , فبقيت اثبتها على اليمين و اشغل واحد واستغنيت عن ميزة توزيع الهوا على 1 , المهم ان العيب ده مش مشكلة جلب , صح ؟

[@HeshamNassar]

@@mezo5306 على حد وصفك يبقى دي مشكلة توصيلات كهرباء، وفي نقطة معينه لما راس المروحه بتلف عندها بتفصل وتشتغل حاول تراجع التوصيلات والاماكن اللي الاسلاك ماشيه فيها واللي محتمل يبقى في احتكاك بالسلك لو تقدر عشان تعرف الطرف اللي بيفصل انهي واحد وتلحمه او تغيره

[@logicsens3772]

ما سبب اهتزاز المروحة مع صوت مزعج وشكرا

[@HeshamNassar]

غالبا بسبب الريش، لو كانت معدنية ممكن تكون بها اعوجاج ... لو كانت بلاستيكية ممكن يكون فيها شرخ أو غير مثبته جيدًأ

[@logicsens3772]

@@HeshamNassar شكرا

[@مدى-ل5ت]

اخي ممكن تعطيني طريقة إصلاح المروحه من نوع مروحة العمود مابتشتغل إلا بعد ساعه في الكهربا

[@HeshamNassar]

بالنسبة لتغيير المكثف فهي نفس الطريقة أخي .. ولكن قد تجد بعض الاختلافات البسيطه في اماكن الأجزاء حسب موديل المروحه والشكل هذا الفيديو فيه طريقة فك الاجزاء العلوية للمروحه العمودية يا رب يساعدك: kzbin.info/www/bejne/iaanioCZnqycbMk وبإذن الله سأحاول عمل فيديو تفصيلي لفك اجزاء موتور المروحه واختباره

[@وحيدالعيسى-ز4د]

سلام عليكم اخي اناعندي مروحة تعطي صوت بس خفيف بس ماتدور ...ارجوالرد

[@HeshamNassar]

اذا كانت المروحه تعرضت لاصطدام بشيئ او خلافه قد تكون المشكلة بالموتور نفسه وهذا يحتاج للفك وإعادة ظبطه لو كان الموتور بيلف بصعوبة قم بتزييته اولا كما بالفيديو التالي kzbin.info/www/bejne/iaanioCZnqycbMk اذا كانت المروحه لا تدور في بداية التشغيل ولكن عند لفها باليد تقوم بالدوران ستحتاج لتغيير المكثف كما بهذا الفيديو

[@ibrahimgoma7779]

طب العمود نفسه اللى بيكون جوا المروحة داخل فى المتور ومتعلق فيه لاري دا بينباع؟

[@HeshamNassar]

بيتباع عند بتوع قطع غيار المراوح، مش كل الانواع بتبقى موجوده لو ملقتش ممكن تجيبه مستعمل

[@عليأبوشامة-ز9د]

*الله ينور عليك يا هندسة شكراً انت انسان محترم جزاك الله خيراً ربنا يجعله في ميزان حسناتك*

[@HeshamNassar]

ربنا يبارك فيك وجزاك الله بالمثل وأكثر كلك ذوق والله

[@ahmedGamal-mg3ju]

@@HeshamNassar س لبب

[@ahmedGamal-mg3ju]

@@HeshamNassar بر، و

[@aminastars5218]

ممكن بعد إذن حضرتك عندي رسيفر استرا محتاج هذا الآيس

[@HeshamNassar]

الايسيهات والالكترونيات هتلاقيها في باب اللوق قرب ميدان التحرير

[@tarekibrahim6704]

لو سمحت انا لفيت ماتور المروحة ولما ركبت الماتور لحظت المروحة بلف شمال بدل مختلف يمين

[@HeshamNassar]

مشكلة في التوصيلات، وفي الغالب انه تم تقفيل الموتور والبوبينه بالعكس

[@Omar.bin.khattab]

جزاك الله خيرا يا بشمهندس ..... معلومة بسيطة متواضعة الشحم او التزييت باستخدام الزيوت هدفها في المواتير هي تقليل الاحتكاك لان الاحتكاك بيسبب حرارة والحرارة بتودي الي تاكل المعادن وتغير شكلها اما التشحيم للاسطح المعدنية فهو يستخدم كعازل للتاكل الناتج عن عوامل التعريية زي تعرض الاسطح للصدأ الناتج عن الرطوبة او السوائل المتساقطة عليه ايضا فيه اسبراي تشحيم بيباع عند محلات البويات بيتسخدم في التشحيم للرول مان بلي وهو افضل من الزيوت التقليدية وجزاكم الله خيرااا ....

[@HeshamNassar]

وجزاك خيراً أخي الفاضل ... خالص تحيتي لك

[@زينبمراد-و7خ]

طب انا عندى مروحة حائط كانت شغاله ووقفت فجأه هو ممكن عطل المكثف يسبب انا الموتور ما يقومش خالص

[@HeshamNassar]

وارد جدًا يكون سبب لأنه مسؤول عن تقويم الموتور جربي تشغليها وتلفي ريشة المروحه بإيدك في اتجاه دورانها الطبيعي لو كملت لف على سرعتها يبقى عيب في المكثف، لكن لو فضلت تبطأ لحد ما وقفت يبقى في حاجه في الموتور .. غالبا لو حاجة اتحرقت بيكون في ريحة شياط واضحه لو فكيتي الغطا اللي فوق