李翊君 今夜想起你

[@WBChen-zv2ir]

18915/《今夜想起你》Kim-iā Siūnn-khí Lí 李翊君Lí I̍k-kun ------------------------------------------ 懷念你 huâi-liām lí 懷念你 huâi-liām lí 踮異鄉的暗暝 tiàm ī-hiong ê àm-mî 猶原想起 iu-guân siūnn-khí 有你陪伴的日子 ū lí puê-phuānn ê ji̍t-tsí 只有是 tsí-ū sī 只有是 tsí-ū sī 繁華的都市 huân-huâ ê too-tshī 了解我真心 liáu-kái guá tsin-sim 感激著你 kám-kik tio̍h lí 攑頭看著月當圓 gia̍h-thâu khuànn-tio̍h gue̍h tng înn 孤單像流星 koo-tuann tshiūnn liû-tshinn 伴身邊 phuānn sin-pinn 城市無聊的暗暝 siânn-tshī bô-liâu ê àm-mî 寂寞來相隨 tsi̍k-bo̍k lâi siong-suî 無人來安慰 bô-lâng lâi an-uì 今夜閣想起你 kim-iā koh siūnn-khí lí 對你放袂離 tuì lí pàng buē-lī 日日夜夜想你 ji̍t-ji̍t-iā-iā siūnn lí 你到底佇佗位 lí tàu-tué tī tó-uī 今夜閣想起你 kim-iā koh siūnn-khí lí 夢中閣看見 bāng-tiong koh khuànn-kìnn 熟似的迷人的景緻 si̍k-sāi ê bê-lâng ê kíng-tì 深深懷念你 tshim-tshim huâi-liām lí --- 若無你踮身邊 nā bô lí tiàm sin-pinn 生活淡薄稀微 sing-ua̍h tām-po̍h hi-bî 是你教我 sī lí kà guá 體會人生的意義 thé-huē jîn-sing ê ì-gī 你的話我會記 lí ê uē guá ē-kì 夜夜來提醒 iā-iā lâi thê-tshínn 用心來等待 iōng-sim lâi tán-thāi 相逢的時 siong-hông ê sî ------------------------------------------ 臺語正字/orthography請查見教育部《常用詞辭典》 →twblg.dict.edu.tw/holodict_new/default.jsp 注音請見(spelling-to-sound correspondences, see) 臺羅教學網→tailo.moe.edu.tw/