ลายแคนทำนอง สารคาม -กาฬสินธุ์ กาเต้นก้อน (ต้นฉบับ)

ลายแคนลำทำนองสารคาม กาฬสินธุ์ กาเต้นก้อน

[@user-vv9jr2qo4w]

ละถึงเวลากล่าวต้านออกมาว่านโปรยผญา หลังได้ฟังเพลงมากะว่าดีโอ้ยพอได้ แนวเอาใจวัยรุ่นวัยเก๋ามาแต่หัวค่ำ เดิกมาเป็นหมอลำเอาใจพวกผู้เฒ่านำมาเว้าดอกกล่าวขาน เอาใจพวกหมู่ท่านทุกกลุ่มซุมแรงใจ คืนกำไรให้คนฟังผู้นั้งชมโฮะโอยในคืนนี้ จับคดีนิทานต้องเรื่องสังข์ทองผู้พลัดถิ่นมีมนต์ขลังอยู่บ่สิ้นนิทานเค้าดอกเก่าหลัง ส่วนตัวผมเทพบุตรเป็นชื่อตั้งอาศัยอยู่สรวงสวรรค์ เป็นคนมารำพันโฮะโอยกล่าวคดีในตอนต้น ละย้านแต่โดนขับพ้นเมืองสวรรค์สู่โลกต่ำ กฎสวรรค์ตอกย้ำหรือกรรมท้าวได้เฮ็ดมา ทางพระอินทร์ว่านั้นเพิ่นสิว่าดอกแนวใด๋ ส่วนว่ากฎภายในเพิ่นนั้นเป็นโอ้ยคนซี้ ละในเมือโตผมนี้ทำผิดไปโอ้ยคือว่า ฮักกับเทพธิดาถือว่าเป๋นโทษฮ้ายสวรรค์ห้ามแม่นบ่ฟัง ว่าเด้น้อ โอ โอย

[@akthong924]

ขอเอาไปลำแหน่เด้อครับกลอนนี้

[@user-pj3td3se5p]

ม่วนคักม่วนคักผม ขอบคุณที่ได้ฟังครับ

[@Channel-ro5pv]

#กลอนลำจากใจบิล บารมิตร# ขอบคุณหลาย.แฟนหญิงชายใหญ่น้อยที่มาซอยคอยตามติด ใจของบิลบารมิตรได้ซืนบานในยามนี้ ซึ่งไมตรีแฟนคอยให้ ซึ่งน้ำใจแฟนถ้าซอย มื้อสิบนิ้วน้อยๆ ขอยอขึ้นกล่าวพนมบิลบารมิตร ขอกราบก้มประนมใส่ในใจแฟน ทุกทั่วแดนผู้คอยหนุนกราบขอบคุณเด้อหลายล้น หนุ่มคนจนทนสู้ หากินเลี้ยงพ่อแม่ ผู้ฟังเอ้ยขาดแฟนๆคงสิแย่โอ้ยจริงแท้แม่นแน่นอนละขอให้ผมได้พักฮ้อน ซ่นฮ่มเซาเย็น ถือว่าเป็นบุญคุณหลาย สิบ่มีวันลืมได้ กำลังใจจากทุกก้ำ.ทำให้ผมอยากสู้ต่อพี่น้องเอ้ย..จากหัวใจเคยคิดท้อ ในวันนี้สิบ่ถอย.. จากความฝันอันน้อยๆคือจั่งคอยสิมีหวัง ยอนแฟนค่อยเติมพลัง.แบ่งน้ำใจให้มาเพิ่ม มีแฮงเสริมบ่สูนสิ้น ป่านมีวิตามิน กินแล้วหัวใจแกร่ง...มีกำลังขันแข่ง พอมีแฮงได้ต่อสู้กับเรื่องที่ผ่านมา นี้ละน้อน้ำใจลุงและป้า แฟนหนุ่มดอกแฟนสาว เอามือทาวดึงผมบ่ให้จมเด้อลงพื้นให้ผมยืนอยู่มาได้เป็นแฮงใจอันอบอุ่น บิลบารมิตร ขอแทนคุณ...น้ำใจแฟนดอกทุกท่านขอลำร้อง แม่นส่งแฟนสายแนนเฮา...เจริญล้วน (ผู้ประพันธ์ อ.พรชัย สารบรรณ)

[@bovornsakpiwon5956]

คม

[@user-gf7vy3we2x]

โอยมวนหลาย

[@user-li9hs2or5t]

ม่วนๆๆอาจารย์👍👍👍

[@tinnagornposirat7025]

ขอบพระคุณที่นำมาเผยแพร่ครับ

[@Cha.n]

ม่วนหลายครับผม ขอบคุณครับ

[@thammaratjaruktham2164]

เพราะมากครับ

[@user-hp9pr4nr7p]

ม่วนๆ

[@boontankampusa3992]

สุดยอดครับ ม่วน ๆ

[@user-yl4nl8dm5d]

ล่ะผมสิได้กล่าวย้อยก่อนสิกล่าวเรื่องศิลธรรมก่อนสิลำไปตามบทต้องกล่าวฝุงลุงป้าตกมาในปีนี้ฝนบ่ดีฟ้าบ่อล่วงไผมีนาท่งกว้างสิพอได้ดอกเกี่ยวเล็มล่ะมาเต็มแต่ชาวบ้านอิสานเฮาอั่งหลั่งลงไปรับจ้างยุทางใต้ดอกฝ่ายกรุง..

[@user-qg7lm8vs1l]

ม่วนหลายครับเสียงแคน👍👍

[@udpn7236]

ชอบมากๆครับผม

[@buggnai]

+1

[@user-oj5ip3sr8h]

ชอบมาก

[@user-wf2sc3zx3v]

ถามแน่ครับผมแม่นเสียงแคนของอาจารย์นอครับมีเบอร์ติดต่อบ่ครับ

[@supotravadchai668]

มวนหลายๆครับฟังแล้วเฮ็ดให้คิดฮอดบ้านบักขนาดเลยครับ แฮงมายุไกลจังสิ่ ขอบคุณหลายๆเด้อครับเอาลำลองทำนองทางบ้านเฮามาลงดู๊ๆแนเด้อครับผม.....

[@ch.kanthongbanjan4313]

มักหลายเด้ตั้งแต่เป็นบ่าวสำน้อยปูสาดเบิ่งหมอลำกับผุสาวคณะเพชรสีครามแต่กี้เด้ # รัตนบุรี สุรินทร์

[@domcha5244]

ม่วนๆครับ

[@mommm722]

หาฟังยากคนเปาลายนิ

[@user-rl7jq6bl9u]

ม่วนหลายตรับ

[@user-cz2we5qx1m]

มักๆหลายๆเด้ ครับ

[@user-gb4sh3hk5p]

จังแมนมวนหลายน้อ ไห่ลำไซนำเนาะ

[@user-un9so3nq6n]

มีลิขสิทธุ์บ่ครับซาวด์นี้อยากได้ไปลำไส่ลงช่องยูทูปเจ้าของครับ

[@kal280]

คือม่วนแท้ฟังเถื่อไดน้ำตาย้อยคักน๊อ

[@user-po8tv2it5i]

มักคัก

[@user-nb6hh2qw9f]

มว่นหลาย

[@user-dn7fb2up9u]

มักหลายลำล่องทำนองกาฬสินธุ์ครับสุดยอดๆ

[@user-vd2ix9tj7l]

สุดยอด?เพราะครับถ้ามีโอกาศจะไปซื้อแคนกาฬสินธุ์มาเป่าบ้าง

[@user-xh3wo3yg1j]

ใช้แคนคีย์ได๋ครับ

[@nadon7493]

👍👍👍

[@user-ii6jd1yu3d]

ขออนุญาตคอมเมนท์เนื้อกลอนลำครับ >>>...ละศาสนาสองพันห้า วัดกะมีแต่หลวงตา... พอเป็นเจ้าได้เฝ้าอยู่ หาญาคูญาซา พระหนุ่ม ๆ แน่น ๆ เทิ่งเณรน้อย...บ่ค่อยมี... ละคิดต่อพระบวชใหม่ บ่ได้จักเด้อ...กี่มื้อ พระสึกออกลาศีล ฟ้าวนำการนำงาน ย้านแต่เงิน...บ่พอไซ้ โยมผุไปกินทานกะบ่ใสโฮงเหลื่อม บ่หนาตา...คือแต่เก่า ไปจังหันจังเพลมีแต่พ่อออกเฒ่า มีแต่แม่ออกเฒ่าบ่คือเค้า...แต่เก่าหลัง... เป็นนำหยังละพี่น้อง เป็นนำพระ...หึนำโยม เบิ่งแล้วสมพอกัน เทิ่งวัดวาและทางบ้าน... โยมบ่ไปกินทานบ่เลื่อมใสหลวงตาเฒ่า กะพอมีอยู่บ้างแหน่ ละส่วนหลวงตาแก่ ๆ กะควรมองเบิ่งข้างเจ้าของบ้างเป็นจั๋งได๋... ละปรับเข้ามาใส่กันให้มันพอน้ออยู่ได้ เพื่อสืบต่อศาสนา อย่ามัวหวังอัตติลีลาภและผลให้ทนค้ำ ละเว้านำคนสมัยนี้มีให้เห็นพ่องเป็นข่าวละพากันแตกหย่าว ๆ ได้ยินข่าวพระบอกใบ้หวยแม่นฟ้าวแล่นหา บ่หัวซาพระวัดบ้านยามเป็นบุญเป็นงานเปิดเครื่องเอิ้นอยู่วอน......วอน... ตีระฆังกะบ่เห็นตีกลองเพลกะบ่ฟ้าว เทียวไปเฝ้าพระอยู่ดอน นี้กะเป็นโตอย่างพอเห็นภาพสะท้อนว่าโยมห่วงแต่นำหวย คนหวังรวยแต่นำเบอร์ เพิ่นผู้ถืกเอ้ย แห่งเป็นฮ้าย เหลีวเห็นหยังกะให้ทาย บายหยังมากะซงใบ้ บอกโยมเป็นนัย ๆ เออ.... แนวบ่เว้าอยู่ควมเก่า หนทางเทียวเข้าไปเหล่าแปนพอปานเดิ่นบ้าน บัดห่าพระอยู่วัดบ้านแนวสันเข่ากะบ่มี ละผู้ได้สันของดี... แม่นผุปักกดถ่าอยู่หัวนาพ่อเฒ่าจ่อย ละโยมได๋ไปเพิ่นกะปล่อยเลขสองโตยุเลาะข้างทั้งบนล่างให้โต๊ดเต็ง ผู้ดวงเฮ็งกะไคด้วย ผู้ดวงซวยซ้ำทุกข์ต่อ ละปล่อยหลวงพ่ออยู่วัดบ้านสันมาม่า ถ่าแต่โยม โอ้ยน้อ... โอ้ย... ละนา ล่ะหน่า

[@coversongsbyntp9835]

ลำยาวประวัติเมืองกาฬสินธุ์ มาบัดนี้ ฉันสิขอประเดิมเรื่องประวัติเมืองอันเก่าแก่ กาฬิสินธุ์น้อพี่น้องคนเริ่มก่อแปลง อันว่าเวียงจันทน์ฮ้างหลายปีแต่ครั้งก่อน หลายพะยาแต่สืบสร้างกะยังได้อยู่ดั่งเดิม คิดเมื่อคาวหลังย้อนตอนเวียงจันทน์สิผุผ่าย เจ้าอนุราชร้ายเวรเค้าได้ก่อกรรม อันว่าเวียงจันทร์เศร้าเป็นเวรศรโคตร คำพังเพยผู้เฒ่าโบราณเค้าเพิ่นก่าวจา เลยๆมาเป็นท่านเท้าสิริบุญสารเพิ่นได้มาสร้างก่อ เวียงจันทน์น้อมาแตกม้าง ข้ามลำโขงมาสร้างแสนคำน้ำก่ำ อันท้าวแสนหน้าง่ำพากันล้ำล่วงหนี จึงไปถึงลำห้วยแจละแมนามเก่า ดอนมดแดงพวกผู้เฒ่าพากันเว้าดอกวามา อันวาโสมพะมิตรเจ้านั่นทนอยู่บ่มีไหว ไลผ้าขาวลาวเวียงด่วนมาดอกทางใต้ เพิ่นได้พาพลย้ายหนีตายครั้งยิ่งใหญ่ ข้ามเมืองภูท่อซ้างเมืองซั่งนั่นท่อแลน มันสุดแสนใจกลุ้มกับไทซุมเป็นไข้ป่า บางคนยาซ่อยบ่ได้เป็นไข่กะทั่งตาย บ้างกะเฮฮนฮ้องหานายเป็นตะหน่าย โอนอนาย….พวกหมอลำจั่งค่อยเว้าลงท้ายดอกวานาย โสมพะมิตรพากันขนพลย้ายกายกุดสิมคุ้มเก่า เมืองบัวขาวต่อเท่าลงใต้นั่นต่อไป ถอยลงไปทางใต้บ้านเชียงเครือท่าเดื่อ ไพร่พลเหลือลดน้อยเหลือน้อยนั่นค่อยไป เพิ่นได้สร้างพระไว้องค์ใหญ่ฮิมสิม นามหนองเทาเก่าเดิมดอกมีต้อน ตอนเหนือนั่นคือกันองค์กั่น คนห้าพันครบถ่วนพากันซ่วนก่อแปลง บ่อนนี่คนเพิ่นเอิ้นบ้านกลางหมื่นดอกนามเดิม คนห้าพันเป็นซื่อเสียงของเมืองบ้าน พากันตั้งคารมหม่องอยู่ อีกสี่พันเคลื่อนย้ายลงใต้บ่ถอย อยู่กลางหมื่นเหลือน้อยสร้างก่อเฮือนซาน นานพอควรก่อแปลงเป็นบ้าน ผู้ที่ไปทางใต้แก่งสำโรงเป็นท่ง สงป่าเปลือยก่อตั้งเป็นบ้านอยู่กะเสิม พระยาโสมพระมิตรพาพลสร้างแปลงเมืองดอกเฮืองฮุ่ง สงป่าเปลือยฮิมแม่น้าปางซ้ำก่ำหมอง มีกาทองกระบี่ง้าวตาววิเศษเลวศึก อยู่โดนนานพอควรส่วนไผ่บ่มีฮ้อน คำทวาให้ใบนามอุปราช ราชวงศ์อีกให้นามซั่นซื่อพวง อยู่กับเจ้าองค์พ่อโสมพะมิตร เป็นลูกชายหลวงปัทชาร่วมก่อแปลงเมืองบ้าน โดนนานได้หลายปีได้สร้างก่อ สร้างวัดวาหมู่บ้านนานล้ำยิ่งประมาณ น่าสงสารแต่คนเฒ่าเดินทางไกลอิดอ่อน มองกาลหลังกับต่าวย้อน พ.ศ พ้นดอกผ่านกาย บุญบ่หลายกะตายย้อนศึกฮ่อบางคนน้อผัดล้มป่วย บางคนโซเมื่อยล้าตายถิ่มน่าอิดู เฮามาคิดฮ่มฮู้ถึงผู้บรรพบุรุษ ผู้ที่พาเฮาทำก่อนเดิมคาเค้า พาเฮาแปงปุนบ้านตามการนั่นหลายเซ่น เอาชีวิตต่อสู้เพื่อซนเซื่อพวกหมู่เฮา นับแต่ปีสองพันสามสามหกนั่นหลายปีข้ามล่วง จึงได้นำสารตรา……….เครื่องบรรณาไปทูลเกล้าองค์สมภารผู้ล้ำค่า องค์พระพุทธยอดฟ้าขอซ่นดอกเพิ่งบุญ บุญยาล้นกรุณาได้ทรงโปรด เปลี่ยนซื่อให้นามเค้ากะเล่าไล ซื่อว่าชัยสุนทรเจ้านามเมืองเนิ่นกะไส กาฬสินธุ์ใส่ซื่อให้เมืองบ้านเน้นนั่งปอง หวนคิดดูเปิงบ้านคนโบราณเพิ่นได้กล่าว โอนอ……………รถบ่อลาม้าบ่พ้อเดินเท้าดอกย่างเดียว เทียวไปมาหากันนั่นข้ามดงดอนแสนลำบาก ย่างขึ้นดงลงฮ่อมฮ่วยแสนยุ่งยากกะใจ ไปเล้วศึกนั่นแฮงฮ้ายเป็นกับตายคนละเคิ่ง เหลือเป็นเมืองเหลือเป็นเมืองและบ้านยปานนั้นกะว่าบุญ เฮาควรทูลเทิดไว้พระทรงเกียรติบูชา พระมหากรุณาธิคุณผู้เขื่อนแขงแปงบ้าน บุญสมภารของเจ้าคจักกวีเฉลมเกษ มีปีะเทศให้ไพร่บ้านเฮาได้ซ้นดอกเพิ่งบุญอันวาคุณของท่านสมภารนั่นมีมาก บรรพบุรุษหากบ่ดีเลิศล้ำทำให้บ้านนั่นหม่นหมอง อันบุญคุณล้นเกล้าของเจ้าพ่อโสมพระมิตร หรือ พระยาชัยสุนทรหากมากมายหลายด้าน การเมืองฮ้อนชาวนิกรนั่นได้เพิ่ง เมืองกาฬสินธุ์เฮ็ดฮูบปั้นให้คือท้านท่านพระยา ขอขมาคันผิดพลั้งฝากความหวังกับเจ้าพ่อ มือถือกากระบี่พร้อมยืนเทินเท้อได้เม่อมอง มือทั้งสองประนมน้อมกตัญญูรู้คุณค่า ราชการทุกถ่วนหน้า ข้าลำร้องให้ท่องจำ ชัยสุนทรคนเค้าเอานามฮอดสิบสี่ สุดแสนดีตั้งแต่เค้าจนกะเท่าทั่งปลาย นางบรรยายมาโดนแล้วประวัติเมืองเกี้ยงอ่อฮ่อย ลำว่าหวานแซบซ้อยอภัยข่อยผู้แอ่วลำ………..ละนา

[@puicanpin]

ขอบคุณคับสำหรับกลอนลำ ไผสิมาลำใส่น้อบัดนี้

[@user-oj5zu9rg7y]

ขออีกเเน่

[@user-ms2my7kg1e]

ว่าสิหัดลำกะย่านบ่ถึกแคน5555

[@user-oh2yb2he6t]

@@user-ms2my7kg1e คือกันคับ55

[@user-lz5gw7zl8u]

@@puicanpin ขอลำนำได้บจ้าอยากลำจ้าลองท่องเบิงแล้วมืรุ้สึกม้กคะเนื่อหาดีคะประว้ตบ้านเมื่องเฮงครรอนุร้กไห้ลูกหลานได้ฮุ้จ้กคะ แมนกลอนของ อ บุญ่มืภูผาแดงบ่คะเพินแต่งไว้กอ่นเพืนจะเสืยนะคะแต่กะย่ได้ลำจ้กเทือจ้ะ มาเห็นนิ้ละจ้ะรองท่องเบิงแล้วรุ้สึกวาขนห้วลุกยุตลอดเวลาลำบาดไดกะเเป็นคะบ่ฮุ้สาเหตุคะ

[@nadon7493]

มักคักสมัยก่อนสถาณีวิทยุเอาหมอลำเรื่องต่อกลอนทำนองสารคาม...ขอนแก่นออกอากาศตอน11:30ถึงเที่ยงแต่ก่อนรำคาญปู่ย่าตายายฟังพอตอนนี้กลับเพราะ

[@puicanpin]

แม่นอิหลีครับแต่ก่อนว่าให้เฒ่าพ่อจั๊กฟังหยังพะนะว่าแต่ตอนนี้มีคุณค่าอิหลีครับฟังยามได๋คิดฮอดสมัยก่อนตะเป็นเด็กน้อย

[@lopjjhgjuhhgg9390]

ผม..ชัดดู

[@user-tg6jo9wj7b]

ไผมีกลอนลำโพสลงนำเด้อครับ

[@user-wi3hu9bo4i]

คีย์นี้ได้ทั้งกลอนผู้หญิงผู้ชายบ่จ้า

[@user-zg8oo5xo5q]

ย่าก ฮ

[@siranuwatwohanluek6866]

ล่ะมาบัดนี้ผุฟังเอ้ย พ่อแม่เลี้ยงลูกนั้นจั่งแม่นเลี้ยงยากฮ่ายกว่าสิใหญ่เป็นคน กว่าสิสูงเป็นไฮใหญ่มา เอ้อ เอ้ย คะนองกล้า ซุมบุตรบ่ทันฮู้ถึงพระคุณให้คิดอ่าน ลูกบ่กวนแอ่วฮ้องบ่เห็นหม่องค่าคุณ หนูกัดเครือหูกจั่งฮู้จักคุณแมว ลูแขวนแอวจั่งฮู้จักคุณพ่อแม่ จั่งแม่นถูกน้อแท้ ๆ อันคำเว้า เอ้อ เอ้อ พ่อแม่เฮา ผุฟังเอ้ย เอ้อ เอ่อ ...

[@puicanpin]

กลอนลำ ข้าวนาหว่านสารเคมี ศิลปิน วีระพงษ์ วงศ์ศิลป์ ทำนอง สารคามกาเต้นก้อน ล่ะฝนตกฮำใบตองหว้า นาเคยดำเป็นนาหว่าน ใส่แต่สารเคมี เข่าบ่หอม หลอมบ่ตั้ง หวังทางแบงก์ จ้างแต่กัน.....เอ่ยๆๆๆ บ่มีความสัมพันธ์ บ่มีวานบ่มีเว้า ขอแฮงกันไปลงแขก เอาแต่เงินเป็นพระเจ้า สมัยนี้ต่างแต่หลัง เห็นแต่ไทยเฮียนอื่น ฟ้าวมะลึ้งตึงตั้ง โตกะฝั่งนำเขา สังคมเฮากะเลยเป็น โลดเพิ่งกันบ่มีใด๋ น้ำใจคนเลยหายแห้ง คือนาแซงน้ำแห้งเดิ่น ยึดเอางอเอินเงิน หวังแต่เงินเป็นที่ตั้ง หลังแต่เงินเป็นพระเจ้า เมานำแบงค์แข่งแต่กัน...เอ่ยๆ คันเถิงยามลงนาเพิ้นกะทำนาซิ่ง จ้างเขาไถแล้วไปหว่าน เกิดเป็นต้นแดงคือฟาน น้ำบ่ขังมีแต่หญ้า เฮ็ดนาซิ่ง ใส่แต่ปุ๋ย ปุ๋ยกะปู๋ยเคมี ไปเซ้นเขาเฮ้าเป็นหนี้ ใส่เเล้วเขียวงามดี สารตกค้างบ่คิดเบิ่ง ละเคิ่งหนึ่งเข่ามันกิน ละเคิ่งหนึ่งลงสู้พื้น ขี้ดินด้าน หว่านแต่ปุ๋ย..เอ่ยๆๆๆๆๆ. พอเป็นต้นมาแน่ แมลงกินมุ่นอุ่ยปุ้ย ก็ต้องเพิ่งสารเคมี ฆ่าแมลงเถิงปู แม้แต่ปลาอยู่ในน้ำ สารเคมีมันตกค้าง สะสมกันเป็นกรดด่าง กินเข้าเหม่าเข่าห่าง เทิงเข่าเหนียวปั้นจ้ำ พวกเฮาหม่ำตั้งแต่สาร เฮ็ดให้คนเจ็บป่วย เป็นอะเหิ่บเติ่บเต้อ จั่งฟ้าวเเลนไปโรงหมอ งอมาทำนาดำ อย่าฝั่งนำแต่เงินแบงค์ ออกแฮงไถลงแฮงปั้น คันแทนาเอาน้ำแส่ พากันเฮ็ดเอาแน่ ปุ๋ยอินทรีย์ไว้ใส่เข่า วัวควายเจ้าเลี้ยงแน่เด้อ คันเจ้าเลี้ยงควายด่อน ให้เป็นโตเขาคำ คันเจ้าเลี้ยงควายดำใต้ล่างเฮายังมีขี้ ปุ๋ยอินทรีย์ยังมีค่า เฮ็ดนาดำแม่นเฮ็ดหน่อย แต่ผลได้.......เอ่ยๆๆๆๆ แม่นต่างกัน .... ว่าเด้ น้อ นอ นอ.........เอ่ย ละนา....

[@user-ec7cb5yv8t]

สายลมฟ้องว่าน้องลืม testo หนาวหัวใจยามลมต้อง หัวลมส่าห์เดือนสิบสอง แม่นลมฟ้องอิหยังหน่อ หรือว่าสายลมส่อมาชูนกายแต่ละครั้ง จั่งเย็นจ้อยเข้าใส่ใจ เด้น้อ หล่ะฮู้เหตุผล ว่าสายลมเป็นห่วงอ้าย อยากบอกข่าวสาวคนไกล ว่ามีไผเขามาแฮง ถืกเพิ่นแชงบ่อนทางโค้ง หล่ะอ้ายจนงงมื้อเจ่าโทรมาเว้า ว่าจบกันน้อเฮาฟังคำเว้าเจ่าง่ายง่าย หล่านางเอ้ยอ้ายแป๋ล้มแป๋ตายกินสุราอาบน้ำเหล้า ผู้ใด๋เว้าบ่ได้ยิน ความหวังพังขาดสิ้นเหลือแต่กลิ่นความเจ็บ ความหนาวเหน็บในหัวใจแม่นเพิ่งไฟบ่พอช่วย สาวคนสวยเจ้าลืมอ้าย น้องฮักพี่อิหลีใด๋ ยังจำได้เว้ากับพี่ หล่านางเอ้ย สัญญาไว้ว่าเดือนสี่ สิหาเงินมาแต่งน้องทองคำพร้อมสร้อยใส่คอ หล่ะสิ่งบ่ฝันอ้ายกะพ้อเวลาเปลี่ยนใจคนตาม มีคนสามเข้ามาแทน เอิ้นว่าแฟนน้อแทนอ้าย เบิดความหมาย แล้วบ้อชายคนนี้ สิโทษว่าบุญบ่มี ดอกเด้ออ้ายบ่โทษเพิ่น หล่านางเอ้ยเจ้าผู้แก้มเปิ่นเหวิน โตอยู่ไกลใจห่างพร้อมอ้ายยอมแพ้ให้แก่เขาเด้น้อ บ่มีคำสิเว้านั่งกอดเข่ามันเหงาจิต คือคนเมิดความคิดได้นั่งชึมอยู่คือบ้า หยดน้ำตาลูกผู้ชายมันไหลย้อย อ้ายบ่ได้สำออยแต่มันกลั้นไว้บ่อยู่ หล่านางเอ้ยคนที่หมายเป็นใภ้ปู่ อ้ายคึดนำตั้งแต่เจ้า บ่มีเจ้าคึดต่อไผ เด้น้อ ล่ะคนที่แม่นแฟนบักอ้ายพ้อผู้ใหม่ใจเลยเขว เสียดายเด้คนสุดฮักบัดห่างไกลเจ้าลืมอ้าย เพิ่งเข้าใจฮู้ว่าสายลมฟ้องมาส่งข่าวเรื่องความหมอง ว่านางน้องนั้นลืมพี่ หล่านางเอ้ยลืมอ้ายแล้วอีหลี คนเมิดหวังแทบสิล้ม สายลมฟ้องน้องเปลี่ยนใจ เอ่อ เอ้อ เอ้ย เด้น้อ

[@user-fy8vk5fm1t]

ล่ะเวลานี้ ผม......มาแล้วมาในแนวมาดใหม่ มาขอกราบรับใช้แฟนๆท่านผู้รับฟังโอยเด้น้อ.... ผมยังบ่ทันรุ่งเป็นหมลำน้องใหม่ ละเสียงบ่ใสเด้อเจื้อยแจ้วฟังแล้วให้ซ่อยตรอง ล่ะขอกราบเรียนพี่น้องทั่วท้องถิ่นดินอีสาน ผู้ที่มาในงานคูสุคนในคืนนี้นี้ ล่ะฟังลำดีให้ยอยย่องลำบ่ดีให้ติแน ห่ามันผิดสิได้แก้มันสิแย่หากบ่ติ ล่ะทางดนตรีผมนี่ว่าดีพร้อมผู้ฟังว่าคันแนวได๋ อีกทั้งไฟแสงสีกะว่าดีเด้อพอใช้ ล่ะแฟนปลเอ๋ย.... หากมีงานคราวหน้าอย่าลืมหลานเด้ออาให้ไปหากันมาแว กาฬสินธุ์เด้อญาแม่ไปเอาหลานมาส่อยร้องคงสิก้องดอกทั้งไป เอาล้ะเด้อผมขอหยุดพักไว้ฉากใหม่จั่งคุยกัน สาวฟังลำคนสวยให้ส่อยเชียอย่าเมือบ้าน ล่ะสาวนงคราญทั้งสาวน้อยสาวบัวลอยเด้อพร้อมพร่ำ ล่ะมาฟังลำในมื้อนี้อย่าลืมอ้ายผู้โอ่ลำ โอ้ยเด้อแฟน โออออออ