لايح البراق - ماجد الخضير & ممدوح بن سعود - رصده الخضاري وارصده خالد الزعاق 2024 حصرياً

كلمات الشاعر ::
ممدوح بن سعود
اداء المنشد ::
ماجد الخضير
تصميم ::
لطام الدوسري
…
طلب التصميم اتواصل وتساب مباشر👇🏻:
‏iwtsp.com/9665...
-
سنابي حياكم الله .
‏ / g-rii2
. . . . .
الكلمات::
سرى ابو العطايا اللي تهامل وبرقه شاق
ورعى الطقس ماوقف فالارصاد تحذيره
اخيالً من المنشى ايتمدد معى الافاق
ومن وبل سكابه ( يدفدف ) محاديره
رصده الخضاري وارصده خالد الزعاق
قبل يرسم بوبله ( وسيله ) بعااثيره ...
كشاشيف برقه فالدجى كنه الرماق
سقى الارض من صادق حقوقه ومن خيره
لامنّه سررا ليله على لايح البراااق
لاكنّه مسلّف ساهر افلاش تصوييره
يتل القلوب النابضه من ورى الاعماق
هذا الليل ثالث ليل من ديره لـ ديره
ايغطي البدر بالمزن واليوم بدره واق ..
تقول المزن يستره ذابحته الغيررره
نفيض الوسم في خايعن منوة الضيّاق
سقاه ( الولي ) وازمى زهره ونواويره ..
عليه البدو يطوون بالخيمه ام اروااق ..
رعو شف ذودن ماتحسب مخاسيره
شديدن ضعنهم في هوى شفها يستاق
في قفرن ماداج بجوه الا عصااافيره ..
( معى ) كل وضحا راسها ايوازن الشوهاق
سنادن طفاح تعجب الذوق واتثيره
على شفها لاتنتحمل ولا تنساااق ..
رعت ضف مصلاحً تقادح سعاطيره
ويبرالها شاصن سلق يعجب السواااق
ومن حمله ايشلون من بديه اسبيره
وبيت الشعر في مرتعن زايف الاوراق
على ربعته ماهيب تفضى خطاطيره
مشيّده زحلاً عن خطى الطيب ماينعاق
قالو له كثر خيرك وجاد وكثر خيره
اسألني عن اللي طوّق المرجله طوّاق
واقول الك عبدالله ابن سمران ماغيره
على كل وسمً لاح له فالدجى براق ..
عصب راسه بجيبً يدندن على امبيره
لـ وضحً ماسوّقها المحرج على الاسواق
امن الغيم ( كنه ) اللي تنقّى مغاااتيره
لامنّه لقى له فرديً قاطعً عملااق
يدبل عليه السوم فالسعر تسفيره
يقول الخساير من حسابي وفالطقاق
هذا والله اللي مايحسّب مخاااسيره
يمينه معودها على الطيب والانفاق
معى الضيف ماعقّد حجاجه بتكشيره
ويجي الشر من شره وفعله الى من ضاق
والى من رضى وانفق يجي الخير من خيره
هذا الشاعر اللي جامعن مرجله و اخلاق ..
وهذا الشاعر اللي كلنا من جماااهيره
لامنه انتشر بيت القصيده معى الاذواق
(درينا ان ابن سمران فالشعر تصدييييره)
لاغنا الغزل من قاااافه ايدمر العشاااق
ولاغنا الفخر والمدح الا يالله الخييره
الإعلام لو مايشكره شكر مالاعماااق
لا والله لابو إلاعلام لابببو (مشاهيره) ..
يوم انه على فعلا اموثق على ميثاااق
وعلى شايبً يضمن على الزبن والجيره
ولد عودن الكسب النعم والفخر سباق
على ارحب ماهوب ايمل من كثر تكريره
من ابا العلا واشداد ربعه الى ابو ساق
ومن اقصى الحجاز لثومة الشام والحيره
يقلّط ولد سمران بالبيرق الخفاااق
من اسمه ومن فعله ومن كبر تقديررره
ايسابق كلامه بالفعول الكبار اسباق ..
ولو تزهمه للموت ما ابدى معاذيره
عصيمياً وصعب ايتكرر على الاطلاق
ومن عزوة تاريخهم صعب تكريره .،
قطمان المحازم مروية حدها الفتاق
ضنا مركي اعتيبه على المجد والسيره
عتيبه عتيبه خَير من فوق سبع اطباق
هل السيف والمنسف لاطق الوغا زيره
عتيبه هل الامجاد والطيب والاعتاااق
عتيبه هل الطالات والعز والجيره
يوم ان الجهل عاده ويوم الجموع اتساق
ياكم عايلً من دقلهم ينلعن صيره
. . . . .
من فضلك : اشتراك 🔔 Subscribe - لايك Like
فعل الجرس 🛎 ليصلك كل جديد
تصميم : لطام الدوسري
______________________
للتواصل والاستفسارات :
الحسابات الرسمية لـ قناة لطام الدوسري .
‏SNAPCHAT : g-rii2
‏Whatsapp : ‭[phone]
-
#ماجد_الخضير #البرق #عتيبه

[@g-rii2]

سنابي حياكم الله . ‏www.snapchat.com/add/g-rii2

[@user-kr3ii4zt1ynasser]

اسالني عن اللي طوق المرجله طوّاق واقول الك عبدالله ابن سمران ماغيره على كل وسمً لاح له فالدجى براق .. عصب راسه بجيبً يدندن على امبيره