@ // ألاعيب سائقي التاكسي // وقصيده للشاعر على عبد الرازق الدالي

،@ هذا الفديو يشرح ألاعيب سائقى التاكسي
==============.=======
فى يوم وانا خارج من بيتي رايح مشوار
قابلت سواق التاكسي تقول طيار
راح قرب مني وراح قايل مالك محتار
راح بص فى وشي وفكرني غريب الدار
وانا شايفه قرفان من عيشته وشكله منهار
قولتله رايح الوليديه عند النجار
قالي اركب خليها على الله وبلاش تحتار
من بعد الليل اكيد بكره هييجي نهار
قولتله يجعل ايامك ورد وازهار
وشويه لقيته بيترنح ، وكأنه فى زفه زار
راح قالي رايح الوليديه يا ابن الاخيار
ولديه ايه اللي رايحها دا بعيده مرار
وفجئه لقيته بيغني يا حبيبي نار
وشويه لقيته بيغني لعلي الحجار
صرخت فى وشه وقولتله فين هى النار
بلدنا هزمت صهيوني وبقينا احرار
وردينا شرفنا وكرمتنا من بعد العار
لو فاكر يوم سنه اكتوبر هدينا جدار.
وحررنا سينا من الغاصب وكان جبار
قال بتحكيلي عن حرب أكتوبر وعشتنا مرار
قال مش عاش انت فى بلدنا نار الاسعار
طب ذنبنا ايه فى اللى بيحصل ،، والا هى لعبه اقدار
اتاربه عايز اجره زياده قم لف ودار
سواق كان خادع وبطبعه تلاقيه مكار
وشويه لقيته راح ساكت وقلبها هزار
قال يارب نفهم وتقدر قيمه المشوار
مسكت بريزه ادتهاله ،راح بص يمينه وشماله
قال دا انت قاسي ومش ناسي انت جبار ؟؟؟!!!
بريزه تمن التوصيله اكيد دا هزار
قولتله الرحمه مطلوبه يا ابن الاخيار
قال رحمه ايه اللي طلبها والعيشه مرار
قولتله كمان يا اسطى بريزه وبلاش نحتار
حولت أفهمه بالحسني لقيته حمار
قولتله دا ثوره قامت بسبب الاسعار
قال الثوره قامت دا حقيقه والا كان دا هزار
الفساد باقى زي ما هوه والا كان دا هزار
والسعر زاد مليون مره يا عم الشطار
بريزه ايه وانا فى اليوم محتاج لالف جنيه
والرأس ماليه كمان زادت وياما فيه اسرار
حتى الصعلوق بقى اقطاعي وباع الاحجار
قولته يا اسطى دا سياسه ونجليه وعار
وعطيته الاجره اللي عايزها وبدون اعزار
ورحت البيت وانا ف راسي كبل وزمار
وكاني غريب انا ف بلدي مش ابن الدار
وقعدت افكر مش قادر اوصل لقرار
قال يعني السواق كان فاهم وانا اللي طلعت خمار
=======================
زوروني على قناتي واشتركوا بالقناه كل يوم حديد