Рет қаралды 2,159
#gaitaasturiana #bagpipes #cornemuse
0:44 La neña ta nel monte
2:39 El sultán
Esti videu ta pensao de primeres como material d'apoyu a les clases de tambor, pa que l'alumnáu tenga material sobre'l que practicar, nesti casu, el ritmu de pasudoble.
Tamién ye una amuesa d'estilos de tocar a la manera tradicional n'Asturies, con ornamentaciones y xiros habituales nos gaiteros de mediaos del sieglu XX.
Nesta ocasión faigo un amiestu de dos pieces bien prestoses. La primera d'elles ye "La neña ta nel monte", una pieza del repertoriu de la gaitera Belén Arboleya y extrayía d'una grabación d'"Eduardo'l de Sabina" gaiteru de Sardéu (co. Ribeseya) y recoyía nel Archivu de Javier Díaz "Javier el d'Arroes". Darréu va una adaptación del cantar "El sultán" que tocara la gaitera Justina Castañón y que ta recoyía nel Archivu de la Tradición Oral d'Ambás.
Quiero con esti tema rendir merecíu homenaxe a estes dos fenomenales gaiteres y a toles gaiteres que primero qu'elles pasaren inalvertíes a los güeyos de la sociedá asturiana.
Toco con un punteru atribuyíu a Antón de Cogollu y con una gaita reproducía por Chus Solís a partir del modelu del mesmu constructor.
Si vos presta que faiga esti tipo de materiales pa escuchar, pa tocar con ellos o pa emplegar como material didácticu, soscribíivos, dái me gusta y calcái nel lloqueru ;)