Tongan Love Song 2011 - LOTO TA'ETOLIA - Feauini 'o e Sopu 'o Taufa

Koe taha 'eni ha kau hiva 'oku kei manakoa pe 'I he anga 'o enau ngaahi fa'u fekau'aki mo e fe'ofa'aki 'a kakau, vale e loto, Mavae tangi tu'unga he pule kehea, Loto kuo ta'etoli'a tu'unga pe koe 'ofa vivili, pe ko e toe ha hano fakalea e tu'unga e 'ofa. 'Oku 'ikai ngata pe he fakalea 'oku ongo ki he loto 'o e kau fanongo hiva ka ko fo'i ongo faka-maisoa koe 'oku 'omai 'aki 'ae fekau 'oku fu'u fakangalongata'a 'aupito.
Ko e kulupu ni ko e fakatahataha pe ha kau tangata taleniti hiva mei he Sopu 'o Taufa 'o kamata 'enau maa'imoa hiva 'I he 70's. Pea koe konga lahi 'o e ngaahi hiva 'a e Feauini na'e fa'u ia he'e tangata punake ongoongoa mei he Hala Puopua ko MALIU SELETI pea tokoni foki kiai 'a e tangata tafasi HINGANO LANGATAU. Ko Hingano pe foki 'oku to e hiva fasi he ngaahi hiva kotoa 'a e Feauini.
'I he ta'u 2009 na'e toe hanga ai 'e Hingano Langatau 'o toe Remix 'a e 'u Hiva 'a e Feauini 'o fakakau mai kiai 'a e synthesiser, Bass, Electric Guitar 'I he Album ko e 'FEAUNI O PATTERSON, U.S.A - 2009 'a e ngaahi hiva tu'ukimu'a 'a e Feauni 'o e Sopu 'o Taufa hange koe:
1. Vai Ko Lomoloma
2. Soa 'A e 'Ikale
3. Si'oku Loto ne ta'etoli'a
4. 'Ofa he lose tu'u he lilifa
5. Nofo he tele'a 'o e mamahi
6. Na'ati 'o Luahiapo
7. Mavae Tangi
8. Mafuli e Kaniva
9. Lose 'o Salone
10. Lile moe Lose 'o e Mata Hangale
11. 'Ikai ke ma'u ha nonga
12. Feauni 'o e Sopu 'o Taufa
13. Amusia sia' taha ia
'Oku lolotonga nofo 'a Hingano 'I Patterson, U.S.A pea 'oku ne lolotonga fokotu'utu'u e Album Fo'ou 'a e Feauni ki he 2010.