Рет қаралды 8,568
#rrezedielli #reportTV
Cilat janë arsyet që po i çojnë të rinjtë të përjetojnë ankth dhe depresion?
Gjendje ankthi, depresion, sulme paniku, çrregullime të humorit dhe deri çrregullime të personalitetit. Vitet e fundit, numri i shqiptarëve dhe kryesisht të rinjve që vuajnë nga ankthi dhe depresioni është rritur në mënyrë dramatike. Mjekja psikiatre Arjana Rreli shprehet se sot në botë rezulton që mjekimet për antidepresantë dhe antistres janë numri 1 në listën e medikamenteve më të shitura.
Sipas mjekes psikiatre ushqimi jo i duhur, aktiviteti i ulët fizik, ndryshimi i marrëdhënieve shoqërore dhe sidomos teknologjia kanë sjellë një rritje të ndjeshme të të rinjve që përjetojnë në përditshmërinë e tyre stres dhe ankth. Rreli thekson simptomat më kryesore të shfaqes së stresit dhe ankthit të cilat janë sinjale për të kërkuar ndihmën e duhur në kohë. Stresi është një gjendje që duhet trajtuar që në hapat e parë të tij duke parandaluar kështu ankthin, panikun dhe rënien në depresion.