Рет қаралды 135,042
လေတပ်အားကိုးဖြင့် စစ်ကောင်စီ ရမ်းကားမှုကြောင့် တစ်ညအတွင်း လူ ၂၀ သေဆုံး
…………..
ရှမ်းပြည်နယ် မြောက်ပိုင်း နမ့်ခမ်းမြို့နဲ့ ရှမ်း-ကရင်နီနယ်စပ် ဖယ်ခုံမြို့နယ်ကို မနေ့ညပိုင်းက စစ်ကောင်စီလေတပ်ရဲ့ ဗုံးကြဲတိုက်ခိုက်မှုကြောင့် လူပေါင်း ၂၀ သေဆုံးခဲ့ရပါတယ်။ သေဆုံးသူတွေထဲမှာ ကိုယ်ဝန်ဆောင်အမျိုးသမီးနဲ့ ကလေးငယ်အများအပြား ပါဝင်ခဲ့ပြီး ထိခိုက်ဒဏ်ရာရသူဦးရေဟာလည်း ဒါဇင်နဲ့ချီ ရှိနေကြောင်း သိရပါတယ်။
စစ်ကောင်စီဟာ လက်လက်ဆုံးရှုံးခဲ့ရတဲ့ နယ်မြေတွေကို လူအများအိပ်မောကျချိန် ညသန်းခေါင်ယံနဲ့ မနက်အာရုံတက်ချိန်တွေမှာ လေတပ်အားကိုးနဲ့ ဗုံးကြဲတိုက်ခိုက်ခဲ့တာလည်း ဖြစ်ပါတယ်။
မြောက်ပိုင်းမဟာမိတ်တပ်တွေဖြစ်တဲ့ ကိုးကန့်တပ် MNDAA ၊ တအာင်းတပ် TNLA နဲ့ ရက္ခိုင့်တပ် AA တို့ကို အကြမ်းဖက်အဖွဲ့တွေအဖြစ် ကြေငြာခဲ့အပြီး ရက်ပိုင်းအတွင်းမှာပဲ ခုလို ဗုံးကြဲမှုတွေ ခပ်စိပ်စိပ်လုပ်လာတာပါ။
သတင်း၊ တင်ဆက် - မြတ်ကြီး