Рет қаралды 106,589
စံချိန်တင်ရေကြီးနေတဲ့ ပဲခူးမြို့မှာ အောက်တိုဘာ ၁၀ ရက် ဒီကနေ့အထိ ရေကြီးရေလျှံနေရဆဲဖြစ်တယ်လို့ ဒေသခံတွေကပြောပါတယ်။
"နေ့လည် ၁၂ နာရီလောက်က ဇလပ်ထော် ဆည်ကျိုးမှာစိုးလို့ ဖောက်ချရတော့ ရေကပိုတတ်လာ မလားမသိဘူး" လို့ အသက် မြို့ခံအမျိုးသမီး အမျိုးသမီးကပြောပါတယ်။
ပဲခူးမြို့မှာ အောက်တိုဘာ ၇ ရက်ကစပြီး ရေကြီးနေရတာပါ။ အရင်က ရေကြီးရေလျှံလေ့မရှိတဲ့ မြို့လယ်မှာ ပါရေကြီးနေတာကြောင့် ကယ်ဆယ်ရေးစခန်းတွေ ဖွင့်ထားရပါတယ်။
ဒေသခံပရဟိတအဖွဲ့တွေရဲ့ အဆိုအရ ကယ်ဆယ်ရေးစခန်း သုံးဆယ်လောက် ဖွင့်ထားတယ်လို့သိရပါတယ်။
ပဲခူးရေဘေးကို ရန်ကုန်နဲ့ မန္တလေးက ပရဟိတအသင်းတွေကလည်း လာရောက်ကူညီမှုတွေလုပ်ဆောင်ပေးနေတာတွေ့ခဲ့ရပါတယ်။
မြို့အဝင်တိုးဂိတ်နားမှာ ရေတော်တော်များနေသေးတာကြောင့် ကုန်တင်ကားကြီးတွေကို တစ်စီးချင်း ဖြတ်ခိုင်းနေရပါတယ်။ အဲဒါကြောင့် ပဲခူးမြို့ကိုဝင်ဖို့ တန်းစီနေတဲ့ ကုန်တင်ကား နဲ့ လောင်စာဆီကားတန်းက မိုင်နဲ့ကိုချီပြီး ရှည်နေပါတယ်။
အိမ်စီးကားအချို့ဖြတ်လို့မရနိုင်တဲ့ရေပမာဏဖြစ်တာကြောင့် လာရောက်ကူညီတဲ့ ပရဟိတအဖွဲ့ကားတွေကတော့ မြို့အဝင်ဂိတ်ကိုရှောင်ပြီး မောင်းတဲ့လမ်းကနေ သွားနေရပါတယ်။
ကားတွေက မဟာမြိုင်လမ်းဆုံနားအထိ သွားနိုင်ပြီး အဲဒီ့နေရာကနေ မြို့ထဲကိုတော့ ရေလမ်းပဲသွားနေရတာပါ။
"မြို့ထဲမှာက ရင်ခေါင်းလောက်ကို ရှိသေးတယ်။ ၁ လမ်းထိပ်မှာကြိုးနဲ့ လျှောက်တာတောင် မနည်းလျှောက်ရတယ်။ ရေစီးတော်တော်သန်တယ်" လို့ ပဲခူးမြို့တွင်းကိုဒီကနေ့သွားရောက်ကူညီခဲ့တဲ့ အမျိုးသားတစ်ဦးကပြောပါတယ်။
ရေကြီးတဲ့နေ့ကတည်းက လျှပ်စစ်မီးလည်းမရသလို ဖုန်းလိုင်း အင်တာနက်လိုင်းတွေလည်း ပြတ်တောက်နေပါတယ်။ #bago #flood #ပဲခူး