البستن و كيفية تركيبه و مدة تشغيل الدراجة بعد التجفيت

* رابط صفحة ال Instagram {ميكانيك الدراجات}
/ iraqi_motor_c
* رابط مجموعتنا على ال facebook { كن فنيا بعقلك }
www.facebook.c...
* رابط صفحة القناة على الfacebook { ميكانيك الدراجات }
www.facebook.c...
--------------------------------------------------------------------
ملاحظة / هنا بعض الاسئلة و قد تكون بعض الاجوبة ليست تامة او بها خطأ .
⇝⇝⇝⇝⇜⇜⇜⇜
نبدأ بعون الله تعالى
1- كيف اعرف الدراجة تحتاج تجفيت ( كايمة ) او لا ( اي و يكمن العطل في السلندر او يسمى البوشة و البستن )
ج / تعرف ذالك عن طريق الفحص و ذالك بوضع رجلك على الهندر و أنزاله ببطئ اذا لاحظت أنه ينزل بسرعة دون مقاومة فالمحرك عاطل يحتاج تجفيت وايضا تستطيع فعل ذالك من جهة مروحة التبريد تقوم بتدويرها فأذا لم تجد مقاومة فالدراجة تحتاج تجفيت و في القناة فيديو توضيحي .
2- صوت في الأطار الخلفي ( العجلة الخلفية ) للدراجة .
ج / لها عدة أسباب منها :
1_ مكان أتصال الأطار الخلفي بالمحرك المسمى بلأكسل يوضع فيه زيت يسمى سي أو يل ممكن لا يوجد زيت فضيفلهة هذا الدهن راح يفيد في تخفيض الصوت و في القناة فيديوهات توضيحية .
2_ ممكن بسبب البولبرنكات الموجودة في نفس المكان ممكن تالفات يعني ( خلص عمرهن الافتراضي ) لذالك هن يطلعن أصوات و ايضا في القناة فيديو توضيحي .
3- كيف اجعل الاشاراة تشتغل رباعي .
ج /من خلال ربط اسلاك الاشارة معا و ربط مفتاح بينهما لغرض التحويل بين الأشارة الرباعية و الوضع العادي و في القناة فيديو توضيحي .
4- الدراجة تشتغل اذا كانت باردة و بعد ان ترتفع حرارة المحرك تنطفئ او بالعكس .
ج /عمل ثلاث امور ان شاء الله راح تفيدك :
1_ اذا كان البلك { بوجي و هو المسؤول عن اعطاء الشرارة للمحرك كي يحدث الاحتراق } قديم قم بتبديله و ضع جديد اصلي و حتى لو كان جديد لكن ليس اصلي قم بتبديله بآخر اصلي .
2_ اتأكد من وصول الدهن للمحرك و ذالك عن طريق تنظيف مضخة الدهن موجود فيديو في القناة عن هذا الامر .
3_ اخلط للدراجة دهن مع البانزين بكميات قليلة بمقدار 5 cc كما موجود في سرنج زرق الابر الطبية تضيفه مع كل تفويلة بالتمام للبنزين و ترج الدراجة ليمتزج .
5- دراجة أوتوماتيك سرعتها ممتازة لكن عزمها ضعيف اي عند صعود تل او جسر لا تقوى على الصعود .
ج / بالنسبة للعزم فهذا شيء طبيعي لأنة الدراجات ذوات المحرك الأوتوماتيكي هكذا يكون عزمهن ضعيف و قد يكون لديك خلل في الكلج الخاص بالاطار الخلفي به فحمات احتكاكية ممكن تالفات أما الدراجات ذوات المحرك الذي أنت تعطية النمرة ( الكير العادي ) فيكون عزمهن قوي وأقوى ما يكون في النمرة ألأولى ( التبديلة الأولى )
يبقى السؤال هل الدراجات الأوتوماتيك مصممة لصعود التلال المنحدرة جدا الجواب لا
لذالك تجد نوع خاص من الدراجات تسمى جبلية ذات محرك أنت تعطية تبديلات الگير ( محرك الكير العادي ) .
6- اذا كان البلك راخي هل يؤثر .
ج / نعم يأثر على الضغط اربطه جيدا لكن ليس بقوة عالية شد معقول .
7- الكلجات ( الخرز ) يأتي عددهن 6 او اكثر هل يمكن تقليص عددهن الى 3 مع التوزيع بشكل متناسق .
ج/ العملية كلها تعتمد على قوة الطرد المركزي فعند تقليل الخرز الى ثلاث أو أربع تزداد سرعة نهوض الدراجة في اول تحرك لها اي سرعة اقلاع عالية .
لكن أيضا تعتمد على المحرك وقوته قد تنجح و قد لا تنجح و في القناة فيديو توضيحي عن زيادة السرعة .
8-الدراجة الجديدة مثلا سرعتها 60 تمشي 50 و تقفل السرعة لماذا .
ج / الدراجات الجدد يجي بيهن قفال سرعة
على الكلجات الامامية زيل القفال و تزيد السرعة لكن انت افتح الكلجات اذا وجدت قفال
خليي أفضل ألك حتى لا يتعب المحرك و خليك حدك اذا تريد سرعة 50 لا تزيد أفضل للمحرك و في القناة فيديو توضيحي .
9- هل السلندر( البوشة ) التجاري جيد ام لا .
ج / يعني نوعا ما جيد لكن شهرين او اكثر او اقل و لازم تبدلة لأن يتلف ،
يوجد أفضل الي هو يسمونة مكصوص رايمر يعني سلندر اصلي مستخرجينة من دراجة و مصلحينة بطريقة القص لكن غالي ممكن يكلفك فقط القص بحدود 15 دولار ، أما التجاري ممكن تحصلة ب 10 دولار او اقل ،
بينما المقصوص او مال تفصيخ اصلي تحصلة كامل ب 35 او 40 دولار .
10- السلف فترات يعمل و فترات لا يعمل .
ج/ نظفه جيدا و رجع شد السلف و جرب
و اذا ما يشتغل فممكن فيوز تالف عندك
او المحول الخاص بالسلف يسمونة كتف
او ممكن من الباتري تالف او يفقد شحن .
11- الهندر لا يعمل حاشر ما ينزل و الدراجة لا تعمل .
ج/ يوجد سببان لهاذا أحدهما سهل و الاخر صعب ،
1_ قد يكون السبب تكسر مسننات الهندر من الداخل وهذا سهل فقط قم بفك مكان الهندر بالكامل و جد القطع التالفة و استبدلها ، أذا لم يكن هنالك مشكلة بألهندر أذن ،
2_ عطل داخل المحرك يعني ( تجفيت ) للمحرك
و في القناة شرح للتجفيت و كيف تعرف الدراجة تحتاج تجفيت .
12- الأطار الخلفي لا يتحرك مع ان الدراجة تشتغل وكأنه ملتسق او كابح فرامل .
ج / الاكسل الخلفي يعني مكان ارتباط الأطار بالمحرك هذا المكان به جهتان جهة خارجية و التي بها الأطار
و جهة داخلية و التي بها الكلج يكون في جهة الهندر المهم هذا المكان الاكسل يحتوي في الداخل على بوربرنكات و مسننات تجد هناك العطل ممكن تكسر البوربرنك ،
يجب فتح الكلج في جهة الهندر و من ثم فتح الغطاء الذي وراءه ثم تصلح حسب العطل الموجود او يوجد الخلل في الفحمات التي في داخل الأطار المسؤولة عن الفرملة متكسرة و مسببة انحشار في هذه الحالة تفك الأطار و ترى اذا كانت هناك مشكلة في القناة فيديو توضيحي .
#ميكانيك_الدراجات #ميكانيك

[@عراقعراق-ط9ز]

عند ستوته تعلي سلول بوحده تنصي تطفي وطكه اثناء الانطفاء جواب

[@رجلالعشرين]

‏‪1:45‬‏ السلام عليكم خوية عدي اف اس جفتتة يم المصلح من اشغل تضرب بوش وكنما ما بيه بلك

[@Iraqi-1-Man]

السلام عليكم و رحمة الله و بركاته اخوي معناتهة يوجد خطأ بالتجفية لازم تتبع القطع او ترجع تفتح و تجفت من جديد

[@عمارالمالكي-ث4ب]

استمر حبيبي ولا تكطع نزل اي شي اي فكره حته لو بسيطه والله انت مبدع نريد نزيد خبراتنا منك لان صراحه هواي علمتني شغلات الله يوفقك

[@Iraqi-1-Man]

اشكرك اخوي ان شاء الله الفائدة للجميع .

[@مشعلالجوكر-ش5ح]

@@Iraqi-1-Man اخوي شنو رايك بمحركات سرعه 100 تايوان الي ينشد على ياماها9 زروف خوش محركات وناجحات

[@حمزهالخالد-خ2م]

زين نمشي بطيء والنزلات والصعدات مالطرق اشلون

[@Iraqi-1-Man]

عادي تكدر تصعد مو مشكلة اهم شي تشغلهة بعد التجفيت لمدة ساعة او اكثر حتى تتقسة القطع و تصير اقوة .

[@ابوليثالفلوجي-د2ن]

عندي ستوته أم تي ار دخن دخان ابيض اريد ابدل بستم بالبيت أول مرة....

[@Iraqi-1-Man]

موجود شرح عن التجفيت مرات تحتاج تبدل بس رنكات مو شرط البستن كلة اذا الدراجة صارلهة فترة طويلة عندك فافضل شي تبدل كامل بوسة و بستن .

[@tel4549]

شرحك تمام بس لو تحجي بالعاميه افضل من الفصيح مالتك ♥️🌺

[@حسنجاسم-و2س]

عيوني استاذ عندي دراجتي سيام ماتشتغل فحصت البانزين يصعد الشرارة والوكم البلك جديد الكابريتر نظفتهة ممكن رد تحياتي

[@karrarshamma5886]

يا أخي مو حچيك چان حلو وكلامك چان بالفصحى خربته بكلمة (كِلهن) ليش؟؟؟ هههه هسة لو گايل (كُلهن) يعني (بضم الكاف) چان گلنة ميخالف ههههه. طبعاً مع إحترامي للهجات الجنوبية التعليق للضحك فقط، وشكراً ع المعلومة إلي قدمتها.

[@Iraqi-1-Man]

ههههههه اشكرك اخوي 🌹 نعم لازم اكسر الكلام لان اغلب العراقيين يكرهون الفصحة.

[@karrarshamma5886]

@@Iraqi-1-Man اي هي هاي الكلمات تجري بدمنة ههههه بالتوفيق الك خوي بس ديربالك لتعوف الفصحى حتة لتخسر متابعينك من باقي الدول.

[@محمدالحمود-ج2ر5و]

نعم لاني اتابعك من سوريا تكلم بل فصحى بارك الله فيك

[@alobaidi9072]

السلام عليكم شلون افتح ولفات دراجة فراشه حتى ابدل ولفات جدد

[@haithamalsalhe6094]

اني لاحظت هواي مقاطع... الاسود ينشد اول واحد والابيض ثاني واحد

[@user-eo9bd7nw6d]

الله يحفظك ويوفقك ليش ما تنشر نريد نطمئن عليك ❤

[@puty_4950]

استمر والله مبدع... بس علمنه شلون يسون الفصله او التزوير اشرح عنه ❤️

[@محمدالعراقي-ذ9ك5ك]

زين لا جفت وبدلت بستم شكد طول عدي ودكوم

[@aliasgd1568]

هواي طول سنه امثر

[@كرارالكعبي-ث3ع6و]

حبي الرنك الاسود يصير اول شي فوك لان مخصص لغرفه الاحتراق الذهبي يصير تحته وعاشت أيدك على الشرح ياورده🌹

[@haidarinformatics6928]

سلام عليكم عندي سؤال جفتت دراجة سوزوكي 100 خلصت سحق بعد شي اسبوع ما بقا في ضغط بالسلندر وفي رنة قوية في السلندر شو السبب ارجو الرد وشكرا

[@alobaidi9072]

السلام عليكم شلون افتح ولفات دراجة فراشه حتى ابدل ولفات جدد

[@hassaneinsalman]

مشكور رحمه الله والديك بتوفيق

[@lt.4ii]

عندي دراجة 60 گلي اليوم المصلح يگول شغلها يومين اني حاليا مشغلها 5 ساعات هاذة يكفي لو بعد

[@محمدالخفاجي-د4ي]

غلط اكبر غلط الاسود نار فوق حب

[@husseinali-lm9gq]

خويه جفتت دراجتي 140 بدلتها رنگات من شغلتها بيها حماوه شويه هاي عادي لو لا لو اني جاي اوهوس؟

[@Iraqi-1-Man]

طبيعي اخوي انت اذا متأكد من شغلك ماكو مشكلة و ضل راقبهة حتى تتأكد من ثبات الحرارة .

[@مخابيلالعراق-ك5ج]

سلام عليكم جفت الدراجه ماكس١٤٠ليش تطفى ولازم انتظرهه تبرد يله تشتغل

[@hazimalnsrawe154]

اني هم بدلت بستم سكنز ونظفت ولفات بنفس كامت تطفي كال المصلح البستم جديد يريد تطبيع لازم تطلع بيهه انته حاليا لساهه تطفه لو اطبعت

[@ahmedahmed-yc2ic]

ستمر🇮🇶🇮🇶👍👍😍🌹🌹

[@7oope]

حبيبي اني اشتريت دراجه ادرس 2021 سزوكي محرك 150 شكد ابقه اسحك بيها وشكد السرعه والمده؟

[@Iraqi-1-Man]

عزيزي مجرد ساعة تشغيل بدون تحرك بعدها تمشي طبيعي بس خليك كحد اقصى سرعة 40 مدة يومين او 4 بعدها طبيعي لكن خلي بالك اي دراجة قبل لا تطلع بيهة خليهة فد دقيقتين تشتغل بعدها اطلع طبيعي .

[@صادقحميد-ط9ن]

مشكور حبي اريد دراجه كير رابيدو كامله وتنزل جاي بموديلاته بيا محافضه موجودة وشكد سعره جديدة اومستعمله نضيفه فقط رابيدو رايده

[@Iraqi-1-Man]

حقيقة حاليا ما عندي علم اذا نازلة او لا .

[@starfire7931]

مكينه ما مفشوكه سليكونه يالون

[@Iraqi-1-Man]

اخوي المحرك اذا ما مفتوح فما بي سلكون الشركة تكتفي بالكازكيت فقط و هذا كافي و يختلف الموضوع حسب نوع الشركة و الدراجة لذالك اذا شفت سلكون خارج المحرك و خاصة اذا كان بشكل غير منتظم فيدل على ان المحرك مفتوح .

[@محمدبرهمبرهم-ك8د]

اشتريت سلندر وبستم كامل من فتحت المحرك طلع الفتحه مل الكوجم بيم مال الدراجه أصغر والجديد أاكبر بس الحجم البوشه والبستم نفس الحجم

[@Iraqi-1-Man]

وين المشكلة اخي اذا ثنينهن نفس القياس لو تقصد البيم الجديد اصغر .

[@مرتضىجميل-د6ج]

كلبي ركبت رنكات ولبستم جديد ولبستم انسخط شوي يعني خفيف عُاَدّيَ لْـۆ يئثر

[@حيدرالدراجي-ق7ش]

شنو هل الغبيه الطويله

[@abbasriad7660]

حبيبي دراجتي بوكسر بدلت البوش والبستم صار يومين البعض يكلولي امشي بيها سرعه ٤٠ او ٦٠ والبعض الثاني يكلي لتمشي عليها اقل من سرعه ٢٠ لمده اسبوع اتمنا تنطيني نصيحه بيها لان اني هسه مطفيها اتمنى تجاوب

[@kokomadred9654]

يصيراشده بدراجة 60 كلاسك وشنو ياذي الدراجة اذا اشدة 60كلاسك

[@Iraqi-1-Man]

لا اخوي ما تكدر تركبة حجمة اكبر بضعف .

[@husseinali-lm9gq]

خويه دراجتي دولفين بدلتها دهن وكامت تدخن صارلها تلث ايام شنو السبب للعلم هي تنقص وهم ماعرف ليش

[@فاضلالكعبي-ه8ط]

مشتاقين

[@andali6478]

شكرا جزيلا

[@هاردهارد-ظ6ث]

عشت ي غالي محبك من اليمن سؤال ًًًسبب تراكم الكربون في السرندل وتغطيه البلاك بالكربون مما يسبب عجز في سرعه الدراجه وتوقفها نهائيا مما تطر الى تغيير البلاك في فترة قصيرة بسبب الكربون الصاعد من السرندل ارجو الاجابه حبيبنا ابن العراق

[@xhfyhxgcnfh5658]

ربي يحفظك

[@mohmedali6278]

عاشت ايدك تفصيل حلوو

[@مؤيدجاسم-ط7ز]

عاشت ايدك عل شرح ،،،،، بالنسبه للتاير مال الدراجات مع الجوب الدراجة ال 60 اشكد قياسه الماكس ال 120 اشكد قايسة الماجستة 140 اشكد قياسة الستوته الامامي الخلفي او الدراجه الايراني اشكد قياسة اما الويل الحديد مال الفراشه الخلفي ينشد للامام لو مايرهم لان اثنينهن بريك بانز مو دسك ،،،، اريد اكسب خبره من حضرتك ،، تحياتي

[@Iraqi-1-Man]

شكرا جزيلا بالنسبة للستين الحجم 10 و اكو 8 بالنسبة للباقيات ما عندي علم بيهن اما الستوتة فحجمهة 16 و اكو اكبر ان شاء الله انزل فيديو عن الموضوع اما التحويل بين الويل الخلفي و الامامي فما يصير لان الخلفي الفتحة مالتة كبيرة و مشيفة من الداخل و تركيبة بنز البريك تختلف ايضا .

[@مؤيدجاسم-ط7ز]

@@Iraqi-1-Man اشكرك استاذنا العزيز عل معلومات ،،،، و ممنون منك وان شاء الله الك قصر بالجنة مادام انته تعطي الدروس المفيده للناس ،،،،، تحياتي

[@دليلالحائرينللعلاجمنالاسحار]

🌹👈🙏🙏🙏 الله يحفظكم ويوفقكم ويسدد خطاكم بحق محمد وآل محمد 👍🌹🙏🙏🙏

[@mobarkalowid4611]

اذا عندك انستغرام حطه ابي اكلمك

[@حسونحسون-ج2خ4ي]

بارك الله بيك الطيب

[@ابنادم-و4غ]

مرحبا اخوي عاشت ايدك قناة كلش مفيدا. خويه عندي دراجة هونداي اسمها كرستالة وين اكدر احصل قطع غيار اله

[@حمزهحمزه-ف5ص7ن]

مبدع

[@محمدعلي-ذ6ز6ك]

ستمر حبيبي ربي حفضك بس ريد منك طلب تعلمه عل ستنر دراجه الماكس رحمه الولديك بصوره صحصح😘😘 لي وياه لك

[@reamxroxx789]

ماطور ايراني بارت بدلت بستن ولفات كارت ناريه ما اشتغل شنو السبب كفرني

[@نورالزين-ق9ض]

اخي جفتنه الدراجة يس شنو سبب الصوت طكطكه ليش

[@Iraqi-1-Man]

اخي لازم تسوي فيرلس .

[@نورالزين-ق9ض]

@@Iraqi-1-Man المصلح يكَول لازم يطيح المحرك يلله تسويه

[@sayef.m3429]

دراجة اف اس صيني ياهو افضل انواع الزيوت الخاصة الة

[@ستارحسينسلمان]

حبيبي ناس تشد الرنك الاسود براس البستم وناس تشدة وسط الرنكات ياهي الطريقة الصحيحة

[@Djallel.]

شكرا لك

[@kademjawed1709]

اخي عندي دراجه سيام 125مابيه هندر بس سلف يكولولي مايصيرله هندر شلع مايصيرله شنو سالفته يصير تحوير أو تغيير ممكن الرد٠❤❤

[@Iraqi-1-Man]

للأسف اخي بعض الدراجات تصميم المحرك ما يستقبل هندر لذالك ما تكدر .

[@kademjawed1709]

@@Iraqi-1-Man بس مصلح كلي أبدل الك القبق مالته بعد مادري🤔🤔

[@Iraqi-1-Man]

@@kademjawed1709 حسب انت افتح غطاء الهندر و شوف اذا توجد امكانية لربط الهندر روح و سئل على غطاء و ركبة انة ما مجربة فما اعطيك الاكيد .

[@kademjawed1709]

@@Iraqi-1-Man اخي اكدر اتواصل وياك فيس واتساب رقمك

[@kademjawed1709]

@@Iraqi-1-Man اذا ماصير زحمه الف رحمه على والديك

[@رحمالعايدي-ض8ض]

الله يوفقك

[@رسولعلي-ت6خ]

ليش جنت قاطع الفيديوات

[@Iraqi-1-Man]

شغل اخوي فما عندي وقت .

[@رسولعلي-ت6خ]

@@Iraqi-1-Man الخير نشالله

[@آدمعيسىآدم-ث6م]

ماسبب الدخنة البيضاء بعدالعمرة والخرط

[@اناقهرجل-م4م]

بدلت بوشه وبستم الستوته ادير بس ماتشتغل وصعد دهن

[@Iraqi-1-Man]

عزيزي اولا متأكد من الشد بالقناة فيديو عن الموضوع ثانيا ممكن الفيرلس تخربط و لازم تسوي فيرلس و تأكد من وصول البنزين للكابريتر من تريد تشغل خلي يدك على فتحت الكابريتر و شغل الى ان ينزل بنزين على ايدك بعدها ابعد ايدك و شغل .

[@اناقهرجل-م4م]

شكرا فيلسته وشتغلت

[@كرارالبصراوي-خ8غ]

👍👍♥️

[@huseenali6131]

خيي شكد سعر هندر دراجه ٦٠ الهندر الغطه

[@hf_.ra0]

البستم شكد سعرة تمنة الرد

[@Iraqi-1-Man]

سعرة 4 الاف او 3 الاف .

[@hf_.ra0]

@@Iraqi-1-Man عندي مو طور جني من يحمه يطلع دخان ابيض رادو على تجفيتة65جفته لو لا

[@احمدجبرةالله]

اكو يرهمو على دراجة ١٢٥ سي سي العزم و الأداء يصير افضل رايك بهيج شي ما بي ضرر

[@Iraqi-1-Man]

نعم تحوير يصير لكن يطلب تبديل عدة قطع .

[@حيدرحسين-ع8ه8غ]

او منه للماجسته قديم

[@user-le3zi]

يعطيك العافيه

[@gmcgmc1518]

السلام عليكم سويلنة فديو عن الضفيرة الستوتة وشكراً جزيلاً لك

[@عليمم-م4ن]

شغل مرتب عاشت ايدك .. اشتركت

[@mustafaqusay8725]

سلام عليكم خويه عندي دراجه بطه من اشغلها الصالنصه تذب دهن اسود ومن امشي بيها يصير بعد أكثر شنو السبب ؟ أخي الكريم ارجو الرد مع جزيل الشكر والتقدير

[@wh13p]

كابريته

[@علاويالمارينز-ه6م]

اخي شوف الكابريته يجوز يحتاجلها تنضيف

[@hamed3665]

عاشت ايدك

[@sayef.m3429]

بارك اللة بيك

[@فاطمهكاضم-ظ7ث]

بارك الله فيك

[@zoheerzoheer6389]

شقلك كلووووقلط صححح معلوماتك يامعلم ادخل على غناة حسين بطة وتعلم منوووووازبطلك

[@سعدالسيد-س6ص]

اخوي اشتريت دراجه امتياز محرك يطلب تجفيت وانه هسه حاير مدري اشتري محرك جديد ومدري اجفت ..اريد منك نصيحه ...دراجه نضيفه اوراق لشه نضيف هل تستاهل اشتري محرك جديد م ١٤

[@Iraqi-1-Man]

اخوي اذا المحرك نظيف جفت احسن و ارخص و يكدك هواي و اذا المحرك تعبان بدلة افضل .

[@abohade7938]

عاشت ايدك على هذا الشرح المفصل الف رحمه لوالديك

[@رحمالعايدي-ض8ض]

ليش الستوته بيها ريحه بالدهن وبخار يطلع من الفضله

[@Iraqi-1-Man]

اخوي معناتهه الدراجة بيهة تبخير يعني بيهة مشكلة بداخل المحرك تأدي الى احتكاك عالي و ترتفع حرارة المحرك .

[@رحمالعايدي-ض8ض]

@@Iraqi-1-Man يعني على هاي الحاله شبدل بيها بوشه وبستم

[@Iraqi-1-Man]

@@رحمالعايدي-ض8ض لا المشكلة بداخل المحرك بمجمع المسننات الكير موجود عنة حلقة .