الدخول المدرسي لدى أباء الطفل المعاق

فترة الدخول المدرسي بالنسبة الآباء و الأمهات خاصة لي اول مرة غدي دخلو للروض هو بمثابة عيد كنختارو المدرسه المناسبة و كنشريو حويجات جداد و المحفظة و الالوان وكنفكر فالتفاصيل دالگوطي والقريعة دالماء و كنبقاو نهيئو وليداتنا راك غي تمشي المدرسة و كاينة المعلمة .... كاع فرحنا بهاد المرحلة. و لكن كاين أم عندها وليد معاق ممكن يكون عندو شلل دماغي او ثلاثي الصبغي او توحد او حتى اضرابات التعلم او غيرها من الحالات هاد الام كاتدي ولدها او بنتها للروض و يمكن يقولو ليها ما كنقبلوش هاد الحالات و أكيد كتألم وكتقاب هنا وهنا و ممكن يتقبل الا كانت الحالة ديالو تقبل الاختلاط ولكن هي عارفة بأنه ما غيستافدش.
ولكن الوالدين يقدرو يخليوه فمدرسة عادية
غي باش يقولو للناس ولدي كيقرا مزيان كيعرف الحروف والالوان...
هادشي سميتو " انا ما متقبلاش الإعاقة د ولدي او بنتي "
هاد الأطفال عطية من الله وكلهوم خير نحمد الله ونفرح بهم و نفتح الباب الخير لي كيجي معاهم
نديهوم لمؤسسات و جمعيات متخصصة و نتعلم انا الطرق الصحيحة باش نتعامل معاه و حتى انا غنفرح نفس الفرحة لي كتحسها الام ملي يتعلم ولدها حرف جديد او لون جديد
غتفرحي ملي ولدك يتعلم يشد راسو او يجلس او يشد القلم كلها فرحة وكلهم وليداتنا
التقبل ، الرضا، التعلم، الوعي
كلها كتخلي حياتي اسهل واسعد
ولي مهم هو نعيشها لايت
#خديجة_العلوي
#عشها_لايت

[@samragood5079]

تبارك الله عليك

[@user-zd1rl3xp2j]

الله يبارك فيك أختي

[@fouziafouzia2237]

تبارك الله عليك جزاك الله خيرا رائع جدا ديما فالقمة بالتوفيق انشاء الله

[@user-zd1rl3xp2j]

بارك الله فيك عزيزتي. وشكرا لمرورك الجميل

[@user-zd1rl3xp2j]

كل الشكر اختي