Лейля Батырова. Аякъкъаплар ве чораплар. Лейля Батырованынъ сесинден.

Лейля Батырова.
Аякъкъаплар ве чораплар.
Догъгъан кунюме анам
Янъы аякъкъап алгъан.
Мен оларны бегендим,
Ятакъ тюбюне къойдым.
Саба эрте уянсам,
Ятакъ тюбюне бакъсам,
Чорапнен аякъкъаплар:
"Кий бизни!" деп буюрдлар.
Эгер багъчагъа чыкъсам,
Топны тепсем, ойнасам,
Атлавучнен секирсем,
Файдалы кунь кечиреджем!
Анадан разылыкъ алып,
Чорап, аякъкъап кийдим.
Йипчиклерини багълап,
Тышары чапып чыкътым...
Leylâ Batırova.
Ayaqqaplar ve çoraplar.
Doğğan künüme anam
Yañı ayaqqap alğan.
Men olarnı begendim,
Yataq tübüne qoydım.
Saba erte uyansam,
Yataq tübüne baqsam,
Çorapnen ayaqqaplar:
"Kiy bizni!" dep buyurdlar.
Eger bağçağa çıqsam,
Topnı tepsem, oynasam,
Atlavuçnen sekirsem,
Faydalı kün keçirecem!
Anadan razılıq alıp,
Çorap, ayaqqap kiydim.
Yipçiklerini bağlap,
Tışarı çapıp çıqtım...