Лейля Батырова. Мавы филь. Лейля Батырованынъ сесинден.

Лейля Батырова.
Мавы филь.
Меним адым Мавы филь,
Боюным буюк дегиль.
Саба эрте уянам,
Кунешчикке къуванам.
Эр кунь топнен ойнайым,
Сонъ бираз чапкъалайым.
Эгер пек сыджакълансам,
Озюм шадырван япам.
Гъает шенъленсем -болдурам,
Гъамлы олсам -отурам.
Сонъра кене тюшюнем:
"Не япайым мен экен?"...
Бельки, топкъа минейим?
Бельки, ятып юкълайым?
Ёкъ, азбарны сипиреджем,
Достларымны беклейджем!
Leylâ Batırova.
Mavı fil.
Menim adım Mavı fil,
Boyunım büyük degil.
Saba erte uyanam,
Küneşçikke quvanam.
Er kün topnen oynayım,
Soñ biraz çapqalayım.
Eger pek sıcaqlansam,
Özüm şadırvan yapam.
Ğayet şeñlensem -bolduram,
Ğamlı olsam -oturam.
Soñra kene tüşünem:
"Ne yapayım men eken?"...
Belki, topqa mineyim?
Belki, yatıp yuqlayım?
Yoq, azbarnı sipirecem,
Dostlarımnı bekleycem!