Рет қаралды 1,896
Лейля Батырова.
Мелевшенинъ икяеси.
Лейля Батырованынъ сесинен.
Балалар багъчасына,
"Мелевше" группасына,
Эр саба балачыкълар,
Чапа-чапа ашыкъалар.
Чокъ шейлерге огренелер -
Бахтлы ве сагълам оселер!
Лаф этелер, тасырдайлар,
Секирелер ве ойнайлар.
Уйле вакъыты кельсе,
Эписи бирден болдура.
Шорбачыкъ, боткъа ашап,
Урбаларны авуштыра.
Балалар пижамалар киелер,
Тёшеклерине минелер...
Шу вакъыт юкъу къача,
Эр кунь ойле булмача.
Ёргъанларны бюрюштюрип,
Олар хаял этелер.
Баса-бас лаф этелер,
Динълесенъиз, не дейлер...
- Мерьем, не юкъламайсынъ?
Пармакъларнен ойнайсынъ?
Сен нелер тюшюнесинъ?
О къадар неге кулесинъ?
- Сатыджы олмакъ истейим,
Тюкянда чалышаджам.
Кичкене балаларгъа
Оюнджакълар сатаджам.
- Мен исе, - деди Эмиль, -
Белли блогер оладжам.
Паалы камераларгъа
Фильмлер чыкъараджам.
- Я сен не юкъламайсынъ,
Козьлеринъни юммайсынъ?
Ятакъта отурасынъ,
Башыны не саллайсынъ?
- Мен мимар олмакъ истейим,
Арзум исе пек юксек!
Бу зенаатны бегенем, -
Багъырып, деди Эдем.
- Менде исе..., - деди Эсма,
Козьчиклерим къапана.
Кедер этменъиз манъа,
Мени энди юкъу сара.
Шу вакъыт, Эльдар:
- Яваш!
Тербиеджимиз келе.
Козьлерни тез юмунъыз,
Санки энди юкълаймыз.
- Ах, сизлер ярамазлар
Але даа юкъламайсыз?
Ким куле, ким лаф эте,
Юкъламагъа кедер эте?
- Бильмейим, - деди Герай, -
Эписи татлы юкълай.
Эшитесиз? Ибраим
Татлы-татлы хурулдай.
Тербиеджи кулюп бакъты,
Ёргъанларны тюзетти.
- Ах, кичкене лафазанлар,
Юкъланъыз энди, - деди.
Ятакъ одамыз тынды.
Яначыкълар къызарды.
Балалар хаялларны
Энди тюшюнде корьди...