Рет қаралды 208,020
ლურჯა
მაშინ იხარე ლურჯაო,
მთები რო გავდნენ ლილასა.
ჩაგიდო მძიმე ლაგამი,
ორთქლი ადნობდეს რკინასა.
ემზადებოდეს ვაჟკაცი ,
შუბლი უგავდეს სინასა.
მთის შვილო, მთაში გაზრდილო,
ხმალს როდი მოგიშივდება.
ომში შეხვალ და გამოხვალ
გული არ შაგიშინდება.
სისხლისა ნაგუბარზედა
ფეხი არ მოგიცურდება.
არც არას მოჯიბრეს ვაძლევ,
ვერც არას მტერი მრჩებისა.
ძველთაგან მოდის თქმულება
-მგელი არ იძარცვებისა,
რაცა არა სცვავ ტანზედა
არც არა გაეხდებისა.
ხალხური