Рет қаралды 783
Кітапханамыздағы «Әлемі әдемі Әмина» атты көрмемізде «Әмина Өмірзақова» деп аталатын фотоальбомда Әмина апамыздың өмірі мен өнердегі өнегелі жолы ақпараты мол айшықты суреттермен оқырмандар назарына ұсынылған. Фотоальбомдағы театр және кино мұрағаттарынан, актрисаның өзінің отбасылық мұрағаты мен ұрпақтарынан жинақталып, сұрыпталып алынған фотосуреттерден майталман шебердің өміріндегі айтулы тарихи сәттері, белгі-кезеңдері айқын көрініс тапқан.
С. Әбдікәрімовтың «Әмина Өмірзақова» ғұмырнамалық деректі хикаятында жазушы деректерге сүйене отырып, актрисаның өмірдегі және өнердегі тағдырынан сыр шертеді.
Сыншы Әшірбек Сығай «Сахна әлемі» шығармасында актриса құпиясының тылсым сырларын ашады.
Тележурналист, ақын Бейбіт Құсанбектің көп жылғы шығармашылық ізденістерінен туған еңбегі «Ғұмыр-дария» кітабында Әмина Өмірзақова апамызбен сұхбаты енгізілген.
Кәукен Кенжетаевтың «Асылдар мен ардақтылар» деп аталатын кітабынан актрисаның өнер жолындағы бағындырған биіктері жайлы мағлұмат алуға болады.
#ПушкинКітапханасы #БиблиотекаПушкина #ӘминаӨмірзақова #кітапкөрмесі #книжнаявыставка