Рет қаралды 50,536
#أشترك_بالقناة_وفعل_جرس_الإشعارات_ليصلك_كل_ما_هو_جديد
تسجيلات صوت 2000
شرد عگلــي لا سيد ولا مله
ولا كاتب حكيم يعالج العله
شرد عگلي وثاري بالحضر لاجي
وخمس أسنين مرن هايم دلاجي
بس البو حمد حازو على علاجي
بخلو بـــــــــي وشكواي إلى الله
شچيت ألهم الحاله وعكضو كلهم
عبالك ذيب جايـــــــع راح ياكلهم
وعگب البسمه خربت كل هياكلهم
وكل ذيچ البشاشه إنصابت إبشله
ثبت شرعاً حضي مغبر مطوز
عبنو بكـــل تفاريح العمر عوز
يگولولي المصيبه أنك أمجوز
يلولنك عــــــزب مابينا اليگله
يمحمود الأيمامي حللو صلبي
ددگلي ارد اخفف من قهر گلبي
رموني وبيدوني وتيهـت دربي
ولالي غيـــر أصير بدين برطله
معد أگدر اصلهـــــــــــم لا ولا نوبه
وروحي من ذواري الشوگ ملهوبه
لا تمحيهـــــــــا كفـــــــاره ولا توبه
ولا راعي نخـــــــوه وصينيه ودله
تعـــــال وطبب أجروحي يبو خالد
الـــــف رحمه على أمك ثم عالوالد
هل هذا الحچي بحكم الشرع وارد
جاوبي عسى الله يهـــــــدي هالمله
حلــــــــــوين بحچاياهم والتهلي
ويعزون الرفيچ بــــوارف الضلي
لاكــــن للعشگهم هم مرض سلي
أشيتعب ما ينوش عنب ولا سله
يريت اللا عرفهم ولا گعــــــــد عدهم
ولا خاض بحرهـــــــم لا كسب ودهم
لا أني أبن عم داني تا گول أشحدهم
وكســـــــــر خشـــم اليعارضني أبكله
عبنها تريدني وتفــــرح إذا ألفي
وتكتبلي الرساله أمعطره بجلفي
يشهد الله وانـــي صادق بحلفي
ما بيناتنا مــــــــن السوء ولا زله
تدري بيه أنـــــــي مجوز ومضني
هذا اللي سلـــــب عگلي ومرضني
بشرع الله ورسوله حكم يفرضني
من دهوك إل-------------- الحله
------------------------------
ابو نجاح الغضيب/رحمه الله