لفني بعباتك😔🔥الملا ام حسـن 🎤شوفوا صندوق الوصـف👇🏻

Рет қаралды 3,458

Күн бұрын

#السبي
#رقيه
قصيدة لفني بعباتك
لفني بعباتك..... لفني بعباتك
انا رقية يالابو.... لفني بعباتك
ازغر بناتك.......... ازغر بناتك
حيل اوجر اوياي العدو... ازغر بناتك
....................
يابويه كتلتني الشمس والجدم فرگس
دخان من نار الخيم گمنا انتنفس
لازگ حجابي امن الحرگ والجلد يبس
اگعدلي شو چنك نمت من نومتك بس
انا اوخواتك......... انا اوخواتك
نكسر الخاطر بالغرب..... انا اوخواتك
لفني بعباتك..... لفني بعباتك
انا رقية يالابو.... لفني بعباتك
..................................
يابويه ماتنشد علينه اليمته غايب
اگعد وعاون عمتي زينب عالمصايب
عگبك گعدنا يالابو بذيچ الخرايب
المن يبويه نشتكي مامش حبايب
اعتابي فاتك......... واعتابي فاتك
حشمت بيك انا اشكثر..... واعتابي فوتك
لفني بعباتك..... لفني بعباتك
انا رقية يالابو.... لفني بعباتك
..................................
امتوني زرگه اوورمت ايدي امن الحبال
يابويه راسي امن الضرب بالگوه ينشال
موش انا بس هيچي صرت من دون الاطفال
لاوالحسن كلساعه طفلة ايركها خيّال
بويه اوغلاتك....... بويه وغلاتك
طگ صبري والله امن الهضم..... بويه غلاتك
لفني بعباتك..... لفني بعباتك
انا رقية يالابو.... لفني بعباتك
..................................
عيني اعله دربك يالابو وعيوني تجري
بلكت يرد بيك الوكت يابعد عمري
چندوب يحسين الصبر مونفذ صبري
بويه الوجع من الضرب بضلوعي يسري
بويه مماتك........... بويه مماتك
ذابح رقيتكم ذبح........ بويه مماتك
لفني بعباتك..... لفني بعباتك
انا رقية يالابو.... لفني بعباتك
..................................
حسبالي يومين وترد وتگلي اجيتچ
واتگول اعذريني التهيت أنا ونسيتچ
عن حالتچ لاادري ولا ناشديتچ
ياچلمة البويه بعد لاما حچيتچ
يالحلوه ذاتك........ يالحلوه ذاتك
ذبيتني بديرة غرب...... يالحلوه ذاتك
لفني بعباتك..... لفني بعباتك
انا رقية يالابو.... لفني بعباتك
..................................
تمت
القصيدة مهداة إلى مولاتي رقية بنت الحسين عليهما السلام
الخادمة:ام علي رضا الشريفي الحسيني
t.me/umalirida...
t.me/umAliridas...