الفرق بين الذكر والأنثى أفي البلابل

[@حسينعلي-ن6ظ8غ]

عندي بلبل اشتريتة طور صارلة عندي اسبوع تغريدة قليل وتقطع وصوتة ناصي ومياكل دود ياكل بس تمر فواكه وحركتة بالقفص قليلة وناعم

[@1000-io5di]

استمر الله يوفقك ويرزقك حبيت قناتك وأسلوب وترد على العالم اهم نقطه هاذي تستهال لايك ومتابعه ويارب لل 5 ملاين

[@محمياتطيورفيديالى]

شكرا على مرورك الكريم ربي يرزق الجميع أن شاءالله

[@حيدرالكرار-ي6ت]

ماشاء الله تبارك الرحمن عاشت الأيادي صلوات علئ محمد وال محمد وين انته بيا محافظه وعندك للبيع

[@mustafamujhed6991]

رحمه الله والديك

[@مرتضىخضر-ف5و]

سلام عليكم عندي بلابل ماعرف نثيه من ذكر

[@محمدالعذاري-ق2ف]

اخي السلام بلكت رقمك استفسار بسيط رحمه لوالديك

[@nsrenyosef9225]

رحم الله والديك على الشرح خويه اشترينه بلبل عمره ست اشهر بس ياكل ولايغرد وهواي يوكع منه ريش شلون نخلي يغرد اذا ممكن تفيدنه

[@محمياتطيورفيديالى]

هذا داخل في غيار ريش وبهذه الفترة تتوقف الطيور عن التغريد /ملاحظة (يجب أن تبعد البلبل من التبريد يفضل مكان مابي لابنكة ولا مكيف ولا مبردة وإذا عدكم حديقة فالافضل أن تخلي بالحديقة في مكان ثابت وتخلي ماء للسباحة ٣ مرات بالاسبوع وبالنسبة للطعام يفضل البلت والبيض المسلوق ٣مرات بالاسبوع والتمر لازم دائمآ موجود في القفص وتمنع عنه.. التفاح..واكو قطرات مكملات غذائية تباع عند البيطري تنطي بالماء الشرب وتستمر هذه الحالة عند الطيور من شهر ونصف إلى شهرين وان شاءالله يكون بخير ورى ما يكمل الريش راح يبدا بالتغريد

[@nsrenyosef9225]

@@محمياتطيورفيديالى اشكرك على الشرح الوافي اشتريناه بشهر رمضان قصدك هاي الفترة يبقى بسبات ميغرد ورحم الله والديكم

[@محمياتطيورفيديالى]

@@nsrenyosef9225 والديكم الرحمة بالخدمة

[@mazalcharif4089]

وفقك الله خيرا كثيرا بإذن الله الواحد الاحد القوي المتين الغني الحميد العزيز المعز الحكيم المذل المنتقم الجبار

[@محمياتطيورفيديالى]

ربي يوفق الجميع شكراً لك ربي يحفظك

[@baselalahwazi9869]

سلام علیکم اخی احنه عندنا في الأحواز البلبل ذکر نعرفا من صفار تحت ذيله صفار الذكر برتقالي و النثيه اصفر او اصفر خفيف

[@محمياتطيورفيديالى]

اخي الكريم صفار تحت الذيل يعتمد على الغذاء

[@السيدمحمد-ل9ظ]

شنو اتحطلهن اكل ممكن انعرف

[@mr.majhool6185]

عين النثية مجرورة من فوك وتكون كبيرة اما الفحل عينه صغيرة ودائرية

[@ابوحسين-ل7ب6ن]

بارك الله فيك اخي...عندي زوج بلابل على أساس انثى وذكر أخذتهم من سوق الغزل وقارنتهن زي الفيديو مالتك طلعن ثنينهن نثايه واني اكول صار سنتين اليمن عش ويبيضن من خمس إلى ستة بيضات ويهجرن البيض .. شكراً الك اخي بارك الله فيك وفي جهودك محتوى مفيد

[@محمياتطيورفيديالى]

ادلل خويي بالخدمة

[@EVAN-fg4nk]

اخي هل صحيح المسكة لبلبل مثل مسكة الي بل فيديدو تخلي البلبل يكطع تغريد ويصير وحشي

[@محمياتطيورفيديالى]

لا لا اخي ماله اي علاقة المسك للبلبل بالتغريد اني اكلك صحيح ايصير عنده نوع من الخوف من واحد ايمد ايده عليه اشوفه ايكوم ايطير وينخبص من واحد يجي يم القفص او ايمد ايده عليه ولاكن مسأله سهله جدا مجرد تتركه لمدة اسبوع لا تلزمه فقط قدم اله الاكل والماء فهو راح اي آمن ويرجع طبيعي اما بالنسبه للتغريد ما له اي علاقة .واني انصح بعدم مسك الطيور اما هذن بالفيديو اول مره اني امسكهن لغرض شرح الفرق بين الانثى والذكر للفائدة العامة وهن الان ايغردن ويفرخن بشكل طبيعي و..اي سؤال عندك اسأل وتدلل اني بالخدمة

[@RahomeRahome-ge2ql]

عندي بلبل تقريبا عمره شهر بعدني انطي بلسرنجه اكل ومرات الفاكهه اخليهه بحلكه، شكد يصير عمره واشيل السرنجه منه، ارجو الرد

[@محمياتطيورفيديالى]

بأمكانك ان تعطيه جميع الاطعمة وان تضع في القفص التمر ولا تكثر من الفاكهة لان كثرت الفواكه أو الخيار تسبب له الاسهال وعليك ان تعطيه البيض المسلوق لكي لا يصاب بالشلل وان تضع له الطعام في القفص دائمآ حتى يتعلم على الاكل وحده ...(ملاحظة)= أستمر في استخدام السرنجة في تغذيته حتى اذا اصبح كبير وعمره تجاوز اكثر من سنه لان اذا تركت التأكيل اليدوي وجعلت البلبل يعتمد على نفسه في الطعام سوف يصبح البلبل وحشي تدريجيآ اذا ارت بلبلك ان يكون اليف عليك ان تستمر بأطعامه بيدك او بالسرنجة دائما حتى اذا كان قد شبع من الطعام داخل القفص واذا انت تطعمه بالسرنجة استمر على ذالك فهو لمصلحتك لان البلبل سوف يتعلق بالسرنجة لانه عندما يرى السرنجة سوف يأتي عليها مباشرتآ حتى اذا اصبح كبير يعني اكثر من سنة سيتعلق بالسرنجة مث الطفل حين يتعلق بممة الحليب في الرضاعة ولاكن رغم التأكيل اليدوي يجب ان يكون هناك اكل في القفص ايضا حتى لا يجوع البلبل واياك ان تجعل بلبلك يجوع لانه سوف ينهار ويصبح عرضة للمرض اكثر من اطعامه لكي يكون خشن ولا تخرجه من القغص مادام صغيرآ لان البلبل كلما بقي في القفص اصبح اليف اكثر ..(.واي سؤال اخر انا في الخدمة)

[@ياحسين-خ6ر1ي]

عندي بلبل من جان صقير جنت اوكله بيدي ومنقاره نعوج شلون أعالجه اتمنه الرد

[@محمياتطيورفيديالى]

اذا تقصد اكو زيادة في المنقار تخرج عن المنقار الثاني يمكن بطريق تقليم الزيادة بالمقراضة والحذر من اصابه لسانه ...اما اذا تقصد وجود انحراف لاحد اجزاء المنقار وهذا يحدث عند بعض المربين بسبب ضغط اليد على منقار الطير يسبب كسر لاحد اطراف الفك او تعرض البلبل لصدمه اثناء طيرانه قد تكون في زجاج الشباك او الحائط اذا كان العواج جديد يمكن قص قطعة من قصبة العصير الذي يباع في الاسواق بحجم حلقة صغيره وتوضع في منقاره وربطها حول عنقه حتى لاينتزعها واذا كانت العواج قديمة والطائرالان كبير ويستطيع ان يأكل فتركه لانه لايمكن علاجه لان هناك حالات تشفى تلقائيا اذا كانت بسبب اصابة واذا من صغره واصبح كبيرا وهو على هذه الحالة فلا يمكن علاجها ...

[@ياحسين-خ6ر1ي]

@@محمياتطيورفيديالى شكرا على المعلومه

[@محمياتطيورفيديالى]

ادلل اي سؤال اني حاضر بالخدمة

[@lbp9635]

هل الشروط تنطبق على البلبل السوري ايضا ؟؟

[@محمياتطيورفيديالى]

الذكر في البلبل السوري يكون رأس الذكر اكبر وأخشن من الأنثى تقريبآ الصفات متشابه بأستثناء جفن العين حيث يكون في السوري الجفن متشابه بين اذكر والانثى ويكون الذكر اكثر حركة واكثر تغريد

[@lbp9635]

@@محمياتطيورفيديالى مشكور البلبل السوري منتشر بكثرة بسوريا و فلسطين و بلبنان و الاردن ، و انا من لبنان و بربيه ، كنت عبالي اجني بلابل عراقية بس للأسف ما حد يستورده و اذا نوجد يكون سعرن مرتفع جدا ، عالعموم شكرا على الرد و تحياتي لك متابعك من لبنان ❤️

[@محمياتطيورفيديالى]

اهلآ وسهلآ بيك اخي العزيز واهلآ بكل اهلنا في لبنان لنا الشرف بمعرفتك

[@شمش̸ون-ي8ت]

ذوله بلابل مال ديالى لو شنو؟

[@محمياتطيورفيديالى]

اسف على التاخير في الرد ..هذه بلابل ديالى نعم اخي

[@الطائيالشايع]

يمكن منكار النثيه اطول محدب اشوفه

[@محمياتطيورفيديالى]

لا اخي نفس الشي بس الذكر لأن فاتح منقارة ما مبين

[@حمادهالگوراني-م7و]

والله عندي زوج جبتهم فراخ هسه كبرانين بس ماعرف بيهم واعتقد الجنف مال عين افضل عنوان للعرف انو طيره لو فحل

[@انسالجبوري-ي8ط]

سلام عليكم اخي شكد يصير عمر البلبل ويكوم يزاوج

[@محمياتطيورفيديالى]

يبدأ من عمر ٨ أشهر...ولاكن الافضل والانجح من سنه فما فوق بالنسبة للذكر والانثى

[@لٱللطائفيه]

وربي كلامك صحيح هاي مال بياض ومنكار كلاوات لان نفس الشي .

[@امحمودي-ش1ع]

عاشت ايدك معلومات حلوة

[@محمياتطيورفيديالى]

وايدك العايشة ربي يحفظكم...اني خادم لكل طيب

[@تلاوة-ف5خ]

مشترك جديد اني

[@بلابلعمادالحجاميروعه]

تره مو شرط مال الصفار الطوخ هسه اني عندي منتجات الطيره صفر طوخ والفحل فاتح كلش تره والله حته الخود معلومه هم خطئ اكو طريقه مجربه ١٠٠بل ١٠٠الطيره الكعكوله اصير مثل البره ومثلثه والفحل اصير جبير وعريضه

[@supercrak274]

الله يرضى عليك اريد اشتريثنين منك دزلي تلفونك

[@محمياتطيورفيديالى]

اعتذر منك والله حاليا ما موجود للبيع

[@karar852]

صحيح لاكن ما يتحدد الطير إذا مو سلوكيات بعض الطيور ما تعرفهن من شكلهن الا إذا تشوف السلوكيات والتصرفات

[@محمياتطيورفيديالى]

صحيح ..بس افضل فترة تعرف بيها الفرق هي فترت التزاوج الي تبدأ بشهر ال(٥)إذا كانت البلابل بلاغات عمر أكثر من سنة ونصف سبحان الله تتغير كل ملامحهم وتبرز صفات ماكانت موجودة قبل هذه الفترة ..ترى مو كل طير تكدر تعرفة من تصرفاته الدليل اني عندي فحل كلش خشن وزوجته لأكثر من انثى وميشد البيض مالتهن بحيث الكة بالعش من ٥الى ٦ بيضات وبعدين تبين أنه انثى حايله ورى أربعة سنوات يله عرفته خليته وحده بالقفص ورة فترة لكيت مبيض بالقفص فأوضح أنه انثى حايله ومزيف الفحل وتتعارك وي الفحله وزيف الأناث يعني لكل قاعدة شواذ ( بس هاي المواصفات الي اني ذكرتها بالفيديو ٩٠٪. تنطبق على الطيور في فصل التكاثر عن تجربة لعشرات السنين)الان راح يأتي فصل الشتاء وراح تختفي اغلب الصفات التي تميز بين الذكر والأنثى.وشكرآ على تعليقك وأشرف بيك اخي الكريم وهذه قناتكم اي معلومة عندك ارسلها لنا لنستفاد منها .

[@karar852]

@@محمياتطيورفيديالى أحسنت ياطيب أشكرك ع ردك الجميل

[@ابونبأ-د6ص]

كل الفروقات غلط اني،عندي،4 وفروقاتك مال الذكر عندي،بالنثيه اخي،الفرق،الوحيد هو ضخامة البلبل وحركات النثيه تختلف،

[@abdallahmohamed6603]

عدي فحل نفس المواصفات بالضبط بس بيض ثنين وعدي نثيه نفس مواصفات النثيه العدك بس هيه الي كفزت الفحل حرت صارن 7 بيضات وكلهن كسرنهن

[@محمياتطيورفيديالى]

هذني ثنينهن اناث لأن البلبل أقصى حد ٤ بيضات

[@sagadw313]

انت من ديالى واني من ديالى عدك بلبل فحل وحشي للبيع محتاج فدوة

[@محمياتطيورفيديالى]

اعتذر منك اخي الكريم حاليا ماعندي والله

[@saasaaaaaa]

😂عمي والله دخنة عِنـ.̷̷̸̷̐ـديّ ثنين وما اعرف فحلة لْـۆ نثاية

[@محمياتطيورفيديالى]

الان صعب التفريق بين الذكر والانثى يكون في شهر الخامس والسادس اسهل التفريق بين الذكر والأنثى لنه يكون موسم تزاوج عند المزاوف يكون الذكر ذيله مفروش والأنثى ذيلها على شكل ريشة واحدة والان يمكن التفريق بينهن الذكر اضخم ورأسه اكبر من الأنثى

[@saasaaaaaa]

@@محمياتطيورفيديالى موسم التزاوج بشهر الثالث لَيــِْ♡̷̴̬̩̃̊ـِْش. شهر الخامس ??

[@محمياتطيورفيديالى]

صحيح اكو بشهر الثالث واكو بالرابع حسب نشاط الطيور ولاكن وضع البيض يبدأ نهاية الرابع وبداية الخامس وينتهي الموسم في منتصف الثامن بالنسبة البلابل الي بالمحميات في الخارج أما داخل المنزل يكون في أي وقت

[@كوافيرنيولوك]

رايد بلبل مندلاوي منك لبيع اذا ممكن رد

[@محمياتطيورفيديالى]

والله حالياً ماعندي لأن يشتروهن مني بعمر خمسة أيام أهل المحميات ياخذوهن

[@محمياتطيورفيديالى]

واني أن شاءالله إذ لكيت واحد مضبوب انطيك خبر بأذن الله

[@سهادالنعيمي-ل5ص]

اخي العزيز ممكن تنصحني عدنه بلبل اليف ومربي تقريبا عمره 7 اشهر واشترينه واحد ثاني هم اليف لكن الي عمره 7 اشهر يتعارك وديكتل بالثاني يعني المقصد مدنكدر نفتحها بنفس الوقت شنو الحل

[@محمياتطيورفيديالى]

من الخطأ أن تجمع بين بلبل جديد مع بلبل قديم بسرعه. المفروض وضع كل واحد في قفص ويتم وضع الاقفاص واحد جنب الآخر لمدة لاتقل عن اسبوعين وترك مسافة بين القفصين وبعدها افتح قفص البلبل الجديد في غرفة وابقي على القديم داخل القفص اي يبقى البلبل الجديد حر والقديم داخل القفص كل يوم نصف ساعة لمدة أسبوع وبعدها افتح الاقفاص جميعاً في غرفة مغلقة ودعهم يلعبون سويه وإذا حصل شار بينهم فهو خفيف بينهم طبيعي ولاكن إذا كان هناك دم أو تساقط ريش كثيف افصل بينهم فهذا يدل على أن البلابل أما كلاهما ذكور أو كلاهما اناث ... ملاحظة/إذا تكررالشجار أكثر من مرة وكان في الشجار وجود دم أو سقط ريش كثير فهذا يدل أن البلابل في حالة عداء قاتل ويجب أن لا تجمعهم سويه لاحتمال موت أحدهم لأن البلبل القديم يعتبر نفسه سيد المكان وهذا البلبل الجديد هو مهتدي على منطقته لأن البلابل في الطبيعة كل زوج يحدد منطقة محددة له ولا يسمح لأي بلبل بدخول منطقته ..هس اني عندي اكثر من زوج وحشيات من افتح الباب لهم ليخرجوا في الطبيعة أخرج زوج واحد وعند عودتهم اغلق عليهم الباب وأخرج زوج ثاني وهاكذا..واسف على الإطالة لأن الموضوع يحتاج شرح كثير واي مساعده أن شاءالله ما نقصر..

[@basher6366]

كم متوسط عمر البلبل

[@محمياتطيورفيديالى]

المتعارف عليه أنه يعيش ما يزيد عن ( 20) سنه ومتوسط عمره من (15/10)سنه اني كان عندي بلبل وحشي لزمته ما اعرف شكد عمره عاش عندي ٩ سنوات واكلته البزونه حالياً عندي انثى عمرها ٦سنوات ومازالت تبيض وتفرخ..

[@هدوءاليللللل]

بالنسبة البلابل الي وياهن كناريات مايتعاركن اني اسمع انو البلبل ليعيش زوج واحد وميخلي اي طير ويا

[@محمياتطيورفيديالى]

البلبل يتعاركن ويا البلابل فقط اما اذا اتحط ويا باقي طيور ماكو مشكله ميتعارك..ولاكن اكو مرات بلبل ايصير خبيث يقتل افراخ باقي الطيور مثل الفنجس والكناري واحتمال يأكل افراخهن وهذا شي طبعا قليل واني مجرب أكثر عداوة بين البلبل والبادجي طير الحب لأن ثنينهن عددهن عناد مو مثل الكناري الفنجس يجنب العراك وي البلبل

[@Fama-me9jy]

تضحك علينة كلشي مامبين😂😂😂

[@9Majed]

صحيح

[@مصطفيعماد-ض8خ4م]

اريد بلبل فحل أليف منو عنده يبيع تحياتي واحترامي لجميع

[@محمياتطيورفيديالى]

اني ماعندي حاليآ اعتذر منك والله اخي العزيز ...ولاكن بلكن احد من الاخوة الي يشاهدون القناة عنده والتوفيق للجميع ان شاء الله (نصيحة هذه الفترة غير جيدة للشراء لانه الان يدخل فترة غيار الريش ويكون الطائر بحاله من التعب النفسي فمرات اكو طيور تتمرض بهاي الفترة اذا اتريد اشتري بشهر (١١)ايكون افضل ..وانت براحتك اذا عندك خبرة قويه بالبلابل ...تحياتي الك اخي العزيز

[@مصطفيعماد-ض8خ4م]

@@محمياتطيورفيديالى حبيبي تسلم ورد

[@omartahseen2448]

اريد زوج متزاوجات وجاهزات

[@أمياسمين-ش7ل]

🏆🏆🏆

[@حنطاويكشخه]

خاب عمي الفرق بلنكره والعضه النثيه متحوس بس الفحل 😂 والله

[@ابوحسين-ل7ب6ن]

بارك الله فيك اخي...عندي زوج بلابل على أساس انثى وذكر أخذتهم من سوق الغزل وقارنتهن زي الفيديو مالتك طلعن ثنينهن نثايه واني اكول صار سنتين اليمن عش ويبيضن من خمس إلى ستة بيضات ويهجرن البيض .. شكراً الك اخي بارك الله فيك وفي جهودك محتوى مفيد

[@taeeralhlak7104]

اذا يهجرن البيض ثنينهم نثايه

[@محمياتطيورفيديالى]

@@taeeralhlak7104 كلام صحيح

[@ابوحسين-ل7ب6ن]

بارك الله فيك اخي...عندي زوج بلابل على أساس انثى وذكر أخذتهم من سوق الغزل وقارنتهن زي الفيديو مالتك طلعن ثنينهن نثايه واني اكول صار سنتين اليمن عش ويبيضن من خمس إلى ستة بيضات ويهجرن البيض .. شكراً الك اخي بارك الله فيك وفي جهودك محتوى مفيد