الفرق بين تعيش فالجزائر 🇩🇿 و تعيش فأوروبا 🇪🇺

(لا تنسي دعمنا بالضغط على زر الاشتراك Subscribe/Abonné
و الجرس 🔔 حتي تصلك كل فيديوهاتنا ♥ )
يوميات مهاجر جزائري في اوروبا.. احاول من خلالها إظهار الوجه الحقيقي للغربة.. بمساوئها ومحاسنها..
كما أحاول تقاسم معكم يومياتي وأخباري وأخبار المهاجرين والحراڨة في ايطاليا خاصة وأوروبا عموما
--_------------------------+++++++++++++++++++
facebook :
/ raiid-vlogs-1030587985...
instagram : raiid_vlogs
#إيطاليا
#إسبانيا
#فرنسا
raiid Vlogs,
#passport
#stanley
#nahlatv
#rifka
الفرق بين المعيشة في بلادنا الأولية والعيش في إيطاليا أو اوروبا أو أي قارة أخري.احاول وتضيع بعض السلبيات و بعض الايجابيات لكلتا الجانبين
سوق شعبي .
#رئيد فلوڨ
الدراسة في أكرانيا و تركيا و روسيا ووكالة السياحة والسفر.لأوكرانيا، قبرص ، أوكرانيا .
#جواز السفر
فتح الحدود،
#الجزائر
#المغرب #تونس
#المهاجرين الجزائريين،
التأشيرة 2021
الفيزا 2021
visa 2021
إنجلترا
#رياض محرز
#محرز
#روسيا #أوكرانيا
#raiid
#vlogs
#sanatoria
#النساء
raiid vlog,
raiid Vlogs,
#italia,
#France,
#haraga,
sanatoria,
#الحراڨة

[@RaiidVlogs]

قبل كل شئ...نموت عليكم و شكرا على كل تشجيعاتكم ... ❤️❤️❤️🔥🔥🔥

[@ilyasaitakil9292]

اهلين بيك

[@bechichifethi6536]

تحياتي لك اخي رائد شكرا جزيلا لك على المحتوى الممتاز بتوفيق

[@bechichifethi6536]

شكرا جزيلا لك على المحتوى الممتاز بتوفيق

[@mirohm4165]

حبسة الدخان رائد🤔

[@hossinehamelili9846]

حفظك خويا الزين💖

[@الممتازالجزائري]

الجزائر البلد الوحيد لي فيه 1 - كيلو لوز تخدم عليه 3 أيام باش تشريه 2 - تروح تنتقل لكاش بلاصة تروحلك أكثر من ساعة و أنت تستنى في الحافلة باش جي أو تكون راكب داخلها تستناها واحد نصف ساعة حتى تعمر باش تقلع (النقل الخاص) 3 - تروح للديسبونسار ماكاش بلومباج - مكاش بونصمو - مكاش تشكة 4 - تدي يماك كبيرة لسبيطار خاطرش عندها موعد عند الطبيب جيبها من السبعة تع صباح و أنت لثمة حتى الطناش باش تلحق دالتها جوز و مينداك حتى الزوج تع لعشية حتى يولي وجهها قهوي و هذا عن تجربة 5 - الحليب شكارة لي يتباع جاي شغل ماء أبيض 4 - الماكلة لي تتباع كامل مغشوشة مافيها حتى منفعة 6 - المير في البلدية و رئيس الديوان في الدائرة و الوالي المنتدب ما يستقبلش الناس 7 - دير طعن ما يعطوكش l'accusé de reception باش منا لغدوة ما عندكش دليل باش تقابلهم في الشراع 8 - تطاكيهم في الشراع تخصر لملاين مع لخر يقولولك الموضوع مرفوض لعدم التأسيس 9 - تحبس طاكسي يديك كما يحب هو 10 - الدواء لي يتباع في الصيادلة كلو جينريك لا منفعة فيه و مدرح كامل 11 - تروح تجبد دراهمك في البوسطة يروحلك نص نهار مع لاشان (الطوابير) 12 - تكون مريض في عفسة لازم تستشير أكثر من عشر أطباء خاصين و طم كامل نتائجهم و تحاليلهم باش تعرف واشبيك 11 - الدولة تدي في البترول و الشعب ما يعطوهش على الأقل حق البطالة 12 - مستوى التعليم منحط باش تقعد حمار و ما تزاحمهمش في المناصب العليا مع العلم أن ولادهم يبعثوهم يقراو في الخارج باش يورثو المناصب 13 - تروح لافوار تلقى تليفزيون إكبوزي يعني في العرض يعجبك نهار تشري واحد تلقاه ماشي شباب كما هو خاطرش هذاك لي حطوه مركب في الخارج و لي تبيعهولك لاميزو مدرح مركب حنا 14 - تروح تصلي في الجامع تلقى الإناء تع الوضوء فيه طلية قهوية في الجدران حتى تعيفو و جي تكون تصلي تحط راسك في السجدة تشم ريحت الرجلين (حاشة البعض طبعا) 15 - تروح تصلي الجمعة تلقاهم كامل حاكمين لحيوط يعسو في الناس كي تدخل المشية تتلفلك من قوة يخزرو فيك 16 - في فرنسا كيلو لحم يواسي واحد أور وفي الجزائر تكون شهار تخدم نهار كامل ما تقدرش تشريه ولينا ناكلوه غير في المناسبات وكيلهم ربي 17- الحاجة لي تروحلها لازملك المعريفة 18- جارك بالجمعة لعشية يقعد يحفر بالشينيول. لا التربية لا فهامة ما يخممش على جارو لي يستنى هذاك النهار مسكين باش يرتاح فيه و يرقد شوية 19 - حليب شكارة ما قدرتش الدولة توفرو لشعبها ولا يجي يتسربا غير من لتحت للتحت و مول الحانوت يخبي كاجو يرفد بيه لشواكرو باش يربح المعريفة معاهم يعني يخبيه بلوجوه 20- الناس تشوف واحد مرفه كامل يولو يحبوه و يقزبولو ميم يكون بنادم عيان وهذاك الزوالي لفحل واحد ما يدور بيه حتى واحد ميم الفاميلية تاعك واحد ما يسقسي عليك 21-باش تدي السكنة لازم تكون مزوج و باش تتزوج لازملك سكنة 22- السكنة تخدم عليها حياتك كامل و ما تصحلكش مع العلم أنا حقك يعني من الأول لازم يمدوهالك بلا مزيتهم هي و العمل 23- كي تروح لبلاصة بعيدة لازم تحفظ لحفاري في لوطورت وين جايين و لا تغلط كاش خطرة تموت بحادثة 24 -لي عندو دراري صغار يقراو الدولة تعطي لباباهم 350 دج للشهر حق لمعيشة تاعو. ليهود و ما يديروهاش 25 - تنتخب ولا تقعد النتيجة محسومة من الأول و الرئيس يديروه رغما عنك 26 - البلد الي فيه لبحر كبير والسردين ب 600 دج 27 - تاكل التمر كونجلي أما الجديد يصدروه للبدان لوخرين 28 - تشري حاجة تفسدلك مكاش ميمبا خدمات ما بعد البيع 29 - يفسدلك الفيشور تع التليفزيون تروح تخدمو يضربك بسومة قريب قيس واحد جديد 30 - التليفون غالي على الشهرية تع العامل 31 - القطار يدير الروطار 32 - البلد الوحيد لي كان فيه رئيس الأركان في شريطة يحكم لبلاد 33 - بلاد معمرة بلمهابل برا و مينداك تصيب واحد يعرف يهدر خير من الرئيس 34 - جوز رخصة السياقة مور المدرسة يتفاهم مع لانجينيور باش يخسرك بلعاني باش تعاود تخلص حق الدروس الإضافية 35 - تدخل للمارشي تلقاه داير وجه للخضرة و الفاكهة و كي يسربيلك تصيبها ماشي كامل هذيك لي شفتها 36 - المستوى الجامعي ما يستعرفوش بيه في الخارج و ما عندو حتى أهمية في بلادو 37 - تشري باسكات تلقاها تواسي قيس 10 أيام خدمة و زيد مدرحة موجهة لإفريقيا ماشي كما لي تتباع في الخارج 38 - تصب الشتاء يتغلقو كامل الطرقان و يصراو الكوارث 39 - تروح تعوم لبحار تلقاه مستعمر بالكراسي و الباراسول تقول رزق باباهم و الدرك ما يهدروش معاهم 40 - تخدم شرطي تبيع روحك للنظام يبعثوك تحڨر الزواولة 41 - دير فيزا تخصر دم فوادك مع لخر ما يمدوهالكش 42 - مكاش الخرجة بلا فيزا راك في حبس الجزائر 43 - تروح لكاش بلاصة تخسر سوايع في الطريق من الزحمة 44 - قرعة ماء تع ليترة غالية على شكارة حليب 45 - قرعة ماء في المطار ب 150 دج بلا مانهدرو على الماكلة 46 - الصحافة ما عندهاش رخصة باش تهدر على واش راهو يصرى خاطرش يطبقو واش يقولولهم شواكرهم 47 - تشري جورنان تلقاه معمر بالجرائم و الخرطي 48 - تاريخ الجزائر مزور 49 - البلد المصنف في الأواخر من حيث جودة الأنترنيت 50 - يكون جاي مسؤول ينقو كامل هذاك المكان و يصبغوه

[@rabahzaid3693]

اه يا أخي لخصت المعيشة في 50نقطة ربي يفرج الحمد لله لي كاين الأخرة الدنيا فانية وكل واحد يدي حقو هناك

[@newstoday3286]

وماخفي اعضم ..............

[@rassimmarref1872]

تحية ليك من روسيا لعزيز . كلام صواب

[@prada615]

من أجمل ما قرأت وكلش صحيح يعطيك ألف صحة

[@الممتازالجزائري]

@@prada615 صحيت خويا ربي يحفظك

[@oumyounes6971]

والله اشتقت صوت الأذن وصوم رمضان والأعياد في الجزائر ولاكن الحمد لله رغم الغربة والاشتياق صابرة جزائرية وأفتخر 😢🇩🇿

[@malekbougag5724]

الغربة ما شي ساهلة واشن الصح شدي في دينك وربي ولادك على الدين والطاعة اللهم وحد الإسلام والمسلمين ,❤️🇩🇿💪،

[@oumyounes6971]

@@malekbougag5724 آمين يارب العالمين وإياكم وجميع المسلمين

[@scout_dz1591]

@@malekbougag5724 الغربة ولا العيش تحت ظل عصابة مجرمة نصابة

[@el_baraj]

الغربة ولأ الجزائر يا ناس احمدو الله

[@oumyounes6971]

@@el_baraj الحمد لله على كل حال توحشت بلادي الارض واخوتي وليس الحكام فهمت

[@mouhchicha7947]

للأسف اصبح كل شيئ صعب في الجزائر.. حتى ابسط الاشياء !!

[@zakariagaboussa7985]

صدقت

[@tarekabdou5396]

هذا هو المشكل

[@joykingofficiel]

السلبية الوحيدة التي لا احبها هي الابتعاد عن العائلة ، اما الباقي فلا يهمني .......

[@charifimpex7275]

احسنت

[@Bel.fares_2.0]

آه لوكان تعرف قيمة و تاريخ بلادك، حتى مع المشاكل في الجزائر لن تبالي

[@aymenhkhk3901]

@@Bel.fares_2.0 تاريخ راح يوكلك ولا يعيشك

[@Bel.fares_2.0]

@@aymenhkhk3901 علاش لا؟ رني حاب نروح في بعثة تاريخية نستكشف بيها جوانب العيش القديم في بلادنا، طبعا الشعب الجزائري ما يعرفش أصلا تاريخه و لا خير في أمة تجهل تاريخها

[@zakariagaboussa7985]

صدقت

[@hadjabdelkaderbenadda1503]

الاذان و بركة الوقت في الجزائر و لذة نظر إلى وجه الوالدين ، الغربه دربه و هربه

[@Algeria-yg6fd]

خويانشكرك لكن 30%في لكرا لاظن اعرف ونهاحرين من اوروبا وانا في كاليفورنيا والله 60%اكثر في لكرا غير بيت وصالون وكوزينه في حي ماشي كلاس تع الشعب وخلي الما والكهرباء ووووووووووو وثاني الغربه تربيه الاولاد هنا في امريكا العجب في المسيد يقروا المثليه وزيد وزيد والله ماهي ساهلة ونتمنى نرجع العام المقبل للجزائر وناكل الما والخبز والله اعلم

[@19rs76]

صح والله لمعيشة في بلادنا صعيبة بزاف ربي يكون في عون شعب مسكين

[@الاحرارنعمالعبيدلا]

تمنيت تكون أزمة فالزطلة والكاشيات كيما أزمة الحليب

[@upsanddowns960]

كاينة ازمة فالزطلة

[@hichamdz1964]

@@upsanddowns960 زطلة راهي تطايش ذر ولاو يبيعو فيها خليك صحبي دولة واعرة في كلش 🇮🇹🇮🇹🇮🇹

[@mouradfaid2120]

الحشوة الكبيرة هي انك ماتعيشش مع للوالدة تاعك بزاف ، مال الدنيا كامل مايسواش قعدة مع الام ، ربي يحفظ الحيين ويرحم لي ماتو

[@سلمىسلامة-ح1غ]

اللهم آمين يارب العالمين

[@canadacanada2853]

مواطن من بسكرة حاليا رانا في الربيع والله والله والله يالغبار لي عندنا مع الريح القاوي يعلم بيه غير ربي لا خدمة لا جنان نخل لا مال الفقر ياكل في اعصابنا ووووو اوروبا ونوارها ولا بسكرة وغبارها والله غير عندي ثمانية اولاد فيهم لكبار بلا عمل والصغار ضعاااف في الدراسة الكل لقراية صفر لكن والله ماداروا مشاكل لكن قلقانين وماعندناش باش انروحوا في البوطي والفيزا الله غالب وليدي انقلك كلامك كاااااامل صحيح على الجيران على الزواج ووووووو واش انديرواووووو اين الحل. اين. المفر 🌴☀

[@scout_dz1591]

الله المستعان،،الله يكون معاكم أخوتنا في الجزائر،،،صراحة ملينا من الغربة ،،بصح كي نشوف الحلة المزرية ل وصلت ليها بلادنا نصبّر روحي والحمد لله

[@canadacanada2853]

السلام عليكم ، بارك الله فيك بنيتي خنين الله يجبر بخاطرك كيما جبرتي بخاطري وربنا يصبرك على غربتك وياريت راني جارتك في الغربة ههههه لكن لعله خير 🌷🌴 وجزاك الله كل خير تحياتي 🌸

[@canadacanada2853]

@@scout_dz1591 بارك الله فيكي والله احببتك في الله 🌴

[@محمدأصيل-ب9د]

رانا نعانيوا في بلادنا الجزائر ياخويا رائد فلوڨ والله العظيم مالقينالها حل حتى دوسي نتاع الفيزا عطاونا روفيز لا شيء وباه تلم نقود وتحرق في البوطي ولا السريع مكانش النقوذ وفي بلادنا الجزائر كي تفوت على مرحلة صعبة من الفقر ولا واحد تلقاه أتصور العمر 41 سنة لا زواج لا أولاد لا سكن وحتى لو تعمل في بلادنا الجزائر في شريكة حكومية أو بريفي سلاك عيان وماتكفيش وماتلحقش حتى حاجياتك والله العظيم يا أخي العزيز رائد فلوڨ رانا نعانيوا في بلادنا الجزائر القارة ماشاء الله عليها وشبابنا ضاع بسبب الأوضاع ومسؤولين مصاصين دمائنا هوما عايشين بثروات بلادنا الجزائر وأحنا الزواولة قتلنا الفقر والميزرية حسبنا الله ونعم الوكيل فيهم حسبنا الله ونعم الوكيل فيهم كلهم على بعضاهم من كبيرهم حتى صغيرهم ، كلامي هذا من القلب ومايحس بينا غير لي متمحن كيفنا ويعاني كيفنا

[@divadzny]

راح نلخصلك الحالة. بما انني امرأة و مجربة الغربة. في الغربة تتحسن ماديا و حياتك تتسقم، لكن حسيا، تتهدم و تحس فراغ رهيب، و يوميا تتساءل واش بيني واش خصني، راني عايش مليح، علاه مرانيش سعيد. في البلاد، تحس براحة نفسية عجيبة كي تولي من الغربة، منها: الاذان كما قلت، الوالدين، العائلة، الاحباب، التجمعات، ريحة لبلاد، لبلايص لي عشت و درت فيهم، زيارة مقابر لعزاز علينا و هاذا فقط.

[@سبحانالله-ي4ح]

الحمد لله هبطت وشفت العائلة لعقوبة لي مزالو

[@divadzny]

@@سبحانالله-ي4ح آمييين

[@usaeurope]

قلبي وجعني مع أنو قلبي حار على الغربة

[@divadzny]

@@usaeurope 😢

[@mouradbenmeslem7365]

يا عطيك الصحة و الستر يا لزوووم سيدعلي من القبة

[@hocineimessaoudene5078]

خويا ربي يحفظك والله غير لمعيشة ولات غالية نسأل الله السلامة والعافية بصح خويا عندنا ليهود يخرحو في رمضان باه ايعريو الزوالي حسبيا الله ونعم الوكيل فيهم

[@azizhead3372]

الله يحفضك خويا رائدا❤️🇩🇿 كلامك كامل صح رانا نعانو في هذي البلاد قتلونا بلميزيرية العالم الثالث يا زح نضام عندو سياسة يهودية الله ينعلوا

[@scout_dz1591]

الله يطمس على أموالهم ،،عصابة مجرمة نهبت الأخضر واليابس

[@Travel-l2f]

حيات الغربة جسد من دون روح راك فاهم واش نقول

[@الممتازالجزائري]

51 - الخبز كامل مدرح ما عندو حتى فائدة معمر بالمحسن ( L'amilioran) لي يدير السرطان 52 - الشيدار لي يديروه في البيتزا في الجزائر ممنوع في أروبا لخطره على الصحة لأنه يحوي على مواد ضارة 53 - الفرينة لي تتباع نوعية لخرانية كامل في العالم 54 - تدي حاجة فسدتلك مزالها في الضمان يقولك خلص خاطرش القطعة لي فسدتلك ما فيهاش ضمان ( La Garenti) 55 - يديرو الزفت للطريق واحد سمانة يعاودو يحفروها 56 - يعطوك سكنة نهار تسكنها لازملك تسعين مليون باش ترجعها للحالة الطبيعية تاعها 57 - نهار تسكنها و يجوز عليك عام يجو يحفروها كامل باش يدخلو لخيوط تع الأنترنيت 58 - غير يلحقو المناسبات يزيد كلش و الدولة تقولك رانا نراقبو في كلش و رانا نضبطو في الأسعار 59 - نهار العيد تلقى المخابز كامل مغلوقين 60 -الدواء rumafed قتل الناس بسبب خطأ في تصنيعه 61 - حبة rhumeafed صابو فيها سلك رقيق قاتل 62 - يكون جايز كاش مسؤول تلقى الطريق كامل نقي و يحاوزو كامل لي مسطاسيونين و ما يخلوكش جوز و يديرولو طريق تقول هو فرعون 63 - دولة عجزت عن توفير الأمن في الملاعب 64 - الرياضة ولات تجارة في الجزائر 65 - البلد الأكبر في إفريقيا تنعدم فيه السياحة مع العلم أن له الفرص يكون أحسن بلد في إفريقيا 66 - تشري البطاطا تلقاها محفورة كامل تع الكونجلي 67 - بلد يمدو فيه مفتاح تع المرحاض في المقهى بالمعريفة ما تستناش السياحة فيه 68 - بلاد لي يتنضربو فيها الطبيب و المعلم حتى يسيح دمهم خاطرش خرجو يطالبو بحقهم 69 - تصرالك حالة إستعجالية يخلوك تستنى واحد ساعة باش جوز و جوز عند واحد راهو يتعلم مبعوث من الجامعة ماشي طبيب مؤهل 70 - الروسوفور يشوفك دراهم 71 - بلاد ما تتباعش فيه الزبدة تع الصح ولا صبتها تلقاها غالية و مدرحة 72 - السنيمات كامل مغلوقين 73 - تمشي برا تلقى الطرطوارات كامل موسخين 74 - الزيل حشاكم حتى يولي يخرج هذاك العصير الأصفر باش ينقو المكان هذاك. يجو بالسمانة يدو القمامة بالكاميون 75 - الطروليات تع الدولة نهار يجيبوهم جدد ما يتغسلوش من لداخل و الخارج حتى نهار يبدلوهم بوحدوخرين 76 - تركب الميترو تخلص قيس ركبة تع تارمينوس مام راح تركب محطة برك و لا زوج ولا عشرة تخلص نفس الثمن 77 - المساجد مغلوقة في النهار. عابر السبيل ما يصيبش وين يصلي 78 - تصلي في الجامع يسرقولك حذائك 79 - بلاد مايديروش فيها حفلات باش يشجعو الناس و يعطيوهم هدية 80 - بلاد ما تتباعش فيه نبولة تطلع للسماء أي منفوخة بغاز الهيليوم 81 - تروح تجبد دراهم الوالدة ربي يرحمها من البنك يبعثوك للطريزور تخدملهم خدمتهم و تقعد رايح جاي شهر و زيد تخلص في الضرائب باش تقدر تجبد دراهمك و مع الآخر يعطوهوملك أوراق تع 20 أورو و يقولك هذا واش كاين 82 - البلد الوحيد لي فيه لي بدلو الأورو في السوق السوداء تلقاهم قدام الشرطة و المحكمة و مكاش لي يهدر معاهم 83 - البلد الوحيد لي شعبو ما يخليش دراهمو في البنك خاطرش ما يديرش فيه الثقة 84 - البلد الوحيد لي ما فيهش مكاتب لصرف العملة الصعبة 85 - البلد الوحيد لي الناس تتحاشة تبدل العملة الصعبةفي البنوك خاطرش ما يعطوكش بزاف بالمقارنة مع السوق السوداء 86 - البلد الوحيد لي دراهمو فيهم حيوانات بدلا من الشخصيات البارزة 87 - البلد الوحيد لي الدراهم فيه مقطعين كامل و موسخين 88 - البلد الوحيد لي الناس تخاف تروح للكومييارية باش تشكي على حاجة شافتها خاطرش تخاف الشرطة تحصل فيهم من قوة لعوج لي راهو يدور لثمة 89 - البلد الوحيد لي تلقا الكوميساريات مسركليين عليهم بلمحابس و السلاسل خاطرش خايفين على رواحتيهم 90 - سيارة الإسعاف أو سيارة الحماية المدنية لا تحوي على المعدات اللازمة لإنقاذ شخص في حالة طارئة و هذا صرا مع يما ماتت ماعندهمش ميمبا تع الأكسجين هذيك و لا طبيب داخلها

[@hadilmastfawi2412]

ربي يرحمها

[@الممتازالجزائري]

@@hadilmastfawi2412 آمين ربي يحفظك

[@prada615]

قلبك معمر خويا 🥺🥺 ربي يرحم يماك

[@alparselan5054]

الفقر في الوطن غربة و الغنى في الغربة وطن

[@mme.kahn-belhakem3512]

Salam Aleykoum mon frere…. D’habitude je reste silencieuse quand je regarde tes videos mais je tenais a témoigner… Y pas mieux que d’écouter Adan au bled…🤲❤️🤲. Quel bonhneur

[@Fatimafatima-lq3wp]

Avec la technologie , on peut ecouter le Adhan aux moments des prieres sur son ordinateur et telephones , mais au moins on a le droit d avoir des services de base , un emploi, un toit , une administration qui nous aide ( et non pas nous fait baver et nous stresse ) des rues propres et où on sent la securité , on ne demande pas la lune . Helas .

[@mouradamara7]

Les gens en Algérie ils écoutent adhan mais les cœurs sont noirs

[@hadabaghiri5990]

@@Fatimafatima-lq3wp ,,,,,w,,,,,,,

[@abdelkaderreziga6144]

a

[@wine2582]

En Europe on perds nos enfants notre culture et religions

[@hyndcher2369]

الإنسان ماياخذش كلشي في الحياة ،ياتعيش بين اهلك وتشوف اللي ماقراش حاكم بلاصتك وانت بشهاداتك قاعد فالدار وباش تخدم ورقة تعاني كلشي بالمعريفة ،يا تروح تعيش كإنسان وتحقق احلامك وطموحاتك بعيد عل اهلك ،كل واحد يعرف طبيعتو اذا يقدر أو لا ويختار واش حاب ،ربي يسهل لكل انسان

[@inthegym7191]

و الله صح حنا عايشينها و لي دخل يخدم بالمعريفة يضحك على لي معندوش معريفة

[@malekbougag5724]

الازمة تتنحا كي يولي الجار يحتارم الجار كي يولى الأخ يسقسي على الأخ كي يولي الصغير يحترم لكبير كي يولي الغني يعاون الفقير كي تولي العدالة فوق الجميع والقناعا يا أخي اللهم أحفض الجزائر اللهم وحد الإسلام والمسلمين

[@scout_dz1591]

الأزمة تتنحى،،،كي تتنحّا العصابة المجرمة الحاكمة

[@abdel_dz]

سنوات و أنا اضحي من اجل مغادرة الجزائر نحو اروبا .بعد تحقيق الحلم بعد غضون بضعة أشهر اتلقى رسالة من والدتي بأن ادعوا بالرحمة الى جدتي التي كنت أحبها لدرجة ان اعطيها عيوني و بعدها بأسبوعين و إذا بابن خالتي يترحم على خالي رحمة الله عليها ان شاء الله و كان من قبلها لدي في قائمة الاصدقاء استاذ من اساتذتي في الثانوية توفيت امه تقريبا منذ ثلاثة أشهر إلى حد كتابة هذه الأسطر لا يزال يبكي و يتألم من فقدان والدته على الرغم من ان سنه تجاوز الخمسين .. قارنته مع نفسي كيف هو الذي كان خادما لامه طيلة حياتها و حزن عليها فماذا سوف افعل إذا فقدت امي و أنا بعيد عنها و هل هذه الحياة تستحق ان تترك والدتك من اجلها...اسئلة كثيرة كانت تلازمني مع دموع و حيرة....سألت الله ان بنير بصيرتي و ان يكتب لي الطريق الذي لن اندم عليه ... تذكرة العودة كانت 992 اورو + تكاليف الجامعة التي كنت قد دفعتها حوالي 3000 اورو ..تركت كل شيء و أنا الان بجانب والدتي على الرغم من ان لدي أخ في اروبا و أخوتي اثنين صغار لكن الام تحب ان تجتمع بكامل اولادها خاصة بعد أن اصبحت امي يتيمة الوالدين و من دون أخ .... خلاصة القول أنا في وضع لا يسعني الا ان اطلب الدعاء منكم لتيسير اموري ان شاء الله. و أسأل الله ان نعود جميعا الى اوطاننا .. و الله غربة بضعة شهور أصبحت احس أنني غريب فما بالك بغربة سنوات ..الله يكون في عون كل مغترب. و أسأل الله لكم الثبات على دين الحق

[@-Marwa--]

ربي يفرج علينا وعليكم يا رب

[@abdel_dz]

@@-Marwa-- اجمعين ... الا ربي فالبلاد ادعي ليل و نهار

[@prada615]

ربي يعينك خويا ....نسقسيك ماكش ندمان؟؟

[@alilo2965]

كلام صواب خويا رائد .بالتوفيق انشاء الله والله انت انسان طيب .مشاء الله .نشوفك بلا حتى سبه نحس روحي اني ڨصاار معاك .ربي يبارك فيك والاهل نتاعك❤️

[@hamzazaza3372]

ان شاء الله

[@abdouadj365]

والله مليحة مع الغربة مع أهلك بسك من غير أهلك صعيبة الله يحفظك خويا رائد

[@ilyasaitakil9292]

بارك الله فيك من غير أهل واعرة بزاف

[@abdeslamabdelhamid6896]

أنا والله غيرجيت ا أوروبا الوالدة راهي تقولي أرجع للبلاد مانيش عارف واش ندير

[@abdouadj365]

Ila jit whdk O 9tlk wali rir arj3 l 3nd ymak wila rako bin 2 f l europe sayi 9n3ha tb9aw tama psk hna makyn walo toujours le meme jour

[@guennouninoureddine8221]

@@abdeslamabdelhamid6896 قعد فاوروبا وبقا علی اتصال مع الوالدة

[@oussamadiabaoui7376]

بارك الله فيك أخي رائد الحالة ولات صعيبة بزاف خاصة حنا الشباب 27 سنة مازلت مابديتش حياتي وين تحط روحك ماتلقاش حبيت نخدم عندي بزاف لي ديبلوم بصح ماخدمت بحتى واحد فيهم حبيت نتزوج ماقدرتش نڨدم....ربي يفك الحوال 💔

[@zakariagaboussa7985]

وش من ديبلوم عندك

[@scout_dz1591]

هاذيك لبلاد خلاصت العصابة ل حاكمتها التهمت الأخضر واليابس،،مايحصلك معاهم غير الشعر

[@ranimerana8484]

موضوع في القمة 👏 💪 أنا عن نفسي نتمنى نعمر الزاد باش نلاقي ربي هداك هو الصح الدنياا فانية😭💔

[@minaanwar9855]

والله العضيم كلامك صواب هدا هو الصح الدنيا فانية

[@ranimerana8484]

@@minaanwar9855 👍اللهم أرزقنا حسن الخاتمة 🤲

[@zakariagaboussa7985]

عندك حق اختي ربي يحفظك

[@ranimerana8484]

@@zakariagaboussa7985 🙌☺️مشكور أخي ✔️

[@zakariagaboussa7985]

@@ranimerana8484 اعجبني تعليقك اردت فقط ان اعرفك عمرك هههه

[@rabahmezane875]

خويا راٸد خمسين بالمٸۃ من مشاكل البلاد سببه الشعب الي ولی ما عندوش رحمۃ خاصۃ الكرا , كيف يعقل لشخص رزقو ربي بالعقار يفرض السعر المرتفع و كانه يستغل مشكل السكن لحسابه الخاص ,,,كيف يعقل لشعب يرمي النفايات في كل مكان ثم يتهم الدولۃ في القصير في النظافۃ , و هل يعقل كلما ياتي رمضان تشتعل الاسعار لكي يستغل التاجر المواطن . اما امور العرا و الدعارۃ فهي في تفشي يوما بعد يوم حتی نصبح مثل اوروبا في هاذ المجال , يعني ولادك تخاف عليهم هنا و لا لتم كيف كيف

[@amineamin3724]

خويا رائد نحبك ❤️ في الله تحيا الجزائر 🇩🇿 مزرية ونموت على بلادي 🇩🇿👑🌹✌️🇵🇸🕋 🇵🇸رمضان كريم الأمة الأسلامية يارب 🤲

[@habibbenbahia303]

عندي 33 سنة فالغربة نسكن في عمارة مزال لحد الأن ما نعرفش حتى جار و كذالك حتى جار ما يعرفني

[@salwasiham6322]

سلام رائد والله الجزائر راهي حرب نفسية بزاف

[@dzalger4231]

الغربة نتيجة اخير انسان يندم عند كبر لانا صغر راك تايه فرحان بي صغر وزهو وبنات تيتم روحك وانت عند الأهل وترجع قلب قاسح انا طبت في الغربة من شمالها إلى جنوبها عشت مالك زماني حياة كلها رافهية مال وسيارات وسهر وسافر اقسم بالله العظيم كنت نقمر ونخسر مال ونلبس ملابس مراكات عالمية حذاء بي 10 ملاين ومعطف 30 مليون وعطلة 200 مليون مال حرام كله والله عند عقارات في لبلاد على بحر ولاكن فقدت روحي وأهلي وأصدقائي رجعت نحب وحدة هذي حيات😭 ارى شباب جزائري كله يسوفري في أوربا معيش ظنكاء جوع وتقشف والله لحم يتحشوه عيشين في بيوت مثل فاران نصيحة من اخوكم يعرف الغربة والله جلسة مع والدين خبز وزيت احسن من كل العالم والله هذا كلام من قلب

[@nadia3477]

وين يلبس حذاء 10 ملايين في اروبا؟ ؟؟

[@dzalger4231]

@@nadia3477 علاش مصدقتينش ly dior اختي انا مرنيش زوخ عليك 500اورو سباط والله dsquared شرت هذا اسبوع 400 اورو علاش 🤔

[@sarahharkat6385]

@@nadia3477 yalbas bien sur yadarbou la banque ou srika

[@dzalger4231]

@@sarahharkat6385 كنت نبيع غبرة ربي هدني بي كيلوات حشيش بي قنطار

[@dzalger4231]

@@sarahharkat6385 واش بغيت نجيد نطلب جيت صغير في بلاد منهدر لغتها ولا منعرف حتى واحد

[@start9337]

20:48 أهم نقطة الوحيد اللي وضحها للناس بدون مكياج بالتوفيق لعزيز نتمنالك المزيد من التوفيق والنجاح وتزيد تحقق أحلامك 🏎 زكارة في الحساد 😘

[@kasriaaissa1285]

قضية واحد مايعس واحد هنا في ايطاليا يعسو في كلش يعرفوك واش تحب تلبس واش تقضي يعسوا كيما عندنا في البلاد ماكش مخالطهم باش تعرف واش يهدروا علينا انا عندي ثلاثين سنة عشت في الجنوب وعندي مدة 24 سنة في الشمال مسالة العس يعسوا بلاك اكثر منا

[@fodilbenabdallah351]

مكانش كيما والديا نشوف في وجهم كل يوم الرزق ضرب ذراعك هنا ولا فالغربة وتحيا البلاد الغربة مرة

[@kdz09]

Même les hôpitaux hna f lbled c'est un point très important , l'essentiel Allah yehafdek bon courage

[@rafikamaloum6375]

ولات المعيشة في البلاد كارثة ني خدمة ني قراية ني سبيطارات ني هناء

[@FansAbouTalal]

خويا رائد كنت محتاجاتك في وحد الموضوع وبعثتلك شحال من ميساج مارجعتليش

[@RaiidVlogs]

الانستجرام

[@ilyasaitakil9292]

@@RaiidVlogs وإشراك صفا شوي

[@هوىالمدينةالمنورة]

العيش خويا رائد في بلادك تربتك الأمان لقليل وماعليش..الوضع في أوروبا تبدل بزاف فالاول تبان مليحة بصح دايما عايش ناقص الفرحة الغصة الوالدين رقد على كرطونة في بلادك مشي كما كرطونة في اوروبا

[@mohamedhh1091]

يا أختي وإذا كنت تعيشي بطريقة قانونيه دايما تحسي نفسك ناقصة على خاطر ماشي بلادي رانا عايشين في دوامه كون جات بلادي مليحه ولله مانقعد هنا وتاني على جال اولادي راهم كبار ويقراو خفت على قرايتهم ياربي فرج علينا

[@abme783]

كبش ماكاش تحت ميتين وخمسين اورو في روما الناس راهي تاكل في الكاريتاس كل يوم نتحداك روح صور في كازيلينا وفيكتوريو شيكوشانتو وروبوبلكا وتارميني ولازيالي وووووو

[@yasmineasseum736]

تحيا الغربة . تعلمت نعتمد على نفسي . صح قلبي قصاح بصح والديا و دارنا ديما في القلب

[@prada615]

وين راكي عايشة ختي

[@ibtisemdegachi1102]

اختي عايشة وحدك في الغربة ؟

[@cherifbettahar3534]

ماشاء الله عليك ولدي صح واش راك تقول خصوصا هذا رمضان مول الشهرية يخلص الفاتورات ولا مصروف رمضان إن شاء الله ولا حوايج العيد ؟؟ يا حليلو ل عنده وليدات كيفاش يدير و يزيدونا الغلاء الفاحش في كل ما نستهلك وين رايحين؟؟

[@nadjetmerchichi5182]

لكن فراق الاحباب صعيب خاصة والدين

[@anonymousssdz1979]

Sadak9te khoya ( rani fiha ) takhber 9belle elowa9te ihhhhhh 3andi 5 oullade wa'lahi ma L7a9te ( 3aychinne bi id'ni alliage ma'chi bihoume ) ...?

[@ilyeseilyese2317]

مبقاش بزاف وتلوي اوروبا اكثر من افريقيا

[@Germa-ix9xr]

رانا نعانو يا خويا راييد الحليب راه 50 دينار للشكارة (لما وزغاريت) وراه قليل . كلشي زاد .كلشي راه غالي . الدوا وغلا (دك لي يمرض كي يدير) اللحم والحوت نار تشعل والخدمة راهي بالمعرفة والتوظيف راه مجمد . الكارت جون حتا 30 سنة . وباش تخدم لازم هذي كارطا طونوبيل غالية بزااااف الفواتير زادو .. الكرا زاد ..الديور غاليين اللبسة زادت راني بالماستر 2 (لا خدمة لا زدمة) قريت باطل .تكره والله العظيم . اسعار السفر للخارج كارثة . الزواج وغالي . باش تخرج كواغطك يمرمدوك. يكرهولك حياتك انا كرهت من جدهم قاع . البترول ب 140 دولار والغاز ب 60 دولار وحاجة مابانتش.

[@fadhelabeautedelame4716]

MachaAllah Allik Rebi yehafdek Inchallah,je vous respecte beaucoup mon frère,vous êtes sincère et honnête tbarek Allah oufik,,c'est rare de nos jours de trouver des personnes pareils,mais avec vous en sens que Denia mazalha bkhir,Allah yerhem el waldine elli rebawek ahcene tarbia Amine, un grand bonjour de Tizi ouzou.

[@abme783]

القانون فوق الجميع هذه هي الي ماكاش في أوروبا قتلتو الناس بالخرطي روما انا عشت فيها قبل عشرين سنة مسخة كامل غير أماكن السياحه

[@nasreddinelitim7818]

يا أخي الكريم والله راني خدّام في 15 سنة و عمري لخممت فالهجرة أنا خدام على الدّار و عندي خويا صغير يقرا و خويا 43 سنة مريض عقليا و زدت تزوجت و راه جايني طفل والله بديت نخمم فالهجرة راني نعاني و الحمد لله على كل حال ، ربي يوفقك خويا لعزيز .

[@prada615]

😭😭😭

[@MomoUk06]

europa fi 2022 rahet. larla rah dayer hala fi kolesh. lakra la tax.Gas ÷ electricity. transport.kolesh. rani nahder a3la ahna langliz. tonobilat 2nd hand rahom ralyiin bazaf. rabi yastar wakhlas

[@sakinamagra-ty3cc]

نعيش في بلادي حر ولو ناكل الخبز بالماء، المثال يقول : " لا تسقيني ماء الحياة بالذل بل فاسقيني بالعز كأس الحنضلي، ماء الحياة بالذلي كجهنم و ماء الحياة بالعزي أطيب منزلي"

[@GeekPhysics]

صبر روحك

[@salaheddine1675]

الفرق بين العيش بين اظهر المسلمين و العيش بين اظهر المشركين هكدا يكون السؤال واضح اما الهجرة من أجل الدنيا و المعيشة فهو لما هاجر اليه ليس لله و رسوله اختم بحديث رسول الله صلوات الله عليه وعلى آله الدنيا سجن المؤمن و جنة الكافر ومن هذا يتبين لك الفرق .

[@lallouchemohamed4553]

احسنت

[@Cool.man.tarik1]

الحمد لله ، راه ليكم اوروبا ، راني هاني نقلك علاه؟ فهمت قيمة الدنيا . معيشتنا في الآخرة.

[@salemselma6506]

كيما قال عمر عبد الكافي طلقنا الدنيا نحن المسلمون وبالاخص العرب فتزوجها غيرنا وهوما الغرب وغيرهم هوما طوروا بلدانهم وعندهم حكومات ورؤساء عادلين وجايين لخدمة بلدانهم وشعوبهم ماشي كيفنا جايين يحطموا الشعوب والبلدان وخلونا حقوقنا نشوفها أحلام ورضينا بالواقع المرير على أساس الحياة في الآخرة وهذا عكس الإسلام تماما لان الله خلق الإنسان باش يعمر الأرض وعطاه عقل باش يتعلم بعلوم الأرض وينفع ويطور ويتنعم في ايطار الإسلام وتكون دولنا متطورة كيف أوروبا وتكون بلدانا فيها الحق والقانون يطبق على ناس كامل ربي نقلك علاه نصر الغرب علينا لان الله ينصر الدولة العادلة ولو كانت كافرة هوما عدلوا فعاشو وتهنوا اما حنا رضينا بالواقع المرير ورفضنا تغيير العصابات على هذاك تسلطوا علينا ورانا قاعدين نخلصوا ونقولوا نعيشو في الآخرة وراح نتحاسبوا على الرضى بالظلم اللي رانا عايشين فيه

[@الممتازالجزائري]

العسة جات من الحرمان و عدم الرضاء بما رزقك الله و الإبتعاد عنه

[@boughellamohamed7719]

مشاء الله عليك خويا رائد والله كلامك صواب 💯 ودواء ربي يحفضك ويحفضلك العائلة تاعك يا رب 🤲 واصل ونتمنالك التوفيق ان شاء الله

[@chahradehici2183]

نقلك حاجة خويا لحرزة لي كاينة في فرنسا م لعرب كي دارين في بعضاهم بلحرزة يا لطيف والله ما شفتها في لبلاد .او زيد الحسد والبغض في بعضهم ويحڨرو لي بلا كواغط خاصة النساء هما لي واعرين بزاف

[@oslamomar7227]

بداية فلوق تاعك بأغنية تاخذك إلى الزمن المرير الذي وفرت كل الجهد المبذول من التعاسة إلى النجاح برافو برافو عليك.

[@Loulou-ks7ep]

راك قولتها كاين لابأس عليهم ويشكوا لأن قلة الإيمان أصبح الجميع يجري وراء المادة لو كل واحد منا يكتفي بما كتب له الله لاصبحنا بخير الغربة لمن له عمل و سكن احكي على بلادك بإيجابية حتى تحفز الجميع على حب الوطن و العمل بإخلاص نتمنى أن تجيب عن سؤالي

[@rabahdz7953]

Khouya c'est vrai rani mak f ne9sss imann mais Hedi bladdd wallah m bladdddd fiha bzffff hegraaaa w Rabi sbhanou ......

[@FansAbouTalal]

مبروك عليك الدار جديدة وستوديو جديد والقناة الثانية نحبوك بزاف خونا لعزيز اليوتوبر الوحيد لي مصارحنا وتلقى روحك ألاز كي تسمع نصايح تاوعو

[@randrana1450]

راك تصور أوروبا و كانها جنة الحمد لله جينا و شفناكم عايشين بالمعجنات و لابيري غبرة تكذب اذا تلبسوا الماركات تما نعاج و في الجزائر ديروا قرون. الصيف توسخوا بلاجات. ايطاليا العنصرية خاصة كي يشوفوا محجبة كي جيت كانوا يشوفوا في إرهابية. الدولة الأوروبية الوحيدة لي تتمشى عادي بالحجاب اسبانيا بركاك م الكذب

[@achrafkontrol6255]

أفضل ما لقيت في الغربة الهناء اعبد ربي كلش يجي وتحس بحلاوة الدنيا وكل واحد واش كاتبلو ربي

[@smailabada9532]

و يجي واحد يقولي الجزائر خير من أوروبا....نخبط راسي علحيط

[@faceface7247]

مساوىء بلاد الكفر أكثر من محاسنها ، يكفي أن الرسول صلى الله عليه وسلم قد تبرأ من مسلم يقيم بين ظهران المشركين.. تبرأ يعني لا علاقة له به. بلاد الكفر بلاد الكآبة و الغم و ضياع الدين و العمر و قليل من يحافظ على أهله فالطلاق كصباح الخير و تدياك أولادك.. و حتى و تقعد مزوج أولادك كيفاش يخرجو ؟ و أولاد الأولاد ملحدين لا دين لا ملة و نتحاسب عليهم أمام الله ووو

[@darkthedeep8884]

لمشكل هنا تكون سيريو تتقشف و تتقشف و تشري تريكو ب خمسينلف و سروال ب 150 و تتقشف و تخدم 20 سنة و مجيبش طونبيل

[@mekikamokhtar2072]

Vive l’Algérie je suis fière d’être algérien vive les algériens et les algériennes 🇩🇿❤️❤️❤️♥️🌹🌹🌹🇩🇿🇩🇿🇩🇿🇩🇿🇩🇿

[@anes4175]

في اوروبا تخدم تعيش ترقد ياكلك الدود اما في الجزائر ماتخدمش تدي سكنة وتعليم ورعاية صحية وزيد شهرية

[@khailifatma3036]

Salam bravo de se vidéo vraiment c'est la variété 👍🇩🇿❤️🇩🇿🌹

[@anwrist]

بلاد عياتنا اخي رياض. 42 سنة. في عمري. متوزج عندي. طفل. وثاني راه في طريق. والله مالحقتهم. معيش. غالية. بزاغ مستقبل ضايع وخلاص

[@yazidlk6152]

يعطيك الصحة. أنا مقيم ببريطانيا و كلامك ينطبق تماما على ما نعيشه.

[@joorrookkoosan5994]

kifash tla3t khouya laziz?

[@abido14]

السلام عليكم / للاسف مشكل البلد ليست الدولة انما الشعب هو المشكل مثل ما قلت يا اخي التنظيم ( يوم الاحد خاص لرمي بلاستيك ) ولكن مع كل اسف 24/24 رمي الاوساخ والاعجب حتى في الطرقات ترى سيارة تسير ويرمي القمامات في النافدة سبحان الله كان لا شيء هنا المشكل في التربية لو يضعون غرامات مالية لربما لا احد تسول له نفسه + اما الشعب في الشوارع الا من رحم ربي يمشي في الطريق لا يبالي بالاشارات الضوئية ولا اي شيء للاسف + اما قولك عن العدل هم كفار ولكن يعدلون وعند العربان ( شبه مسلمين ولكن ظالمين وفاسقين ) ومن لم يحكم بما انزل الله فأولئك هم ( كافرون + ظالمون + فلسقون ) للاسف خلاصة الكلام هي ( ان الله لا يغير ما بقوم حتى يغيروا ما بانفسهم )

[@canadacanada2853]

ايطاليا ونوارها ولا غبارنا والفاهم يفهم 🌵

[@chaimaoumy2575]

السلام عليكم وليد اختي ماشاء الله على الفديوهات نعتز بيك واحنا في الغربة نتبعوك انا وزوجي من فضلك بنتي حبت تعاون روحها بانستغرام بمادا تنصحها حبت تسترزق كيفاش تبدأ بارك الله فيك وانشاء الله من نجاح لنجاح

[@malikjafas7484]

قناة دو مصداقية عالية،بعيدة على الخرطي شكرا راءد،🇩🇿👍

[@billelhamma9770]

وش تنصحوني خاوتي نهاجر من الجزائر كي نجيب الباك ولا لالا ؟ 🤔

[@islammohamed3281]

الحمد لله على نعمة الاسلام و الحمد لله على نعمة الوطن( الجزاير) و الحمد لله على نعمة العقل و الحمد لله على نعمة الشهرية القليلة و الحمد لله على الميزيرية في بلادي و لا بلاد الناس..و تحيا الجزائر البنة انتاعها بنينة..و الله تعالى يدوم علينا النعم..

[@laidlakehal9193]

😂😂😂

[@prada615]

خويا من نيتك راك لباس شوي

[@inthegym7191]

بنة بنكهة الحار ، عيش فيها وحدك اي انسان غير قادر على الخروج من ذلك البلد اللعين بسبب اطفاله او راتبه يشكرها ، لكن الواقع الجميع يريد الخروج منها

[@tarekabdou5396]

الجزاءر نقصت فيها الضرافة والمعاملة الصراحة ...كثر الهمج

[@19rs76]

اوربا فيها كلش وفيها وش تحب وفيها حوايج بزاف مكانش في لجزاير بصح اجمل سنين عمري كانت في الجزاير توحشت نركب في هذا لبيس يمشي ويخلخل فيك قلبك تحطو ههههه تحوشت ليامات لفاك مع صحاباتي الضحك وتمسخير توحشت المرشي كنت روح انا وامي نقضيو وطريق كاملة شياخة وضحك توحشت لعراس توحشت نطل من تاقة انا نشوف ناس وهوما ما يشوفنيش يعني يعبارة اخرى كاين حوايج بزاف كاين غي في لجزاير🇩🇿♥️

[@scout_dz1591]

اسمحيلي لبيس تاع لبلاد يمخضك كثر من القلوشة تع اللبن،،،كاااارثة

[@BBBB-ey3qc]

إرتباط العائلي في إسبانيا كين كيما في إطليا او اكثر و يحترمو بزاف إنسان لكبير و أطفال يهتمو بيهم . اما تربية الولاد لزم الكوبل يكونو متفهمين التربية هي أسهل ما يكون طفل كما ترببه يخرج وش تزرع تلقا.

[@cheznous.bvnks212]

بصحتك 600k تستاهل ما أكثر وليد بلادي بالمحتوى المقي تاعك نشالله توصل 10M

[@El_don_baggy]

لاباس بينا في دزاير بصح هجرنا من بلادنا بسك مكان والو الحسد الغيرة و الكره و الحقد

[@ridhakeddad4621]

ماقلتلناش اسكو حبست دخان ولا مزال🇩🇿❤

[@RaiidVlogs]

حبستو

[@ridhakeddad4621]

@@RaiidVlogs ايا حمدالله

[@abdelben2353]

هادي باينا الجزائر من الدول العالم الثالث متخلف و ديكتاتورية شمولية و ماكانش تكافؤ الفرص

[@PhonePhone-tn6gi]

لمعيشة في أروبا أبغضها و أشهد الله على ذلك ،أقسم لكم بالله قادر على العيش في أروبا بعمل و سكن و هذا من التسهيلات التي توفر لي عن طريق 3إخوة و حتى أولادهم كبار متزوجين ولهم مناصب كبيرة كاين لمدير شركة و طبيب أطفال و طبيب أذن وكيل جمهورية الحمد لله كل الظروف متوفرة لي ولكن ابغض العيش هناك ليس رياء بل عزة في ديني و حبا لوطني و أبغض بلد أكرهها هي فرنسا ،خدام في بلادي معنديش سيارة و شهرية متوسطة والحمد لله ولادي ناجحين دين و دنيا والجميل هو صلة الرحم و الجلوس مع الولدين و الأقارب و الأحباب سعادة لا يعرفها إلا من ذقها و أحسن لها وكل شخص له حرية الإختيار و في الأخير ستعودون ولو في صندوق مغلق

[@rabahzaid3693]

هنيئا لك 👍🏻👍🏻👍🏻أكبر كذبة صدقناها هي الغربة ربي يفرج على كل المسلمين

[@prada615]

أنت لباس عليك علابيها تهدر لوكان زوالي وتخدم على عيلة متهدرش هدرة هي

[@zinazai6395]

لالا مش الخدمة الاغلبية داياتو الحياة تاع اروبا وصايي هنا مايخدمش فالنضافة وفالفلاحة وفي اروبا يخدم لكان علاه زعما وين الخلل ونعرف كانو بخدمتهم هنا وحرقو وين الخلل

[@عليالأمين-ذ4ب]

مواضيعك جد مميزة ورائعة لأنها موضوعية وفي الصميم ..تحياتي لك خويا رائد

[@manfree5720]

الجزائر بلد مسلمة وأوربا كفار فرق الكبير احنا مسليمن انروحو عندهم هم مجوش عندنا

[@Krmkrimo]

الاخ رايد نسقسيك , هل صح اوروبا مابقاتش, و راهم يزيدو ف الاسعار ولا مجرد خزعبلات , وحدة فاميلتي عايشة في فرنسا قاتلي راهم يزيدو في لي prix و لمعيشة غلات زعما كاينة.؟؟ صح؟

[@abdeslamabdelhamid6896]

وي خويا والله كل شي زاد في لي perix

[@RaiidVlogs]

Kdeb f kdeb

[@user-rn8wd6bu5u]

@@abdeslamabdelhamid6896 hhhhhh ch7al tkadbo Bayan fik fdzayar wttmnyak hna

[@user-rn8wd6bu5u]

@@abdeslamabdelhamid6896 🤣🤣

[@wafafofa8563]

صح كلش زاد مي تعيش نوغمال

[@elhaditouileb1098]

Salam alaykoum mon friere wallah tuoma wallah tuoma wallah tuoma wallah Europa makayan walou yahartou aleibad makyan walou rahat

[@djalalbenyoub6959]

اخوكم من هولندا مر من هنا 🇳🇱💬💔💯❤️

[@ilyasaitakil9292]

مرحبا بيك شحال عندك ملي راك في هولندا

[@mustaphatrabelsi326]

[الزعل] : يؤثر على الأعصاب . [الخوف] : يؤثر على نبضات القلب . [الحرمان والفقد] : يولد الإكتئاب كل شخص لديه قصة حزن بداخله .🌼 وشخص تعب من التضحية .. دون نتائج .🌼 وشخص يبكي كل يوم على أشخاص رحلوا من الدنيا .🌼 وشخص يعاني من الغربة حتى وهو بين أهله وعشيرته .🌼 وأشخاص يقرأون هذا الكلام ليجدوا أنفسهم .. في بعض السطور .🌼 هي الدنيا .. ولهذا سميت دنيا .🌼 فقط خذ نفسا عميقا وقل 🌼" الحمد لله "🌼 فالقادم أفضل بإذن الله .🌼 لاتصدق بأن أحدا لا ينقصه شيء .. تأكد بأن الحياة تأخذ من الجميع .🌼 لا سعيد إلا من أسعده الله..🌼 فالله هو الذي أضحك وأبكى 🌻 وهو الذي أسعد وأشقى 🌻 وهو الذي أغنى وأقنى .🌻 لا سعيد إلا من أسعده الله..🌻 فالسعادة : ليست بالزواج.. ولا بالأولاد... ولا بالأصدقاء..ولا بالسفر. ولا بالشهادات ولا بالماركات... ولا بالمناصب..وﻻ بالرفاهية.. ولا بالبيوت.. .🌸 السعادة : كل السعادة في إتصالك بالله.🌼 درب نفسك على كثرة طرقِ باب الله🌼 حتى يبقى الحبل ممدودا بينك وبين الله 🌼 هذه هي السعادة الحقيقية 👌❤ أسعد الله اوقاتكم 😊🙋👇👇👇💖 لايك واشتراك في قناتي 🌼🌼🌻🌻🌻❤️❤️ "سلام"💖

[@موموزوزو-ه6ز]

نعيشة في اروبا مليحة بصح كي تتزوج مع بنت بلادك مشي القاورية الي متفق معايا يديرلي جام

[@موموزوزو-ه6ز]

@@AbdouAbdou-em5vv مش كيما بنت بلادك

[@AbdouAbdou-em5vv]

والله نفس التخمام خويا رائد انا علقت التعليق الاول قبل مانكمل لفيديو 😂😂

[@AbdouAbdou-em5vv]

علاه القاورية تساعدك على الجنسية و الاوراق و في المهجر الهدف الاول الاوراق يا حبيبي

[@AbdouAbdou-em5vv]

@@موموزوزو-ه6ز متعرف دير والو بنت بلادي و ماتعاونكش في الحياة الاغلبية اكرمك الله تصلح للانجاب برك و هذي موجودة حتى في الحيوان 😁

[@user-yasolili]

@@AbdouAbdou-em5vv هديك دير بيها لورق وطلق مديرش معاها لولاد نصيحة وادا بنت لبلاد لتبني حياتك لتم معاها ولادك ضامنلهم دين جيهة الام

[@alihasnaoui6182]

العقلية انتاع بكري الحرمة فالبلاد انتاع الزوجة الجزائرية راحة اليوم رهي اكثر من اوروب لا حرمة ولا هم يحزنون

[@Abdo-uh9ys]

نتفرج فيك وعندي يقين انك راح تهدر الصح

[@atsamh7100]

حتى كون تلقى خدمة لمخيير فينا يخلص 1500 في نهار

[@hachamhacham5462]

اكبر حرقة في قلبي هي البعد عن اهلك

[@adelbeninel7704]

فالجزاءر الخبز والماء والراس فالسما وفي اوروبا راك عارف العبوديه والعنصريه

[@prada615]

وش من جزائر تحكي عليها 😂😂

[@hana5296]

الحاجة الوحيدة اللي تخص في الغربة هي اهلك و كي تكون في الغربة عن تجربة مني 19 سنة في كندا ما يخصني غير اهلي و مع الوقت واحد بوالف و الحاجة الكبيره اللي تبدلت في حياتي هي التقرب لله و خطينا البوليتيك و القيل و القال تقول واحد يرجع يشوف هاذو الصوالح تفاهات يرجع لاهي غير في روحو و ترجع تحس بأهلك كثر و هنا بلاد القانون الحاجة اللي ماكاش في البلاد ما كان لا معريفة لا رشوة لا يديك لا يجيبك الغربة تقوي بنادم

[@yayazakazik6189]

معليش ختي نسقسيك انا دايرة جلباب بدون نقاب عندهم هادا مشكل تما ولا عادي كل واحد باهي فروحه

[@brahimbob8029]

خسرتي يلا بعتي علي ربي

[@لاالهالاالله-ث1ش2د]

Pareil pr moi m1is j'ai décidé de rentrer

[@لاالهالاالله-ث1ش2د]

​@@yayazakazik6189في قانون مسموح نضرة شعب لا

[@guzelangelique7210]

كل واحد سافر واحرق لوكان تقولو ارجع لبلادك مستحيل راح يرجع اذن أكيد العيش في اوروبا افضل

[@FansAbouTalal]

مكانش كلمة قلتها ماشي صحيحة كلشي صح برك الله فيك خويا رائد

[@nasimdz5571]

قريب راح ترجع يارياض للدزاير أوروبا غير آمنة مستهدفة بصواريخ نووية

[@bilaldahi268]

بالبساطة توصل لميساج ربي يحفظك خويا رائد و ربي يجيب الخير و تحية ليك و ناس الغربة و ربي يستركم ❤❤

[@poka_mt2290]

رياض خويا واش رايك فمثل لي يقول الغربة مبقاش غربة ولات شربة احبك في الله خويا لكبير 🤍🤍🤍