إلغاء الوظائف الحكومية واستبدالها بالذكاء الاصطناعى

الفترة اللى فاتت وكالة ناسا أطلقت تليسكوب فضائي اسمه جيمس ويب.. مش ده المهم سيدى المواطن.. ألف مبروك وكل حاجه لكن مش ده المهم.. اللى لازم تعرفه النهاردة ان وكالة ناسا بعد نجاح التليسكوب فى مهمته طلعت وقالت بصوا يا جماعه.. احنا مش هنحتاج رواد فضاء بعد كده..
ناسا.. بسهوله كده.. بتقولى حبى ماضى عدا ونستيه؟.. طب وقلبى لو سألنى في يوم عليكى هقوله ايه؟.. قالت والله احنا فوجئنا بإن التليسكوبات والذكاء الاصطناعى تكلفتهم أرخص ونتيجتهم أفضل من رواد الفضاء.. وهديلك مثال..
احنا علشان نبعت رائد فضاء للقمر ولا المريخ.. محتاجين نوفر له مركبة فضاء توفر له الأمان اللازم خلال عملية الهبوط على المريخ.. وعلشان ترجعه تانى لكوكب الأرض.. مركبة الفضاء دى محتاجه كميات كبيرة من الأكسجين تكفى رواد الفضاء خلال فترة رحلتهم سواء الذهاب أو العودة.. ودى رحلات ممكن تستمر لمدة سنة كاملة.. محتاجين نوفر لهم فيها أكل وشرب.. الأكل والشرب دول بيتم تحضيرهم بطرق معينه تضمن صلاحيتهم فى الفضاء.. محتاجين نوفر لهم وسائل للتدفئة والتبريد.. محتاجين نوفر لهم أنظمة لمعالجة النفايات.. محتاجين نوفر لهم أجهزة لتوليد الطاقة.. الأهم من كل اللى فات محتاجين نوفر لهم أجهزة تحميهم من أى إشعاع ممكن يتعرضوله فى الفضاء..
محتاجين نوفر لهم أجهزة يتمرنوا عليها علشان أجسامهم متتأذيش من قلة الحركة الطبيعة اللى بيفتقدوها على كوكب الأرض.. محتاجين نوفر لهم بدل فضاء وأجهزة طبية لعلاجهم لو تعبوا.. كل ده وأكتر محتاجين نوفره لأى رائد فضاء هنبعته لأى كوكب.. في حين ان الروبوتات.. أو مركبات الفضاء غير المأهولة بالبشر.. أو التليسكوبات.. مبتحتاجش أى حاجه من الحاجات دى.. التليسكوب لا بيحتاج ياكل ولا يشرب ولا بيلبس بدلة فضاء ولا بيتنفس اكسجين ولا بيخاف من اشعاع.. والأهم من كده انه بيقدر يعمل اللى رائد الفضاء نفسه مبيقدرش يعمله..
حد من حضراتكم يقول لكن متنساش ان تليسكوب جيمس ويب اللى فرحانين بيه ده.. واللى هيغنيهم عن رواد الفضاء.. كلفهم 10 مليار دولار.. 9.7 مليار دولار بالظبط.. يعنى مكلف جدا.. دى ميزانيات دول كاملة.. أقولك انت صح.. لكن سيدى المواطن الـ 10 مليار دولار ولا حاجه جنب برنامج أرتيمس اللى بيتم تصميمه لنقل رواد الفضاء.. اتكلف كام البرنامج ده؟.. اتكلف 93 مليار دولار.. انت كنت مستكتر 10 مليار دولار على تليسكوب جيمس ويب.. برنامج أرتيمس متكلف 93 مليار دولار.. وممكن يقفل الـ 100 مليار على ما يخلص.. بالمناسبة المفروض يخلص سنة 2025..
أول 4 رحلات بس من برنامج أرتيمس لنقل رواد الفضاء.. أول 4 رحلات بس.. هتتكلف 4 مليار دولار.. فى حين ان تليسكوب جيمس ويب اللى خلاص تم اطلاقه.. بيتكلف سنويا كنفقات تشغيل 175 مليون دولار بس..
وسيدى المواطن كل اللى فات ده مش مهم.. خد التقيلة.. على مدار الـ 50 سنة اللى فاتو.. أمريكا أطلقت برنامج فضاء اسمه أبولو.. البرنامج ده عبارة عن رحلات لرواد الفضاء للقمر.. قدر رواد الفضاء خلال برنامج أبولو بالكامل.. انهم يجمعوا 2000 عينة من الصخور والمواد الموجودة على القمر علشان يتم تحليلها على الأرض.. الـ 2000 عينه دول تم جمعهم من 6 مواقع مختلفة على القمر.. دى المواقع اللى قدر رواد الفضاء انهم يوصلولها.. وكانت المدة الزمنية المتاحة لرواد الفضاء علشان يجمعوا المواد دى 80 ساعة بس.. برنامج أبولو هيمنحك فرصة مدتها 80 ساعة علشان تجمع اللى تقدر عليه من القمر.. منقدرش نوفرلك وقت وتجهيزات أكتر من كده.. فى حين سيدى المواطن.. وخد المفاجأة دى.. مركبة زى Perseverance اللى أطلقتها ناسا.. هتجمع مواد من القمر لمدة تتجاوز شهور.. ومن 12 موقع مختلف على القمر.. مش 6 مواقع زى رواد الفضاء.. ده غير انها هتجمع المواد دى فى تواريخ جيولوجية وجوية مختلفة.. الأهم انها مش هتحتاج لكل التجهيزات اللى بيحتاجها رواد الفضاء.. زى الاكسجين والأكل والشرب وتدوير النفايات والبدل الواقية من الاشعاع وغيرها من التجهيزات اللى حكيناها من شوية..
اللى زغلل عيون وكالة ناسا اكتر من المواد اللى بيتم جمعها من القمر.. هو ان تكلفة اطلاق وتشغيل المركبات اللى ذكرناها دى مكملش 2 ونص مليار دولار.. تقولى 2 ونص مليار دولار يا أبوحميد.. كل دى فلوس علشان أشغل جهازين على القمر.. أقولك سيدى المواطن اهدأ.. انت عارف برنامج زى برنامج أبولو اللى كلمتك عنه ممكن يتكلف كام بحسابات الأيام دى؟.. لأ قول انت كام؟.. 250 مليار دولار.. ووفقا لناسا.. قد تصل ميزانية المشروع لتريليون دولار.. ألف مليار دولار سيدى المواطن علشان تطلع رواد فضاء فى برنامج فضائي زى برنامج أبولو.. انت متخيل فرق التكلفة.. انت متخيل ناسا بتوفر كام لما تقعد رائد الفضاء وتطلع بداله مركبة فضائية؟.. مئات المليارات من الدولارات.. والناس دى بتعشق الفلوس سيدى المواطن.. واللى أهم من الفلوس تأمين حياة الناس..
لحد النهاردة محدش قادر ينسى حادثة مكوك تشالينجر.. اللى انفجر بعد 73 ثانية بس من اطلاقه يوم 28 يناير سنة 1986.. المكوك بعد ما أطلقوه فضل طاير لمدة 73 ثانية وهوووب.. انفجر.. ومات كل رواد الفضاء اللى جواه.. واللى كان عددهم 7 رواد فضاء.. منظر مهيب وكارثة توجع.. لكن على العكس تماما مع المركبات الفضائية.. فمثلا كوكب المريخ اتبعت له أكتر من 50 مركبة فضائية بيتم التحكم فيها عن بعد.. شوية منهم اشتغلوا كويس ونفذوا مهماتهم.. وشوية منهم باظو وفشلوا فى تنفيذ مهماتهم.. لكن فشل الآلات مبيوجعش.. هتبعت واحده غيرها والموضوع انتهى.. انما ان رائد فضاء يموت.. دى حاجه صعبه محدش يتحملها..
من المصادر
bit.ly/3zmUqON
bit.ly/3vQP6mb
on.wsj.com/3QagPFM
on.wsj.com/3ONsRnu
#المواطن_سعيد #إلغاء_الوظائف_الحكومية

[@moro703]

ياريت يا استاذ سعيد تزود حلقاتك الاسبوعية اكتر من كده وتتكلم بتفاصيل اكتر شوية وتتكلم عن مواضيع اكتر ..رغم اني عارف ان التحضير ده بياخد منك مجهود كبير بس حضرتك بتعرف توصل المعلومات بطريقة قعالة وهادفة

[@ahmedmedo1527]

وربنا قولتله بدل المرة ٢و٣ ولا حتى رد عليا أو اداني رد

[@user-gm2wv1jz3t]

معاك حق والله

[@moro703]

@@ahmedmedo1527 خلي بالك تحضيره للحلقات صعب وبياخد مجهود كبير منه وبيذاكر في مصادر كتير وبيتاكد من اي معلومة وبيحضر للحلقة نفسها ف طبيعي الحلقات تتأخر الله يعينه

[@3zooz358]

ان شاء الله اذا اخذ له روبوت بيلبي طلبك 😂😂😂😂

[@ibrahim-su7mo]

اه يريت

[@mahmoudbakry2435]

مهما دورت على اكتر واحد محترم ويقول اخبار حقيقية مش هتلاقي غير حضرتك يا استاذ سعيد, ،👍👍

[@user-yw4be4xc5y]

باقي احمد بحيري شوفة بايعجبك

[@pumpkinduke9616]

@@user-yw4be4xc5y احمد البحيري اخر كلامه عن كريم السيد لم يعجبني الحقيقة، لأنه دخل فى شخص الرجل وكان يمجد فى دول الغرب و يهين بلده، لا اعلم ولكنه تغير

[@user-yw4be4xc5y]

ضروري تشوف الفيديوهات حقة ومن كريم السيد

[@pumpkinduke9616]

@@user-yw4be4xc5y كلامك غير مفهوم و أيضاً انا أوضحت انى كنت اتابعه ولكن الآن لا

[@ahmedmano5297]

انا بستني الحلقه بفارغ الصبر وبسمها بدقه عاليه علشاااان فعلا تستاهل تحيه ليك من ايطاليا يااستاذ احمد 🇮🇹♥️وديما في تقدم ونجااااح معااااك للمليوووون 💪🏽

[@mohamed_790.x]

انا في انتظار حضرتك يا استاذ سعيد للوعي الثقافي الله يوفقك ويفرح قلبك ✌️🇪🇬✌️

[@user-qc5qz5jj9q]

إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا (56) اللهم صل وسلم وبارك على سيدنا محمد وعلى اله وصحبه اجمعين

[@roma8595]

اللى يشتغل بدراعه ياكل عيش و اللى يشتغل بدماغه يشترى الفرن .. كلام من دهب 👌🏿

[@saeedshibani]

موضوع رائع جدا يا استاذ احمد سعيد تحياتي لك من اليمن 🇾🇪🇾🇪

[@FORSAN.]

بالله لتزود الحلقات اكتر حلقتين بالأسبوع انت افضل شخص فى العالم العربى مقدم محتوى ربنا يبارك فيك

[@waleedsayed3279]

من افضل ما شفت علي يوتيوب هو المواطن سعيد كل حلقاتك شفتها كم انت مبدع والله ولازم توصل للمليون لانك مبدع

[@hassanbouir7360]

هناك مشكلة واحدة في الذكاء الاصطناعي وهي إمكانية اختراق الأنظمة و السيطرة على الآليات من طرف الأعداء.

[@importantnews7403]

شكلك بتشوف افلام اجنبي كتير 😂😂😄

[@fareswalid4330]

@@importantnews7403 طب ما هو يمكن يبقي عندوا حق زي ما الافلام قالت في ذكاء اصطناعي هيسيطر علي كل حاجة و طلع صح اش معني الاختراق مش داخل دماغك؟

[@pumpkinduke9616]

@@importantnews7403 لا هذه حقيقة ياخى فإذا تم اختراق الروبوت لربما يتحول الى عدو وهناك أمر آخر وهو الأسلحة الكهرومغناطيسية فهى تعطل عمل هذه الروبوتات فهى مفيدة ولكنها ليست بهذه القوة فهناك أساليب كثيرة للحد من قدرتها

[@karm8030]

على فكرة انت فظيع في سرد القصص واحسن حاجه فيك المصدر علشان اهم حاجة المصدر بس لو اتكلمت على السيره الذاتية لااهم الشخصية في كل المجالات لتوعيت الشباب وقصص كفاح جميع المسلمين والمسلمات لااخذ العبره منهم ولك جزيل الشكر الموطن سعيد وحد بس بالتوفيق ان شاء وربنا معاك يا حبيبي👍💞

[@user-qc5qz5jj9q]

: وَلَوِ ٱتَّبَعَ ٱلْحَقُّ أَهْوَآءَهُمْ لَفَسَدَتِ ٱلسَّمَٰوَٰتُ وَٱلْأَرْضُ وَمَن فِيهِنَّ ۚ بَلْ أَتَيْنَٰهُم بِذِكْرِهِمْ فَهُمْ عَن ذِكْرِهِم مُّعْرِضُونَ

[@ahmed_mohammed_1]

7:46 تكنولوجيا زي دي مستحيل الجيش الامريكي يبعهالنا وفرضا انه بعهالنا "طبعا باغلى سعر" لو حصل حرب بينا وبين اسرائيل امريكا كفيله انها تخلي الاسلحه دي تضرب فينا بدل ما تضرب في العدو ودا يوضع اد ايه اهمية تصنيع السلاح فضلا عن تربية الجمبري

[@ahmedmedo1527]

انت رائع جدا جدا جدا كالعادة تسلم ايدك يا مواطن سعيد ♥️♥️♥️♥️

[@karimelmasry4055]

الإبداع والتشويق دايما مع المواطن سعيد تحياتي لحضرتك أستاذ أحمد ولفريق العمل اللي معاك بجد حلقة روعة احسنت

[@user-xl6sz6fb3l]

سلسلة حلقات عن الأنبياء والمرسلين كانت جميله جدا

[@user-vh8dm1lw4r]

حلقة فو ق الممتازة ...شكرا لك على مجهودك المتميز ديما ..مم من مواطن مصرى بدولة الكويت الحبيبة

[@abdullahmostafa6181]

شكرا جدااا ا سعيد علي الحلقه الجميلة دي وعلي شرحك الجميل كل الشكر والتقدير والاحترام لحضرتك وياريت متتاخرش علينا

[@ahmedwaleed9391]

الحمد لله عايش في مصر لسه عشرين سنه علي منوصل للتقدم ده اكون اشتغلت و طلعت معاش كمان

[@topblack2179]

اشكر حضرتك على فيديوهاتك الرائعة والمفيدة

[@user-re7yc2ib6o]

ما شاء الله سهوله في العرض تبسيط المعلومات أحسنت وبالتوفيق

[@medhatmamdouh2469]

ياريت تزود عدد الحلقات بتعتك شخصيه محترمه ومحتواك وطريقه كلامك جميله استمر يا بطل

[@user-si5vt7er5d]

والله انت من احلي الناس اللي بقدم محتوي استمر

[@adhemmax9192]

لايك من قبل ماشغل الحلقة❤️

[@yasserothman7973]

طريقه الالقاء مشوقه ومتقنه جدا اسلوب شيق وممتع انا باسمع حلقاتك من لندن لو سمحت زود شويه الحلقات. شكرا جزيلا لك

[@user-ql8wt8wh3j]

شكرا جزيلا لحضرتك أستاذ أحمد كل فديوهاتك رائعة أنت مبدع جدا ممكن المزيد من المقاطع الجميلةعن الجواسيس

[@Ahmed_Said]

تفتكر ايه أول وظيفة ممكن تتلغى ؟

[@Omer1996E.C]

يارب كل القطاع الحكومي وتتم خصخصتها

[@Amr-iq6fv]

المحاسبة

[@Omer1996E.C]

@@2189username من القطاع الخاص. الشغل رح يبقى موجود لكن بيكون خاص. والتعليم استثناء وحيد

[@fahdelbheiry5164]

انا كنت عايش بالامارات واظن اول وظيفه هى وظيفه السائق لأنهم ابتدوا بالفعل تجربه العربيات ذاتيه القياده

[@Omer1996E.C]

@@2189username انت لو بالقليل مش طالب اقتصاد او التاريخ الحديث، ما رح تعرف ليش القطاع الخاص احسن للدولة من الحكومية

[@joo-vl2hx8cw1cjoo]

ياريت يااستاذ سعيد تزود الحلقات لأننا بنستنا حلقاتك ع طول

[@mostafasaad6269]

برافو عليك استمر يا مبدع الجيل .. متابعك من دبي

[@ebrahimaaa2565]

العبد الموحد بالله ورسوله مهما كان فهو في نعمه من نعم الله ان المؤمن للمؤمن او المسلم للمسلم كالبنيان الواحد يشد بعضها البعض لمه وانت ان كان لي مظلمه وانت في محنه وانت موحد بالله ورسوله فان الله يحب المحسنين

[@nasrboerkeb1982]

حلقة مثيرة جدا و رائعة شكر جزيلا على المجهود العظيم في كل الحلقات من تونس الخضراء احلى تحيا

[@6ma6emo]

بغض النظر ان مفيش فلوس للفرن الحلقة تحفة

[@AliAdnan-mu9cr]

يا اخي ارجع سوي حلقات مطولة عن الجواسيس ابان الحرب العالمية او عن المخابرات المصرية

[@mohsenabougaafer9886]

حلقة عظيمة 👌👌

[@user-ij3dq8zz3h]

بتمنى انك في الحلقة الجايه تتكلم لنا عن تايوان و الصين يا استاذ 🙏❤️❤️❤️

[@hamadasoltan706]

فعلا أصبحت فيديوهاتك بالنسبه لي حاجه مهمه جدا فرجاء ذود من مدة الفيديو او تكثر من الفيديوهات

[@osamhbinobeadalla185]

نبغى حلقة على دولة الجنوب العربي .. الذي اخرج الاحتلال البريطاني في علم 1967 و هل لهذه الدولة دور في حرب اكتوبر .. كونها حليف للاتحاد السوفيتي كما كانت مصر حليف للاتحاد السوفيتي . أسامة أحمد .. من دولة الجنوب العربي ( جنوب اليمن ) 😘

[@abdelgadirmahmoud5502]

متابعك من فتره وب امانه كل مره بثبت لي انه لة يأس مع الحياه ولا حياه مع اليأس ..مبدع يا سعيد استمر ورجاء ارجع كلمنا أيضا عن الصحابه زي ما اتكلمت عن سيدنا عثمان بن عفان رضي الله عنه..مبددددددع يا المواطن سعيد

[@chentoufizakariya5227]

لك الف تحية واحترام وتقدير من المغرب شكرا لك اخي على معلوماتك القيمة

[@gergesadel3334]

ياريت حلقات حضرتك تطول في الوقت شويه اسلوب وتحليل حضرتك فوق الممتاز

[@Ahmed_Said]

kzbin.info/www/bejne/ZoSsXnZ6h5usl6c 🌷❤️

[@nadakhaled9811]

أنا بقيت بعمل اللايك قبل ما أشوف الحلقة والله ❤️

[@abdullahkhattab5321]

الحلقة دي انا سمعتها قبل كده بكل تفاصيلها من برنامج الدكتور محمد الجندي خبير الامن المعلوماني على قناة القاهرة والناس اللي اسمه techtalk

[@Ask.and.answer.]

حلقاتك كلها روعه استمر ❤❤❤❤❤❤❤❤

[@aymansaied780]

ياعم سعيد انا بكره الوظائف وبحاول بقالى سنين اعمل مشروعى ومش قادر مشروع من الرمال البيضاء الى مليانه فى مصر ومش لاقى ثمن الفرن ومفيش بنك راضى يدينى القرض عشان معنديش ارض بالله عليكم ساعدونى اشترى الفرن . مش قادر اشترى الفرن . انت جيت عالجرح حاول تشترى الفرن❤🌹🥰

[@user-hx4xv7sh1g]

جبت الخلاصة ده الى نفسي اسمعه من زمان علشان اتأكد انى ماشى صح ههههههه عاش ياغالى

[@sad018]

جزاك الله كل خير

[@user-lm2ud6bi4o]

ثاني ❤️ احلى اشعار

[@naglaazekry6983]

أحسنت النشر والشرح والقول والتحليل أستاذ سعيد شكرا لحضرتك

[@abdotamamm6386]

عظيمه الحلقه دي ❤️🫶🏻

[@MjrmKora]

فتحنا قناة للمعلومات هتلاقى هنا رد للاسئله الى ملهاش اجابة ياريت تنورنا بحضورك وبرايك بالتعليقات ❤👍

[@user-jb6ev6ed8q]

الله يبارك فيك يا دكتور

[@holsteinsa]

شكرا على المحتوى الجميل

[@starstar1623]

تسلم على المجهود

[@user-rr6jc5sr8s]

يا ريت يا استاذ احمد تزود الحلقات خلال الأسبوع

[@General_mostafa]

السلام عليكم يا احمد بيه محتاجين حلقات عن حروب الجواسيس المصرية والأجنبية 🇪🇬❤

[@ahmedsayed6810]

أنا بحيك والله على مجهودك ومحتواك المتنوع و أتمنى لك النجاح الدائم

[@aymansayed511]

الله يفتح عليك

[@user-tq6gi6wr7u]

أفضل الأعمال الصلاة على محمد وآل محمد الطيبين الطاهرين وعجل الله فرجهم ياكريم .

[@fawazmohammed5644]

استاذ سعيد شرح حضرتك وكلامك فوق الممتاز وعين العقل ولكن في ظل هاذهي الظروف يتم اختيال المبرمجين والمتفوقين من علماء المسلمين والعرب لكي لا يتفوقون عليهم ولكي لا يكون للمسلمين فرصة في التطورات المستقبلية

[@MostafaMohamed-um9is]

ربنا يحفظك ويبارك فيك يامصر

[@user-ro1jq7le2g]

اول ❤

[@emaderaky9660]

الله ينور يا زعيم

[@user-jy2ke7zq6c]

هحاول حاضر

[@S-le9lx]

دائماً مميز الله يوفقك🤍

[@abdullahal-jutaily4417]

ذكرتني بحلقة ميتال هيد من مسلسل بلاك ميرور.

[@ahmed_yosuf]

اشكرك على هذا الطرح الاحترافي والمحتوى المتميز بل المتفوق اخي سعيد 💐 .. وهو ما عوتمونا عليه فيما تطرحونه من محتوى هادف متميز يسهم بشكل احترافي في نشر الوعي ودعم وتطوير مستوى الوعي لدى الشباب العربي .. لكم مني اطيب تحية 💐 .. The Advanced Battles Management System .. The War Systems which apply Self-operated "C3 System" & Armed Attacks/invasions for limited zones/missions .. It indicates the unlimited hesteric continuous progression & development of Artificial Intelligence Applications Race ..

[@_Mohamed.Salama_]

اعمل حلقة عن الحرب الباردة بالتفصيل

[@AbdoAbdo-vu8fl]

كل التكنولوجية حلوة وبتساعدنا ولكن باتسر فى صحتنا

[@nasrart9651]

الحمدلله ربنا يرحمنا منهم

[@ritabakle6180]

شخصية جميلة ربنا يبارك حياتك

[@ahmedtarik1189]

ياريت يا استاذ احمد تتكلم عن مذبحة بورسعيد وهل الاولتراس ظالمين او مظلومين ❤

[@user-qn4om6qw8e]

تحياتى لحضرتك واتمنى اشوف حلقات عن فترة الحرب الباردة.. حلقات مش حلقة واحدة اتفقنا؟

[@hamadathrawat1996]

انا بحبك جدا وبحب اتفرج علي حلقاتك جدا

[@V_tube_932]

ربنا يرزقك شخص محترم 🖤

[@MjrmKora]

فتحنا قناة للمعلومات هتلاقى هنا رد للاسئله الى ملهاش اجابة ياريت تنورنا بحضورك وبرايك بالتعليقات ❤👍

[@has1622]

انت انسان مبدع جدا في سرد قصص الجواسيس ووكالات الاستخبارات العالميه لكن اذا طلعت خارج المسار هذا للاسف مستوى الحلقه ينزل جدا وتصير غير مفيده .. اتمنى العوده للمواضيع السابقه

[@rain20101]

حلقة عن اقتصاد مصر ومستقبل AI في مصر

[@ahmedhamed7295]

أحمد ممكن تعمل حلقة عن اللواء عمر سليمان 🦅

[@Waleedmilek]

تسلم ايدك عاوزين حلقة على الفلل اللي تمنها وصل ١٠٥ مليون جنيه على الساحل الشمالي

[@user-jh2ri8rw2b]

لو البشر حصل لهم عمليه اباده هيبقى اختراعاتهم دي هي السبب الذكاء الاصطناعي لو عمل زي الافلام وسيطر على الالات هيبقى دي نهايه العالم فعلا انا مش مع التكنولوجيا دي خطر على البشريه

[@yaserroshdy2240]

احنا موافقين نشترى الفرن عاوزين بقى الدوله تساعد الشباب فى زراعه الوادى الجديد اى ارض تصلح للزراعه

[@user-alred.kh8_khalaf_gaper]

حلقه جميله

[@user-xl6sz6fb3l]

يريد حلقه عن سلسلة عن الأنبياء

[@kingbero7484]

الحلقة دي هي اول حلقة تعملها ومش تعجبني يا استاذ، انا بحبك جدا لدرجة انب لما ببقي عندي وقت بدخل اشوف الحلقات القديمة، ارجوك بلاش فضاء وقمر وناسا علشان كلمهم كله هبد في هبد، وارجع تاني انا بحبك في الله، و يشرفني اني معاك من قبل50 اللف مشترك

[@user-qc5qz5jj9q]

اللهم عليك بالصهاينه المخرومين رعاه الفصل العنصري والاجتماعي والثقافي و أنصر إخواننا في فلسطين و رد لهم أرضهم ووطنهم 🇵🇸🇵🇸🇵🇸

[@shehabqorany8947]

فيناك من زمان عوقت الحلقة دي اوووي

[@MrFALCON4ever]

بلتوفيق و النجاح

[@user-ur6qb6oe1t]

لا إله إلا الله وحده لا شريك له له الملك وله الحمد وهو على كل شيء قدير 🌱💙

[@Kommondan]

نسألك يا الله بأسمك الأعظم الذي إذا دعيت به أجبت وإذا سألت به أعطيت 🤲🏻 ان تنصر الاسلام و تعز المسلمين و توحد كلمتنا و صفنا و تنشر الموده و الرحمة بيننا و ان تنفع بنا الإسلام والمسلمين 🤲🏻❤️ اللهم قنا عذاب النار و حرها و ارزقنا الفردوس الاعلى من دون حساب ولا سابقة عذاب 🤲🏻❤️ اللهم قنا عذاب القبر و ظلمته و وحشته 🤲🏻❤️ اللهم ولي امورنا خيارنا و لا تولي امورنا شرارنا و اهدنا و اهدي حكامنا الي ما تحب و ترضي 🤲🏻❤️ اللهم فرحنا بنا قلب نبينا و اسقنا من يديه الشريفة شربه هنيئة لا نظمأ بعدها أبدًا و ارزقنا مجاورته في الجنه 🤲🏻❤️ اللهم أرزقنا أعلي درجات الشهاده في سبيلك عند الموت 🤲🏻❤️ اللهم أنتقم من الصهاينة و الماسونيين و ثبتنا أقدامنا يوم نلقي بنو اسرائيل و أنصرنا عليهم 🤲🏻❤️ قول أمين لعلها تكون ساعة إجابة و انسخها و اجعلها صدقة جارية لك 🙂

[@khaledmo6754]

يا ليت تتكلم عن الصين وتايوان

[@user-wv8go3gz8q]

عايزين حلقه عن إمكانيات الجيش الروسي والصينى مقارنتا بالحلقه دى

[@mostafaelsayad7247]

اعمل حلقه عن امريكا والصين وتايوان

[@mostafadida4693]

بعد اذنك عوزين حلقة عن نانسى بيلوسى و سفرها لتايوان رغم تهديد الصين

[@ahmtkhder3208]

بعد اذن حضرتك ممكن تشرح معركه الجزيرة الخضراء

[@user-yw4be4xc5y]

عنوان الفيديو خلاني فكرة انك باتتكلم عن حال الموضفين في مصر

[@nasrart9651]

بصراحة ياريت

[@user-hc8yv9vu7y]

انت راجل محترم

[@mohameddida8074]

ياريت تتكلم عن حروب المسلمين و الفينج و الحروب القديمه ديه

[@AliAhmed-xh3ko]

اللهم صل وسلم وبارك علي سيدنا محمد و علي اله وصحبه وسلم تسليما كثيرا ❤️❤️❤️❤️❤️

[@levirichter-7670]

الحمد لله ، أنا وأعوز بالله من كلمة أنا من الناس اللى مش بس بيحاولوا يشتروا الفرن ، لأ ، أنا إشتريت الفرن خلاص. أنا مبرمج.

[@mohamedosman2778]

فشيخ

[@mohammedmostafa1668]

سبحان الله وبحمده سبحان الله العظيم القادر على كل شئ وهو السميع العليم الحكيم