Рет қаралды 136
3. unitatean identitatea, kultura, identitate kulturala, kulturaniztasuna eta kulturartekotasunaren kontzeptuak taldeka ezagutu eta, hausnartu ondoren, gelaka definitu eta beraien kontzientzia hartu dugu: bai gure izatean, bai ingurunean, baita arte adierazpenean ere. Ondoren, gela bakoitzak guztia artistikoki zer elementu sinbolikoaren bitartez adieraziko dugun erabaki du.
Horrela, gela batean eguzki lorearen sinboloa hautatu dugu honoko mezu hau adieraziz: “Desberdinak gara, baina kulturak (erroak) elkartzen gaituen lore aberasgarria gara”.
Beste gela batean, ur tantaren sinboloa adostu dugu: “Bizitza ur zaparrada da eta ur tanta guztiek ematen digute aukera itsaso zabal bakarra osatzeko”.
Beste batean, jasotako guztia pinpilipauxaren irudiarekin adierazi nahi izan dugu: “Pinpilipauxak lorez lore, aske, ibiltzen dira, eta hegan eginez edertasuna osatu eta zabaltzen dute”.
Eta azkenekoz, beste gela batean, puzzlearen sinboloa aukeratu dugu: “Gizartearen puzzleko irudi osoa lortzeko pieza bakoitzak duen balioaz (identitatea, kultura ezaugarriak…) jabetzea ezinbestekoa da”.