الهجرة الى ألمانيا و لا أستراليا | مين أسهل فى الهجرة و المزايا و العيوب Germany Vs Australia
Рет қаралды 9,240
9 ай бұрынفيديوهات المقارنات بين استراليا و كندا، امريكا، نيوزيلاندا، المانيا و انجلترا و سيدنى و ملبورن
• فيديوهات المقارنات بين...
دلوقتى ممكن لو حابب ترفع مستوى دعمك للقناه و تبقى عضو و من الرعاه بتوع القناة بدل ما تبقى مشترك عادى، تقدر دلوقتى تدفع إشتراك شهرى بسيط (إختياري) في القناه على شان يدعم المحتوى إلي أنا بقدمه و يساعد في إستمرار القناه عن طريق اللينك الى تحت ده 👇... الإشتراك ده تبرع إختياري تماماً و لو لم تشترك مفيش حاجة هتتأثر وهتفضل تشوف فيديوهاتنا عادي، وتقدر تدعمنا بالمشاهدة واللايك والشير والتعليق على الفيديوهات وكلها حاجات بنقدرها جدا وبنشكرك عليها.. بس لو اشتركت هتبقي شريك لينا في النجاح😊..
/ @mohamedkamalaustralia
تابعونى على فيسبوك و انستاجرام
- Instagram : / mohamed.kamal360
- Official Facebook Page : / mohamedkamalaustralia
- Official Facebook Group: / 505851570054556
- Twitter: / mohamed__kamal
- Tiktok: / mohamedkamalaustralia
- Patreon Support : / mohamedkamal1
👈🏻 سنتر لكورسات التدريب على امتحان الانجليزى ال-PTE و إمتحان الترجمة ال-NAATI CCL
▪︎WhatsApp: (+61 403 195 870)
wa.me/61403195870
▪️Facebook Page:
/ pteandcclcenter
▪️Website:
pteandcclcenter.com/
👈🏻 وكيل هجرة معتمد فى استراليا تعاملت معاه شخصيا (وكيل الهجرة مصرى و التعامل معاه بالعربى) - متخصص فى فيز الهجرة المختلفة 👈🏻
migrationadvisor.com.au/gsm-k
👈🏻 وكيل هجرة فى استراليا متخصص فى فيزا الدراسة👈🏻
migrationadvisor.com.au/study-k
👈🏻 وكيل هجرة متخصص فى فيزا الزواج أو الخطوبه
migrationadvisor.com.au/family-k
👈🏻 السنتر لمعادلة صيدلة - تعاملت معاه شخصيا و عديت الامتحان من اول مرة👈🏻
docs.google.com/forms/d/e/1FA...
👈🏻 للتواصل مع سنتر متخصص فى معادلة المهندسين في أستراليا👈🏻
ممكن تملى الفورم ده و هما حيتواصلوا معاك
forms.gle/sKpduGAenGQGtH8B7
او تتواصل معاهم على صفحتهم على الفيسبوك
/ professionalcdr
المانيا مفيهاش برنامج مباشر للهجرة بالنقاط زى استراليا
بتيجى على شغل او على دراسة
الجنسية:
استراليا اسرع بتاخدها بعد ٤ سنين لكن المانيا ٦ او ٧ سنين على الاقل و بيبقى ليها بعض الشروط زى انك تكون اشتغلت فترة معينة او دخلك معين لكن فى استراليا مفيش شروط
المسافة
استراليا بعيدة ... مدة الطيران و الفلوس... خصوصا لو معاك اسرة حتبقى تكلفة كبيرة
المانيا فيها بيروقراطية و نظام شديد و ده بيصعب الموضوع شوية و بيزود الstress و الcompetition
و حتى فى الاطفال فى المدارس
استراليا laid back اكتر و المنافسة اقل فده حيخليك تعيش لايف ستايل مريح شوية
استراليا بلد مهجر فمش حتحتس فيها انك غريب و حتلاقى مهاجرين كتير زى ما حيحصل فى المانيا لأن الاغلبية من اهل البلد و دول ممكن ينظروا للمهاجرين بطريقة مش حلوة... طبعا العنصرية موجودة فى كل حتة فى الدنيا لكن احتمال انك تتعرض للعنصرية فى استراليا اقل كتير من المانيا
تعليم اللغة التانية و الالمانى ده مش حاجة سهلة على اى حد انه يتعلم لغة جديدة خصوصا الالمانى لأنك مطلوب منك مستوى عالى فى الالمانى على شان تقدر تسافر
المانيا فى وسط اوروبا تقدر تتفسح فى بلاد كتير حواليها
الحياة الاسرية
الخدمات الاجتماعية فى البلدين كويسين
التأمين الصحى
كويس فى الاتنين لكن استراليا افضل
استراليا بتعمل فيها فلوس اكتر و اسهل تشترى بيت
الجو فى استراليا افضل من المانيا و وجود البحر
الدراسة ببلاش فى الاتنين فى المدارس
الدراسة الجامعية فى المانيا ارخص يكتير من استراليا
الحياة فى المانيا ارخص بس المرتبات اقل بكتير
#أستراليا
#المانيا
#الهجرة_الى_استراليا
#الهجرة_الى_المانيا
تنبيه هام!!
نذكر ان هذه المواضيع هي من تجربتي الشخصية و لأغراض الاطلاع العام فقط. وهذا الفيديو او اى من التعليقات الخاصة به على اليوتيوب او الفيسبوك او اى منصة اخرى لا يعتبر إستشارة قانونية او ضريبية او استشارة خاصة بالهجرة بأي حال من الأحوال و عليكم طلب الإستشارة القانونية أو المالية من الجهة أو الشخص المرخص له قانونيا او وكيل هجرة معتمد قبل اتخاذ اي اجراء متعلق بهذا المحتوي. ناشر الفيديو لا يتحمل أى مسؤولية قبل الغير بخصوص مضمون هذه المواد.
Important Disclaimer
This is to confirm that the topics discussed in this video and the comments on the video on KZbin or Facebook or any other social media platform are based on my personal experience and for general knowledge purposes only. This content is not considered a legal, financial or immigration advice by any means and you have to seek advice from the person or entity who are legally certified to give legal, financial or immigration advice before taking any actions related to the content of this video or the comments on it. The author of this video does not have any responsibility towards others regarding the contents of this video or its comment
@MohamedKamalAustralia 9 ай бұрын
تصحيح لمعلومة فى الفيديو: حسب احد المتابعين للقناة افاد ان فيه مشروع قانون حيتطبق فى المانيا قريبا بيسمح بازدواج الجنسية
@user-uv3rv6lo7v 9 ай бұрын
مساء الخير أنا قدمت يو ١٧/٩ وهذي نوع الفيزا الي قدمت عليها ممكن تنصحني في اي حاجة انت شايفها ، سوال كام من الوقت ممكن ياخد الانتظار عشان اخد رقم ملف ، وكم بعدها ممكن انتظر حتى استلم الفيزا @mohamedkamalaustralia Class XB Subclass 202
@MohamedKamalAustralia 9 ай бұрын
للاسف يا فندم انا معنديش معلومات عن فيزا اللجوء
@aymenmahi6298 6 ай бұрын
بالنسبة لنا نحن كجزائريين يسمح لنا بإزدواجية الجنسية اي بمعنى اخذ الجنسية الالمانية إلى جانب الجنسية الجزائرية
@1nwfo 5 ай бұрын
نبغى مقارنة بين السويد واستراليا
@MohamedKamalAustralia 5 ай бұрын
للاسف يا فندم معنديش معلومات كافية عن السويد لكن ححاول اعمل حاجة عنها قريبا ان شاء الله
@phafifi 9 ай бұрын
وفيت وكفيت
@MohamedKamalAustralia 9 ай бұрын
شكرا ليك يا فندم 😊
@muhammedahmed2246 9 ай бұрын
2:00 القانون الجديد صدر ويتم تنفيذ الحصول علي الجنسيه في مده اقل والازدواج الجنسيه...make in germany
@MohamedKamalAustralia 9 ай бұрын
تمام يا فندم انا قولت التصحيح للمعلومة ده فى التعليق المثبت على البوست يا فندم ان المانيا حتبدأ تسمح بازدواج الجنسية
@mustafamajid6112 9 ай бұрын
دكتور تنتشر فيديوات عن أستراليا عن افاعي وحشرات خطيرة في البيوت هل هذا الشيء موجود في المدن؟؟
@MohamedKamalAustralia 9 ай бұрын
مفيش الكلام ده نهائياً فى المدن يافندم… حضرتك ممكن تشوفى الفيديو ده شارح فى الموضوع بالتفصيل أغرب ٥ حاجات حتلاقيها فى أستراليا | هل أستراليا فعلا مليانة عناكب و ثعابين؟ علشان لما تييجى متتفاجئش kzbin.info/www/bejne/oGKveIBmpcSinaM
@haithamsalim6745 7 ай бұрын
ياريت تعمل مقرنه مابين كندا وسترليا
@MohamedKamalAustralia 7 ай бұрын
عملت فى الفيديو ده يا فندم الهجرة إلى أستراليا ولا كندا ... مين أسهل في الهجرة و أحسن في المعيشة؟! Australia vs Canada kzbin.info/www/bejne/iWO1dqJ9g5x5ibM
@Mohamedmerwany3rd 9 ай бұрын
Good luck
@MohamedKamalAustralia 9 ай бұрын
شكرا ليك يا فندم 😊
@Mohamedmerwany3rd 9 ай бұрын
@@MohamedKamalAustralia هل مازال بالإمكان التسجيل في قرعة الهجرة أستراليا للسنة المالية الحالية
@MohamedKamalAustralia 9 ай бұрын
هو مفيش قرعة هو حضرتك بتقدم حسب عدد النقاط بتاعتك يا فندم و مازال التقديم مفتوح
@Mohamedmerwany3rd 9 ай бұрын
@@MohamedKamalAustralia okay
@MohamedKamalAustralia 9 ай бұрын
👍
@fareidfareid6484 7 ай бұрын
❤❤❤❤❤
@MohamedKamalAustralia 7 ай бұрын
👍
@eldiablo3832 9 ай бұрын
برضو فكرة الضرايب ، الضرائب عالية جدا في المانيا
@MohamedKamalAustralia 9 ай бұрын
ده صحيح فعلا يا فندم الضرايب فى ألمانيا اعلى من استراليا… انا نسيت اتكلم عن النقطة ده فعلا شكرا ليك يا فندم على الاضافة 😊
@majdafjj7412 9 ай бұрын
يعطيك العافية ... بس لو سمحت أنا عملت الفورم تبع وكيل الهجرة المعتمد من فترة ولهلأ وما اجاني رد ... اديش بياخد وقت بالعادة ؟
@MohamedKamalAustralia 9 ай бұрын
ابعتلى الايميل الى سجلت بيه فى رسالة على حساب الفيسبوك الى فى وصف الفيديو و انا اخليه يتواصل معاك
@abdokalifa3213 5 ай бұрын
موجود شي قناة بتحكي عن هجرة الاطباء ل استراليا ؟
@MohamedKamalAustralia 5 ай бұрын
للاسف يا فندم معنديش تفاصيل عن هجرة الاطباء… ممكن حضرتك تتكلم مع وكيل هجرة معتمد على شان يقدر يفيدك
@ali.m1403 9 ай бұрын
يا ريت تشيل الموسيقى بالخلفية
@MohamedKamalAustralia 9 ай бұрын
حاضر يا فندم انا فعلا لاحظت انها عالية شوية فى الفيديو ده… حبقى اخلى بالى من الموضوع ده بعد كدة شكرا ليك 😊
@Ahendi-z4k 12 күн бұрын
يعطيك العافيه ❤ سؤال ؟ يلي معو شهادة اخصائي التمريض بيحسن يدرس ماجستير باستراليا وضمن العمل بالمشافي
@MohamedKamalAustralia 12 күн бұрын
للاسف معنديش فكرة عن مجال التمريض
@validelkurdi6913 9 ай бұрын
يعطيك العافية دكتورنا . دكتور ممكن احكي معك عالخاص . في كم سؤال بدي اسألك ياها . من بعد اذنك دكتور
@MohamedKamalAustralia 9 ай бұрын
ممكن تبعتلى رسالة على حساب الفيسبوك الى فى وصف الفيديو يا فندم
@user-fu4if4ps5u 2 ай бұрын
@@MohamedKamalAustralia بارك الله فيكم على المعلومات مفيد ولكن يا دكتور الحساب كم الفيسبوك لا يشتغل على الخاص كيف نتواصل معكم ؟
@MohamedKamalAustralia 2 ай бұрын
facebook.com/MohamedkamalAustralia?mibextid=LQQJ4d
@romanylouiz2586 9 ай бұрын
المانيا اسهل وافضل.ليييه؟؟؟؟ الجنسيه بقت5 سنين وفي بعض الحالات ٣سنين والقانون اتغير وتقدر تحتفظ بجنسيتك مع الجنسيه الألمانية.. . المانيا تعليم من الحضانه للماجستير ببلاش وكمان بتاخد مرتب وفي وسط أوروبا وقريبه من بلادنا مش ٢٤ ساعه سفر المانيا عايزه اكتر من 4مليون شاب. وحاليا هي بتتحول لدوله مهجر ويكفي أن آخر احصائيه بتقول أن ٧٥٪ من السكان الألمان أما اجانب أو اصولهم اجانب اللغه الالمانيه لحد B1 مش هتاخد منك اكتر من ٩شهور لو بادئ من الصفر والانجليزي سواء pte أو ايلتس محتاجه نفس الوقت تقريبا علي حسب المستوي المانيا 4 أكبر اقتصاد في العالم وفرص العمل كتيره جدا ومفيش المنافسه المتوقعه الدخل في المانيا مقابل الاسعار ممتاز جدا عكس الاسعار في استراليا و اعتمادها علي الاستيراد بشكل اكبر بكتير من المانيا الجو في ملبورن متقلب جداااااااا وسكن الشخص في سيدني أو ملبورن تكلفته عاليه مشاكل الاسكان في استراليا زااااادت جدا واكيد ألمانيا افضل بالرغم من أن المشكله موجوده انا درست فكره السفر لأستراليا سنه قبل ما اخد القرار ودرست فكره السفر لألمانيا ٣شهور انا مسافر المانيا الاسبوع الجاي بعد ٤٥ يوم فقط من اول محاوله. استراليا بقالي ٦سنين بحاول فيها بلا جدوي رغم أن معايا ماجستير وشغلتي مدير مبيعات..
@romanylouiz2586 9 ай бұрын
اضيف نقطه المصاريف الكتير لحد ماتوصل استراليا. مفيش تقريبا غير مصاريف الترجمه و5 آلاف جنيه الفيزا في حالة المانيا
@MohamedKamalAustralia 9 ай бұрын
طبعا يا فندم بحترم رأى حضرتك جدا و وجهة نظرك و يمكن فعلا المانيا كانت انسب لظروفك من استراليا و ممكن تبقى استراليا انسب لناس تانية… خلى بالك انى انا فى الفيديو مقولتش ان بلد احسن من التانية انا كنت بشارك معلومات و الناس تقرر حسب ظروفها. فيه نقطة تانية عايز الفت نظرك ليها و هى انى انا فعلا عيشت فى البلدين فأنا بتكلم من تجربة شخصية و واقعية… حضرتك معيشتش لا هنا و لا هنا و طبعا السمع مش زى الى عاش. تعالى بقى نتكلم على نقطة نقطة من الى حضرتك قولتها: ١- ازدواج الجنسية انا نزلت عليه تصحيح فى الكومنت المثبت على الفيديو فمفيش فيه مشكلة ٢- التعليم مجانى فى المانيا و ده برضو ذكرته فى الفيديو و ان البلد قريبة كل الحاجات ذكرتها فى الفيديو ٣- احصائية ان ٧٥٪ من الالمان من اصول اجنبية ده انا عمرى ما سمعت عنها و لا اصلا الرقم ده منطقى فحضرتك يا ريت تجيبلى مصدر بيقول الكلام ده و الا حعتبر المعلومة غير صحيحة ٤- موضوع المانيا تتحول لدولة مهجر فده برضو مش دقيق قوى لأن انا بيجيلى عشرات كل اسبوع عايشين فى المانيا و السويد و فيه منهم معاهم الجنسية (طبعا من اصول عربية) و نفسهم يمشوا من المانيا و ييجوا استراليا على شان العنصرية و اللغة و قلة الشغل… حضرتك تقدر ترجع للكومنتات الى على الفيديوهات و حتلاقى تعليقات بالمعنى ده كتير ٥- مقارنة تعلم اللغة الالمانية من الصفر لB1 او B2 بأمتحان الانجليزي ده مقارنة مش فى محلها خالص 😊 عموما ممكن حضرتك معندكش مشكلة تتعلم لغة جديدة لكن ناس كتير تانية عندها ٦- كبر اقتصاد المانيا لوحده مش مؤشر على فرص العمل او الرفاهية بتاعة الشعب لأن الاقتصاد الالمانى دلوقتى بيعانى و ممكن تشوف الفيديو ده بيتكلم عن الموضوع ده بالتفصيل و عن معاناة اقتصاد المانيا طبعا مقارنة بالدول الكبيرة المتقدمة kzbin.info/www/bejne/p5-Yl6dqm7Kdm6Msi=qu9OUpDysxfCbLK9 ٧- مستوى المعيشة فى استراليا اعلى بكتير من المانيا و مستوى المرتبات اعلى بكتير فى استراليا و ده عن تجربتى الشخصية و اصلا الالمان و الاوروبيين عموما بييجوا استراليا على شان يعملوا فلوس و على فكرة برضو الضرايب فى المانيا اعلى بكتير من استراليا برضو ٧- جو ملبورن المتقلب لا يقارن بجو المانيا نهائيا 😊 جو ملبورن متقلب بالنسبة لباقى استراليا الى الجو فيها اغلبه معتدل جدا و احلى حتى من مصر… فحضرتك سيبت استراليا كلها و مسكت فى ملبورن ماشى بس برضو جو ملبورن احسن بمراحل من جو اى حتة فى المانيا 😊 ٨- مفيش اى مشاكل اسكان و لا حاجة فى استراليا حضرتك برضو بتسمع من برة لكن معيشتش فى البلدين… اكتر من ٧٠٪ من الالمان بيفضلوا يعيشوا فى شقق او بيوت ايجار طول عمرهم يعنى لا عمرهم بيمتلكوا بيت و لا عمرهم بيعملوا فلوس لكن فى استراليا العكس حوالى ٧٠٪ من الاسترال بيملكوا بيوتهم و ده بيديك امان كبير خصوصا لما تكبر انك مش حتتبهدل و تترمى فى الشارع و كمان البيوت سعرها بيزيد و ده بيكونلك ثروة على المدى الطويل فى قيمة البيت ٩- حضرتك طولت فى موضوع استراليا و قعدت ٦ سنين و لو كنت قعدت ٦ سنين كمان مكنتش برضو حتهاجر لأن مجال المبيعات مش مطلوب اصلا للهجرة فحضرتك مش حتقدر تقدم على الهجرة للاسف… كان ممكن تقدم على فيزا الدراسة لكن فى موضوع الدراسة ده المانيا فعلا اقل تكلفة و بالتالى مناسبة لظروفك اكتر عموما يا فندم انا بس رديت على حضرتك بالتفصيل هنا على شان بس مناخدش الكلام بعاطفة و نتكلم بس فى الحقائق انا مش فارق معايا حد يروح المانيا او استراليا الاتنين احسن من اى بلد من بلادنا العربية و انا اصلا مقولتش رأيى تروح هنا و لا هنا لأن كل واحد ظروفه مختلفة… انا بتكلم عن حقائق مجردة من خلال تجربتى الشخصية فى البلدين مش اكتر و بكل واقعية بدون عواطف او تحييز لأن انا فعلا بحب البلدين 😊 بالتوفيق لحضرتك يا فندم فى كل خطواتك الى جاية
@Kerelos586 6 күн бұрын
انا كمان معايا ماجستير ادارة اعمال وبذاكر المانى ممكن اعرف الطريقه اللى سافرت بيها المانيا من فضلك ؟؟
@ahmedabotria7276 9 ай бұрын
ممكن افهم يعني ايه eoi ايه هو pte وازاى تحصل عليهم
@user-qy3lz7yf2r 4 ай бұрын
السلام عليكم هل ممكن يكون في منح للماجستير لمعيدين من جامعه خاصه هنا او هنا
@MohamedKamalAustralia 4 ай бұрын
للاسف معنديش معلومات عن موضوع المنح الدراسية
@AhmedAli-sq2nw 9 ай бұрын
لو سمحت ي دكتور شوفت بوستات كتير أن الصيادلة مش مطلوبين حاليا وتقريبا مفيش دعوات بتطلع للصيادلة ي ريت لو حضرتك توضح.
@MohamedKamalAustralia 9 ай бұрын
ده يا فندم قائمة الوظائف الى صدرلها دعوات فى اخر سحبة لولاية غرب استراليا الاسبوع الى فات و حتلاقى فيها صيادلة… الكلام ده من الويبسايت الرسمى للولاية فحضرتك شوف عايز تصدق البوستات و لا الويبسايت الرسمى 😊 migration.wa.gov.au/sites/default/files/2023-10/Last%20invited%20expression%20of%20interest%20by%20occupation%20-%20October%20invitation%20round%202023_0.pdf
@ahmedtalaat1379 9 ай бұрын
انا قدمت يادكتور ومحدش رد عليا ممكن حضرتك تفدنى رغم انى مقدم على اللينك ال فى الفديو دا ولسه محدش رد عليا
@MohamedKamalAustralia 9 ай бұрын
حضرتك قصدك على انهى لينك يا فندم؟ بتاعة وكيل الهجرة؟ لو كدة ابعتلى الايميل بتاعك فى رسالة على حساب الفيسبوك الى فى وصف الفيديو و انا اخليه يتواصل معاك
@karladel5641 9 ай бұрын
مقارنة بين استراليا و فرنسا
@MohamedKamalAustralia 9 ай бұрын
هو انا بصراحة معنديش معلومات كتير عن فرنسا … بس ححاول ان شاء الله 😊
@user-gx4nk6ob7y 9 ай бұрын
انا عمري ٤١ سنة بكالاريوس طب عام اليمن لوعاوزة اهاجر لاكمال الدراسة والجنسية الاسترالية تنصحني باي مكتب يساعدني
@MohamedKamalAustralia 9 ай бұрын
حضرتك لو عايز حد يشرحلك الموضوع واحدة واحدة و يقدملك على الفيزا نصيحتى لحضرتك انك تتواصل مع وكيل هجرة معتمد على شان يقدر يقولك انسب فيزا لحضرتك تقدم عليها حسب ظروفك و خبرتك... كمان يمشى معاك فى التقديم على الفيزا خطوة خطوة. ده وكيل هجرة مصرى فى استراليا و معتمد ده الى انا شخصيا تعاملت معاه لما هاجرت ممكن تتواصل معاه و يقدر يساعدك فى الهجرة حضرتك املى الابليكيشن ده و حتوجهك على لينك لحجز الاستشارة معاه migrationadvisor.com.au/gsm-k
@marwaadel7382 6 ай бұрын
طيب دلوقتي المانيا سمحت بازدواج الجنسية والجنسية بقت بعد ٥ سنين بدل ٨ فايه رايك كدة ؟المانيا ولا استراليا
@MohamedKamalAustralia 6 ай бұрын
هو حضرتك كانت هيا ده بس المشكلة معاكى مدة الحصول على الجنسية؟ فيه فروقات تانية كتير يا فندم زى ما حضرتك شايفة فى الفيديو 😊
@thebestbest6720 7 ай бұрын
انا صيدلي و حسبت نقاطي اذا اجريت امتحان الانكليزي والKaps ستصبح ٦٥ نقطة ،ما احتمال اني اقدم على اي ولاية و احصل على دعوة ، من اجل ان لا اخسر الكثير من المال ولا استفيد شيء
@MohamedKamalAustralia 7 ай бұрын
الافضل تحاول تزود نقاطك على شان يبقى ليك فرصة اكبر فى الهجرة… الفيديو ده بيتكلم بالتفصيل عن الطرق الى تقدر تزود بيها نقاطك زى امتحان الانجليزى و امتحان الترجمة بتاع الناتى و نقاط الشريك kzbin.info/www/bejne/h2mre2x7apydmck
@minanazir5168 9 ай бұрын
Almania for sure
@user-ce1it1nv5k 7 ай бұрын
قارئ بين اوريا استراليا🥺
@user-ei6sj4rj2u 18 күн бұрын
اتابع في كثير فيديوهات هجرة لكن ولا حد تكلم على سعر الصرف فمثلا ما تتقاضاه في المانيا ضاربه اكبر من مما تتقاضاه في استراليا.مثال ضارب المانيا 3.4 عكس استراليا ضارب 2بالعملة التونسية طبعا .
@MohamedKamalAustralia 15 күн бұрын
حتى بعد اخذ فرق العملة فى الحسبان …. مستوى المعيشة افضل بكتير فى استراليا
@user-tm8xe8dz7z 2 ай бұрын
بس عندي تعقيب على كلمة فرص العمل في استراليا المنافسة عليها اقل سوالي لماذا اقل وجميع دول لعالم تستطيع تعلم الانجليزيه اسهل من تعلم الالمانية لذلك اعتقد ان اللذين سوف ينافسوني بالتقديم الى استراليا اكثر من اللذين سيقدمون الى المانيا هل ممكن شرح ؟
@MohamedKamalAustralia 2 ай бұрын
استراليا بلد بعيدة و عدد السكان فيها قليل و بيبقوا كسلانين و مش عايزين يشتغلوا وظايف معينة و فيها نقص كبير فى الكفاءات و الهجرة اليها مش سهلة بعكس المانيا الى فيها عدد سكان كبير اكتر من ٨٠ مليون و دول لوحدهم منافسين كتير و فى نفس الوقت الشعب الالمانى نشيط و بتاع شغل بعكس استراليا… الحاجة التانية ان المانيا جزء من الاتحاد الاوروبى يعنى اى حد من ال٤٠٠ مليون شخص الى عايشين فى اوروبا يقدر يروح يشتغل فى المانيا بدون تصريح عمل و بالتالى يبقى منافس ليك و غير كل ده المانيا بلد قريبة و الهجرة ليها اسهل خصوصا بغرض الدراسة و الناس ده حتخلص دراسة و تنافسك فى سوق العمل كل ده عوامل بتخلى المنافسة فى المانيا اعلى بكتير من استراليا
@user-tm8xe8dz7z 2 ай бұрын
@@MohamedKamalAustralia اولاً شكرا للرد التفصيلي على سوالي لقد غيرت جزء من افكاري بالفعل،، عندي سوال ثاني بالنسبة للخطار وجمال لطبيعة هل تعتقد ان دولة المانيا تتفوق من ناحية الحدائق وجمال لطبيعة !
@MohamedKamalAustralia 2 ай бұрын
البلدين الطبيعة فيهم جميلة جدا يا فندم… بس اعتقد استراليا فيها تنوع طبيعى اكتر لأنها اكبر و فيها غابات و صحارى و مناطق استوائية و شواطىء كتير بعكس المانيا الى مفيهاش كل الحاجات ده
@lustigetiere9557 3 ай бұрын
السلام عليكم.انا معايا الجنسيه الألمانية بقدر اجي استراليا واشتغل مع زوجتي واطفالي بشكل نظامي.ونوعيه الإقامة الي لازم أقدم عليها
@MohamedKamalAustralia 3 ай бұрын
معنديش فكرة بصراحة عن اجراءات الهجرة لاصحاب الجنسيات الاوربية بس اكيد اسهل بكتير من الجنسيات العربية
@user-tm8xe8dz7z 2 ай бұрын
انش اشتغل في الارشاد السياحي وعندي دبلوم سياحة هل مجالي مطلوب في استراليا
@MohamedKamalAustralia 2 ай бұрын
مجموعة الفيديوهات ده بتتكلم عن الولايات الى فاتحة الهجرة حاليا بالتفصيل… حتلاقى المهن المتاحة فى كل ولاية و شروط و طريقة التقديم لكل ولاية فيهم حضرتك ادخل فى الوصف بتاع كل فيديو على اليوتسوب حتلاقى الوظايف المطلوبة شوف لو وظيفتك مطلوبة و حتلاقى شروط التقديم مشروحة فى الفيديو…. اتفرج عليهم و لو عندك اى سؤال محدد بعد كدة قولى kzbin.info/aero/PLhqzvsu7dZ2WhdZ9tL1F07JUZVofMRCzG
@khalidalloze918 9 ай бұрын
هل لازم الاربع سنوات الي رح اقضيهم في استراليا يكونو بدون رجعه على وطني ( الأردن ) حتى احصل على الجنسية
@MohamedKamalAustralia 9 ай бұрын
لا يا فندم طبعا ممكن تسافر زى ما حضرتك عايز بشرط انك اجمالى المدة الى تقعدها خارج البلد فى ال٤ سنين لا تزيد عن سنة
@aboemadalmalki7017 9 ай бұрын
@@MohamedKamalAustraliaلو جيت على اي فيزه ؟
@MohamedKamalAustralia 9 ай бұрын
ايوة يا فندم على اى فيزا هجرة
@sherifashraf8534 9 ай бұрын
سؤال مهم بقا تقريبا مصاريف الامتحانات و الورق و الفيزا و تذكرة الطيران و السكن بالنسبة لاستراليا هتكون تقريبا مجمعهم قريب من الحساب المغلق بتاع المانيا في حالة الدراسة ده يعني تقريبا الاتنين نفس الفلوس بس المانيا الفلوس هتكون بتاعتي و بصرف منها و كمان هاخد عليها ماجستير انما استراليا انا هصرف نفس الفلوس علي الاجرائات و هروح ابدء من الصفر بالاضافة اني معيش خبرة في مجالي انا عارف ان أستراليا احسن من المانيا بس برضو حاسس ان الكفة هتميل لالمانيا بالنسبة لو واحد لسة صغير و معهوش خبرة
@MohamedKamalAustralia 9 ай бұрын
هو حضرتك هنا بتتكلم اكيد عن فيزا الدراسة مش كدة؟ لأن فيزا الهجرة الى استراليا حضرتك مش بيبقى مطلوب منك حساب بنكى اساسا فى معظم الولايات
@hishambadrelgammal8271 9 ай бұрын
هل مدرسين الكيمياء أو علم في المدارس الانترناشونال مطلوبين في استراليا .. ياريت لو تقدر تفيدني عشان انا مش لاقيها من ضمن الوظائف اللي مطلوبة في الهجرة
@MohamedKamalAustralia 9 ай бұрын
الى اعرفه يا فندم ان المدرسين مطلوبين للهجرة مش عارف بالظبط لأنهى مواد
@hishambadrelgammal8271 9 ай бұрын
@@MohamedKamalAustralia طب ايه احسن طريقه ادور عليهم
@MohamedKamalAustralia 9 ай бұрын
مجموعة الفيديوهات ده بتتكلم عن الولايات الى فاتحة الهجرة حاليا بالتفصيل… حتلاقى المهن المتاحة فى كل ولاية و شروط و طريقة التقديم لكل ولاية فيهم حضرتك ادخل فى الوصف بتاع كل فيديو على اليوتسوب حتلاقى الوظايف المطلوبة شوف لو وظيفتك مطلوبة و حتلاقى شروط التقديم مشروحة فى الفيديو…. اتفرج عليهم و لو عندك اى سؤال محدد بعد كدة قولى kzbin.info/aero/PLhqzvsu7dZ2WhdZ9tL1F07JUZVofMRCzG
@hishambadrelgammal8271 9 ай бұрын
@@MohamedKamalAustralia جزاك الله كل خير
@MohamedKamalAustralia 9 ай бұрын
شكرا ليك يا فندم
@ashrafmahfouz6091 9 ай бұрын
السلام عليكم يادكتور لو سمحت أنا بتواصل مع مكتب للدراسه بأستراليا ومايرد
@MohamedKamalAustralia 9 ай бұрын
ابعتلى يا فندم الايميل بتاع حضرتك فى رسالة على حساب الفيسبوك الى فى وصف الفيديو و اخليهم يتواصلوا معاك
@ashrafmahfouz6091 9 ай бұрын
@@MohamedKamalAustralia بعته لحضرتك باسم أشرف محفوظ
@MohamedKamalAustralia 9 ай бұрын
ابعته فى رسالة يا فندم… انا ملقتش رسائل من حضرتك
@ahamedyoussry9028 9 ай бұрын
لو سمحت يادكتور هو ازاي اعرف ان الفياز خلصت للولءيه
@MohamedKamalAustralia 9 ай бұрын
الولاية حتعلن يا فندم ان الفيز خلصت و قفلوا التقديم… بس احنا لسة فى اول السنة المالية فلسة بدرى
@ahamedyoussry9028 9 ай бұрын
@@MohamedKamalAustralia طب ده تعلنه علي موقع الولايه صح كده ولا اداره الهجره
@MohamedKamalAustralia 9 ай бұрын
على موقع الولاية يا فندم
@demodemo3285 9 ай бұрын
طب يا دكتور معلش هو قال في حشرات وحيوانات في المدن الكبيرة ذي سيدني وملبورن علشان هي علي خط الاستواء ياريت ترد عليا ضروري يا دكتور وهل حضرتك شفت حيوانات وحشرات من اول فترة تواجدك في استراليا ؟؟؟؟
@MohamedKamalAustralia 9 ай бұрын
هو مين الى قال يا فندم 😊 و بعدين انا عايزك بس تبصى على الخريطة كدة مش حتلاقى خط الاستواء بيعدى فى أستراليا اصلا يا فندم ملبورن اقرب للقارة القطبية الجنوبية (انترتيكا) مش من خط الاستواء 😊 مفيش حشرات و لا حيوانات و لا اى حاجة من ده فى المدن خالص يا فندم و احنا ابعد ما يكون عن خط الاستواء
@MohamedKamalAustralia 9 ай бұрын
حضرتك شوفى كدة الفيديو ده اتكلمت عن الموضوع ده بالتفصيل أغرب ٥ حاجات حتلاقيها فى أستراليا | هل أستراليا فعلا مليانة عناكب و ثعابين؟ علشان لما تييجى متتفاجئش kzbin.info/www/bejne/oGKveIBmpcSinaM
@demodemo3285 9 ай бұрын
@@MohamedKamalAustralia الف مليون شكرا لحضرتك يا دكتور ربنا يخليك يارب طمنتني بجد ❤️❤️
@MohamedKamalAustralia 9 ай бұрын
العفو يا فندم بالتوفيق ان شاء الله 😊
@karimnmichi1978 9 ай бұрын
ممكن تعطيني تكلفة وكيل هجرة بتكون كم؟
@MohamedKamalAustralia 9 ай бұрын
بتختلف حسب وظيفتك و نوع الفيزا الى بتقدم عليها حضرتك ممكن تملى بياناتك فى الأستمارة ده و هو حيبعتلك التكلفة على الايميل migrationadvisor.com.au/gsm-k
@medo1star 5 ай бұрын
محتار بين استراليا والمانيا انا صيدلي ايه افضل رواتب للصيادله علشان ابدأ اتخذ القرار واحضر لللغه
@MohamedKamalAustralia 5 ай бұрын
اعتقد استراليا افضل
@SarahSara-fv7np 3 ай бұрын
استراليا وانت مغمض
@MohamedKamalAustralia 3 ай бұрын
👍
@user-vg6xl6oc2x 7 ай бұрын
هل ممكن تساعدنى الاقامة الدائمة فى ألمانيا انى اسافر اسراليا
@MohamedKamalAustralia 7 ай бұрын
للاسف يا فندم معنديش فكرة عن هجرة المانيا
@nailalzuhairi2690 Ай бұрын
انا ساكن في المانيا من 13 سنة, وعندي الجنسية الالمانية. وبصراحة أقولها, الضغط النفسي بسبب العمل والبيروقراطية والقوانين والعنصرية والجو لا يمكن مقارنته بأي دولى أخرى. ناهيك عن تدمير وعدم معادلة الشهادات العربية, وكمية الضرائب. ألمانيا تعيش فيها كأنسان آلي فقط, لا تعرف ليلك من نهارك. أحد أسوء الدول على الاطلاق من حيث الاستقرار النفسي والعقلي. السويد قوانينها أخف شدة ولكنها أيضا مقبرة بيضاء وجوها اسوء بكثير من المانيا. حتى مسألة التأمين الصحي, في المانيا أغلى بكثير ونسبته 14% ويصعد تلقائيا مع نسبة المرتب ليضل فوق ال 900 يورو شهريا, اما التأمين الخاص فهو غير ملائم للعوائل على الاطلاق. وهنالك الكثير والكثير الذي يحتاج لمئأت الاسطر لذكره. بصراحة لا يمكن مقارنتهم بأستراليا. ولا يفهم ما أقوله من لم يعيش عالاقل 10 سنوات في المانيا.
@hassanabdelsalam1292 9 ай бұрын
حضرتك محتاج تحدث معلوماتك بخصوص الهجرة لألمانيا
@MohamedKamalAustralia 9 ай бұрын
طيب يا فندم يا ريت تقولى لو فيه اى معلومة مش مظبوطة فى الفيديو و انا ممكن احدثها على طول "بالمناسبة الفيديو ده متصور من فترة كبيرة بس لسة نازل دلوقتى" فوارد ان يكون فيه معلومات مش محدثة
@bravogenome8163 9 ай бұрын
في مشروع قانون للسماح بازدواج الجنسية في ألمانيا و في ايضاً تقليل عدد السنوات للحصول علي الجنسية
@hassanabdelsalam1292 9 ай бұрын
ده مش مشروع قانون ده اتصدق عليه وهيتم تطبيقه من ١/١/٢٠٢٤ أنا ما كلمتش الفيدبو للأسف من كتر المعلومات الخطأ بس حضرتك تقدر تراجع مصادر أحدث للكلام عن ألمانيا تحديدا
@MohamedKamalAustralia 9 ай бұрын
اولا بشكر حضرتك على التصحيح و حنزل فى التعليق المثبت على الفيديو الكلام ده …. و لكن انا يا فندم مسمعتش عن الموضوع ده قبل كدة… بس عموما لو مشروع قانون فهو لسة لم يوافق عليه او يطبق لسة فتعتبر المعلومات الى فى الفيديو ما زالت صحيحة بشكر حضرتك مرة تانية يا فندم
@MohamedKamalAustralia 9 ай бұрын
@@hassanabdelsalam1292مكملتش من كتر المعلومات الغلط!! 😊 مش شايف ان ده مبالغة شوية؟ عموما يا ريت حضرتك تفيدنى و تقولى ايه المعلومات الغلط الكتير الى مخلتكش تكمل الفيديو؟ و لو كدة انا معنديش مانع اصلحهم
@desire6505 9 ай бұрын
انا عايز اقدم Medical rep ولاية new south wales هل لازم معادلة؟ واقدم على فيزا كام
@MohamedKamalAustralia 9 ай бұрын
للأسف يا فندم الميديكال ريب و الشغل فى الدعايا غير مطلوب للهجرة فى أستراليا و غير معترف بالخبرة بتاعتها… الحل الوحيد الى قدام حضرتك انك تعمل معادلة صيدلة و تقدم كصيدلى بدون خبرة مجموعة الفيديوهات ده بتتكلم عن هجرة و معادلة الصيادلة إلى أستراليا بالتفصيل يا فندم... حضرتك شوفيهم و لو عندك اى اسئلة قوليلى هجرة الصيادلة إلى أستراليا فى 2022 بالتفصيل: kzbin.info/aero/PLhqzvsu7dZ2Wj9eJ4fr946gIoLuYHtXHv
@desire6505 9 ай бұрын
شكرا جدا، انا بستفيد من حضرتك طول الوقت ومتابع كل الفيديوهات ❤ keep going 👏👏
@MohamedKamalAustralia 9 ай бұрын
شكرا ليك يا فندم على الكلام الجميل ده… ربنا يخليك 😊
@validelkurdi6913 9 ай бұрын
دكتور انا معي جنسية تركية . بدي اسألك عن العمل في المطاعم .انا معلم في المعجنات . شو بتنصحني
@MohamedKamalAustralia 9 ай бұрын
مجموعة الفيديوهات ده بتتكلم عن الولايات الى فاتحة الهجرة حاليا بالتفصيل… حتلاقى المهن المتاحة فى كل ولاية و شروط و طريقة التقديم لكل ولاية فيهم حضرتك ادخل فى الوصف بتاع كل فيديو على اليوتسوب حتلاقى الوظايف المطلوبة شوف لو وظيفتك مطلوبة و حتلاقى شروط التقديم مشروحة فى الفيديو…. اتفرج عليهم و لو عندك اى سؤال محدد بعد كدة قولى kzbin.info/aero/PLhqzvsu7dZ2WhdZ9tL1F07JUZVofMRCzG
@validelkurdi6913 9 ай бұрын
شكرا جزيلا دكتوري
@MohamedKamalAustralia 9 ай бұрын
العفو يا فندم 😊
@eidasar9899 9 ай бұрын
أستراليا وهولندا
@user-jy5dw1xl7g 4 ай бұрын
اما اسهل للجوء في كندا أو استراليا
@MohamedKamalAustralia 4 ай бұрын
معنديش فكرة عن فيزا اللجوء يا فندم
@user-ip7tt3fc9j 5 ай бұрын
لو سمحت هو المعادله في المانيا بعملها في مصر ولي المانيا
@MohamedKamalAustralia 5 ай бұрын
معنديش فكرة و الله يا فندم عن معادلة المانيا
@ahmedkobasy5648 3 ай бұрын
بصفه عامه لو انا صيدلي بقبض صافي ف استراليا 5500 بعد الضرايب فدول ممكن احوش منهم 2500 دول عامليلن 50 الف مصري فحين المانيا الراتب بيبقي متوسط 2870 يورو بعد الضرايب تقدر تحوش منهم 1670 دول عاملين 85 الف مصري ف ف التحويش تقريبا المانيا افضل عاوز حضرتك تاكدلي ع المعلومه دي واي ال افضل بالنسبه للصيادله
@MohamedKamalAustralia 3 ай бұрын
لا يا فندم مستحيل المانيا تبقى افضل فى الفلوس من استراليا بأى حال من الاحوال 😊 ده عن تجربه لأنى عيشت فى البلدين… مفيش مجال للمقارنة فى الفلوس اصلا!!
@goog654 9 ай бұрын
هو ممكن اتجوز بعد ال eoi او invitation لو سجلت اعزب في ال eoi لي استراليا علي اي فيزا سواء ١٨٩ او ١٩٠ او ٤٩١ لو انا اعزب ولا مينفعش يادكتور
@demodemo3285 9 ай бұрын
ياريت اجابة للسؤال دا علشان دا سؤال مهم جداااااا
@MohamedKamalAustralia 9 ай бұрын
لا يا فندم مينفعش تتجوز غير بعد ما تاخد الفيزا غير كدة حيتسبب فى رفض الفيزا على طول
@goog654 9 ай бұрын
@@MohamedKamalAustralia يعني مينفعش اتجوز لا بعد submitting eoi or receive invitation صح كده
@MohamedKamalAustralia 9 ай бұрын
مينفعش يا فندم غير لما تاخد الفيزا
@goog654 9 ай бұрын
@@MohamedKamalAustralia thank 😊 sir mohamed
@aliakhateeb93 6 ай бұрын
لو هاجرت انا وزوجي .. ماهي امكانية احضار امي تعيش معايا؟
@MohamedKamalAustralia 6 ай бұрын
ممكن يا فندم و التفاصيل مشروحة فى الفيديو ذه فيزا الوالدين و لم الشمل و الفيزا العائلية في أستراليا | كيف تحضر عائلتك إلى أستراليا Parents Visa kzbin.info/www/bejne/o5StgnVnq7RmrLc
@user-bm8es1dl4h 5 ай бұрын
مرحبا اخي اقدر اخذ فيزا استراليا عن طريق جواز الازرق اللماني
@MohamedKamalAustralia 5 ай бұрын
ايوة ممكن يا فندم… غالبا مش محتاج فيزا اصلا
@user-bm8es1dl4h 5 ай бұрын
@@MohamedKamalAustralia اشلون ممكن مساعدة اي موقع ادخل للسفارة
@kokomac1161 6 ай бұрын
افضل دول في العالم الحالي 20224 للمصرين من حيث العمل .. الاقامة .. ( التامين الصحي والعلاج ) العيشه البسيطه ..يتكلمون الانجليزي شعب ودود مش عنصري ما هذه الدول من رايك .. اشكرك
@MohamedKamalAustralia 5 ай бұрын
افضل بلد هى البلد الى عرف تروحها… احنا مش فى مجال اننا ننقى 😊
@kokomac1161 5 ай бұрын
@@MohamedKamalAustralia حضرتك مش وصلك سوالي انا مش معروض عليا و بقولك اختارلي انا بسال من حيث سهل في عمليات الحصول علي الجنسية .. هي أمان.. مستوي الفرد من معيشة وتأمين صحي بمعني انت حضرتك عملت فيديوهات علي اكثر من دولة شوف الفرق بينهم
@MohamedKamalAustralia 5 ай бұрын
تمام يا فندم حضرتك ممكن تشوف مجموعة الفيديوهات ده فيها مقارنات بين استراليا و بلاد تانية كتير فيها اجابة عن استفسارك فيديوهات المقارنات بين استراليا و كندا، امريكا، نيوزيلاندا، المانيا و انجلترا و سيدنى و ملبورن kzbin.info/aero/PLhqzvsu7dZ2Up8F2Cg9hLUPXV1G-K2VKt
@mustafamagdy486 9 ай бұрын
سلام عليكم استاذ محمد .. هل ضروري زوجتي تكون عامله امتحان الانجليزي او المعادله ؟؟ ارجو الافاده .. وشكرا لحضرتك مقدما
@MohamedKamalAustralia 9 ай бұрын
لا يا فندم مش ضرورى… اجابة السؤال ده بالتفصيل فى الفيديو القصير ده هل الزوجة لازم تعمل إمتحان إنجليزى للهجرة إلى أستراليا؟!! #shorts kzbin.info/www/bejne/pqHOmGyCmpqCrNU
@mustafamagdy486 9 ай бұрын
@@MohamedKamalAustralia تمام شكرا لحضرتك استاذنا الغالي 🌹
@MohamedKamalAustralia 9 ай бұрын
العفو يا فندم 😊
@goog654 9 ай бұрын
@@MohamedKamalAustralia هو لو حد طلق بعد ال. Eoi كان كاتب متزوج في ال eoi وطلق هل كده الفيزا تتلغي
@MohamedKamalAustralia 9 ай бұрын
مش متأكد بصراحة من المعلومة ده للاسف
@oceanocean626 9 ай бұрын
دكتور لو تزوجت قبل التقديم على Eoi بشهر هل ممكن يأثر على فرصتي بالفيزا ؟
@ahamedyoussry9028 9 ай бұрын
لا طالما لسه مقدمتش علي حاجه
@MohamedKamalAustralia 9 ай бұрын
المهم ان حضرتك لازم تقول انك متجوز فى الeoi
@user-bv6nh3yd2n 9 ай бұрын
@@MohamedKamalAustraliaدكتور لو حد اتجوز وكتب متزوج في ال eoi وكان زوجته توفت هل هيكمل اعزب لو جتله invitation ولا استشير محامي هجره
@MohamedKamalAustralia 9 ай бұрын
مش عارف و الله يا فندم مش عاوز افتيلك فى حاجة انا مش متأكد منها… الافضل فعلا تسأل محامى هجرة على شان تبقى متأكد
@osamagalal6357 9 ай бұрын
هل خريجي التمريض مطلوبين في استراليا
@MohamedKamalAustralia 9 ай бұрын
ايوة يا فندم مطلوبين مجموعة الفيديوهات ده بتتكلم عن الولايات الى فاتحة الهجرة حاليا بالتفصيل… حتلاقى المهن المتاحة فى كل ولاية و شروط و طريقة التقديم لكل ولاية فيهم حضرتك ادخل فى الوصف بتاع كل فيديو على اليوتسوب حتلاقى الوظايف المطلوبة شوف لو وظيفتك مطلوبة و حتلاقى شروط التقديم مشروحة فى الفيديو…. اتفرج عليهم و لو عندك اى سؤال محدد بعد كدة قولى kzbin.info/aero/PLhqzvsu7dZ2WhdZ9tL1F07JUZVofMRCzG
9 ай бұрын
بكام معادلة المهندسين ؟
@MohamedKamalAustralia 9 ай бұрын
ده سنتر متخصص فى معادلة المهندسين في أستراليا👈🏻 ممكن تتواصل معاهم على صفحتهم و تسألهم على الفيسبوك facebook.com/ProfessionalCDR/
@nedal9547 9 ай бұрын
انا في المانيا وجيت اعادة توطين هل من طريقة لأصل الى استراليا
@MohamedKamalAustralia 9 ай бұрын
طب و حضرتك عايز تسيب ألمانيا ليه؟
@nedal9547 9 ай бұрын
@@MohamedKamalAustralia عشان اللغة حضرتك وشوية حاجات
@MohamedKamalAustralia 9 ай бұрын
اعتقد الافضل تستنى لما تاخد الجنسية الاول و بعد كدة سهل تييجى او لو حضرتك مؤهل للتقديم على الهجرة تقدر تقدم علي هجرة الكفاءات
@asodaltawhed8771 5 ай бұрын
ازا جينا فيزا سياحية فينا نقدم لجوء بأستراليا للسورين
@MohamedKamalAustralia 5 ай бұрын
مستحييل السوريين ياخدوا فيزا سياحة الى استراليا يا فندم
@asodaltawhed8771 5 ай бұрын
@@MohamedKamalAustralia معي اقامة وجواز بلغارية
@anasahmed5447 9 ай бұрын
السلام عليكم يا دكتور, دلوقتي لو انا متزوج, هل لازم مراتي تعمل الانجليزي أو المعادلة صح ؟ يعني طالما متزوج مينفعش قدام من غير ما زوجتي تعمل واحد فيهم على الاقل ؟
@MohamedKamalAustralia 9 ай бұрын
لا يا فندم مش لازم مراتك تعمل الانجليزي و المعادلة و لكن هى لو عملتهم حتزود عدد النقاط بتاعتك
@anasahmed5447 9 ай бұрын
تمام وبالنسبة لموضوع انها تاخد كورس الانجليزي هناك في استراليا ابو 5 الاف دولار ده, هل ده الزامي هناك ليها ولا اوبشن ممكن تتخلى عنه برضه وفي نفس الوقت تكون حسنت الانجليزي بتاعها عموما ؟ شكرا جدا يا دكتور وجزاك الله خير@@MohamedKamalAustralia
@ahamedyoussry9028 9 ай бұрын
@@anasahmed5447 لزما لو دراسته بالانجليزي تغني
@MohamedKamalAustralia 9 ай бұрын
لو قدرت انها تثبت انها درست فى الجامعة بالانجليزي و جابت شهادة تثبت كدة بيعفوها غير كدة يبقى لازم تدفع الكورس او تجيب ٣٠ فى الpte
@user-sg9rb3zd8i 9 ай бұрын
مرحبا انا ناويه اسجل لابني في جامعة في سيدني ماهو افضل تخصص تنصح فيه له مستقبل باستراليا وكم معدل القبول ؟وكم لازم يكون مبلغ الحساب البنكي ؟وكم مدة وجوده ؟يعني انا عندي رصيد وحساب قديم ولكن اودعت مبلغ اكبر من اجل الموافقة ع الفيزا الرجاء الرد للضرورة
@MohamedKamalAustralia 9 ай бұрын
الفيديو ده بيتكلم عن فيزا الدراسة بالتفصيل فيزا الدراسة| أسهل طريقة للهجرة الى أستراليا بدون خبرة او نقاط| شروط و تكاليف التقديمStudy Visa kzbin.info/www/bejne/a6WxZKqbhs-mm6M
@MohamedKamalAustralia 9 ай бұрын
ده يا فندم وكيل هجرة مصرى و موجود فى استراليا و معتمد. ده الى انا تعاملت معاه شخصيا لما هاجرت و هو ممتاز هو متخصص فى فيزا الدراسة و حيقدر يساعدك انك تلاقى ارخص جامعة و تخصص و ولاية تقدم عليه يكون مناسب لظرفك و خبرتك و كمان يبقى ليك فرصة كبيرة انك تاخد الاقامة الدائمة بعد ما تخلص دراسة ان شاء الله… حضرتك ممكن تملى الاستمارة ده و هو حيتواصل معاك عن طريق الايميل لتحديد ميعاد للاستشارة migrationadvisor.com.au/study-k
@user-sg9rb3zd8i 9 ай бұрын
انا مش من مصر انا اردنيه ينفع اتواصل معه ويفيدني ؟
@MohamedKamalAustralia 9 ай бұрын
ايوة ينفع طبعا يا فندم 😊
@drclin7720 4 ай бұрын
اخي انا معيا الجنسيه الألمانية احتاج فيزا للولج الى أستراليا ❤
@MohamedKamalAustralia 4 ай бұрын
مجموعة الفيديوهات ده بتتكلم عن الولايات الى فاتحة الهجرة حاليا بالتفصيل… حتلاقى المهن المتاحة فى كل ولاية و شروط و طريقة التقديم لكل ولاية فيهم حضرتك ادخل فى الوصف بتاع كل فيديو على اليوتسوب حتلاقى الوظايف المطلوبة شوف لو وظيفتك مطلوبة و حتلاقى شروط التقديم مشروحة فى الفيديو…. اتفرج عليهم و لو عندك اى سؤال محدد بعد كدة قولى kzbin.info/aero/PLhqzvsu7dZ2WhdZ9tL1F07JUZVofMRCzG
@user-bs6dx5tf6g 2 ай бұрын
يازلمة عشت بالمانيا سنة عم تحكي عنها بهاد السوء اول شي المانيا من اقوى الدول اقتصاديا هي ليش ماحكيتا وفرص الشغل متوفرة بشكل كتير كبير ثانيا الجواز السفر الالماني من اقوى الجوازات بالعالم وافضل من استراليا ليش كمان ماحكيتا ثالثا المانيا بتحتل المرتبة الاولى طبيا بالعالم وخصوصا بالعظمية لوجود اجهزة فيها مانا موجودة بايا دولة رابعا المانيا انت عم تدفع ضرائب وكلشي بس بالنهاية كلن راجعيلك بس تتقاعد خامسا القانون الجديد ل المانيا ب ٥ سنوات بتاخد الجنسية والمطلوب مستوى لغة B1 وعدد ساعات عمل معينة و ب ٣ سنوات بتاخد الجنسية والمطلوب C1 وعدد ساعات معينة وبالنهاية يلي بدو يجي ع ايا بلد بدو يشتغل مارح يضل قاعد سادسا المانيا مافي شي اسمو تعديل شهادة للهندسات بجميع انواعا عبارة عن اعتراف بالشهادة فقط ومستوى لغة وبتبلش شغل وبراتب محترم جدا الاعتراف واللغة التخصصية فقط للدكاترة صدقني البعد يلي بين استراليا والوطن العربي بخليك تحس حالك عايش على بقعة من الارض بنص البحر ممكن تغرق بايا لحظة بقا استراليا ما بتتقارن بالمانيا مع احترامي ل استراليا بس لاتقارن ولا ١٪
@MohamedKamalAustralia 2 ай бұрын
و الله يا فندم ده وجهة نظرك و انا بحترمها و لكنى لا اتفق معاك… انا عيشت فى البلدين و اقدر احكم على الموضوع كويس… حضرتك لم تعيش فى استراليا فمع احترامى ليك متقدرش تحكم على الموضوع كويس
@user-bs6dx5tf6g 2 ай бұрын
@@MohamedKamalAustralia صحيح ولكن الحكم على بلدين لازم يكون معتمد على جميع المزايا المختلفة بين البلدين وليس المزايا يلي متل بعضها وانت ماذكرت غير جزء كتير صغير من مزايا المانيا وللعلم انا عايش ب المانيا واخواتي عايشين باستراليا من ١٥ سنة ف معلوماتي عن استراليا جدا قوية تحياتي الك
@abdoahmed-wy2pf 9 ай бұрын
السلام عليكم يا دكتور حضرتك انا خريج بكالوريوس نظم ومعلومات اداريه وعايز استفسر من حضرتك لأن مجال سوق العمل في مصر واسع منها البرمجه وال it والاداره دلوقتي انا مش عارف المهن الي بيشتغلوها خريجين الجامعه دي في الخارج ايه وموجوده في اليسته ولا لا ومكان عمل معادله الشهاده وخطواته لو امكن❤️
@MohamedKamalAustralia 9 ай бұрын
انا للاسف معرفش قوى فى مجال الIT لكن الى اعرفه ان مجال الIT مطلوب فى استراليا بشكل عام
@ahmedadel7031 8 ай бұрын
سلام عليكم ورحمة الله وبركاته بخصوص إن الشخص يكون متواجد لمدة اربع سنين في استراليا علشان ياخد الجنسيه ، هل في خلال الاربع سنين ميقدرش ينزل بلده زيارة شهر كل سنه يشوف بقيت اهله ولا لازم الاربع سنين يكونو متواصلين؟
@MohamedKamalAustralia 8 ай бұрын
يقدر يسافر زى ما هو عايز يا فندم خلال ال٤ سنين… بشرط ان اجمالى المدة الى يقعدها خارج استراليا لا تزيد عن سنة
@ahmedadel7031 8 ай бұрын
تمام بارك الله فيك🥰@@MohamedKamalAustralia
@MohamedKamalAustralia 8 ай бұрын
شكرا ليك يا فندم
@romanylouiz2586 9 ай бұрын
رتم الحياه سريع جدا في استراليا بدليل دفع المرتبات أسبوعيا والايجارات والالتزامات نسيت ارد علي النقطه دي
@MohamedKamalAustralia 9 ай бұрын
بالعكس يا فندم رتم الحياة فى أستراليا ابطئ بكتير و خصوصا فى المدن الصغيرة ساعات بيصل لحد الملل 😊
@ramikiryakooz7834 6 ай бұрын
اخي العزيز اني حضرت الفيديو والتعليقات ماشالله يعني .. حضرتك ماقصرت (( ارجوك عندي سوال وياريت تجاوبني عليه )) اني عايش في المانيا صارلي١٥ سنة وعندي الجنسية الألمانية اني وابنتي وابني بس زوجتي عدها الإقامة على الجواز العراقي ، زوجتي مستحقة الإقامة على الاولاد لانه عدهم الجنسيه الألمانية .. السوال .نقدر نسافر ونعيش في استراليا او لا .. ؟؟ تحياتي
@MohamedKamalAustralia 6 ай бұрын
تقدر تييجى استراليا بدون فيزا
@ramikiryakooz7834 6 ай бұрын
@@MohamedKamalAustralia ❤️. أشكرك عزيزي هو كيف تقدر زوجتي تسافر وتعيش في استراليا ؟ لانه هي عدها الإقامة الألمانية على الجواز العراقي !! تحياتي وشكرا ❤️🌹
@malathadnan5840 Ай бұрын
كيف وصلت من المانيا الى استراليا ؟ يعني الوصول لاستراليا من خلال المانيا اسهل من لو ما كنت في مصر ؟
@MohamedKamalAustralia Ай бұрын
لا انا رجعت مصر و قدمت على الهجرة الى استراليا من مصر
@akramaaahmed 9 ай бұрын
السلام عليكم يادكتور كنت هستأذن حضرتك كنت محتاج رقمك الخاص الاسترالي
@MohamedKamalAustralia 9 ай бұрын
رديت على حضرتك فى الكومنت التانى
الهجرة إلى أستراليا مع محمد كمال
Рет қаралды 7 М.
الهجرة إلى أستراليا مع محمد كمال
Рет қаралды 16 М.
Ayash in Germany عياش في المانيا
Рет қаралды 19 М.
الهجرة إلى أستراليا مع محمد كمال
Рет қаралды 11 М.
Morad W مراد والهجرة
Рет қаралды 82 М.
Adam's Daily : أستراليا بالعربى
Рет қаралды 18 М.
الهجرة إلى أستراليا مع محمد كمال
Рет қаралды 3,3 М.
Ehab Mesallum
Рет қаралды 1,1 МЛН