الهجرة إلى استراليا - طريق الاطباء كامل في 25 دقيقة

[@حسينعلي-خ7خ8خ]

دكتور إذا شخص راغب يأخذ اختصاص كارديو او اي اختصاص معين في استراليا ماذا يجب ان يفعل ؟ كيف يطور من نفسه

[@MohamedRefaeyAustralia]

اي حد في اي مكان بيفكر في تخصص معين هيحتاج يقرا كتير و يتفرج علي فيديوهات و يتكلم مع ناس في التخصص و يحضر مؤتمرات و يحاول يحضر تدريب غير مدفوع..كل ما تعرف اكتر هتاخد قرار احسن و تطور من مهاراتك بشكل افضل

[@Kh11922]

يعطيك العافية دكتور وشكرا كتير لحضرتك🌸 اذا ممكن مستقبلا تحكيلنا عن التخصصات التانية غير النفسي والطوارئ وادي فرص الحصول عليهن متل التخصصات الجراحية بأنواعها او الاشعة والنسائية وشكرا🌸

[@MohamedRefaeyAustralia]

كل الوظائف ممكن التقديم عليها زي ما حكيت في الفيديو..الطواريء و النفسية فيهم عجز ففرص القبول فيهم اعلي مش اكتر انما من حقك تقدم علي اي وظيفة عادي طبعا

[@doodmood326]

محتواك رائع يا دكتور، ربنا يجزيك خير حضرتك انا عارف انو فرص الوظيفة مع AMC 1 بس هتكون صعبة وخصوصا اني معنديش خبرة بعد الامتياز وعندي Gap، سؤال هل الحصول على general registration بعد AMC 2 ممكن يرفع حظوظي في الوظيفة ك Jr medical resident

[@MohamedRefaeyAustralia]

حاول تعمل خبرة بعد الامتياز علشان تزود فرصتك و تقلل الجاب لو امتحنت الجزء التاني و عديته فمحتاج عقد عمل الاول علشان تاخد الترخيص provisional و بعد ١٢ شهر عمل في استراليا تقدر تقدم علي الترخيص العام

[@sadiqameen7249]

سؤال دكتور .. انا مخلص الزمالة العربيه طوارئ تدريب واختبارات بالكامل واريد افعل معادلة البورد العربي بالبورد الاسترالي واحصل ع شهادة البورد الاسترالي .. كيف بتكون الطريق ؟

[@MohamedRefaeyAustralia]

هتلاقي فيديو منفصل لكل طريق منهم شوف ال specialist pathway

[@nabeelelemam4954]

طيب يا دكتور ممكن اني اسوي general registration من غير ما اشتغل في استراليا زي ما حضرتك قلت باني امتحن ال AMC و ال OET ؟؟

[@MohamedRefaeyAustralia]

لا يا فندم..معلش اسمع الفيديو تاني بعد الجزء الاول و اللغة ممكن تسافر علي عقد عمل و ترخيص محدود بعد ما تخلص الجزء التاني من المعادلة و خبرة العمل داخل استراليا تقدر تقدم علي الترخيص العام

[@ashrafsayed-m4i]

تسلم يا دكتور علي مجهود حضرتك...معلش محتاجة مساعدة حضرتك انا خريج طب بشري معي دكتوراة في medical biochemistry and molecular biology ....خبره 10سنوات تدريس في الجامعة وشغل لاب ...وحضرت obstetrics and gynecology دبلومةخبرة عامين...عاوز اجي استراليا واشتغل ب biochemistry سواء في معامل أو جامعه أو باحث ..ممكن حضرتك تقولي الطريقة ال أبدا بيها حتي لو الدكتوراة اعادلها ازاي ..محتاجة ارشاد وشكرا جزيلا

[@MohamedRefaeyAustralia]

وظيفة التدريس في الجامعة ممكن ماتحتاجش لها معادلة..ممكن تدور مباشرة علي مواقع الجامعات للوظائف و استشير وكيل هجرة علشان ممكن تبقي موجودة علي قوائم الهجرة بدون معادلات ماعنديش تفاصيل اكتر فالأحسن تستشير وكيل هجرة

[@علاجازه]

أنا من سوريا معي جنسيه تركيه كيف فيني اطلع أنا ومرتي وولادي اطلع عجوازات التركيه وقدم لجوء باستراليا الرجاء الحل أنا ضايع

[@MohamedRefaeyAustralia]

كلم وكيل هجرة متخصص في امور اللجوء..ماعرفش عنها تفاصيل للاسف

[@ahmedhashem9029]

لازم اكون خربج انجلترا ولا عادي اعمل معادلة انجلترا بس

[@MohamedRefaeyAustralia]

الاتنين مناسبين لطريق ال competent انصحك تشوف الفيديو الخاص بالطريق ده

[@amhd1017]

السلام عليكم هل بعد تجهيز المتطلبات الاساسية امتحان المعادلة وشهادة اللغة والgeneral registration يستطيع التقديم للتخصصات الصعبة مثل الاشعة التشخيصية وكم نسبة القبول؟

[@MohamedRefaeyAustralia]

اتكلمنا في كل الحاجات دي اكتر من مرة..اتفرج علي فيديوهات طريق الاطباء و هتلاقي اجابة لكل اسئلتك

[@Theworld2674]

طيب لو حد اشتغل في المانيا سنوات هل يقبلوا شهادته ، يعني ننطلق استراليا مباشره ماعاد نضيع وقتنا وعنصريه وقرف ،

[@MohamedRefaeyAustralia]

لو خلصت زمالة المانية و بقيت استشاري يبقي شوف الفيديو بتاع طريق الاختصاص اي حاجة تانية يبقي هتبدأ طريق المعادلة الاسترالية من الاول

[@JamesRobert-lf1hi]

لو سمحت ممكن أتواصل معاك من فضلك

[@Danni.Milano]

DEAR mohamed Kindly, speak of physiotherapy jobs and how see physiotherapist in australia Regards Mohamed

[@MohamedRefaeyAustralia]

I don't have enough information yet, but will try to find more

[@Danni.Milano]

@@MohamedRefaeyAustralia I hope so. But please try it, we physios are alot. Am sure alot would like to watch you taking this part

[@drnoura2156]

طيب يادكتور معظم الوظايف يتطلب APRAH. هل نقدم عليه من دلوقتي من قبل مانحصل وظيفه

[@MohamedRefaeyAustralia]

قدم عادي..هم طبعا عاوزين اللي معاهم ترخيص..بس لو مفيش حد تاني مقدم هيبصوا علي الناس اللي مش معاها ترخيص..علشان كده بنصح بتركيز التقديم علي المستشفيات البعيدة عن العواصم و المدن الكبيرة علشان اللي معاهم ترخيص مش عاوزين يروحوا هناك

[@SaifEldin-ne4vu]

Mrcp بدون عمل في انجلترا ينفع؟

[@MohamedRefaeyAustralia]

شوف الفيديو الخاص بالمعادلة البريطانية

[@mohamedsabra2091]

السلام عليكم ورحمة الله وبركاته.. بداية آسف على ازعاج حضرتك. أنا خريج علوم ميكروبيولوجي وعندي خبرة ١٠ سنوات كيميائي معمل وبنك دم والمسمى الوظيفي في البطاقة اخصائي ميكروبيولوجي.. لو حضرتك تقدر تفيدني في اجراءات السفر والعمل وهل في معادلات او اختبارات لازمة.. شكرا جزيلاً لحضرتك

[@MohamedRefaeyAustralia]

لو وظيفتك موجودة علي قوائم الهجرة يبقي هتلاقي كل الاوراق المطلوبة الافضل تستشير وكيل هجرة لمساعدتك في الاجراءات

[@mohamedsabra2091]

حضرتك ممكن تدلني على حد هنا في مصر استشيره ؟

[@MohamedRefaeyAustralia]

شوف اي وكيل هجرة معتمد..مش لازم يكون في مصر..دور من اللينك ده immi.homeaffairs.gov.au/help-support/who-can-help-with-your-application/using-a-migration-agent

[@mohamedsabra2091]

شكراً جزيلاً لحضرتك.. الوظيفة موجوده بس في كذا تخصص وأنا محتار ايه الأفضل لشهادتي وخبرتي.. هتواصل معاهم إن شاء الله

[@adelsarhan3047]

السلام عليكم، انا طبيب عام انهيت سنة الامتباز في فلسطين و معي خبرة عمل كطبيب عام اكثر من سنة، ما هو المسمى الوظيفي التي يجب علي ان اقدم له بعد اجتيازي للامتحان الاول؟ intern or registrar؟

[@MohamedRefaeyAustralia]

ممكن تقدم علي وظائف جي بي في العيادات او في المستشفيات تقدم علي resident

[@Osama-wg5em]

فيديو رائع لو الواحد سافر بريطانيا و اشتغل هناك و قدم علي وظيفة في استراليا هل فرصة انه يلاقي وظيفة بتبقي افضل خصوصا لو واحد مش هيقدر يدفع تكاليف المعادلة الاسترالية

[@MohamedRefaeyAustralia]

زي ما قلت ممكن يقدم علي comptent pathway و الورق بيتقيم و ممكن يتوافق عليه او لأ

[@Osama-wg5em]

@@MohamedRefaeyAustralia قصدي لما اجي ادور علي وظيفة هل المستشفيات في أستراليا بتدي افضلية شوية للجاي من الطريق دا ؟

[@MohamedRefaeyAustralia]

ممكن..مش هتخسر حاجة لما تجرب بم انك شغال فعليا في انجلترا

[@mohammadmusalam5547]

يعطيك ألف عافية دكتور محمد أنا طالب ف كليه طب سنة خامسة نظام ٥+٢ عايز اعرف هل سنتين الامتياز يعتبروا من سنين الخبره ولا لا

[@MohamedRefaeyAustralia]

لأ..سنين الامتياز جزء من التدريب اللازم للحصول علي ترخيص مزاولة المهنة لكن المهارات اللي هتتعملها في السنة او السنتين دول مهمين علشان السي في

[@mohammadmusalam5547]

@@MohamedRefaeyAustralia شكرا لحضرتك دكتور يعني اللوج بوك بتاع الامتياز مهم للسي في ؟

[@MohamedRefaeyAustralia]

مهم تتعلم حاجات كتير و تعرف تشتغلها بإيدك..وجود اللوج بوك كويس بس المهم تبقي فعلا بتعرف تعمل المكتوب

[@anansalaimeh2207]

هل ينفع اقدم الامتحانات ع طول بعد الامتياز ولا لازم سنتين خبرة ؟؟ شكرا حكيم

[@MohamedRefaeyAustralia]

ممكن تقدم علي الامتحان عادي..هتلاقي فيديو للموضوع ده..و اتفرج علي باقي طريق الاطباء و هتعرف كل اللي تحتاجه ان شاء الله

[@albaraabashir6594]

هل تعتبر الجامعة معتمدة اذا تواجدت في قائمة WDMC فقط أم يلزم التواجد في قائمة ECFMG

[@MohamedRefaeyAustralia]

الجامعات المعترف بيها في استراليا في اللينك ده www.amc.org.au/check-eligible-medical-school-medical-degrees-and-graduation-years/

[@drbrs86]

انا من غزة اخدت فيزا ٦٠٠ زيارة بسبب الحرب ومخلص معادلة امريكية و ecfmg certified سؤالي لو حمشي standard pathway و خلصت amc and oet بقدر اخد فرصة عمل و احول الفيزا لعمل؟

[@MohamedRefaeyAustralia]

لو مخلص كل اجزاء المعادلة الامريكية و اشتغلت في امريكا فعلا يبقي شوف الفيديو بعنوان competent pathway لو ماشتغلتش في امريكا يبقي هتبدأ ال standard pathway لما تلاقي شغل و تمضي عقد ممكن تعمل فيزا عمل وقتها

[@beshoysangeorge2675]

محتاج اتواصل مع دكتور مينا اللي بيدي كورس AMC عشان عايز ابدأ لو حضرتك تدلني؟ شكرا جزيلا

[@MohamedRefaeyAustralia]

شوف اخر فيديو بعنوان مصادر المذاكرة

[@Ahmedaudio]

تخصص طب السمع و الاتزان في استراليا تخصص لغير الأطباء هل سفر طبيب اخصائي طب سمع واتزان يكون راتبه قريب من راتب الطبيب في استراليا؟ وهل موجود تخصص Neuro-otology ؟؟

[@MohamedRefaeyAustralia]

المرتب هيبقي زي فني السمعيات في استراليا..ماعرفش الراتب تحديدا بس اكيد مش هيبقي زي راتب الطبيب

[@sarahsaad9294]

دكتور أنا biologist وحاليا انا قربت اخلص master of Histochemistry and cell biology في مصر جتلنا الفيزا الحمد لله ، اعمل ايه معلش وانا بتخصص في المجال المختبرات ، رأي حضرتك ابدأ منين لما اروح هناك ؟؟؟ لو ليك فكره في اي شيئ بكمل مثلا دكتوراه ولا بدخل مجال العمل ازاي ؟؟؟؟

[@MohamedRefaeyAustralia]

ماعنديش فكرة عن تخصصك بس هنصحك زي كل الناس اللي بتبدأ الطريق..دور علي اسم وظيفتك علي مواقع التوظيف و شوف بيطلبوا مؤهلات و خبرات ايه..لو لقيت حاجة بتتطلب في معظم الوظائف تبقي حاجة مهمة عندهم و يفضل تبقي معاك..و واحدة واحدة هتعرف المهام الوظيفية و متطلبات التعيين و تجهز نفسك

[@sarahsaad9294]

انا سألت حضرتك لان شغلي بيبقا في مختبرات الانسجه ؟ شكرا جزيلا لرد حضرتك

[@MohamedRefaeyAustralia]

كل ما يبقي التخصص ادق هتلاقي ناس اقل اللي جربت الطريق ده هتحتاج تجمع معلومات اكتر بنفسك..و السيرش هيجيب لك كل المتاح بالتوفيق ان شاء الله

[@sarahsaad9294]

شكرا يادكتور لرد حضرتك

[@sarahsaad9294]

معلش دكتور محمد سؤال مهم جدا جدا, لو عند حضرتك فكره عايزه أكمل في الكرير ، بفكر ادرس طب الامراض والتحاليل الطبيه -- bathology السؤال هل ممكن اكمل على مجال دراستي وأدرس بكلريوس تاني اللي هو طب علم الامراض والتحاليل؟ هل ممكن السن يكون عائق أو ممكن ماتقبلش عايزه أكون دكتوره؟؟ هل في مجال لكده ، ولا ماينفعش أعمل شفت كرير؟؟ لو في مجال تزودني بالمعلومات أكون ممتنه ، أبدأ ازاي واعمل ايه وهل ممكن أستفيد من المجستير اللي بعمله مع العلم المجستير اللي بعمله بعمله في مستشفى الاورام بالاسكندريه ، ومجال الدراسه عن الكنسر ونقطة البحث كذالك . أنا دورت ولقيته في بعض الجامعات ٣ سنوات وجامعات ثانيه ٤ سنوات في أستراليا لو عند حضرتك معلومات أكون شاكره ، وشكرا مقدما

[@ehapwagdy3351]

General surgery opportunities ؟؟؟

[@MohamedRefaeyAustralia]

@@ehapwagdy3351 زي اي تخصص تاني

[@MyMOHAMMED1997]

يعطيك العافية دكتور بالنسبة لفيزا العمل 482، مطلوب سنتين خبرة عشان الحصول عالفيزا ، هل سنة الامتياز تحسب من ضمن السنتين المطلوبات؟

[@MohamedRefaeyAustralia]

الخبرة تبدأ من تاريخ التخرج المكتوب في الشهادة الكارتون لو الامتياز قبل التاريخ ده يبقي غير محسوب

[@Osama-wg5em]

جزاك الله خيرا يا دكتور. هوا لو طبيب جه و اشتغل في استراليا و خد الترخيص العام او الكامل بيقدر ياخد الاقامة الدائمة بعدها بقد ايه؟

[@MohamedRefaeyAustralia]

مجرد ما يكمل الاوراق المطلوبة للتقديم بيفتح ملف..و هيدخل الطابور و حسب رزقه بقي ممكن اسابيع او شهور

[@mohamedmohsen551]

هل اختبار الجزء الاول اونلين ؟؟

[@MohamedRefaeyAustralia]

computer based بس لازم عند مركز الامتحان المعتمد..مش موجود في مصر او الدول العربية

[@doctoralmansoob259]

أنا معايا دكتوراه أكاديميه PhD ophthalmology from china نظام التدريب مختلف عن المطلوب هل لو قدمت ع speciality pathway ممكن يحصل رفض ، الجامعه المتخرج منها معترف فيها موجوده ضمن قائمة الجامعات المعترف فيها هل هناك أي شركات تساعد في التقديم، أكون شاكرا

[@MohamedRefaeyAustralia]

شوف الفيديو بعنوان specialist pathway مفيش شركات بتتدخل في مرحلة التقييم..هتجهز ورقك بنفسك

[@عبادهالحريري-ف8ذ]

هل مطلوب ترخيص مزاولة المهنة حتى اقدر امتحن الAMC واشتغل هناك

[@MohamedRefaeyAustralia]

من الذاكرة كده..ترخيص مزاولة المهنة ماتطلبش في اي خطوة لكن كل بلد اشتغلت فيها هتجيب منها good standing اتأكد من اللي خلصوا ورقهم قريب يمكن تكون اي حاجة اتغيرت

[@عبادهالحريري-ف8ذ]

@@MohamedRefaeyAustralia طيب دكتور هل استراليا خيار سيء لحديثين التخرج انا انهيت الامتياز من سنة وشغال حاليا طورائ وطبيب عام هل تنصحني بالموضوع علما انه عندي ابناء عمي باستراليا ونصحوني بالسفر هناك وايه افضل مصدر لمذاكرة الAMC غير الكورسات لو تعرف ولو في كورسات ايه ترشحلنا الدكتور مينا مش برد ارسلتله ومش عارف اوصل له واعذرنا على كثر الاسألة جزاك الله خير

[@MohamedRefaeyAustralia]

مفيش ما يمنع انك تقدم بخبرة قليلة..بس استراليا بتحب الخبرة علشان الطبيب يبقي محتاج تدريب و تعليم اقل..هيختاروا اللي معاه خبرة اعلي د. مينا بيدي الكورس عن طريق صفحة تانية و بيكون متسجل..اظن هتلاقي لينك علي صفحته و غالبا مش بيرد علي الرسائل

[@عبادهالحريري-ف8ذ]

@@MohamedRefaeyAustralia تمام بالنسبة لتوثيق الشهادات على موقع EPIC لازم احط شهادة الكرتون ولا الشهادة المؤقتة العادية لان الكرتون الجامعة بتصدرها بالعربي

[@عبادهالحريري-ف8ذ]

@@MohamedRefaeyAustralia وسؤوال ثاني معلش هل لازم الخبرة تكون بمكان حكومي حتى يتم الاعتراف بها ام العمل بالخاص كافي

[@cma5179]

يعني انفع أطلب ادخل امتحان فى استراليا لو انا من دول التعبانه اللى فيها مشاكل. يعني يدونى visa بس عشان امتحن هناك

[@MohamedRefaeyAustralia]

اي حد ممكن يقدم علي الفيزا..الموافقة بقي حسب ورقك و قرار الاوفيسر

[@islamrafaat89]

لو سمحت يا دكتور زوجتي معاها فيزا 189 واخداها ك partner ليا لكن هي انقطعت عن العمل فترات كتير اخرهم سنتين متواصلين للان كانوا اجازات رعاية طفل فهل اجازة رعاية الطفل تعتبر سبب للتغاضي عن فترات ال gap وهل هناك مسار للدراسة ليها في استراليا بحيث انها تكون بديل عن مسار المعادلة وخلافه مع العلم انها لم تحصل علي ماجستير او زمالة من مصر فقط البكالوريوس وجزء اول في الماستر وتوقفت عنه لظروف الاطفال

[@MohamedRefaeyAustralia]

اي اجازة تعتبر جاب..و حسب اخر طلبات لازم يكون في شغل علي الاقل 6 شهور في اخر 3 سنين..لو الشرط ده مش موجود وقت التقديم علي الترخيص يبقي لازم ترجع الشغل تاني لفترة 6 شهور بالنسبة للدراسة..ارخص و اسرع حاجة هتبقي المعادلة..لو عاوز تغير المجال يبقي دور كويس في سوق العمل علي الحاجات المطلوبة و مرتباتها قبل دراسة اي شيء لو قصدك علي الطب تحديدا يبقي مفيش اي دراسة تعتبر بديل عن المعادلة الا دراسة الطب نفسه من اول و جديد

[@nabeelelemam4954]

❤❤❤

[@arabicmedicine8580]

طيب ي دكتر لو سمحت دلوقتي انا لما اصل هناك استراليا في امكانية اسحب زوجتي معي ؟

[@MohamedRefaeyAustralia]

معظم انواع الفيزا تسمح باصطحاب الأسرة..راجع شروط و احكام الفيزا الاول

[@tarigabdalrahim]

​@@MohamedRefaeyAustralia يعني ي دكتور ممكن الواحد ممكن يصطحب امه او ابوه و يسافرو سوا ولا الا يصل البلد اول

[@MohamedRefaeyAustralia]

@@tarigabdalrahim الزوجة و الاولاد ممكن يضافوا علي الفيزا و ياخدوا نفس حقوق الاقامة..باقي الاهل ممكن ياخدوا فيزا زيارة و دي ليها ظروف مختلفة

[@mohamedabdalla8685]

لو سمحت يدكتور ممكن تقلنا ايه المصادر اللي نذاكر منها لامتحان AMCوممكن تقلنا مصاريف الامتحانات بتبقي ف حدود كام+هل تقدير الكليه بيفرق ؟

[@MohamedRefaeyAustralia]

المصاريف بتتغير مع الوقت..ادخل موقع ال AMC و شوف مكتوب كام حاليا في كورسات كتير اون لاين..في دكتور مصري اسمه مينا بس ماعرفش بيتواصلوا معاه ازاي تقدير الكلية مش فارق في اي حاجة

[@mohammadelwakeel]

تسلم لتوضيح حضرتك الهائل دكتور محمد - سؤالي يخص مصر اذا أخذت سنة gap من شغل الحكومة كتفرغ لدراسة ال AMC 1 مع العلم تم انهاء فترة الامتياز بمصر و خوض سنتين من زمالة الجراحة المصرية.. هل فترة الانقطاع دي هتضرني في شئ ؟ مع الشكر

[@MohamedRefaeyAustralia]

طالما عندك تفسير لسنة الجاب يبقي مفيش مشكلة

[@mohammadelwakeel]

تبريري هيكون بحضر للامتحان فقط اعتقد هيكون غير كافي .. و لكن هل لو شغال بقطاع خاص ما يعتبرش gap ؟؟ @@MohamedRefaeyAustralia

[@MohamedRefaeyAustralia]

طالما شغال و لو حتي خاص يبقي مفيش جاب و لو مش شغال و عندك تفسير منطقي زي التحضير لامتحان مثلا فمقبول..بس طبعا تبقي فترة معقولة مش سنين يعني :-)

[@mohammadelwakeel]

@@MohamedRefaeyAustralia شكرا جزيلا لتوضيح حضرتك دكتور محمد جزاكم الله خيرا