劉福助-十二月尾牙、送神、推做堆 台語歌詞標誌+字幕版c

[@WBChen-zv2ir]

17370/《十二月尾牙送神捒做堆》Tsa̍p-jī-gue̍h Bué-gê Sàng-sîn Sak-tsò-tui 劉福助Lâu Hok-tsōo ------------------------------------------ 小寒雀鳥來做岫 sió-hân tshik-tsiáu lâi tsuè siū 路頂的人煞勼勼 lōo-tíng ê lâng suah kiu-kiu 穿衫穿袍穿棉裘 tshīng sann tshīng phâu tshīng mî-hiû 穿甲變形無人樣 tshīng kah piàn-hîng bô lâng-iūnn 十二月十六做尾牙 tsa̍p-jī-gue̍h tsa̍p-la̍k tsò bué-gê 欲請辛勞是舊例 beh tshiánn sin-lô sī kū-lē 雞頭向對佗一个 ke-thâu hiòng tuì tó tsi̍t-ê 叫伊攢攢咧 kiò i tshuân-tshuân--leh 明年換頭家咿 mê-nî uānn thâu-ke--ih 二四送神著祭拜 jī-sì sàng-sîn tio̍h tsè-pài 好話報玉皇上帝知 hó-uē pò Gio̍k-hông Siōng-tè tsai 阮這家口仔都袂䆀 gún tsit ke-kháu-á to buē-bái 保庇阮明年會發財 pó-pì gún mê-nî ē huat-tsâi 眾神轉了大摒掃 tsiòng-sîn tńg liáu tuā-piànn-sàu 壁櫥桌櫃摒床頭 piah-tû toh-kuī piànn tshn̂g-thâu 摒內摒外佮摒灶 piànn lāi piànn guā kah piànn tsàu 雞狗羊鴨 ke káu iûnn ah 豬鵝佮牛牢咿 ti gô kah gû-tiâu--ih 門甕缸灶啊 mn̂g àng kng tsàu--ah 春聯過 tshun-liân kuè 石磨仔清洗欲挨粿 tsio̍h-bō-á tshing-sé beh e-kué 籠床𥴊模仔毋免揣 lâng-sn̂g kám-bôo-á m̄-bián tshuē 甜粿過年 tinn-kué kuè-nî 發粿發錢 huat-kué huat tsînn 包仔包金 pau-á pau kim 菜頭粿食點心 tshài-thâu-kué tsia̍h tiám-sim 這代的少年仔攏真巧 tsi̍t tāi ê siàu-liân-á lóng tsin khiáu 毋過做粿啊 m̄-koh tsò-kué--ah 攏袂曉啊欸 lóng bē-hiáu--ah-eh 二九彼暝 jī-káu hit mî 真古錐哩 tsin kóo-tsui--lih 後生新婦仔 hāu-sinn sin-pū-á 坐對開啊欸 tsē tuì-khui--ah-eh 按呢做 àn-ne tsò 簡單閣袂浪費 kán-tan koh buē lōng-huì 𤆬入房內捒做堆咿 tshuā ji̍p pâng-lāi sak-tsuè-tui--ih 咿~啊 ih~ah 咱的祖先囉 lán ê tsóo-sian--loh 真知情哩 tsin tsai-tsîng--lih 一年四季啊 tsi̍t-nî sù-kuì--ah 分甲清清清啊欸 hun kah tshi̋ng-tshing-tshing--ah-eh 二四節氣明明明 jī-sì tseh-khuì bi̋ng-bîng-bîng 清清楚楚啊 tshing-tshing-tshó-tshó--ah 照農曆啊欸 tsiàu lông-li̍k--ah-eh 千萬年來 tshian-bān-nî lâi 攏用這 lóng īng tse 代代相傳啊 tāi-tāi siong-thuân--ah 一直踅啊欸 it-ti̍t se̍h--ah-eh 大寒過了過年節 tāi-kuânn kuè liáu kuè nî-tseh 盤古開天以來直輪迴 Phuân-kóo khai-thian í-lâi ti̍t lûn-huê 咿~啊 ih~ ah 大寒過了過年節 tāi-kuânn kuè liáu kuè nî-tseh 盤古開天以來直輪迴 Phuân-kóo khai-thian í-lâi ti̍t lûn-huê 咿~啊 ih~ ah ------------------------------------------ 臺語正字/orthography請查見教育部《常用詞辭典》 →twblg.dict.edu.tw/holodict_new/default.jsp 注音請見(spelling-to-sound correspondences, see) 臺羅教學網→tailo.moe.edu.tw/