Рет қаралды 1,433
sözləri: Tofiq Bayram
musiqisi: İsrail Kərimov
müşayiət: “Dan ulduzu” i/a, bədii rəhbər Gülarə Əliyeva, 1982
I
İllər boyu səni gəzdim,
Ay gecikən məhəbbətim!
Sən yubandın, mən tələsdim,
Getdi gənclik təravətim,
Ay gecikən məhəbbətim!
II
Mən bir yanda sənə möhtac,
Sən bir yanda gəzdin əlac.
İki qəlbdə bir ehtiyac,
Övladıyıq bir həsrətin,
Ay gecikən məhəbbətim!
III
Harda idin, söylə, harda?!
Gözüm qalıb yollarında.
Bir yarpağam sonbaharda,
Saralıram yetim-yetim,
Ay gecikən məhəbbətim!
IV
Ürəyimdə adın gəzər,
Gizli ağrı, odun gəzər,
Bir İlahi qadın gəzər,
Son ümidim, son niyyətim,
Ay gecikən məhəbbətim!