Рет қаралды 422
sözləri: Dilarə Şahidqızı
musiqisi: Eldar Mansurov
I
Taleyin yolları ayırdı bizi,
Ağlatdı ömürlük hər ikimizi.
“Əlvida” - söyləyən acı dilimizi,
Kəsəydin, İlahi, eyləyəydin lal!
Mən idim, yoxsa ki, səndin günahkar?
Ayrıldıq səninlə birləşmədən biz,
Bizimtək ağladı, çağladı dəniz.
Qalmısan sən mənsiz, mən də ki sənsiz,
Peşmanlıq həsrəti bizimlə yaşar.
II
Əzablı yollardan keçə bilmədik,
Yaxşıdan yamanı seçə bilmədik.
Vüsal şərbətini içə bilmədik,
Gözümüzdə ayrılıq yaşı parıldar,
Mən idim, yoxsa ki, səndin günahkar?
Gileyli nəzərlər, - nə üçün, nədən?
Baxıb ötüşürük biz yolda hər dəm.
Soraq ötüb keçən xatirələrdən,
Bu yolda kim axı, kimdir günahkar?
III
Ayrıldıq səninlə birləşmədən biz,
Bizimtək ağladı, çağladı dəniz.
Qalmısan sən mənsiz, mən də ki sənsiz,
Peşmanlıq həsrəti bizimlə yaşar,
Bu yolda kim axı, kimdir günahkar?
Mən idim günahkar, səndin günahkar!