Рет қаралды 15,288
sözləri: Vaqif Səmədoğlu
musiqisi: Emin Sabitoğlu
müşayiət: “Xatirə” ansamblı, 1987
I
Quşlar bağça-bağa girməzdən qabaq,
Bağbana elçilər heç göndərərmi?
Bənövşələr dağda boyun bükəndə,
Dumana elçilər heç göndərərmi?
Nəqarət:
Göy çəmənə yağış yağanda səhər,
Otlara, güllərə yağım deyərmi?
Ay işığı al yanağa düşəndə,
Qara gözlərinə baxım deyərmi?
Deyərmi, deyərmi,
Qara gözlərinə baxım deyərmi?
II
Qışı əridəndə hər yanda Günəş,
Gəlim, ya gəlməyim soruşmaz bahar.
Çiçək nəfəsiylə, körpə səsiylə,
Gülüm, ya gülməyim soruşmaz bahar.
Nəqarət:
Göy çəmənə yağış yağanda səhər,
Otlara, güllərə yağım deyərmi?
Ay işığı al yanağa düşəndə,
Qara gözlərinə baxım deyərmi?
Deyərmi, deyərmi,
Qara gözlərinə baxım deyərmi?