Рет қаралды 17,224
ლიბიის სასამართლომ ქვეყნის ყოფილი პრეზიდენტის შვილს სიკვდილით დასჯის განაჩენი გამოუტანა. საიფ ალ-ისლამ კადაფის გარდა სიკვდილით კიდევ რვა ყოფილ მაღალჩინოსანს დასჯიან. მოამარ კადაფის ვაჟს 2011 წელს რევოლუციის დროს სამხედრო დანაშაულსა და დემონსტრანტების მკვლელობაში მონაწილეობა ედებოდა ბრალად. სასამართლოს გადაწყვეტილებით, სიკვდილმისჯილთა შორის კადაფის მთავრობის დაზვერვის მეთაური და ყოფილი პრემიერ-მინისტრი არიან. თავად საიფ ალ-ისლამ კადაფი სასამართლო პროცესს არ დასწრებია, მან ჩვენება ვიდეო-კონფერენციის საშუალებით მისცა. შეგახსენებთ, რომ ექს-პრეზიდენტის შვილი ამბოხებულებმა 2011 წელს ქალაქ ზინტანში შეიპყრეს და მის გათავისუფლებაზე უარს აცხადებენ. ყოფილი ამბოხებულები ფიქრობენ, რომ ხელისუფლება უსაფრთხოების ზომებს ვერ უზრუნველყოფს და კადაფი გაიქცევა. ლიბიის სასამართლოს გადაწყვეტილებას უკვე მოჰყვა საერთაშორისო უფლებადამცველი ორგანიზაციების კრიტიკა.