الكهربائي بيسرقك في الخامات و السلك. وانت بتأسس بند الكهرباء لشقتك

الكهربائي بييجي يشتغل في تأسيس الكهرباء عندك في الوحده بتاعتك. طبعا بتشتريله خامات كتير سواء اسلاك وكابلات الكهرباء او الخراطيم واللوحات و المفاتيح وكل الطلبات اللي هييجي يشتغل بيها. بعض الناس بيشتكي ان الكهربائي ساحب خامات كتير جدا وهو حاسس ان الخامات دي اكتر من اللي شايفه قدامه في الشقه. و بيبدأ يشك ان الكهربائي سرق حاجه من الخامات دي ((طبعا فيه صنايعيه كتير جدا محترمين وقمه في الامانه)) لكن احنا بنوضح الطريقه اللي ممكن الصنايعي يسرقك بيها و ياخد خامات زياده لنفسه علشان تبقي مخلي بالك وانت بتأسس بند الكهرباء في وحدتك وكمان تبقي عارف ازاي تحسب بالتقريب الكميات اللي ممكن تحتاجها.

[@AbdouAbdouch-q8k]

كل واحد يتكلم عن نفسوا وتجربته وخبرته وينصحنا من شغلوا كيف كان يسرق.

[@amirakamel6910]

انا فعلا اتعمل معايا من كهربائي كدا لاني كنت بثق فيه كان معرفة وحط سلك مختلف بدل السويدي ومعرفتش غير بعد ماركب بفترة في حد جه يكمل الشغل وقالي ان السلك ده مش السويدي

[@Melshamy]

علشان كده لازم نراجع علي كل الخامات و الكميات في وقت الشغل

[@amirakamel6910]

@@Melshamy 🌺🌺🌺

[@magedswanis]

ممكن نمرة التليفون ​@@Melshamy

[@samerraafat2028]

ربنا يباركلك فى صحتك وبيتك واولا ك يارب ممكن تليفون حضرتك

[@Melshamy]

WhatsApp [phone]

[@GharbawyGroup]

اولا تسلم يا هندسة على الشرح الجميل الوافى وكنت عايز أعرف ازاى احسب كميات الخامات لشقة بشطبها على الطوب عشان محدش يغشنى ويوقلى مثلا عايز 1000 م سلم واكون محتاج 100 م بس وهكذا

[@Melshamy]

لازم تتحسب علي الرسومات. علشان تقدر تعرف الكميات المطلوبه بالظبط

[@GharbawyGroup]

طب ازاى احسبها من الرسومات نفسها ومن انهى رسومات الشوب درونج ولا منين ومعلش على الاسئلة الكتير ولو عندك اى رسمة معمولة حتى لو على حجرة واحدة ممكن تشرحها ازاى@@Melshamy

[@Melshamy]

من رسومات الشوب دروينج - بيبقي عليها مسارات الكهربا و برضو بتزود علي كميه الرسومات لأن الكهربائي بيبقي واخد زياده شويه في السلك علشان يعرف يشتغل @@GharbawyGroup

[@Dalia.shalapy]

هو حضرتك لو هتشطب شقة حضرتك الى بتوفر الصنايعية ولا العميل

[@Melshamy]

انا يافندم اللي بوفر الصنايعيه و الخامات

[@amirakamel6910]

شكرا على المعلومات المفيدة طب ممكن اعرف لو هتعامل مع مهندس واتفقت معاه على شغل السباكة والكهرباء في الشقة اول حاجة وبعد كدا ممكن ابقا اكمل معاه عشان بس معايا مبلغ معين ممكن اعرف بيبقا الحساب اذاي بيبقا تقديري ولا حسب الحاجة ال هعملها وممكن اعرف حساب السباكة والكهرباء بيبقا كام لو سمحت تقريبا

[@Melshamy]

علي حسب كميات الشغل. وهو هيحدد نسبه ليه للاشراف علي الشغل او مبلغ ثابت متفق عليه

[@amirakamel6910]

@@Melshamy 🌹🌹🌹شكرا لحضرتك

[@mirnahesham2481]

👏🏻👏🏻👏🏻

[@khaledfahmy6408]

طب وباقي الصنايعيه 😂

[@Melshamy]

أكيد مش كله كده. وده اللي قولناه في الڤيديو