الكسرة السودانية المظبوطة بتفاصيلها من الخمار الى العواسة| Sudanese kisra

[@wasafat-sudaniya-lolo]

ملاحظة: انا استخدمت كل من دقيق الذرة السوداني و دقيق الارز والدقيقة متعدد الاستعمالات لان دقيق الذرة غير موجود بوفرة في البلد الموجودة فيه. و اذا توفر، فإن لونه غامق كما في الفيديو. لذلك دائما احب ان اضيف عليه دقيق ارز ليفتح لون الكسرة. بالهنا عليكم.. اذا اعجبكم الفيديو لطفاً لا تنسوا اللايك و الشير و الاشتراك بالقناة و تفعيل الجرس مع كل الحب 💙

[@talosha100]

طيب احنا في السودان غير متوفر دقيق الرز المقادير هتكون كيف

[@wasafat-sudaniya-lolo]

مرحب بيك ندى .. في السودان متوفر الذرة و كمان لونه فاتح فما محتاج تزيدي الرز الا اذا حبيتي.. اذا حتستعملي ذرة و متعدد الاستعمالات يبقى كوبين ذرة و واحد متعدد الاستعمالات. لكن اذا حابة تعملى نفس الوصفة ممكن تبلي كوب رز لمدة 3 -4 ساعات و تخلطيه مع شوية من موية النقع ناااعم جدا في الخلاط وتستعملي عادي بنفس الطريقة

[@talosha100]

طيب في الهوايه لو أضفت الرز يسهل لي ولا كله واحد

[@wasafat-sudaniya-lolo]

سوري ما فهمت قصدك 😅ممكن توضحي السؤال ؟

[@talosha100]

معليش كتبت غلط اقصد لما أضيف الأرز العواسه بتقي لي أسهل ولا كله واحد حتى لو ما أضفت الأرز؟

[@اميرةابوبكر-ه2ز]

واللة احلى واجمل وافضل كسرة لاكن الصوت افضل من الكتابة ما شاء الله

[@wasafat-sudaniya-lolo]

بإذن الله انزل الفيديوهات الجاية بالصوت.. شكرا حبيبتي على مرورك و تعليقك الجميل.💕

[@Sudaniya]

هههههههه الله يسعدك والله ضحكتيني باللسعة دي شكلك ما متعودة على البهدلة هههههه اول شي ما شاء الله طريقتك حلوة وبسيطة ما معقدة وصاجك رهيب وشكله تقيل وحلو والكسرة رهيييييييفة تشهي تبارك الرحمن تسلم يدك وإلى الأمام المرة الجاية بالصوت وما تستعجلي في الشرح براااااحتك

[@wasafat-sudaniya-lolo]

شكرا تقوى حبيبتي ..اي والله اتبهدلنا والله في الغربة 😟 لكن الله غالب.. حتة الصوت دي ما كنت مركزة عليها شديد مع انها اسهل لي من الكتابة. شكرا على نصايحك و دعمك لي. ربنا يسعدك 💕

[@samahalkhateeb194]

ربنا يقويك مشرفانا ورافعه راسنا واحلي لايك ليك

[@wasafat-sudaniya-lolo]

شكرا حبيبتي على تعليقك الجميل. تسلمي ❤

[@sarahabiballah7173]

كسره.جمييله تبارك الله .. وفكرة دقيق الرز ممتازه عشان انا برضو الدقيق عندي غامق .. موفقه ولقدام يارب ❤

[@wasafat-sudaniya-lolo]

جميلة عيونك يا سرورة 😊 .. اسعدتيني و شرفتيني بمرورك.💕

[@كدززووون]

شغلك جميل

[@wasafat-sudaniya-lolo]

تسلمي.. كلك زوق 💕

[@Ummahunited2]

بالتوفيق

[@wasafat-sudaniya-lolo]

جمعا يا رب.. شكرا حبيبتي على مرورك الرائع 🌹

[@Ummahunited2]

@@wasafat-sudaniya-lolo انا اتمنى تنوري قناتي بوجودك

[@wasafat-sudaniya-lolo]

@@Ummahunited2 ان شاء الله حبيبتي

[@randaawad7202]

تسلم ايدك وربنا يوفقك ويجزيك كل خير 🌹

[@wasafat-sudaniya-lolo]

شكرا حبيبتي .تسلمي . و يجزاك خير..💕

[@اماحمدالمصطفى-ل7ض]

ما شاء الله بالتوفيق حبيبه

[@wasafat-sudaniya-lolo]

تسلمي ام احمد.. جمعا يارب🌹

[@وردالجوري-س7ي]

يا سلاااام عليكي والله فناااااانه اتتي ....وشكرا لكي لتعليمي اياها والله شكرا لكي من قلبي ...من زمااان ابغي اتعلم طريقتها الله يسعدك يااارب العالمين 😘😘😘😘

[@wasafat-sudaniya-lolo]

العفو حبيبتي.. و يسعد قلبك يا رب 🌹🌹

[@املالمستقبل-س4ع]

صباااح الخير... موفقة ان شاء الله

[@wasafat-sudaniya-lolo]

صباحك ورد 🌹🌹.. آمين يا رب جمعا

[@sawaskitchen6921]

كسرة زي الذهب الابيض😍😍😍ماشاء الله تبارك الله ربنا يوفقك 😘 😘 😘 ويسلمو ايديك

[@wasafat-sudaniya-lolo]

الله يسلم عيونك حبيبتي 💕.. و بالتوفيق جمعا ان شاء الله

[@saraabdulaziz6385]

تسلم ايدك علي الكسرة الجميلة ❤❤

[@wasafat-sudaniya-lolo]

جميلة عيونك حبيبتي.. تسلمي 💕

[@raghadali9906]

تسلم ايدك حبيبه

[@wasafat-sudaniya-lolo]

تسلمي رغودة حبيبتي 💟 شكرا على مرورك الجميل

[@مطبخاسماءعبدالكريم]

كسره شهيه وعواستك تمام صحه وهنا

[@wasafat-sudaniya-lolo]

شكرا حبيبتي❤

[@salwagutbi3042]

تسلم يدك ماشاء الله...مرحب بيك تقوي ومرحبا بي معارفك ...ليها لايك

[@wasafat-sudaniya-lolo]

تسلمي حبيبتي ❤. وانا كمان اتشرفت بمعرفتكم اخواتي العزيزات. وتقوى حبيبتنا كلنا.. جزاها ربنا كل خير

[@saraabdulaziz6385]

كسرة تشهي ماشاءالله تسلم ايدك 🌹🌹

[@wasafat-sudaniya-lolo]

الله يسلم عمرك حبيبتي❤

[@اممحمدوفاطمةالزهراء]

ماشاء الله

[@wasafat-sudaniya-lolo]

تسلمي حبيبتي.. شكرا على مرورك🌹

[@MyYouTube.0277]

ابداع.. ما شاء الله

[@wasafat-sudaniya-lolo]

تسلمي حبيبتي . من زوقك

[@UnUmThatAzizHalal]

شكرا جزيلا ☺️

[@wasafat-sudaniya-lolo]

@@UnUmThatAzizHalal العفو .. نورتونا

[@nadiarefiat8511]

Thank you for sharing your recipes yummy but where do you get your pan for making the kissable💗🥰🌹❤️💕💕

[@wasafat-sudaniya-lolo]

My pleasure, dear. About the The pan, I live in a gulf country, therefore it is available here. I don't know if it is available where you are. But If you are also abroad, you may find it in any Indian shops. Or Indian sections in big supermarkets. The brand name is (Raj). Thanks for the nice comment ♥🌹

[@sherohassan6028]

ماشاءالله 😍😍 وبالتوفيق

[@wasafat-sudaniya-lolo]

شكرا حبيبتي . آمين.. جمعا 🌹

[@omniakhalil4171]

م شاء الله دقيقه جدا في الوصف اكتر حاجه عجبتني فيك فيديو مهم جدا واهم حاجه اضافه الماء بمقادير معينه تقريبا ظبطت العجين اهم خطوه بنحاول كتي وبنفشل بس بعد الفيديو ده لا مجال للفشل 😍😍..جزاك الله خيرا..

[@wasafat-sudaniya-lolo]

وجزاك حبيبتي.. اهم حاجة الاصرار و عدم الاستسلام .. وفي ملاحظات في صندوق الوصف بتساعد كتير .. شكرا على مرورك و تعليقك الجميل.. مع كل الحب ❤

[@salmashamsaldin6625]

السلام عليكم طريقه حرق صاج الكسره كيف

[@wasafat-sudaniya-lolo]

وعليكم السلام. الصراحة الصاح التقليدي متعب في العواسة . الافضل اذا لقيتي الزي التيفال المانع للالتصاق. لكن اذا ما لقيتي الا الصاج العادي. لازم تسخنيه لفترة طويلة بدرجة حرارة عالية و تكبي زيت و معاه ملح او شاي اسود و تخليهم شوية حتى تمسحيهم. و ممكن تمسيحه بالدكوة. اسعدني مرورك 🌷

[@امزيزوالسودانيه]

فنانه ماشاءالله عليك 👌🏼😍😍

[@wasafat-sudaniya-lolo]

الله يخليك حبيبتي .. مروركم يسعدني دايما ❤

[@كدززووون]

لو سمحتي سبب التصاق الكسرى مع بعض شنو انا دي مشكلتي

[@wasafat-sudaniya-lolo]

سببها غالبا انه الدقيق الابيض كميته زيادة عن اللازم .. او اذا بتعملي مديدة يمكن كميتها كتيرة. المفترض اكتر شيء دقيق الذرة واقل الابيض. لو حتعملي ذرة و ابيض فقط الكمية تكون نسبة 2:1 يعني الذرة ضعف الابيض. لو اتبعتي نفس الخطوات الفي الفيديو اكيد حتظبط معاكي

[@amirasharief7128]

ماشاء الله تبارك الله موفقة دايما يارب...انا من كترة مااشتهيتها اضطريت اتعلم عواستها ولسة اليد تقيلة شوية😂 الغربة ادبتنا وعلمتنا...اعجبتني فكرة علبة البيبسي لاني احيانا بضيع القرقريبة وبتحير اعوس بشنو شكراً كتير لافكارك الحلوة ....وتستاهلي لايك واشتراك في القناة

[@wasafat-sudaniya-lolo]

ياها الغربة بتعلم الادب 😂..وبالطريقة الصعبة.. الله المستعان .. شكرا امورة اسعدني مرورك 💕

[@amirasharief7128]

وصفات سودانية 😂😂 تسلمي ياست الزوق😘😘

[@slayshay_t467]

ماشااللة كسره رهيفه و طريه، تسلم الايادي. لو سمحت جبتي الصاج من وين؟ انا برضي متغربه و اتعذبتا عشان القا لي صاج للكسره. اي معلومه اكون شاكرة

[@wasafat-sudaniya-lolo]

شوفي مكان يكون فيه منتجات الهندية لانه يستعمل لخبز الروتي.. لو انتي في دول الخليج بتلقيه موجود في مجمعات السعودية و اللولو. اسم الماركة راج Raj نورتي القناة. و اسعدني مرورك يا غالية 💜

[@slayshay_t467]

@@wasafat-sudaniya-lolo بنورك يا ست البنات. للاسف انا في امريكا. لكن بفتش الامازون. طيب عرضه كم؟ و هل في البوتجاز في عين واحده ؟ و كمان مقارنة بي صاج الكهرباء اي واحد فيهم احسن؟ معليهش و جعت راسك بالاساله لكن لي من الكسره سنين

[@wasafat-sudaniya-lolo]

اكيد حتلقيه .. عرض الصاج ما مهم انا كان عندي واحد اصغر منه و بعوس فيه عادي.. ده لأنه كبير (قطره تقريبا 40 سم ) ختيته في العين الفي الوسط.. حتى لو بوتجازك صغير ما مشكلة . ممكن تدوري الصاح كل شوية عشان يسخن من كل الاجزاء بنفس المستوى.. و صاج الكهرياء انا ما جربته . لكن شايفة الناس بتعوس بيه عادي.

[@wasafat-sudaniya-lolo]

@@slayshay_t467 لو ما لقيتي نفس الماركة في امازون الافضل تمشي اي سوبرماركت هنود .. اكيد بيكون في.. و اذا ما لقيتي فتشي على اي nonstick tawa بس على شرط تكون تقيلة و نوعية كويسة. موفقة دايما

[@slayshay_t467]

@@wasafat-sudaniya-lolo شكرا جزيلا . موفقه دائما يارب

[@samahali8735]

لو سمحتي إسم الصاج من اي نوع وافضل محل أنا ساكنه ام درمان

[@wasafat-sudaniya-lolo]

نورتي يا سماح .. انا ما في السودان .. لكن عموما الصاج ماركته اسمها راج RAJ و بيتلقي في اماكن العدة الهندية لانه بيستعملوه لعمل الروتي ..

[@omfatmaomar6023]

دقيق الرز عملتي في البيت ول جاهز

[@wasafat-sudaniya-lolo]

جاهز .. لكن لو ما متوفر عندك الافضل والاسهل تستخدمي ارز منقوع لمدة 3 - 4 ساعات.. تخلطيه في الخلاط نااااعم مع موية و تستعملية.. طحنه في البيت مزعج بالنسبة لي. شكرا على مرورك 🌹

[@magdataherahmed2650]

السلام عليكم اختي المقادير ماواضحه ممكن تكتبيها بتعليقات من جزيل الشكر

[@wasafat-sudaniya-lolo]

وعليكم السلام و رحمة الله.. بإذن الله اكتبها في صندوق الوصف. شكرا على مرورك الجميل

[@afafomer6342]

يا سلام كسرة تشهي تسلم ايدك. سؤالي لماذا اضفتي ماء مغلي عند العجن البعرفو انه إضافة الماء بخليها زي العصيدة

[@wasafat-sudaniya-lolo]

عشان الكسرة ما تتطلع ناشفة لازم شوية مديدة. و اضافة الموية المغلية بتخلي الطبقة الفوق من العجين زي المديدة او العصيدة زي ما قلتي. ودة حيختصر لينا خطوة عمل مديدة و اضافتها. لان الكسرة بتكون لينة و طرية بعدين. شكرا على مرورك 🌹

[@DinaAbuAlreesh-si1zz]

دقيق الذرة ده اسمو شنو بالانجليزي

[@wasafat-sudaniya-lolo]

@@DinaAbuAlreesh-si1zz sorghum flour

[@tawfiqahmed1228]

🌹

[@wasafat-sudaniya-lolo]

شكرا

[@randaibrahim6851]

مااشالله تبارك الله فيديو جميييل جدا... لكن إذا سمحتي نوع الصاج ده ياهو العادي بتاع السودان.. وجبتيهو من وين بلييز 😢 وسوؤال تاني علبة البيبسي دي مابتخدش الصاج؟؟

[@wasafat-sudaniya-lolo]

شكرا.. تسلمي رندا حبيبتي.. انا ما في السودان. فما عارفة اذا موجود في السودان زيه ولا لا.. وما بيتخدش لانه نوعه ثقيل. اذا عندك نوع صاج السودان بيقضي الغرض برضو.. اسعدني مرورك 💕

[@randaibrahim6851]

@@wasafat-sudaniya-lolo شكرا حبيبتي على الرد... انا برضو مافي السودان.. وعاوزه نوع صاج حلو... ممكن اذا سمحتي توريني من وين ده واكون شاكره ليك 😊😊

[@wasafat-sudaniya-lolo]

شوفي مكان يكون فيه منتجات الهندية لانه بيستعملوه لخبز الروتي.. لو انتي في دول الخليج بتلقيه موجود في مجمعات السعودية و اللولو. اسم الماركة راج Raj

[@الصباغةوالديكور-ك7ذ]

أجمل بصمة وردة تم أتمنى تيزورينى رقم 9

[@wasafat-sudaniya-lolo]

شكرا على مرورك.. موفق بإذن الله

[@الصباغةوالديكور-ك7ذ]

@@wasafat-sudaniya-lolo بتوفيق إنشاء الله

[@awadelrahman]

ههههه القرقريبة خطيرة... مرة كدا اشتقت للكسرة... قلت أجرب اعملها... ما لقيت غير بطاقة الجامعة عوست بيها... كانت أول واخر مرة اعوس كسرة... الغربة دي مؤلمة ياخ.. عوستنا الكسرة😂

[@wasafat-sudaniya-lolo]

بهدلة هي 🤕. الحمدلله.. الغربة ما يعرفها الا الجربها. بقينا بتاع كله. 😂 ربنا يصلح حال بلدنا و يرد غربتنا سالمين غانمين.. شكرا على مرورك الرائع 💕

[@فىامل-ذ1ح]

يعنى فى مليون حاجه تطلع منه قرقريبه😂😂😂م لقيت بطاقه الجامعه الحمدلله م وصلت المرحله حقت بطاقه الجامعه ده كان رجعت السودان بى موسيقى 😂😂

[@wasafat-sudaniya-lolo]

الحاجة ام الاختراع 😂.. اي حاجة تقضي الغرض.. في فترة كنت بستعمل قرقريبة مقطوعة من علبة الزبادي 🙄و الف عليها ورق فويل عشان الحرارة مع البلاستيك مشكلة.. غايتو لغوسة 😅 .. الحمدلله في ناس استحملوا نتعلم فيهم 😜 😂 شكرا على مرورك الجميل 💕

[@wasafat-sudaniya-lolo]

و يا حلوات اهم شيء في عمل الكسرة الصبر و الاصرار و عدم اليأس. و التمرين التمرين. ياما خربنا و ياما طلعت اقرب للقراصة من الكسرة 😂 و ياما اتلصقت في الصاج و ما قدرت اطلعها و لكن الصبر و العزم

[@halamohamed2474]

ماشاء الله كسرتك رهييييبه اديتيني اصرار ارجع اتعلم من تاني بعد مليت 😂😂

[@wasafat-sudaniya-lolo]

@@halamohamed2474 بس عاوزة صبر و عزيمة .. ما تيأسي ابدا من اي حاجة عاوزاها 😘. اتعلمنا بالطريقة الصعبة.. اصل ابن ادم يحب الشقاوة 😂