الكواليس الممنوعة من "أرابيسك".. عادل إمام كان بطله في الأول لكنه اتخانق مع مؤلفه انور عكاشة وطرده

Рет қаралды 2,380

3 ай бұрын

مسلسل أرابيسك كان هيبقى البطل بتاعه عادل إمام مكان صلاح السعدني لكن حصلت خناقة بين عادل إمام ومؤلف المسلسل أسامة أنور عكاشة، عادل طرده عشان أسامة قاله: أنا مش ترازي عندك يا عادل.. تبدأ الحكاية لما كان المؤلف أسامة أنور عكاشة في لقاء تليفزيوني وسألته المذيعة وقالت له: أنت أهم سيناريست في مصر دلوقتي في الدراما امتى هنشوفك تشتغل مع أهم ممثل في مصر وأغلى ممثل في مصر وهو عادل إمام، رد عليها أسامة أنور عكاشة وقالها: رمضان الجاي 1994 هيكون فيه مسلسل من تأليفي وبطولة عادل إمام.
وفعلا تاني يوم بعت أسامة أنور عكاشة كلم عادل إمام وقاله هبعتلك حلقات مسلسل أرابيسك مع صاحبي جمال عبد الحميد اللي كان وقتها لسه مبقاش مخرج والفنان شوقي شامخ ودول من شلتي، فعادل إمام قاله: خليهم يعدوا علي في مجمع التحرير أنا هناك بصور فيلمي الجديد.
وفعلا قابلهم عادل إمام وقالهم: هو أسامة مرشح مين يخرج المسلسل، رد عليه شوقي شامخ وقاله: إسماعيل عبد الحافظ، فرد عادل إمام وقال: اختيار كويس ده مخرج هايل.
وقعد عادل إمام يقرأ السيناريو قدامهم وقالهم: السيناريو ده ممتاز لكن قولوا لأسامة ان عادل عايز يغير كام مشهد عشان يوافق يمثل المسلسل ده، وفعلا نزلوا من عند عادل إمام وراحوا لأسامة أنور عكاشة.
وأول ما قعدوا مع أسامة أنور عكاشة قاله جمال عبد الحميد: بص عادل إمام طالب بعض التغيرات في السيناريو، أسامة أنور عكاشة وقتها اتنرفز وقالهم: هو عادل إمام فاكرني ايه هو انا شغال عنده أنا مش ترزي خلاص أنا مش هخليه يمثل المسلسل ده أنا هشتغل مع محمود عبد العزيز هيبقى أحسن منه في الدور ده.
وفعلا كلم أسامة أنور عكاشة محمود عبد العزيز اللي عجبه المسلسل جدا، لكن تاني يوم قرأ محمود عبد العزيز خبر أن عادل إمام أعتذر عن مسلسل أرابيسك ورفض يمثله ففورا كلم أسامة أنور عكاشة وقاله حاجة أسامة نفسه مكنش متوقعها.
#عادل_امام
#محمود_عبدالعزيز
#مسلسلات_رمضان